videsh yatra ka akarshan prachin kal se hi chala a raha hai. pahle vidya prapti ya dhan prapti ke lie hi videsh yatra ki jati thi. samay ke sath videsh yatra ka svarup bhi badla hai. ab vyakti ilaj ke lie ya sirf bhraman ke lie bhi videsh jate hain. kuch sarkari ya vibhagiya karya ke lie bhi videsh jate hain. videsh yatra kis prayojan se hogi, kab hogi, kis disha men hogi, kitne samay ke lie hogi, kya videsh men bas jane ka yog hai, adi kai prashn ajakal puche jate hain. in prashnon ke uttar dene ke lie kuch niyamon v yogon ka ullekh yahan kiya ja raha hai. yadi vyakti vidya prapti ke lie videsh jana chahta hai to panchmesh, navmesh v dvadshesh ke sanbandh ko dekhanege. yadi vyapar ya vibhagiya karya se videsh jana chahta hai to dashmesh v dvadshesh ka sanbandh hona chahie. yadi naukri ya ilaj ke lie videsh jana chahta hai to shashthesh ka sanbandh dvadshesh se hona chahie. yadi dhan kamane ke lie videsh jana chahta hai to dvitiyesh, ekadshesh v dvadshesh ka sanbandh hona chahie.
videsh yatra se sanbandhit karan, karyesh, lagnesh v dvadshesh ka sanbandh banne par videsh yatra hoti hai. videsh yatra ko bhi do hisson men banta ja sakta hai. pahla kisi karya vishesh ke lie jana aur dusra videsh mane jakar bas jana. videsh yatra ke kuch yog is prakar hai:
û lagnesh aur vyayesh ka sthan parivartan ho ya donon ki yuti ho, ya donon ka drishti sanbandh ho.
û lagnesh dvadash bhav men ho ya dvadash bhav men sthit grah se sanbandh ho.
û dvadshesh lagn men ho, ya lagnesh se sanbandh ho.
û panchmesh dvadash bhav men ho, ya dvadshesh se sanbandh ho.
û dashmesh dvadash bhav men ho, ya dvadshesh se sanbandh ho.
û shashthesh dvadash mane ho, ya dvadshesh se sanbandh ho.
û navmesh dvadash bhav men ho, ya dvadshesh se sanbandh ho.
û lagnesh v dhanesh navam bhav men char rashi men ho.
û lagn char rashi ka ho aur lagnesh bhi char rashi men ho aur lagn ko ya lagnesh ko char rashigat grah dekhte ho to jatak ke bhagya ka uday videsh men hota hai.
û rahu, shukra ya shani ka sanbandh dvadash bhav se ho.
û surya ki mahadsha men chandra ya ketu ki antardasha ho.
û mangal ki mahadsha men shukra ki antardasha ho.
û rahu ki mahadsha men rahu ki antardasha ho.
û shani ki mahadsha men shani ya mangal ki antardasha ho.
û ketu ki mahadsha men surya ya shani ki antardasha ho.
û dvadshesh ki mahadsha ya antardasha ho.
û dvadash bhav men sthit grahon ki dasha ya antardasha ho.
û dvadshesh ki mahadsha ho aur dvadash bhav men sthit grah ki antardasha ho to jatak videsh men jakar hi bas sakta hai.
videsh yatra ki disha: jo grah videsh yatra ka yog bana raha ho, un grahon se sanbandhit disha men hi videsh yatra ke yog bante hain. vibhinn grahon se sanbandhit dishaen is prakar hain:- surya - purva disha, chandra - uttar disha, budh - uttar disha brihaspati - uttar purva disha, shukra - dakshin purva disha, shani - pashchim disha, rahu, ketu - dakshin pashchim disha videsh yatra ka prayojn: jo grah videsh yatra ke yog bana rahe hain, ve grah kis-kis bhav se sanbandh rakhte hain, un bhavon se sanbandhit karyon ke lie hi videsh yatra hogi. videsh yatra ki avdhi: yadi videsh yatra ke yog banane vale grah sthir rashi men ho to yatra lanbe samay ke lie hogi. yadi videsh yatra ke yog banane vale grah char rashi men ho to yatra kam samay ke lie hogi. yadi lagnesh aur dvadshesh ka rashi parivartan yog ho ya donon ki yuti ho to jatak videsh men jakar hi bas sakta hai. yadi dvadshesh ki mahadsha men dvadash bhav men sthit grah ki antardasha ho to jatak videsh men jakar hi bas sakta hai.
