agni tatva rashi ekadash bhav men surya  

agni tatva rashi ekadash bhav men suya acharya kishor shastron men surya ko pap grah kaha gaya hai islie upachay sthan uske lie faldayi hota hai. upachay sthanon ka sabse mahatvapurn sthan ekadash bhav hai. is bhav men baithe sabhi grah kuch n kuch shubh fal dete hi hain aur pap grah ismen atyadhik labh dete hain. yadi surya karak hokar ekadash bhav men ho to sone par suhaga. lagn kendra aur trikon ka svami hokar vah svayan to balvan hota hi hai, uske sath jo grah rahta hai, yadi vah ast n ho, to vah bhi bali ho jata hai. ekadash bhav se visheshakar labh dekha jata hai, islie ashva, hathi, vastra labh, ayu, kanya, mitra adi ka bhi vichar kiya jata hai. pashchatya jyotish is bhav se mitra, prem prasang, uchch akanksha ka vichar bhi karte hain. yadi ekadash bhav men surya balvan ho, to jatak dhan sanpatti to pata hai, kintu sath hi vipatti bhi ati hai. islie tritiya, shashth ya ekadash bhav men surya, rahu ya shani ho, to shishu ka arisht khandan hota hai. is sthan men surya ke hone se raj satta men ya uchch sarkari pad par karya karne vale, shaktishali evan dhani vyakti se mitrata hoti hai. bhagya evan karm sthan ke bal se bhi labh milta hai. agni tatva mesh rashi ekadash bhav men surya agni tatva mesh rashi men surya ke hone se visheshakar bare bhaiyon ko samaj men uchch sthan evan yash, prasiddhi milti hai. jatak ke mitra bhi uchch padasth hote hain. jatak buddhiman, chatur aur sahsi hota hai, parantu kam santan vala hota hai. vah bhog-vilas tatha adanbar priya aur tanashahi pravritti ka hota hai. yadi surya ke sath chandra ho, to jatak dhani, krishi aur dhatuon se dhan kamane vala hota hai. kintu vah mata aur kanya ke karan chintit rahta hai. yadi surya mangal ke sath ho, to bhaiyon se nuksan hota hai. jatak ki pratham santan ka nash ho sakta hai. use pratiyogita men kam koshish se bhi vijay milti hai. yadi surya ke sath budh ho, to jatak buddhiman, karyakushal karmashil prachur dhan kamane vala aur bandhu priya hota hai. yadi surya ke sath guru ho to jatak ko uttam guru milta hai. shatru bhav se chatha bhav hone ke karan svasthya pratikul hota hai, kintu karya kshetra se dhan ki amdni aur guru, shastri, gyani adi vyaktiyon se sansarg hota hai. yadi shukra ke sath surya ho, to jatak bhagyahin, kharchila tatha vilasapriya hota hai, use stri se kasht milta hai, parantu uttam santan ki prapti hoti hai. shani ka sanbandh ho, to jatak bhagyahin aur alpayu hota hai tatha uska svasthya pratikul hota hai. prastut kundli men mesh rashi men uchch ka surya agni tatva rashi men hai. lagn men mangal agni tatva grah hokar sthit hai aur agni tatva rashi men chandra par mangal ki drishti hai arthat surya, chandra aur mangal agni tatva se sanbandhit hain. islie jatak krodhi, ghamandi, shurvir hai. kintu, vahin vah jhagralu pravritti ka aur badle ki bhavna vala hai. fir bhi, use kai rajyog bhi mile. surya, guru aur shukra uchch rashi men hain. budh, mangal tatha lagn ekadash ka sanbandh aur chandra-guru ka parivartan yog hai. in sare yogon ne patni sukh bhi diya. guru rahu ke sath guru chandal yog men doshi hai. krur grah mangal lagn men lagnesh budh, surya ke sath ekadash bhav men surya budhadi yog ka labh mila. janm ke samay ketu ki mahadsha jun 1948 tak rahi, kintu ketu ke lagn se ashtam men hone ke karan svasthya achcha nahin raha. 1948 se 1968 tak uchch ke shukra ke dasham bhav men malavya yog men hone ke karan panchmhapurush yog ka labh mila. chatra jivan se hi rajniti men pravesh hua. 1968 se 974 tak surya ki mahadsha men sanjay gandhi ke sath mitrata hui aur yuva kangres ke neta bane. sanjay gandhi ke sath unhin ki jaisi pravritti hui. lagn ke mangal ne har prakar ke kukarm karne men sahayta ki. san 1974 se 1984 tak chandra ki mahadsha kendra men mantri rahe, parantu jab mangal ki mahadsha ai tab raj aur shakti ka hras hua. lagn men akarak grah mangal ke karan unhonne apna nash kiya, unhen shatruon se larna para aur aj tak koi saflta nahin mili. agni tatva sinh rashi men ekadash bhav men yadi surya ho, to jatak ki apni ay ka dhan sthir hota hai, kyonki sinh rashi sthir rashi hai. aise jatak ko raja ya sarkar se dhan ka labh hota hai, vah raja, jamindar, mantri aur dhani logon se sahyog ya madad lekar bara admi ban jata hai. uske putra uchch raj kaj se apne prabhutva ka vistar karte hain. jatak samaj men lokapriya hota hai. uska hriday vishal hota hai aur uska janm uchch kul men hota hai. surya