panv bole: kismat ke raj khole  

panv bole: kismat ke raj khole da. naresh kumar udasi manushya ke jivan ki disha aur dasha nirdharan men hathon ki tarah hi pairon ki bhumika bhi aham hoti hai. uske vyaktitva ka vikas ya ”as jis tarah hathon par nirbhar karta hai, kamovesh usi tarah pairon par bhi nirbhar karta hai. pairon ka akar, unka har bhag aur kon, rang, ushnata, anguthe, ungliyan aur unmen vidyaman vibhinn chihn jahan ek or manushya ke purva janm aur atit men ghatit ghatnaon ka udghatan karte hain, vahin dusri or bhavishya ke garbh men chipi ghatnaon ka raj bhi kholte hain. kisi jatak ya jatka ke daen pair ke vishleshan se uske atit aur us par purush prabhav ka pata chalta hai, jabki baen pair ke adhyayan se uske vartaman aur us par stri prabhav ki jankari milti hai. jis tarah manushya ke sanvegon, bhavnaon, anubhutiyon adi ka sanbandh sharir ke anya vibhinn bhagon se hota hai, usi tarah in sabka jurav pairon se bhi hota hai. aise anek udaharan hain jinke jatak apne pairon ke shubh aur anukul chihnon ke bal par saflta ke shikhar par pahunche hain, jabki iske viprit jinke pairon ke chihn anukul nahin the, unhen shikhar par hote hue bhi patan ki gahraiyon men jate der nahin lagi. yahan kuch aise logon ke pairon ke akar, rang, chihnon adi ka vishleshan prastut hai, jo aj apne apne kshetra men saflta ke shirsh par hain. indaur ke ek traivel kanpni ke svami tatha 23 march ko indaur men hue tritiya anantarrashtriya jyotish evan vastu sammelan ke sanrakshak pan. shriram sharma ke daen pair ka hai. ismen bhagyarekha tatha bara dhvaj donon chote tripund se jure hue hain. pahla tripund chihn bhagyarekha se jura hua hai. ismen madhyarekha aur guru tatha shani ka trishul chihn bhi hai. in sare shubh chihnon tatha unki shubh sthitiyon ne shri sharma ko vyavsay ke kshetra men saflta ke shirsh par pahunchaya. udasi sanpraday ke prayag sthit akhare ke mahant shri shri shankrdas udasin ka hai. ismen paeint nan. 1 par uttam paùchihn tatha paeint nan. 2 par guru aur shani ke niche shubh sukshm rekhaen hain. paeirat nan. 3 par ek bara matsya tatha paeint nan. 4 par bara dhvaj chihn hai. in sare shubh chihnon ke karan mahant ji atyant saumya tatha karuna ke sagar hain jinhen ghamand chu tak nahin gaya hai. udasi sanpraday ke prayag akhare ke hi ek anya mahant shri shri maheshvar das udasin ka hai. ismen paeint nan. 1 par guru aur shani ka hirak chihn, paeint nan. 2 par shani ke sthan par hirak chihn, paeint nan. 3 par hirak chihn ko sparsh karti rekha aur paeint nan. 4 par sundar ghari ki disha men ghumti sukshm rekha ka chakra hai jo age barhakar mahadev ke pind ke akar ka ho gaya hai. paeint nan. 5 par bare dhvaj tatha uske niche paeint nan. 6 par chah rekhaon se bane tare ka chihn hai. iske atirikt paeint nan. 7 par shubh svastik chihn hai. in shubh chihnon karan hi jatak is mahatvapurn sthan par pahunchne men safal rahe. ek sadhvi ke pair ka hai. is pair ke chihn sanket dete hain ki ismen rajyog hai. ismen paeint nan. 1 par ankit anguthe par tatha paeint nan. 2 par guru ke sthan ke niche paùchihn, hai. iske atirikt paeint nan. 3 par guru ki ungli tatha paeint nan. 4 par shani ki ungli par aur paeint nan. 5 par shani tatha guru ke parvat ke niche sukshm rekhaon ke chihn hain. sath hi paeint nan. 6 par dhvaj chihn tatha paeint nan. 7 par ek bara matsya chihn hai. ye sare chihn rajyog ke suchak hain. inhin shubh chihnon ke karan sadhvi men sabhi satvik gun vidyaman hain. is tarah in tathyon se yah bat spasht ho jati hai ki kisi vyakti ke safal ya asafal hone men hathon ki rekhaon, chihnon adi ki tarah hi pairon ki rekhaon, chihnon adi ki bhumika bhi aham hoti hai. ye chihn yadi shubh hon, to jatak ka jivan samriddh aur sukhi hota hai, par yadi ashubh hon, to uski unnati ke marg men badhaen ati hain aur use vanchit saflta nahin mil pati.