udaharan kundliyan: kundli 1: jatak 6 agast 2001 ko vibhagiya karya ke lie videsh gaya. is jatak ko bataya ki tum 7 agast 2001 se 27 agast 2001 ke bich men videsh ja sakte ho, lekin jatak ki tikat 1 agast 2001 ki a gai. lekin vibhagiya karnon se vah tikat radd karani pari aur yah jatak 6 agast 2001 ko yu. ke. gaya. us jatak ki budh ki mahadsha men shukra ki antardasha, guru ki pratyantar dasha v shukra ki sukshm dasha thi. budh karmesh hokar ekadash sthan men aur ekadshesh dvadash bhav men baitha hai. lagnesh dhan bhav men hai.
jatak ka agla prashn tha ki mai yu. es.e. jaunga ya yu.ke. jaunga. mainne bataya ki ya to tum budh ki uttar disha men jaoge ya shukra ki disha dakshin purva men jaoge. chunki yu. ke. uttari dhruv ke pas hai islie yu. ke. jane ki sanbhavna hi banti hai. budh char rashi men hone se jatak 3 mahine men hi apna karya samapt karke svadesh laut aya. kanudli sankhya-2 ka jatak 15.8.1997 ko yu.es.e. ki yatra par vibhagiya karya se gaya. us samay shani ki mahadsha men shukra ki antardasha chal rahi thi. shani dvadash bhav men sthit hai aur shukra lagnesh hai.
6 agast 2001 ko yah jatak yu.ke. ki yatra par gaya. us samay shani ki mahadsha men chandra ki antardasha chal rahi thi. chandra karm bhav men hai jise mangal, budh, guru, surya v ketu dekh rahe hain. budh dhanesh v guru ekadshesh hai. kundli sankhya-3 ka jatak 24.8.2001 ko yu.es.e v 6.8.2001 ko yu.ke. gaya. us samay guru ki mahadsha men shukra ki antardasha chal rahi thi. guru karm bhav men hai aur ekadshesh aur dhanesh ko dekh raha hai. lagnesh vyay bhav men hai. kundli sankhya-4 ka jatak tin bar yu.ke. ki yatra kar chuka hai. do bar 11.1.1997 v 20.7.1997 ko shani ki mahadsha men shukra ki anrtadasha men aur tisri bar 6.8.2001 ko shani ki mahadsha men chandra ki antardasha ke samay. chandra dvadshesh hokar ekadash bhav men baitha hai. shashthesh, shani v karmesh shukra yuti navam bhav men hai. kundli sankhya 5 ka jatak 10.6.2001 ko yu.ke ki yatra par gaya.
us samay guru ki mahadsha men mangal ki antardasha chal rahi thi. guru ekadshesh hokar vyay bhav ko dekh raha hai aur vyayesh mangal lagn men hai. lagnesh v dvadshesh ki yuti hai. kundli sankhya 6 ka jatak 11.8.2001 ko yu.ke. ki yatra par gaya. us samay surya ki mahadsha men guru ki antardasha chal rahi thi surya v guru ki yuti chaturth bhav men hai. vyayesh guru ka sanbandh karmesh shukra ke sath bhi hai. lagnesh shani, guru, surya, chandra, ketu v shukra ko dekh raha hai. kundli sankhya 7 ka jatak disanbar 1995 men singapur ghumne ke lie gaya. us samay jatak ki guru ki mahadsha men budh ki antardasha chal rahi thi.
kundli mane lagnesh mangal ka vyayesh shukra ke sath drishti sanbandh hai. dhanesh guru ki yuti karmesh surya ke sath hai aur budh ekadshesh hokar vyayesh shukra yuti kar raha hai. kundli sankhya 8 ki mahila ka vivah videsh men base en.ar.ai. se farvri 1980 men hua aur navanbar 1980 men yah jatika videsh men jakar bas gai. us samay shukra ki mahadsha men ketu ki antardasha chal rahi thi. lagnesh budh aur vyayesh shukra ki yuti hai. ketu dvadash bhav men baitha hai. dvadshesh ki mahadsha v dvadash bhav sthit ketu ki antardasha men hi videsh men jakar bas gai. rahu v ketu ki disha nairritya kon hai. jatika yu.es.e. men rah rahi hai.