jab se sansar men sabhyata ka vikas hua tab se hi pratyek manushya ke man men bhavishya ko janne ki jigyasa ka bhi janm hua. parin aamtah bhavishya falakathan ki kai paddh tiyon ka bhi janm hua. koi grah nakshatra ko adhar man kar bhavishya kathan karta hai to koi hath ki rekhaon ko dekhakar, kisi ne ankon ka sahara liya to kisi ne matha ya chehra dekh kar hi bhavishya kathan kar dala. falakathan ki paddhati koi bhi ho lekin lakshya sabka ek hi hai -bhavishya fal kathan.
hamare maharshiyon ne apne anubhvon aur anusandhanon ke adhar par hi in sabhi paddhatiyon ka nirman kiya. isi tarah ek bahut hi purani paddh ti hai jise panch pakshi bhavishya kathan paddhati kaha jata hai jo apne ap men purn hai. is paddhati ke adhar par har prakar ki bhavishyavani ki ja sakti hai.
chahe vah vyakti vishesh ki ho ya anya koi jigyasa har prakar ke fal kathan men yah paddhati sakshm hain. bhavishya kathan ki paddhati koi bhi ho sab men ek bat samanya hai ki sabhi men grahon ke adhar par hi fal kathan kiya jata hai.
jyotish arthat kundli to grahon par adharit hai hi, hast rekha vigyan, ank jyotish, samudrik shastra adi bhi navagrahon ko hi adhar manakar fal kathan karte hain. isi prakar panch pakshi paddhati ka adhar grah evan nakshatra hi hanai.
prashna: panch pakshi paddhati men panch pakshi se kya abhipray hai ?
uttara: panch pakshi arthat panch pakshi. pachan pakshiya ne ki gatividhiya ne ko adhar man kar falakathan ki paddhati ko panch pakshi ka nam diya gaya hai.
prashna: yah panch pakshi kaun-kaun se hain ?
uttara: ye hain- giddh, ullu, kaua, murga aur mor.
prashna: ye panch pakshi falakathan men kis tarah se sahayak hote hain ?
uttara: pratyek jatak ka ek janm pakshi hota hai jo inhin panch men se ek hota hai. usi pakshi ko adhar man kar jatak ke har pahlu ke prashnon ke uttar die ja sakte hain.
prashna: kis jatak ka janm pakshi kaun sa hai yah kaise jana jata hai?
uttara: pratyek jatak ke janm samay chandra jis nakshatra men rahta hai, usi nakshatra ke adhar par jatak ke janm pakshi ka nirdharan kiya jata hai.
prashna: nakshatra ke adhar par janm pakshi kaise nirdharit karte hain ?
uttara: jyotish ke siddhant ke anusar rashi chakra ko 27 nakshatron men vibhakt kiya gaya hai. panch pakshi paddhati men pratyek pakshi kisi n kisi nakshatra ka pratinidhitva karta hai jo shukla paksh aur krishn paksh par adharit hai.
jatak ka janm jis nakshatra aur paksh men hota hai, usi ke adhar par pakshi ka nirdharan kiya jata hai. jaise man len jatak ka janm jyeshtha nakshatra aur krishn paksh men hua, to uska janm pakshi murga hua aur yadi janm jyeshtha nakshatra aur shukla paksh men hua to jatak ka janm pakshi ullu hua.
prashna: kis paksh men kis nakshatra ka pratinidhitva kaun sa pakshi karta hai?
uttara: shukla paksh men 1 se 5 nakshatra ka pratinidhitva giddh karta hai, 6 se 11 ka ullu, 12 se 16 ka kaua, 17 se 21 ka murga aur 22 se 27 ka mor.
prashna: kya janm pakshi jatak ko hamesha shubh fal deta hai?
uttara: ismen koi shak nahin ki jatak ka janm pakshi uske lie shubh faldayi hota hai, lekin har samay ek sa nahin hota arthat kabhi samay achcha to kabhi kharab hota hai. yah jatak ke janm pakshi ki gatividhi par nirbhar hota hai.
yadi janm pakshi shubh gatividhi men ho, to jatak ka samay shubh hoga arthat har karya men saflta aur yadi gatividhi ashubh ho to asflta milegi.
prashna: janmapakshi ki gatividhi se kya abhipray hai?
uttara: panchon pakshiyon men se pratyek pakshi ki panch gatividhiyan mani gai hain jo is prakar hain: bhojan karta, bhraman karta ya chalta, netritva karta ya shasan karta, soya , mara hua ya shav avastha. pratyek pakshi pratidin in panch gatividhiyane arthat avasthaon se gujrta hai.
