ilaychi ek aisa shabda-nam jiske sunte hi man sugandhit ho uthta hai, ek mahatvapurn aushdhi bhi hai. ayurved ki kai aushdhiyon men iska upyog hota hai. ilachyi do prakar ki hoti hai- bari tatha choti ilaychi. bari ilaychi masalon men adhik prayukt hoti hai. choti ilaychi aushdhiyon men adhik upyog hoti hai. donon hi har ghar men prayog ki jati hai. ilaychi ki jankari aj se tin char hajar varsh purva misra men mili thi. yunan ke prachin ganrathon men bhi iska jikra milta hai.
ayurved men ilaychi ko bahut gunkari kaha gaya hai. bharatavarsh men yah maisur, keral, malabar adi men paida ki jati haie. barma v shrilanka men bhi iski kheti hoti hai. aushdhiya gun ilaychi ke aushdhiya gunon ka hamare maharshiyon ne bhali-bhanti gyan aur ayurved men ek mahatvapurn sthan diya. islie vibhinn aushdhiyon men gunon ke anusar iska upyog kiya jata hai jo kai rogon men labhkari hota hai. jaise -
-khane ke bad ilaychi ko munh men rakhakar chusne se khana jaldi pach jata hai. -ilaychi hamare sharir ki garmi ko santulit rakhne men sahayak hai.
- munh men chale hone par ilaychi ko pisakar shahad ke sath chalon par lagane se labh hota hai. aise kai prakar ke prayogon se siddh hua hai ki ilaychi kai prakar ke rogon men labhkari hai. vibhinn rogon men ilaychi pachan tantra sanbandhi apach ki shikayat, pet ka afara hone par ajvayan ke sath ilaychi ke karhe ka sevan karne se labh hota hai.
khane ke bad ilaychi ko chusne se apach ki shikayat dur hoti hai, khana jaldi pach jata hai. piliya piliya rog men ilachyi aur mishri ka churn banakar sevan se piliya men labh hota hai. gurde men pathri ilaychi, shilajit, pipar, mishri ko sambhag lekar churn kar ek chammach ki matra subh-sham pani ke sath sevan se labh hota hai. livar ki sujan 10 gram anvla, 25 gram jira, char ilaychi, 10 gram mishri ka churnakar ek-ek chammach ki matra gay ke dudh ke sath sevan se labh hota hai. livar sanbandhi sabhi rogon men labh hota hai.
kaf-khansi khansi men ilaychi, dalchini, pushkar mul ke sambhag churn ko adha chammach ki matra men shahad se do bar chaten. ilaychi ka churn din men tin bar shahad men milakar chatne se kaf-khansi men labh hota hai. ilaychi v saunth ka sambhag churn shahad men milakar chatne se bhi labh hota hai. ilaychi, kali mirch, babul gond aur mishri ko sambhag churn kar adha chammach ki matra garam pani ke sath din men do bar lene se khansi men labh hota hai. ulti/vaman ulti ho rahi ho to pudina, ilaychi, pipar sab sambhag churn kar lane.
adha chammach ki matra jal se sevan karne se labh hota hai. ilachyi ko pani men ubalen aur thanda hone par mishri milakar thori-thori matra men sevan karne se ulti nahin hoti. haija 10 gram ilaychi ko ek kilo pani men tab tak pakayen jab ek chaithai pani rah jae tab use thanda kar ghunt-ghunt kar pine se haije ke prakop, pyas, peshab rukna adi men atyant labhdayak hai. jukam ilaychi, kali mirch, dalchini, sonth, dhaniya sab sambhag lekar churn kar len. is churn ki do chammach ki matra ko 250 gram pani men pakaen. jab pani adha rah jae to gun-guna chan kar pila den. jukam men shighra labh hota hai.
ajirna/gais/pet dard ilachyi, ajmod, chitrak anvla, sonth, sendha namak barabar lekar churn bana len. garam pani ke sath ek chammach len, ajirn, gais, pet dard men aram hota hai. munh ki badbu aur danton men kira ilaychi ko munh men rakhakar chabane se munh ki badbu aur danton men kira nahin lagta. ilaychi ko khas ke churn ke sath pani men rakhakar chabane se munh ki badbu dur hoti hai. manuh ke chale ilaychi, kababchini, kattha tatha sangrahat barabar matra men lekar churn karen.
is churn ko din men kai bar munh men malakar jal se kulla karne se munh ke chale se rahat milti hai. mahilaon ko shvet pradar ilaychi, nag kesar pratyek 100-100 gram len. isko churn kar len, is men 250 gram mishri ya chini milakar ek-ek chammach ki matra men do bar malai yukt dudh ke sath len. lagatar do mahine lene se purane se purane rog men labh hota hai.
haklahat v tutlahat ilaychi, kulanjan, akrkra, bach tatha laung sabhi 50-50 gram lekar pis len. is pise churn ko adha chammach ki matra men subh-sham brahmi ark ke sath tin char mah tak len, labh hoga. rataundhi/ankhon sanbandhi rog ilaychi ka tel rataundhi ke lie sarvottam hai. iske tel ko lagane se jirn rataundhi bhi thik ho jati hai. peshab ki jalan ilaychi ke churn ko dudh men milakar pine se peshab ki jalan men labh hota hai. peshab ki garbri men anvle ke ras men ilaychi ka churn dalakar upyog karen.
naksir ilaychi ke ark ko tin-tin ghante par upyog karne se naksir thik ho jati hai. hriday rog ilaychi ko mota kut kar ek litar pani men itna ubalen ki ek chaithai rah jae. is pani ko chan kar upyog karne se hriday rog men labh hota hai. bittu ke katne par ilaychi ka tel dansh sthan par lagane se dard v jalan shant ho jata hai.