sainik ki atma aj bhi desh ki raksha kar rahi hai - bharat ki mitti men janm lene vale ek sainik ka desh ko surakshit rakhne ka jajba marne ke bad bhi kam nahin hua hai. sikkim men sthit ‘baba harabhajan sinh’ namak mandir iska pratyaksh udaharan hai. is bhartiya mrit sainik ki ruh pichle 45 salon se lekar aj bhi desh ki raksha men lagi rahti hai. panjab rejiment men tainat baba harabhajan ka dehant aktubar 1968 ko hua. ghoron ke ek kafile ko lekar ate samay fisalakar ek tej bahav vali nadi men gir jane se inka dehant ho gaya. nadi ka bahav inke sharir ko bahakar bahut dur le gaya. lagatar kai din tak shav ki talash ki gai parantu shav nahin mila.
usi ratri men inki atma ne khud akar ek sathi sainik ko sapne men akar shav ke sthan ki jankari di. pratahkal men jab us sthan par jakar dekha gaya to vastav men vahan par sainik harabhajan ka shav baramad kiya gaya jiska bad men pure sainik samman ke sath antim sanskar kar diya gaya. jis sima par antim samay par ye tainat the vah sthan chin desh ki sima ke nikat parta hai. is sima par chin ki or se kisi bhi prakar ka koi khatra hone par yah atma pahle hi suchit kar deti hai jisse sab savdhan ho jate hain. mara hua sainik jo aj baba harabhajan sinh ke nam se prakhyat hai apni mrityu ke bad bhi apni dîuti bakhubi nibha raha hai. khas bat yah hai ki samy-samay par inki padonnati bhi hoti hai. bakayda tanakhvah bhi di jati hai. varsh men do mah ki chutti bhi di jati hai. karyakari sabha men inke lie kursi khali rakhi jati hai. jab baba chutti par rahte the to us samay pura bordar hai alart par rahta tha kyonki us samay bhartiya sainikane ko baba harabhajan ki madad nahin milti thi. is sainik ke nam par ek mandir banakar vidhivat inki puja ki jati hai.
is mandir men andar baba ka ek kamra bhi hai jiski rojana safai kar unka bistar bhi lagaya jata hai. baba ki sena ki vardi aur jute bhi unke pahnne ke lie rakhe jate hain. batate hain ki rojana safai karne par unke juton men kichar aur juton ke upar chaddar par silvten pai jati hain. shmashan jahan chita ki ag kabhi thandi nahin hoti - kashi ke manikarnika shmashan ghat ke vishay men yah manyata prasiddh hai ki yahan chita par letna moksh prapti ka marg hai. vishva ka yah ekmatra aisa shmashan hai jahan chita ki ag kabhi thandi nahin hoti. yahan lashon ka ana aur chita ka jalna kabhi nahin thamta. yah mana jata hai ki yahan ek din men karib 300 se adhik shavon ka antim sanskar hota hai. manikarnika ghat ki visheshtaen yahin samapt nahin hoti hain. yahan jalti chitaon ke bich chita ki bhasm se holi kheli jati hai aur chaitra navratri ashtami ko yahan jalti chitaon ke bich, moksh ki as lie ratabhar dans kiya jata hai. yahan antim sanskar ka taiks liya jata hai.
shmashan par lashon ko antim yatra par jane ke lie taiks dena parta hai. yah vichitra virodhabhas hai. manikarnika ghat par antim sanskar ki kimat chukane ki parampara takriban tin hajar sal purani hai. prachin manyata ke anusar shmashan ke rakh-rakhav hetu dom jati ko dan dene se is parampara ki shuruat hui thi. ek samay men raja harishchandra ne apne ek vachan ka palan karte hue apne putra ka antim sanskar karne ke lie apni patni ki sari ka ek tukra antim sanskar ke dan svarup kallu dom ko diya tha. mana jata hai ki tabhi se shavdah ke badle taiks dene ki parampara majbut ho gai. isi parampara ka vikrit rup manikarnika ghat par dekhne men ata hai. achche bhagya ke lie chat se fenkte hain bachchon ko maharashtra ke sholapur men baba umar dargah aur karnatak ke indi sthit shri santeshvar mandir men bachchon ko chat se niche fenka jata hai. yahan aisi manyata hai ki bachche ko unchai se niche fenkne par uska aur uske parivar ka bhagyoday hota hai.