in panch gatividhiyon men sab se adhik takat shasan, usse kam chalne ya karya karne, us se kam bhojan karne, usse kam sone aur sabse kam takat arthat shunya shav ki avastha men hoti hai. maran avastha ashubh aur shasan avastha sabse shubh mani gai hai.
prashna: kya janm pakshi ki janm kalin gatividhi ke anusar jatak ko bhavishya men fal milta hai ?
uttara: han, yadi janm pakshi janm ke samay shasan ki gatividhi men ho, to jatak jivan bhar har prakar ke sukh asani se prapt karega, kintu yadi pakshi mrit avastha men ho, to jivan bhar sangharsharat aur sabhi sukhon se vanchit rahega.
prashna: yadi kisi jatak ko apna janm samay malum n ho to uska janm pakshi kaise gyat karenge ?
uttara: yadi kisi jatak ko apni janm tarikh, samay, sthan nahin malum ho to uske namakshar ke adhar par janm pakshi gyat kiya ja sakta hai. pakshi ke chayan ka yah karya hindi varnamala ke aksharon ke adhar par kiya ja sakta hai.
prashna: ye panch pakshi pratidin kis tarah se karya karte hain?
uttara: pratyek din ko do bhagon men banta gaya hai, surya uday se surya ast tak aur surya ast se agami surya uday tak arthat din aur rat. fir din aur rat ko panch -panch bhagon men banta gaya hai.
is prakar pratyek bhag 2 ghante aur 24 minat ka hua jise yam ki sangya di gai hai. panch pakshi pratyek bhag men apni kisi n kisi gatividhi men rahte hain arthaat koi pakshi maran avastha men rahta hai, koi sone ki avastha men, koi bhojan kar raha hota hai, koi bhraman kar raha to koi netritva ya shasan kar raha hota hai.
jaise shukla paksh men ravivar ki pratah 6.00 baje se 8.24 tak giddh bhojan karta hai, isi kal men ullu bhraman karta hai, kaua shasan karta hai, murga sota hai aur mor mara hua hota hai. isi prakar agami avdhiyon men arthat 8‑24 se 10.48 tak, 10.48 se 1.12 tak , 1‑12 se 3.36 tak, 3.36 se 6.00 tak pratyek pakshi kisi n kisi gatividhi men rahta hai.
ratri kal men bhi avdhi ke anusar pakshi apni kisi n kisi gatividhi ko jari rakhte hain. har 2 ghante 24 minat ki gatividhi ko pakshi ki mukhya gatividhi kaha jata hai. lekin is 2 ghante 24 minat ki avdhi men har pakshi apni sab gatividhi ko bhi karta hai.
arthat 2 ghante 24 minat ko bhi panch bhagon men bant kar pratyek pakshi ki gatividhi paksh ke anusar nirdharit ki gai hai. thik usi tarah jaise dasha aur fir antardasha adi ko jyotish men liya gaya hai.
shukla paksh men din aur rat men pratyek pakshi ki gatividhi ka samay is prakar nishchit kiya gaya hai. din ke samay arthat surya uday se surya ast tak pakshi ke bhojan ki avdhi 30 minat, bhraman ki 36, shasan ki 48 sone ki 18 aur maran ki avdhi 12 minat mani gai hai.
isi tarah ratri kal arthat surya ast se agami surya uday tak pakshi ke bhojan ki avdhi 30 minat, shasan ki 24 mara rahne ki 36, bhraman karne ki 30 aur sone ki avdhi 24 minat mani gai hai. i
s prakar ye pakshi apni avdhi ke anusar mukhya gatividhi aur apni sab gatividhi men din aur rat karya karte hain jiske anusar yah jana ja sakta hai ki jatak ke lie kaun sa samay shubh aur kaun sa ashubh hoga.
prashna: kisi bhi jatak ke shubh aur ashubh samay ko kaise janen?
uttara: sarva pratham jatak ke janm nakshatra ke anusar jatak ka janm pakshi nikal len. jis var ka shubh aur ashubh samay janna chahte hain, sarni ke anusar us pakshi ki gatividhi ko janen. gatividhi ke anusar jatak ka shubh aur ashubh samay a jaega. arthat yadi pakshi maran ya soi hui gatividhi men ho, to yah ashubh mani jati hai. bhraman aur bhojan samanya aur shasan gatividhi ati shubh mani jati hai.
prashna: kya panch pakshi paddhati se var vadhu milan bhi kiya ja sakta hai?
uttara: panch pakshi paddhati var vadhu milan karne men bhi sakshm hai. yadi var vadhu donon ke janm pakshiyon men apas men mitrata ho to milan uttam hota hai.
prashna: kaun pakshi kisi se mitrata aur kisi se shatruta rakhta hai yah kaise janen?
