1. manikya (ruby): manikya vishva ka sabse mahanga ratn hai. yah kathor, paradarshi aur chamkdar hota hai. iska vastavik rang lal hai kintu, yah raktavarni, jamuni, kala ya safed bhi hota hai. shreshth manikya chikna, paradarshi, panidar ya kabutar ke rakt ki bhanti gahra lal hota hai. hatheli men manikya halka garm pratit hota hai. asli manikya ki abha (dudhk) ghumti hui si dikhai deti hai tatha nakli ki apeksha kam chamkdar hota hai. manikya ki khanen barma, shrilanka, kenya, afganistan, bharat, chin aur afrika men hain. barma (mogoka) ka manikya sarvottam mana jata hai. jyotish men manikya surya grah ka parichayak hai tatha aushadh rup men kshay, pakshaghat, harniya, udr-shul, ghav aur vish prabhav adi se bachav men kam ata hai.
2. panna (emerald): panna paradarshak, chamkdar aur narm ratn hai. yah svarn, gulabi, botli, morpankhi, asmani, jal-tel, kamodni, shvet adi rangon men paya jata hai. iska vastavik rang hara hai. panne ko najdik se dekhne par ankhon ko kuch shitlta pratit hoti hai. prakash ke sammukh rakhne par panne ka pratibinb bhi hara hi dikhai dega. yah bhar men kuch halka pratit hota hai. panna brajil, kolanbiya, janbiya, rus, medagaskar dvip, saiberiya, amerika, afrika, bharat aur pakistan men paya jata hai brajil ka panna shreshth mana jata hai. panna budh grah ka pratinidhi hai. yah jvar, sannipat, dama, mirgi, pagalapan, antrashoth, najar, muth, jadu-tona adi men dharan kiya jata hai.
3. nilam (blue sapphire): nila, lal, shvet, hara, baingni, shyam, asmani adi rangon men paya jata hai. shreshth nilam chikna, chamkdar, paradarshi, kirnen paravartit karne vala tatha tinke se chipkne vala hota hai. jammu ka nilam shreshth hota hai. nilam shani grah ka parichayak hai. yah bhagya vriddhi ke lie tatha akasmik durghatanaon se bachne ke lie dharan kiya jata hai.
4. hira (diamond): hira ratnon ka raja hai. iska sarvottam gun kathorta aur durlabhta hai. vastavik rang shvet hota hai kintu krim, bhura, pila, kala, tailiya, mailiya, nina, hara matmaila, lal, katthai adi rangon men bhi hira paya jata hai. dantla, taku, kasla, kurangi evan simma iski jatiyan hain. hira hatheli me kuch thanda pratit hota hai. pani men yah tairne lagta hai tatha pani men dubone par ismen se kirne niklti hain, hire ki khanen bharat, kango, borniyo, amerika, nyu sauth vels, dakshin afrika, beljiyam, astreliya, barma, himalay, nepal, golkunda aur ganga ke kacharon men hain. jyotish men hira shukra grah ka pratinidhitva karta hai tatha aushadh rup men yah dhatu daurbalya ko dur karta hai.
5. pukhraj (topaz): shreshth pukhraj ranghin, svachch, sthul, bhari, paradarshi aur chamkila hota hai. yah pila, hara, lal, gulabi, nila, baingni, teliya, kesar, svarn, haldi, ninbu adi rangon men dekha gaya hai. pukhraj ko shvet rui athva kapde par rakhne se ismen se nile rang ki abha niklti dikhai deti hai. garm karne par rang safed ho jata hai. pukhraj vish-virodhi hai. iski khanen barma, shrilanka, rus, ayrlaind, skatlaind, brajil, minajeri, bharat, afrika adi deshon men hain. pukhraj guru grah ka pratinidhi hai tatha dhan-yash-ayu vriddhi men kam ata hai.
6. moti (pearl): moti shvet, krim, nila, kala, hara, baingni, lal, gulabi, jamuni, pila, asmani adi rangon men paya jata hai. gaj, sarp, shankh, shukar, min, megh aur sip mukta adi iski durlabh jatiyan hain. shreshth moti safed rang ka bhar men halka, snigdh, nirmal, prakashman, chaya utpann karne vala aur gol hota hai. moti ko ghi men dalne par ghi pighlne lagta hai. ismen chidra karne par donon or se saman hota hai. amla ke prabhav men moti jhag dene lagta hai aur dhan ki bhusi men ragrne se iski chamak barh jati hai. basre ka moti shreshth hota hai. moti faras ki khari, shrilanka, benjuela, meksiko, asteªliya, bangal ki khari, basra, shyam adi sthanon men paya jata hai.
jyotish men moti chandrama ka parichayak hai. yah man-mastishk ko shanti pradan karta hai. aushadh rup men moti hriday rog, muchrcha, mirgi, unmad, pathri, jvar, udar rog tatha jivan raksha men kam ata hai.
