agni tatva rashi pancham bhav men surya ka fal  

agni tatva rashi pancham bhav men surya ka fal acharya kishor pan cham bhav ko trikon kaha gaya hai. lagn kendra se prabhavit hota hai. kendra ke vishleshan se manushya ke sharirik shakti, shram ki kshamata, karya, buddhi evan gyan ke bare men pata chalta hai. trikonasth grah ka prabhav lagn ke prati adhik ho sakta hai. paroksh rup se bhagya vriddhi, kie gae karyon ka fal adi lagn ko kaise prabhavit karta hai vah sab trikon se pata chalta hai. mangal kendra men adhik balvan hota hai. uski sthiti lagn ko alag tarah se prabhavit karti hai. prakritik shubh grah budh, shukra aur guru trikon men hon to sadbuddhi dete hain. in grahon ki is sthiti se jatak satakarm karta hai. surya vigyan jagat men samast gyan ka adhar hai. uske shubh prabhav se manav svatah gyan ka labh prapt karta hai. pap drishti se rahit panchamasth surya balvan ho, to gyan, buddhi, vivek, saubhagya, daivi kripa adi ka labh deta hai. pancham bhav se santan, gyan, mantra, punya, karm aur pragya ka vichar kiya jata hai. pashchatya jyotishiyon ke anusar is bhav se daihik sukh, sneh, amod-pramod, shayanakaksh adi ka vichar kiya jata hai. kalpurush ki kundli men is bhav se kamar, hriday adi ka vichar kiya jata hai. pancham bhav manen surya aksar ek putra deta hai aur prayah pratham santan ka nash karta hai. parantu ek putra avashya deta hai. fir bhi santan bhav ke svami aur pancham sthan par shubh grah ki drishti hone ke karan yah dosh nahin rahta. kanya santan ke lie ashubh nahin hota. balvan budh se sanbandh ho to jatak ki buddhi prakhar hoti hai. sadharntya pancham bhavasth surya sneh, priti, amod-pramod evan sansarik sukh ke prati akarshit karta hai. kintu shukra aur shani se sanbandh hone par iske viprit fal deta hai arthat usmen kami karta hai. iske falasvarup jue, sattebaji, laetri adi men nuksan hota hai kyonki surya ek saumya grah hai, islie dusre grahon ka prabhav is par adhik parta hai. budh evan shubh grah ke sanbandh se adhik shubh fal ki prapti hoti hai. pancham bhav men mesh rashi men surya ke hone se jatak bhagvan vishnu ka bhakt hota hai. uski santan kam hoti hai. pratham santan ke nasht hone ka bhay rahta hai. parantu jo santan bachti hai uska bhavishya achcha rahta hai. jatak anek shastron ka gyata hota hai. vah mahatvakankshi aur parishrami hota hai. use siddhi ki prapti hoti hai. samaj men sammanit pad ki prapti bhi hoti hai. vah vakpataf hota hai. mangal ke sath yuti ya drishti sanbandh ho to jatak kshamatavan, dhani v samriddh hota hai. yadi guru se sanbandh ho to dhan ke sath-sath uttam santan ki prapti bhi hoti hai. jatak gyani aur lokapriya hota hai tatha sangathan aur punya ke karya karta hai. yadi shukra ka sanbandh ho to vah dhani, bhogi aur vishyasakt hota hai. kintu usmen prakritik gyan ka abhav hota hai. shani se yuti ya drishti sanbandh ho to vah vivad men uljha aur sharirik pira se grast rahta hai kintu satkarm men badha ati hai. kundli san. 1 bharat ke purva rakshamantri sva. vi. ke. krishn menan ki kundli hai. ismen agni tatva rashi mesh men surya shukra ke sath hai. dhanu lagn ke lie shukra shashth evan ekadash bhav ka svami hai aur prakritik shubh grah hone ke karan ashubh hai. surya aur shukra donon par shani ki drishti hai. madras presidensi kaelej se bi.e. ki digri prapt karne ke bad sva. menan ne sva. eni besent ki hom rul lig sanstha men karya kiya. kintu shani ki drishti ne unhen adhik din tikne nahin diya. age chalakar videsh men uchch shiksha prapt kar unhonne khyati arjit ki. chaturth bhav ka svami uchchasth hokar chaturth bhav ko purn drishti se dekh raha hai. bhagya bhav ke svami surya ke pancham men uchchasth hone ke karan vah tivrabuddhi