panna panna budh grah ka pratinidhi ratn mana jata hai ise vibhinn namon se pukara jata hai- haritmni, marakat, panchu, panna tatha angreji men ise emrald kahte hain. panna hare tatha tote ke pankh prakar patthar paya jata hai, isi ko panna kahte hain. panna ati prachin, bahuprachlit tatha mulyavan ratn hota hai. mulyavan ratnon ki shreni men iska tisra sthan hai. panne ka janma: panna grenait tatha paigmetait chattanon ke atirikt dararon aur partdar chattanon ke dheron men janm leta hai. rasaynik sangathan ke rup men ismen potaishiyam, sodiyam, lithiyam, shishiyam adi kshariya tatva sammilit rahte hain. bharat men panna ajmer, udypur, bhilvara tatha chatrpur men prapt hota hai. videshon men yah pakistan, afrika, amerika, brajil, kolambiya, medagaskar dvip tatha saiberiya men prapt hota hai. ajakal sarvokrisht pannon ke lie kolambiya ki khanen prasiddh hain. dusre darje ke panna rus tatha brajil se prapt hote hain. panna prayah paradarshi aur aparadarshi donon hi rupon men paya jata hai. paradarshi panne men prayah halka-sa jala athva resha avashya paya jata hai. prayah sarvatha nirdosh panna kam hi upalabdh hota hai agar milta bhi hai to uska mulya itna adhik hota hai ki ise kharidna am admi ke bas ka nahin hota hai. visheshta evan dharan karne se labh: panna netra rog nashak v jvar nashak hota hai. sath hi panna sannipat, dama, shoth adi vyadhiyon ko nasht karke sharir men bal evan virya ki vriddhi karta hai. panne ki pramukh visheshta yah hai ki panna dharan karne se budh janit samast dosh nasht ho jate hain. iske dharan karne se dharak ki chanchal chiÿa vriÿiayan shant v sanymit rahti hain tatha dharak ko mansik shanti prapt hoti hai. iske dharan karne se man ekagra hota hai. yah kam, krodh adi vikaron ko shant kar dharak ko asim sukh shant pradan karta hai. isilie isai padri log prayah dharan kie rahte hain. panne ki pahchan: asli panne ki pahchan nimnalikhit hain- panna sundar, hari makhmli ghas ki bhanti priyadarshi harit varn ka hota hai. sath hi yah hare aur safed mishrit rang ka aparadarshi bhi hota hai. panna paradarshi tatha aparadarshi donon hi rupon men prapt hota hai. asli panne ko lakri par ragrne se iski chamak men vriddhi hoti hai. asli panne par pani ki bund rakhne se bund yathavat bani rahti hai. ismen bhangurta hone ke karan yah girne se tut sakta hai. panna dharan vidhi panne ki anguthi sone, chandi ya pletinam men banvakar daen hath ki kanishtha ungli men dharan karni chahie. budhvar ke din pratah nitya karm adi se nivriÿa hokar kachche dudh aur gangajal se anguthi ko dhokar nimnalikhit mantra ke uchcharan ke sath dharan karni chahie- ‘‘¬ bran brin braun sah budhay namah’’
Kya aapko lekh pasand aaya?
Subscribe