uttara: pakshiyon men apsi dosti unke svabhav par nirbhar karti hai lekin fir bhi yah shukla paksh aur krishn paksh ke anusar badal jati hai. jaise shukla paksh men giddh, mor aur ullu se mitrata rakhta hai aur kaue aur murge se shatruta. vahin krishn paksh men giddh , mor aur kaue se mitrata aur ullu aur murge se shatruta rakhta hai.
isi prakar ullu shukla paksh men giddh aur kaue se mitrata aur murge aur mor se shatruta aur krishn paksh men kaue aur murge se mitrata tatha giddh aur mor se shatruta rakhta hai. kaua shukla paksh men murge aur ullu se mitrata aur giddh aur mor se shatruta tatha krishn paksh men giddh aur ullu se mitrata aur mor aur murge se shatruta rakhta hai.
murga shukla paksh men ullu aur mor se mitrata aur giddh aur ullu se shatruta aur krishn paksh men mor aur ullu se mitrata aur giddh aur kaue se shatruta rakhta hai. mare shukla paksh m ne giddh aur murge se mitrata aur ullu aur kaue se shatruta tatha krishn paksh men mor, giddh aur murge se mitrata tatha ullu aur kaue se shatruta rakhta hai.
prashna: panch pakshi paddhati kaise-kaise bhavishya kathan men saksham hai ?
uttara: panchapakshi paddhati sabhi prakar ke bhavishya kathan ke lie upyukt hai iski sahayta se jahan pratidin ka shubh aur ashubh samay jana ja sakta hai vahin yatra ka muhurt bhi nikala ja sakta hai. isi prakar yah prashnon ke uttar dene men bhi saksham hai.
prashna: prashnon ke uttar dene ke lie panch pakshi paddhati men kin baton par dhyan dena chahie ?
uttara: is paddhati men prashnon ke uttar dene ke lie pakshiyane ki gatividhiyane, unke apsi sanbandh aur dishaon par vishesh dhyan dena chahie.
prashna: pakshiyon ka dishaon se kya sanbandh hai?
uttara: panchon pakshi paksh ke anusar apni gatividhiyan kisi khas disha men karte hain. jaise shukla paksh men giddh purva men bhojan, dakshin men bhraman aur pashchim men shasan karta hai tatha uttar men sota hai aur uttar purva men marta hai.
ullu: dakshin men khata hai pashchim men bhraman aur uttar men shasan karta hai purva men sota aur dakshin pashchim men marta hai.
kaua: pashchim men khata hai, uttar men bhraman purva men shasan karta hai aur pashchim dakshin men sota aur marta hai.
murga: uttar men khata hai, purva men bhraman aur dakshin men shasan karta hai, dakshin pashchim men sota aur uttar pashchim men marta hai.
mor: uttar men khata hai, dakshin m ne bhraman aur pashchim m ne shasan karta hai, dakshin pashchim men sota hai aur purva men marta hai. krishn paksh men dishaon men antar a jata hai.
prashna: yadi prashn bachche ke janm se sanbandhit ho to panch pakshi paddhati se kaise bataenge?
uttara: jis vakt prashn pucha gaya ho yadi us vakt jatak ka janm pakshi yadi shasan ya bhojan karne ki gatividhi men ho to janm lene vala balak hoga aur yadi janm pakshi bhraman ya supt gatividhi men ho to janm lene vali balika hogi aur yadi janm pakshi maran gatividhi se sanbandhit ho to janm lene vala mara ho sakta hai.
prashna: yadi prashn khoi hui vastu ka ho to panch pakshi paddhati ka prayog kaise karenge?
uttara: prashn ke vakt yadi janm pakshi bhojan karne ki gatividhi men ho to samjhna chahie ki khoi hui vastu ghar par hi hai. yadi bhraman gatividhi men ho to samjhen ki vastu kisi ne churai hai aur use kisi dur sthan par le gaya hai.
yadi janm pakshi shasan gatividhi men ho to samjhna chahie ki vastu paros ke ghar men hai. yadi soi gatividhi men ho to iska arth hai ki vastu ghar men ane vale kisi vyakti ne churai hai aur use dur le gaya hai. vahin yadi maran gatividhi men ho to khoi hui vastu ke milne ki koi sanbhavna nahin hai.
khoi hui vastu ka milna ya n milna janm pakshi ki gatividhi ke atirikt prashn ke samay jo pakshi shasan gatividhi men ho us par nirbhar karta hai. yadi pakshi giddh, ullu ya kaua ho to khoi hui vastu mil jaegi aur yadi murga ya mor ho to khoi hui vastu ke milne ki sanbhavna nahin rahti.
if you are facing any type of problems in your life you can consult with astrologer in delhi