evan gyani the. parantu santan bhav aur kamjor shukra par shani ki drishti ke karan vah avivahit rahe. is kundli men sabse adhik balvan grah brihaspati hai. brihaspati lagnadhipti hai islie lagn bhi balvan hai. parantu lagn, chaturth, saptam, dasham kendra sthan men koi grah nahin hai. lagn par kisi shubh grah ki drishti nahin hai islie guru lagn ka svami hate hue bhi brihaspati lagn ko apekshit bal nahin de saka. kisi jyotishi ne likha hai ki balvan lagn ho ya sabse adhik balvan grah ya dasham bhav se jatak ka karm jivan nirdharit hota hai. sva. krishn menan ki kundli men pancham bhavasth uchch ka surya balvan hai. islie unke karm jivan men yash, kirti aur shakti ka sanbandh dekhne ko milta hai. kundli men uchch ke surya ki sthiti ke atirikt kai aur rajyog hone ke karan unhonne bharat ke bahar bhi khyati prapt ki. charon char rashiyon men surya, brihaspati, shani evan chandra vidyaman hain aur surya, brihaspati tatha shani uchchasth hain. in yogon ke falasvarup jatak ko uchch koti ka samman evan pad prapti hui aur vah bharat ke raksha mantri bane. kundli san. 2 ek stri ki kundli hai jismen pancham bhav men surya aur budh kramshah bhagyesh aur karmesh hain aur un par shani ki drishti hai. pancham bhav men uchchasth surya ek putra ka sanket deta hai parantu is jatka ke do putra hue aur donon daektar hue. fir bhi jatka ko ek putra se hi sukh mila. shani ki drishti aur putrakarak grah guru ki pancham se ashtam men sthiti ke karan dusre putra ne sukh nahin diya. panchmesh mangal apne bhav se dvadash aur vrishchik rashi se pancham bhav men sthit hai, parantu guru evan mangal ka parivartan yog hai. chandra kundli se surya aur budh saptam aur panchmesh shani dasham bhav men hai. navansh kundli men surya ke nich rashi men hone ke karan ek putra ka sukh hi unke karm jivan men yash, kirti aur shakti ka sanbandh dekhne ko milta hai. kundli men uchch ke surya ki sthiti ke atirikt kai aur rajyog hone ke karan unhonne bharat ke bahar bhi khyati prapt ki. charon char rashiyon men surya, brihaspati, shani evan chandra vidyaman hain aur surya, brihaspati tatha shani uchchasth hain. in yogon ke falasvarup jatak ko uchch koti ka samman evan pad prapti hui aur vah bharat ke raksha mantri bane. kundli san. 2 ek stri ki kundli hai jismen pancham bhav men surya aur budh kramshah bhagyesh aur karmesh hain aur un par shani ki drishti hai. pancham bhav men uchchasth surya ek putra ka sanket deta hai parantu is jatka ke do putra hue aur donon daektar hue. fir bhi jatka ko ek putra se hi sukh mila. shani ki drishti aur putrakarak grah guru ki pancham se ashtam men sthiti ke karan dusre putra ne sukh nahin diya. panchmesh mangal apne bhav se dvadash aur vrishchik rashi se pancham bhav men sthit hai, parantu guru evan mangal ka parivartan yog hai. chandra kundli se surya aur budh saptam aur panchmesh shani dasham bhav men hai. navansh kundli men surya ke nich rashi men hone ke karan ek putra ka sukh hi guman- samman sab kuch mila. yadi guru ki drishti pancham bhav par hoti, navansh kundli men surya nich ka nahin hota aur shani ki drishti pancham bhav men surya par nahin hoti, to jatka ko donon putron ka sukh milta. tatparya yah hai ki yadi pancham bhav men surya balvan ho aur panchmesh bhi balvan ho to jatak uchch padasth hota hai. is yog ke kai aise log hain jo mantri bane hain - adhik parhe likhe n hone par bhi prashasak bane hain. is jatka ki kundli men bhi yahi hua hai. kam parhi likhi hone ke bavjud unhen sab sukh prapt hue. yadi surya pancham bhav men agni tatva rashi men ho to jatak kam santan vala hota hai. sinh rashi ke sthir rashi hone ke karan santan dirgh ayu hoti hai aur use khyati milti hai. jatak uchch