shabd, sparsh, rup, ras evan gandh ka gyan hetu ishvar ne panch gyanendriyon ka srijan, jivan men kriya, jismen netra sarvopri mana jata hai. koi bhi vyakti jahan shatayu hone ki kamna karta hai vahin antim kshan tak dekhte rahne ki ichcha rakhta hai. ”jivem shardah shatah, pashyem shardah shatam.“ vigyan ke sath jyotish ka apna ek mahatvapurn sthan hai.
grahon, nakshatron, bhavon tatha bhavadhiptiyon ka prabhav netra ke svasthya evan vyadhiyon par dekha gaya hai. main is lekh men netra tatha nak, kan, gala mukh evan mastishk ke vishay men vivechna karunga. ang, bhav evan grahon ka sanbandh adholikhit chart se gyat hota hai: ang bhav grah netra dahini dvitiya mukh surya tritiya- sadharan netra banyi dvadash shukra nak
- shukra, mangal kan danya tritiya mangal kan banya ekadash mangal gala pratham budh mukh pratham budh kanth pratham budh avaj tritiya, dvitiya budh jihva pratham budh dant pratham, dvadash shani upri jabra pratham budh shvans nali tritiya budh gardan tritiya, ekadash budh lagn ke barah bhavon men dvitiya tatha tritiya bhav dahine netra tatha dvadash bhav banye netra ka pratinidhitva karte hain.
grahon men surya aur shukra netra ka pratinidhitva karte hain. brihaspati iska karak mana jata hai. surya aur shukra ki viprit sthiti shatru grih men sthit, shatru se drisht, shatru grahon ka yog jatak ko netra vyadhi dete hain. shastrokt kuch udaharan uddhrit hain: dvitiyesh evan shukra yadi trishday mane jaen to jatak andha hota hai. isi prakar yadi shukra tatha papagrah yukt chandrama dvitiya bhav men ho to jatak netrahin hota hai. isi prakar anek udaharan milte hain. vigat 40 varshon se adhik chikitsa kshetra men rahne ke uprant mujhe mere jyotish ke alpagyan ka labh hua jo shlaghniya hai. jyotirvid grahon se vyadhiyon tatha bhavishya ki bhavishyavani karte hain parantu mainne uske viprit vyadhiyon se grahon tak pahunchne ka prayas kiya. uske anusar unka upay chikitsa paddhati ke sath kiya aur dekha ki isse abhutpurva labh hua.
udahrnarth ek netra rogi jiski dahini ankh ki roshni ekadam chali gai thi. karib 10 mahine tak kai sthanon par chikitsa kara chuka tha. mere pas ravivar ke din aya. janch karne par koi vishesh lakshan nahin dikha. mainne uski chikitsa praranbh ki. sath hi surya aur shukra ki shanti batai. ... mujhe ashcharya hua. jab vo 10 din bad mere pas aya to uski roshni tat 6/12 yani karib 75 pratishat laut ai thi. mainne uski kundli mangi. kark lagn ki kundli thi. dvitiya bhav men surya aur budh the, ashtam bhav men shani. mahadsha surya ki thi.
shani ki antardasha thi. isi prakar anekanek udaharan mujhe mile hain. jinhen ginaya jana sanbhav nahin. ek gale ke marij giridih se mere pas aya. 3-4 varshon se pareshan the. dekhne par koi vishesh lakshan nahin mila. mainne unke santosh ke lie thori dava likhi aur unhen budh ki shanti path, lakshan tatha panna dharan karaya. upay karne par vo bhi thik ho gae. kai varsh pahle mere ek mitra mujhe apni kundli dikhane ae.
kanya lagn ashtam bhav men ketu dvadash men rahu ashtam bhav men mangal, shani dvitiya bhav men surya. mainne unse kaha chalo tumhari ankh dekh len. unke mana karne par bhi mainne dekha. donon ankhen ekadam thik thin. mainne kaha tumhari kundli ke hisab se tumhen netra dosh hona chahie. kuch din bad unke donon ankh ka apreshan karna para. isi prakar ek nak ka marij jiski sunghne ki shakti samapt ho gai thi. mainne dava ke sath shukra ki puja, havan, path evan sfatik dharan karvaya. vo bhi thik ho gaya. iske viprit kabhi kabhi aise vyaktiyon ka pata sab prakar se janch ke bad bhi nahin chalta parantu grahon ki sthiti se unka gyan ho jata hai.
kafi samay pahle ki bat hai main un dinon em. bi. bi. es. men padh raha tha. mera chachere bhai ke pet men dahini or niche (rait iliyen fosa) men dard tha. use aspatal men bharti karya uska nidan ependisaitis karke hua. un dinon mujhe jyotish ka koi gyan nahin tha. varansi (kashi) men mere paros men ek jyotishi rahte the. unke pas main bhai ki kundli lekar gaya. unhonne dekhte hi kaha tumhare bhai ko livar kainsar hai.
apreshan mat karao. banbai le jao. mujhe unki bat par vishvas nahin hua. jab apreshan hua to livar kaisar nikla aur vo mar gae. mera lekh ho sakta hai ap vidvajnon ke lie uphasatmak ho parantu abhipray keval itna hai ki yadi arkitekt ko vastu ka gyan ho jay aur chikitsakon ko yadi jyotish ka gyan ho jay to vishvas kijie isse avashya kalyan hoga. pathkon se anurodh mujhe alp gyani samajhakar yadi likhne men mujhse koi truti ho gayi ho to kshama karenge.