gita sahit sabhi dharm granth kahte hain ki sahi nirnay lene vali buddhi vyakti ko saflta ke unche sopanon par charha deti hai vahin hath purvak liya gaya galat nirnay admi ko asamay hi vinash aur anttah jivan samapti ki sima tak le jata hai.
aisa hi kuch hua yogesh garg jaise naujvan ke jivan men aur ek kshan ke galat nirnay ne use maut ke agosh men dhakel diya yahan dekhen uska alpayu yog aur sitaron ki jabaradast grah chal aj ke vaigyanik yug men jahan vigyan ne itni unnati ki hai ki manushya chand tak pahunch gaya hai aur hajaron ki.mi. ki duri kuch minton men hi tay ho jati hai, vahin jara-si takniki bhul manushya ki jan lene men bhi nahin chukti hai.
ek hadsa abhi hal hi men 12 mai 2012 ko hua. yogesh garg matra 35 varsh ka naujvan siddharth enklev men hamare purane ghar ke pas hi rahta tha. apna naya ghar lete hi unhonne ghar men bahut kam karvaya aur di.di.e ke purane ghar ko nayi kothi ke rup men tabdil kar diya. unka ghar sabhi ki najron men akarshan ka kendra ban gaya tha. tabhi pata chala tha, ki yogesh garg apni havai patti banva rahe hain aur ek plen ke bhi malik hanai.
kahte hain n ki koi achanak unnati kare, to use kisi ki bhi najar lag jati hai aur najar aisi chij hoti hai jo patthar ko bhi bhed deti hai. shayad aisa hi yogesh ke sath hua. abhi unhonne apne ghar ka kam khatm karaya hi tha ki unke parausi ko unki itni shanoshaukat pasand nahin ai aur unki shikayat par em.si.di. ki tim akar inke ghar ko tor-for kar chali gai aur bare-bare ched kar gai jisse ki ve age ghar n bana sake.
itna alishan ghar khandahar ki bhanti dikhai dene laga aur abhi pichle mahine ek aisi ghatna hui ki yogesh sada ke lie hi is duniya se vida ho gaye. yogesh apne do doston ke sath apna chota plen lekar merath ke pas partapur havai patti par gaye. tabhi unhonne uski speshal foto lene ki sochi aur apne dost anil gupta aur purvi ko kaha ki tum ise urakar niche lekar ao, main speshal ifaikt ke sath iski chavi utarunga.
vaise to sikyoriti ke log kisi ko bhi havai-patti par fatkne bhi nahin dete, par chanuki yah yogesh ki apni havai patti thi v yah uska khud ka plen tha islie ve sari savdhaniyon ko tak par rakhakar atyadhik atmavishvasi hokar, bilkul plen ke niche akar, uski chavi utarne men itna kho gaye ki unhen abhas hi n hua ki plen bilkul unke upar a gaya hai.
anil aur purvi plen men baithe hone ke karan use dekh bhi nahin paye aur mintane men plen ke ek bled ne yogesh ke sir par var kiya aur yogesh turant hi vahan par dher ho gaye. yah bahut hi durbhagyapurn ghatna thi ki yogesh garg itni choti ayu men apne hi plen ke dvara ran-ve par apne hi galat nirnay ke karan itni jaldi mrityu ki god men so gaye.
apne naye plen ki baedi ki foto lene ka janun yogesh par is kadar savar hua ki kisi anhoni ki koi shanka bhi man men nahin ai aur svayan hi apne ko maut ke munh men jhanaik diya. kahte hain n ki jab maut ati hai, to buddhi ko bhi bhrasht kar deti hai aur vyakti khud hi aise nirnay le leta hai, ki pachtane ka bhi samay nahin milta.
yogesh ne to sapne men bhi nahin socha hoga ki vah maut ka samna karne ja raha hai aur apni jindgi ka akhiri shaet le raha hai. yogesh ki patni ko to yahi duahkh jivan bhar rahega ki unhonne yah galat nirnay kyon liya, kyon vahan se foto lene gaye, parantu is par kisi ka bas nahin hai. hamari buddhi kab aur kaise kya nirnay le le, kisi ke bas ki bat nahin. yah bhi to grahon ka khel hai jo hamen aise nirnay lene par majbur karte hain jin par hamara bhavishya puri tarah se ashrit hota hai.