7. manuga (coral): praval, mangal. iska mukhya rang lal hai kintu sinduri, gulabi, shvet, pandui, bhura, dhusar adi rangon men bhi paya jata hai. samudron men aisis kire dvara banaya gaya ghar hi munge ki jar ya jhar kahlata hai. asli munge par pani ki bund jyon ki tyon tiki rahti hai-failti nahin. amla ke prabhav men munga jhag dene lagta hai. rakt men rakhne par rakt jamne lagta hai. dudh men dalne par lal rang ki kirnen niklti hain. shreshth munga lal, chikna, chamkdar aur bhari hota hai. yah bhumadhya sagar ke tatavarti deshon aljiriya, tayunishiya, koral, itli, iran ki khari, astreliya, hind mahasagar, sajniya, marsalij, korsika aur spen men paya jata hai. munga mangal grah ka pratinidhitva karta hai. yah bhut-pret, tufan, bijli, chaya-maya adi badhaon ke prabhav ko nasht karne men vishesh kam ata hai.
8. gomed (gargoon, zircon): gomed, rahu. iska vastavik rang gomutra jaisa hai. yah shahad, brandi, lal, pila, narangi, shvet, nila, bhura, uluk netra adi rangon men paya jata hai. shreshth gomed gomutra ki abhayukt, bhari, prakashman, mridu, chikna, gadaparat rahit, paradarshi hota hai. siloni gomed uttam mana jata hai. gomutra men gomed ka rang 24 ghanton men badal jata hai. dudh men dalne par dudh hi gomed jaise rang ka najar ata hai. kasauti par ghisne se gomed ko kharonch nahin ati tatha iski chamak purvavat bani rahti hai. gomed chin, shyam, barma, nyujilaind, thailaind astreliya, bharat aur shrilanka men paya jata hai. gomed rahu ka pratinidhi hai. aushadh rup men yah garmi, tilli, bavasir, pandu, naksir, jvar, durghatana, tvacha rog adi men kam ata hai.
9. lahsuniya (cat's eye): iska vastavik rang billi aur ankh jaisa mana gaya hai kintu yah pila, kala, shvet, hara, krim, jard, sunhri, dhumra, haddi, mitti adi rangon men bhi milta hai. shreshth lahsuniya chamkila, chikna, bhari aur spasht dore (sut) vala hota hai. lahsuniye par chalti hui dhariyan (sut) sankhya men ek, do aur dhai tak payi jati hain. ye sut jitne adhik spasht honge utni hi lahsuniye ki uttamata barhegi. kanak kshetra ka aur dhai sut ka lahsuniya uttam mana gaya hai. lahsuniye ko haddi par rakhne se 24 ghanton men ar-par ched ho jata hai. andhere men billi ki ankh ki tarah chamkta hai. yah bhutan, nepal, shrilanka, bharat, iran, barma aur shyam men paya jata hai. yah ketu grah ka parichayak hai. yah shatru-bhay adi ka nash kar vansh-vriddhi karta hai. aushadh rup men madhumeh, updansh, namardi aur pachan vikaron men labhaprad hai.
10. sunhla (golden topaz): sunhla, sunhri, pila, shvet, nibui aur dhumravarni adi rangon men paya jata hai. yah purn paradarshi, chamkdar, bhar men halka aur mridu ratn hai. turkistan, himalay tatha kshipra nadi ke tatavarti pradeshon men paya jata hai.
11. kathla (amethyst): yah baingni, nila, shvet (duranga bhi) adi rangon men paya jane vala paradarshi, snigdh, narm aur chamkdar ratn hai. iski khanen brajil, afrika aur bharat men hain. afriki kathla uttam mana jata hai.
12. dhunhla (smoky topaz): dhuen jaise rang ka yah ratn paradarshi, narm aur chamkila hota hai. himalay, vindhya aur ganga ke kacharon men paya jata hai.
13. garnet, raktamani (garnet): lal, surkh, gulabi, katthai adi rangon men paya jane vala narm, panidar, paradarshi ratn hai. bharat, pakistan, afganistan, shrilanka afrika adi deshon men milta hai.