padasth hota hai aur rajkarya athva svatantra vyavsay se dhan kamata hai. vah sabse sneh aur priti karta hai aur badle men use bhi logon se sneh aur priti milti hai. vah amod-pramod priya aur vyapar men agrani hota hai. dharm anushthan men uski gahri ruchi hoti hai. vah adanbarapriya nahin hota. uske karya se sabhi prasann rahte hain jiske falasvarup use samaj men man-samman milta hai. har vyakti use vishesh vyakti samjhta hai. pancham bhav men svarashisth surya yadi guru se yut ya drisht ho, to jatak bhagyavan evan khyati prapt hota hai. shukra ki yuti patni ke svasthya ko kharab karti hai kyonki shukra ke sath hone se stri ko dirgh jivan nahin milta. jatak dusri stri ke prati akarshit hota hai. yadi budh se sanbandh ho, to santan der se hoti hai. jatak parhne likhne men agrani hota hai. shani se sanbandh hone par bhi santan vilanb se hoti hai ya santan ki kami mahsus karta hai. kabhi-kabhi murkh, vivekhin aur apmanit hota hai. log uske piche uski alochna karte hain. mangal se yut ya drisht hone par santan par vipatti ati hai. adhik gyan n hone par bhi logon ke samne gyani ban kar rahta hai. yadi rahu se sanbandh ho, to santan murkh ya hin prakriti ki hoti hai. chandra ke sath yuti ya drishti sanbandh ho to mata ki hani hoti hai. jatak dhani, gunvan, saral, shant aur namra hota hai kintu santan ke lie yah yog nuksandeh ho sakta hai. kundli san. 3 men pancham bhav men surya sinh rashi men chandra, mangal aur budh ke sath tatha guru ki drishti men hai. islie jatak matrihin aur kanyahin hai. parantu uske tin putra hain. mangal aur budh santan ke lie ashubh hone par bhi svagrihi surya aur guru ki drishti ke karan shubh fal de rahe hain. is lagn ke lie chandra karak hai. chaturth ka svami hokar pancham bhav men, mangal lagnesh hokar pancham trikon men hai. panchmesh surya pancham bhav men hai aur budh napunsak grah hone ke karan surya, chandra aur mangal ke hi fal de raha hai. guru ki drishti ne santan bhav ko balvan banaya hai. kisi pap grah ki drishti nahin hai. islie jatak gyani, shant, saral svabhav aur lokapriya hue. lagn men guru aur shani ki yuti aur kai grahon ke sath sthit surya par guru ki drishti ke karan paryapt lokapriyata mili kintu adhyatmik kshetra badhit raha. kundli san. 4 men agni tatva lagn mesh aur agni tatva rashi sinh men surya, budh aur mangal ke karan pancham bhav atyadhik balvan hai, kyonki is lagn ke lie lagnesh mangal agni tatva grah hote hue agni tatva rashi sinh men sthit hai. chandra bhi sinh rashi men sthit hai jo karak hai. agni tatva grah surya karak hokar sinh rashi men sthit hai arthat lagnesh mangal, chaturth bhav ka svami chandra aur panchmesh surya tinon pancham bhav men jabaradast rajyog bana kar sthit hain. surya, mangal aur amavasya ke chandra tinon pap grahon ke sath-sath budh bhi papi hai aur us bhav par koi shubh drishti bhi nahin hai. sath hi uchch ka shani karmesh hokar dasham se dasham saptam bhav men sthit hai. vah guru ki drishti men hai. bhagyesh guru ki bhagya bhav par hai. dasham kendra sthan men rahu shani ke ghar men balvan hai. sukh bhav ka karak shukra sukh bhav men shani ki drishti men sthit hai. kul milakar kundli balvan hai. parantu agni tatva rashi pancham bhav ke prabhav ke karan jatak ko mantri pad mila. vah maerishas men grih mantri rahe aur aj bhi virodhi dal ke neta hain. agni tatva rashi ke atirikt yadi ye sab grah kisi anya rashi men hote to vah itne prabhavshali vyakti nahin hote. unki vivek shakti, lok sanpark aur gyan itna prabal hai ki log unhen dekhte hi prabhavit ho jate hain. pancham bhav se ye char grah ekadash bhav ko dekh rahe hain. islie jatak ko atyadhik dhan ki prapti hui. surya ki mahadsha men varsh 1984 men 31 sal