janmakundli men ankhon ki sthiti: ankhon ka mahatva hamare jivan men sarvopri hai. jivan men yadi rang hai to ankhon ke karan hai aur ham sabhi apne jivan men ankhon ke mahatva ko bhali-bhanti pahchante hain. vartaman men ankhon se juri samasyaen vibhinn rup men hamare samne ane lagi hain. ismen keval aj ki jivnshaili ka hi yogdan nahin hai balki hamari kundli men bane kuch yog bhi ankhon ki samasyaen utpann karte hain. hamari janmakundli men dusra aur barhvan bhav kramshah dayin aur bayin ankh ko dikhate hain, iske atirikt surya netra jyoti ka naisargik karak hai.
ismen bhi visheshtah surya dayin ankh aur chandrama bayin ankh ko darshata hai. kundli men dvitiya bhav, dvi tiyesh, dvadash bhav, dvadshesh aur surya, chandrama ka pirit hona ankhon se juri samasya deta hai.
- surya, kundli men pirit ho arthat chathe, athven bhav men ho, rahu ke sath ho ya nich rashi men ho to vyakti ki netra jyoti jaldi hi kamjor par jati hai.
- dvitiya bhav men pap yog ho ya dvitiyesh chathe, athven bhav men ho to dayin ankh men koi samasya ho sakti hai.
- dvadash bhav men koi pap yog ho ya dvadshesh chathe, athven bhav men ho to bayin ankh men kuch samasya ho sakti hai.
- shashthesh ya ashtamesh dusre ya barhven bhav men ho to bhi ankhon ki samasyaen ati hain.
- chandrama ka nichasth ya trikasth (6, 8, 12ven) bhav men hona bhi bayin ankh ko kamjor karta hai.
- surya, shani, rahu, ketu ya mangal yadi dusre ya barhven bhav men nich rashi men baith jay to ankhon ki samasyaen hoti hain.
- vyavharik drishtikon se yah pata chalta hai ki surya pirit ya kamjor hone se netra jyoti jaldi kharab hoti hai atah kamjor surya vale vyaktiyon ko apni ankhon ka vishesh dhyan rakhna chahie. upay - pratahkal uthakar surya ke darshan avashya karen.
- pratidin surya ko jal arpit karen.
- aditya hriday stotra ka path karen.
- kundli ke dvitiyesh aur dvadshesh ke mantra ka jap karen. - dusre aur barhven bhav men sthit krur grahon ka dan karen.
- pratidin anulom-vilom pranayam karen.