ke sath yadi chandra ho to karm jivan men bhagya ka sath milta hai. karm men vishesh dhyan n dene par bhi use labh prapt hota hai. yadi surya ke sath mangal ho to prachur bhu-sanpatti ki prapti hoti hai. mangal ki is sthiti ke karan use badmash jan dar ke mare dhan dete rahte hain. yadi surya ke sath budh ho, to surya budhadi rajyog hota hai, jiske falasvarup vyakti dhanvan hota hai aur samman pata hai. uchch padasth uske adhin hote hain. use vibhinn sroton se dhan prapti hoti rahti hai. kintu kabhi-kabhi vah apne barabar ke admi ke sath gupt karm karne ke lie badhya ho jata hai. yadi surya ke sath guru ho to jatak brahman, pandit aur purohit ke dharm karya se nam prapt karta hai. uske ghar men nana prakar ke shastron ka path hota rahta hai. yadi surya ke sath shukra ho to uski stri bimar rahti hai aur use stri ka purn sukh nahin mil pata. yadi surya ke sath shani ho to jatak nich svabhav ka hota hai, uski buddhi hin hoti hai aur vah aksar bimar rahta hai. jatak ke vivah men vilanb hota hai. bare logon se uski shatruta rahti hai. uske bachchon ka svabhav bhi thik nahin rahta. agni tatva sinh rashi men surya evan mangal donon agni tatva grah bhi hain. islie ekadash bhav men jatak ko pita ki sanpatti milti hai, kyonki dasham bhav se drisht ekadash bhav pita ke dhan ka bhav hota hai aur surya pita ka karak hai. dhanesh mangal labh sthan men surya ke sath hai islie pita se atyadhik dhan mil raha hai. labh sthan men har grah kuch n kuch labh dilata hai. is jatak ki kundli men surya svayan apni hi rashi men apni mul trikon rashi men labh dila raha hai. iske alava lagnesh shukra bhagya sthan men, bhagyesh budh karm sthan men aur labhesh surya labh sthan men sthit hain. bhav 9, 10 aur 11 men grahon ke hone ke karan jatak ko bal mil raha hai. surya aur mangal ki bhav 5 par, bhagyesh budh ki sukh bhav 4 par tatha yogkarak grah shani ki bhav 10 par drishti hai. tatparya yah ki yahan par ekadash bhav balvan hai aur agni tatva rashi men surya chandra se bhagya sthan men tula lagn ke lie surya badhak hone ke bavjud apne hi ghar men balvan hai. islie jatak atyadhik dhanvan hai. yah stri jatak ek daektar hai, parantu apne vyavsay ko chorakar rajniti men sakriya hai, kyonki pita rajniti men hai. usne pita se labh lekar uchch uchch pad prapt kar liya hai. ekadash bhav ko, vishesh karke surya ke lie, pita se labh nishchit rup se dilata hai. agni tatva rashi, sinh rashi men surya, budh evan guru hai. yah ek purush ki kundli hai. tula lagn ke lie surya ke badhak hone ke bavjud jatak sukhi jivan bita rahe hain kyonki kundli bhavesh budh labh sthan men, karmesh chandra karm sthan se bhagya sthan men aur guru labh sthan men sath-sath hain. is lagn ke lie yogkarak grah shani labh sthan ko surya budh aur guru ko dekh rahe hain. karm sthan men uddand rahu kark rashi m audasham bhav men balvan hai. islie jatak ka janm ek raja ke parivar men hua hai, kyonki jis jatak ki janmakundli men bhav 9, 10 aur 11 balvan hon, uska janm uchch kul men hota hai. agni tatva sinh rashi men surya guru aur budh ke sath bhav 5 ko aur panchmesh shani ekadash bhav ko dekh raha hai. dasham bhav men rahu aur chaturth bhav men ketu ke kendra sthan men balvan hone se jatak bina karm kie labh pata hai. vishesh rup se tula lagn ke lie surya se ekadash bhav men prakritik pap grah shani evan yogkarak grah shani ke lagn se bhagya sthan men balvan hone aur vartaman samay men dasham rahu ki mahadsha ke karan, jo 2022 tak chalegi, unka vartaman samay atyant shubh hai aur vah atyadhik sukh ka bhog kar rahe hain. rahu shani jaisa fal deta hai. prakritik pap grah shani, rahu aur surya ke bhav 9, 10, 11 men hone ke karan 2022 tak rahu ki mahadsha men jatak raja jaise sukh ka bhog karte rahenge. tatparya yah ki yadi pap grah pap sthan men balvan ho, jaise ki is kundli men surya balvan hai, aur isi tarah rahu, shani bhi kendra, trikon men balvan hai, tabhi is kaliyug men prakritik pap grah bali hota hai aur agni tatva rashi men agni tatva surya ka mitra budh aur guru sath men hain. navansh kundli men surya budh ke ghar men hai aur guru, rahu tatha ketu vargottam men hanai islie jatak atyadhik shaktishali hai. is kundli men shukra nich ka aur mangal bhav 12 men ashubh sthan men hai, parantu navansh men mangal apni mul trikon rashi mesh men aur shukra uchch rashi men balvan hai. isi prakar chandra karmesh hokar mitra guru ki rashi men balvan hai. in sare yogon ke karan jatak ka jivan samasyamukt hai.