samay achcha hai to ek sahi nirnay vare-nyare kar sakta hai aur samay kharab hai, to ek galat nirnay mrityu ke kagar par khara kar sakta hai. aiye, dekhen, yogesh ki kundli kya kahti hai kyon unhonne is tarah ka nirnay liya. inki janmakundli ka lagnesh shukra vakri hokar krur grah surya ke sath yuti bana raha hai tatha krur grah mangal jo ki tula lagn ke lie ashubh grrah bhi hai, usse purn drisht hai, jiske prabhav se inke svabhav men adhik risk lene ki kshamata utpann hui tatha jis vat ki inhonne ek bar than li usko prapt karne ke lie ji jan se jut jane ki adat ban gai.
svarashigat surya labh bhav men hone se yah uchch mahatvakankshi vicharon ke vyakti bane jiske falasvarup inhen achchi se achchi vastuon ki prapti ki chah inke man men thi. chaturthesh shani grah tivra gati vale grah chandra ki rashi men sthit hone se yah sanket hai ki inhen tivra veg se chalne vale vahan adi ka shauk tha. chaturth sthan karak grah, chandrama, akash tatva grah ki rashi par sthit hai tatha akash tatva grah brihaspati ki chaturthesh vayutatva grah shani par purn drishti hone se inke pas akash men vicharan karne vale vayuyan ki niji sukh-suvidha prapt hui.
sanpÿia ke svami chaturthesh shani ki dasven sthan se apne ghar par purn drishti hai. shani yogkarak tatha kendra men sthit hai iske prabhav se inhonne ek sundar alishan ghar bhi banvaya lekin shashthesh shatru ghar ke svami brihaspati ki chaturthesh shani par drishti hone se virodhi shatruon ke sharyantra ke dvara bhi unki sanpÿia nasht hui. inki ayu ke sanbandh men grah yog ke anusar inka dehant madhya ayu yog men hua.
lagnesh, ashtamesh, lagn bhav, ashtam bhav ki sthiti par vichar karen, to lagnesh grah shukra jo ki tula lagn ke lie ashtamesh bhi hai, vah krur grah surya ki yuti men aur krur grah praval markesh mangal se drisht hai. lagn par kisi bhi shubh evan pap grahon ki drishti nahin hai. vah tatasth hai arthat n adhik shubh aur n hi adhik ashubh hai. dusri or ashtam jo ki mrityu ka bhav hai, vah markesh mangal tatha ashubh grah ketu se grasit hone ke karan atyant pappirit hai, jiske karan is jatak ki madhya ayu men achanak aghat hone se mrityu hui. anya riti se bhi ayu ka avlokan karen, to ashtam bhav se ashtam tritiya bhav bhi ayu sthan hai.
vah bhi markesh mangal se purn drisht hai evan ayu karak shani bhi akarak grah shashthesh brihaspati se drisht hai tatha chandrama bhi ashubh bhav men markesh mangal se drisht hai. in sabhi ashubh grah yogon ke karan yah jatak lanbi ayu ka sukh prapt nahin kar saka. jab inki mrityu hui us samay chandra men shani ki antardasha tatha brihaspati ki pratyantardasha men mangal ki sukshm dasha chal rahi thi tatha gochar men mangal lagnesh shukra ke upar se gochar kar raha tha, dashanath chandrama bhi ashtam se ashtam sthan men sthit hai
tatha antardashanath shani bhi n rahu se drisht hai evan pratyantardashanath brihaspati bhi ashubh bhav chathe men hai tatha usi bhav ka bhavesh bhi hai. sukshm pratyantardasha ka svami mangal bhi prabal markesh hokar mrityu bhav men sthit hai yah inko marak siddh hua. yahi sab tathya inko marak siddh hue.