ki ayu tak mantri pad mil chuka tha aur chandra ki mahadsha men varsh 1994 tak barabar rajniti men sakriya mantri rahe. parantu mangal ki mahadsha men kuch utar-charhav aya fir bhi loksbha men vijyi rahe. rahu ki dasha men hi aur vartaman samay men rahu-shani ki dasha men sarhe sati shani ke karan har hui. fir bhi janta ki prashansa milti rahi. janta ke bich man-samman mila. sarhe sati shani ke pashchat dasham ka rahu unhen pradhanmantri bana sakta hai kyonki 90 ka rahu aur uttarasharha nakshatra men svami surya is lagn ke lie karak hokar apni mul trikon rashi men agni tatva rashi men pancham bhav men sthit hai. in grahon ke alava shani saptam kendra sthan men uchch ka panchmhapurush yog bana raha hai aur us par guru ki drishti bhi hai. is kundli men sinh rashi pancham bhav men char grah agni tatva rashi men balvan hain. yah yog unhen kabhi bhi rajniti se alag nahin karva sakta. rahu aur guru ki mahadsha ka kal bhi jivan ka uttam samay sabit hoga. agni tatva rashi dhanu pancham bhav men surya hone par santan ka sukh alg-alag prakar ka hota hai. yah yog santan to deta hai parantu santan ka sukh bhi de yah avashyak nahin kyonki surya santan ko kharab bhi kar sakta hai. kintu yadi pap grah ki drishti ho, to uski parhai-likhai v pragya shakti men atyadhik vriddhi karvata hai. vah dusron ko salah dene men pravin hota hai kyonki yadi dhanu rashi men surya ho aur pancham bhav ho to jatak gyani, pandit, spashtavadi, buddhiman, mantriyon ko updesh dene vala, nishpaksh aur karmayogi hota hai. vah apne priyajnon se ghanishth sanbandh banae rakhne vala hota hai. bahri logon se bhi uska sanbandh achcha rahta hai. pratishthit vyakti uski kadar karte hain. un logon se use fayda bhi milta hai. yadi surya ke sath chandra ho, to jatak gupt karm men mahir hota hai kintu adhik dhan kamane ke bavjud vah kanjus hota hai. yadi mangal ke sath yuti ya drishti sanbandh ho, to santan ke lie haniprad hota hai - visheshakar putra santan ke lie. jatak ko bhusanpatti ka paryapt labh milta hai. vah bhagyavan to hota hai parantu ugra svabhav ke karan uske bahut se shatru hote hain. janta ke bich lokapriyata, prabal antajrnyan shakti aur vilakshan pratibha ke karan uske shatru usse jalte hain. yadi budh ke sath sanbandh ho to buddhi kaushal ke karan vah har karya men safal hota hai. kintu yadi shani ke sath sanbandh ho to jivan shakti men hras hota hai. jatak niahsantan hota hai ya santan murkh ho sakti hai. kundli san. 5 uttar pradesh ke purva mukhyamantri shri kalyan sinh ki hai. is kundli men agni tatva rashi dhanu men pancham bhav men surya evan budh sthit hain. agni tatva lagn men agni tatva grah mangal ke sath ketu aur agni tatva rashi mesh men chandra bhi hai. islie jatak ke svabhav men ugrata hai. is yog ka jatak krodhi, badle ki bhavna vala, nidar aur manjil tak pahunchne vala hota hai. tatparya yah ki agni tatva rashi men agni tatva grahon ka prabhav jitna adhik hota hai utna dusri rashiyane men nahin hota. is kundli men pancham bhav men budhaditya yog hai. chaturth evan bhagya ka svami mangal lagn men chandra se trikon sthan men surya se bhagya sthan men virajman hai. navansh kundli men mangal svagrihi vrishchik rashi men, chandra sinh rashi men aur adhik balvan hokar sthit hain. parantu navansh men nichasth surya, nichasth guru aur nichasth shani ne jatak ko jitna upar uthaya, utna hi niche bhi giraya. dhanu rashi pancham bhav men surya lagnesh hokar vidya, anrtagyan shakti aur paramarsh ki paryapt kshamata di kyonki vah guru se kendra men hai. parantu putra moh ke karan kuch badnami bhi mil sakti hai kyonki bhav chalit men budh evan shukra pancham bhav men hain. surya evan shani chathe bhav men hain. mangal evan