iske sath hi bachcha svasth rahta hai. yahan karib 50 fit ki unchai se bachche ko fenka jata hai, jahan niche khare log use chadar se pakrte hain. pichle 700 salon se yahan bari sankhya men hindu aur muslim apne bachchon ko lekar pahunchte hain. barish ke lie mendhkon ki shadi hamare desh ke hi kuch hisson men achchi barish ke lie mendhak aur mendhki ki shadi pure riti-rivaj se karai jati hai. darasal asam aur tripura ke adivasi ilakon men log barish ke lie mendhkon ki shadi karate hain. yahan aisi manyata hai ki mendhkon ki shadi karane se indra devta prasann hote hain aur us sal bharpur barish hoti hai. charm rogon se bachne ke lie fud bath karnatak ke kuch gramin ilakon men sthit mandiron men bhoj ke bad bache hue khane par lotne ki paranpra hai. yahan aisi manyata hai ki aisa karne se charm rog aur bure karmon se mukti mil jati hai. darasal mandir ke bahar brahman aon ko kele ke patte par bhojan karaya jata hai.
bad men nimn jati ke log is bache hue bhojan par lotte hain. iske bad ye log kumardhara nadi men snan karte hain aur is tarah yah paranpra puri hoti hai. viklangta se bachane ke lie gale tak jamin men uttari karnatak aur andhrapradesh ke gramin ilakon men bari ajib paranpra hai. yahan bachchon ko sharirik aur mansik viklangta se bachane ke lie unhen gale tak jamin men gar diya jata hai. yah anushthan suryagrahan ya chandragrahan shuru hone ke 15 minat pahle shuru hota hai. aisi manyata hai ki bachchon ko kuch ghante ke lie jamin men dabane se unhen sharirik aur mansik apangta se chutkara milta hai. chechak se bachne ko chedte hain sharir madhyapradesh ke baitul jile men hanuman jayanti ke avasar par hone vale paranprik utsav men log apne sharir ko chedte hain.
iske piche manyata hai ki aisa karne se vo mata (chechk) ke prakop se bach jate hain. march ke akhiri ya aprail ki shuruat men ane vali chaitra purnima ke din log aisa karte hain. sharir ko chedne ke bad ye log khushi se nachte-gate hain. bachchon ke achche svasthya lie devi ko charhate hain lauki - chattisagarh ke ratnpur men sthit shatan devi mandira(bachchon ka mandir) se ek anokhi paranpra juri hai. mandiron men amtaur par ful, prasad, nariyal adi bhagvan ko charhane ka vidhan hai, lekin shatan devi mandir men devi ko lauki aur tendu ki lakriyan charhai jati hain. is mandir ko bachchon ka mandir bhi kahte hain. shraddhalu yahan apne bachchon ki tandurusti ke lie prarthana karte hain aur mata ko lauki aur tendu ki lakri arpan karte hain. is mandir men yah paranpra kaise shuru hui yah koi nahin janta, lekin aisi manyata hai ki jo bhi yahan lauki aur tendu ki lakri charhata hai, unki manokamna puri hoti hai. pati ki salamti ke lie jiti hain vidhva ka jivan hamare desh bharat men ek parampara hai pati ki salamti ke lie patni ka vidhva ki bhanti jivan jina.
yah parampara gachvah samuday se juri hai. yah samuday purvi uttarapradesh ke gorkhpur, devriya aur isse sate bihar ke kuch ilakon men rahta hai. yah samuday tari ke peshe se jura hai. is samuday ke log tar ke peron se tari nikalne ka kam karte hain. tar ke per 50 fit se jyada unche hote hain tatha ekadam sapat hote hanai. in peron par charh kar tari nikalna bahut hi jokhim ka kam hota hai. tari nikalne ka kam chaitra mas se savan mas tak, char mahine kiya jata hai.
gachvah mahilayen in char mahinon men n to mang men sindur bharti hain aur n hi koi shringar karti hanai. ve apne suhag ki sabhi nishaniyan tarkulha devi ke pas rehan rakh kar apne pati ki salamti ki dua mangti hain. yahan di gai paramparaon v manyataon ka samarthan ham kisi bhi tarah se nahin karte hain. yah jankari keval gyanavardhan ke lie di ja rahi hai.