guru dvitiya bhav men hain. in grahon ki sthiti men parivartan ke karan agni tatva rashi men surya k prabhav men kafi kami a gai hai. isi tarah lagn se saptam bhav men prakritik pap grah rahu aur chathe bhav men saptamesh shani ki sthiti ke falasvarup patni ya dusri stri ke karan badnami mili hogi. fir bhi kai rajyogon ke karan rajniti men apna mahatva banae hue hain. yadi chandra lagn se dekha jae to kendra trikon men adhik grah hone ke karan jatak antim samay tak balvan rahenge. jahan tak agni tatva rashi men dhanu rashi men surya ke fal ka prashn hai, jatak apne karm jivan men samy-samay par apni shakti dikhate rahenge aur girte bhi rahenge kyonki dashmansh kundli men budh balvan hai. lagn ke dasham bhav ka svami tula rashi men svagrihi hai. dashmanash men uchch ka hai aur navansh men dasham bhav men shukra evan rahu balvan hain. janm se 23 sal ki umra tak jatak ki vidya avashya achchi rahi hogi. 1975 se 1993 tak vah rajniti men kafi unchai tak pahunche. 1993 se 2009 tak guru ki dasha men kafi utar-charhav ae kyonki is lagn ke lie guru panchmesh ke sath-sath ashtamesh bhi hai aur ashtam bhav ko dekh bhi raha hai. islie babri masjid dhvast hone ke bad unka nam charchit raha. kort kachhri men bahut bhagdaur rahi aur badnami bhi mili kyonki chandra kundli se guru chathe bhav men aur rahu prakritik pap grah vargottam hokar balvan ho gae hain. guru aur mangal ki dasha is varsh navanbar ke madhya dobara rajyog milega aur vah fir se uchch pad prapt karenge. yadi agni tatva rashi dhanu men hone ke bavjud surya navansh men kamjor nahin hota to vah abhi apne pad par bane hote. kundli san. 6 ek stri ki hai. is kundli men lagnesh surya pancham bhav men dhanu rashi mane sthit hai. surya ke donon taraf prakritik shubh grah budh evan shukra ke karan pancham bhav shubh kartari yog men aur adhik shubh ban gaya. surya par yogkarak grah mangal ki drishti hai, islie rajyog bhi hai. parantu navansh men surya ke nichasth hone ke karan uski shubhta men kuch kami a gai. jatka ek rajghrane ki kanya hai, islie use janm se sukh milta aya hai. janm ke samay guru ki mahadsha 14 varsh 9 mahina 18 din shesh thi. vartaman samay men us par shani ki mahadsha prabhavi hai jo 24.10.09 tak chalegi. is kundli men mangal evan shukra ke parivartan yog aur guru ki drishti ke chaturth bhav aur shukra adhik balvan hain. islie jatka ko bhavishya men har prakar ka sukh to milega hi, rajniti men bhi saflta milegi. jahan tak pancham bhav surya ka sanbandh hai, uski sthiti ke karan vidya to mili hi, bhavishya men koi uchch pad pad milne ki sanbhavna bhi prabal hai. jatka ki vivek shakti bhi prakhar hai. islie paramarsh kshamata bhi prabal hogi. jatka ki santan ka vichar karte samay pati ki kundli bhi dekhni chahie. surya pancham bhav men ek putra ka sukh avashya dega. pancham se pancham navam bhav men sthit ketu mesh rashi men baithakar surya ko dekh raha hai. sath hi mangal ki drishti bhi hai. is tarah pap grah ki drishti ke karan santan paksh men kuch kharabi bhi ho sakti hai. budh ki mahadsha men jatka varsh 2026 tak ghar se bahar rahegi kyonki is kundli men budh shashth, brihaspati ashtam aur shani dvadash bhav men hai. kundli men chatha, athvan aur barhvan bhav balvan hon, to jatak adhik samay tak videsh yatra bhi karta hai. is kundli men jab surya ki dasha aegi tab jatka ki vriddhavastha hogi. vriddhavastha men rajyog milega. uske pahle 2032 se shukra ki mahadsha men use har prakar ka bhautik sukh milega. kundli men agni tatva rashi sinh ka svami surya agni tatva rashi dhanu men pancham trikon rashi men guru se kendra men aur shubh kartari men hone ke karan vishesh prabhavshali rahega. log unse bat karte samay bhaybhit bhi honge.