14. bairuj (aquamarine) yah hara, pila, nila, asmani adi rangon men paya jata hai. samudri jal ki bhanti kantiyukt, paradarshi, halka v narm ratn hai. yah bharat men paya jata hai.
15. kaka nili ;snsapajamaddh nila-kala mishrit varn ka mridu, halka, panidar, paradarshi ratn hai. yah bharat, pakistan, afganistan, afrika aur shrilanka men paya jata hai.
16. maragaj ;.namavajanatapadam latamamad snkamaddh ru hara, nila, shvet adi rangon men milne vala ardh paradarshi, halka sunn ratn hai. ismen rang chitra hua (chint-chint) rahta hai.
17. naram, lalri ;aichpdans tanailaddh ru lal, gulabi, katthai rangon men paya jane vala, lochdar, abhayukt, paradarshi, naram ratn hai. yah manikya ki khan men hi milta hai kintu manikya nahin hota. dekhne men manikya jaisa lagta hai. barma, shrilanka, bharat, keniya, afrika men paya jata hai.
18. rupara ;thasavavak aijavadamaddh ru dur se dekhne par manikya sadrish, lal-gulabi rang ka, daldlyukt, bhari, aparadarshi, ruksh kanti ka gum ratn hai.
19. lajavatrt ;samchpeddh ru nile rang ka aparadarshi, chamkdar, sone-chandi ke chinton se yukt, naram ratn hai. is par safed dhabbe bhi dekhe jate hain. yah kushth rog men kam ata hai.
20. firoja ;jnatunvpemaddha: yah asmani rang ka chamkdar, gum ratn hai. irani firoja shreshth hota hai. yah vat rogon men labhkari hai.
21. peridot ;chmatapakavajaeaindak aijavadamaddha: ise ghritmni tatha jabarajadd bhi kahte hain. yah hara, tota pankhi adi rangon men paya jane vala mulayam, narm, panidar ratn hai. is par pista ke saman chinte pae jate hain. aushadh rup men yah najar mirgi men bahut kam ata hai.
22. dana firang ;gyapadakadamal aijvdmae dansan apajamaddha: yah gahre hare rang men mailapan lie, lahrdar athva bhanvrdar, aparadarshi patthar hai. yah gurde ke rogon men labhdayak hota hai.
23. mun ston ;davavad aijavadamaddha: chandramni. yah shvet, krim, halka gulabi rangon men paya jane vala ardhaparadarshi, gum, maila, chikna ratn hai. yah balyavastha ke kashton ko dur karta hai.
24. taigar, chita ;jpahamataddha: yah pit-krishn mishrit varn ka chamkdar, aparadarshi, shvet rekha yukt ratn hai. ise dasyiai lahsuniya bhi kahte hain. yah piliya rog men labhkari hota.
25. opal ;vchansaddha: yah shvet rang ka aparadarshi, chamkdar, mridu ratn hai. madhu, pila, nila, hara adi rangon men bhi milta hai. ismen sukshm lal sitare se dikhai dete hain. yah unnatidayak ratn hai.
26. turmli ;jvantaunsapadamaddha: ise tailmni tatha udau bhi kahte hain. vajan men bhari, paradarshi, panidar, chikna tatha sabhi rangon men paya jane vala ratn hai.
27. oniks ;vdalagaddha: yah krim rang ki dhariyon se yukt shvet-bhure rang ka gum ratn hai. is par krishn rekha bhi dekhi jati hai.
28. star ;aijanteddha: yah manikya jati ka lal-kala mishrit rang ka, gum, aparadarshi, chamkdar, char chah ya ath kaliyon se yukt sakht ratn hai. star nile men bhi pae jate hai. keniya ke star shreshth mane jate hain. masuri adhik prachalan men hai.
29. billor ;btalejansae chmaiisamaddha: ise shalmni bhi kahte hain. svachch, mridu, chamkdar, paradarshi ratn hai. iski gend bhavishyavani men kam ati hai.
30. tamra ;lavtpmejaddha: yah lal, gulabi rang ka gum aparadarshi, ruksh ratn hai. iske kinare paradarshak hote hain. bhitar mand bhari hoti hai.
31. kala lahsuniya ;thasanba aijantaddhah kale rang ka 4-6 kaliyon se yukt, chamkila, gum, narm ratn hai.
32. yashav r;nkamaddha: yah shvet, pila-hara adi mishrit varn ka shital aur sakht patthar hai. ismen jivanu pratirodhak kshamata hone se ise vatar filtar bhi kahte hain. dil ke rogon men vishesh kam ata hai.
33. hakik ;bvatdmjpandae .hanjamaddha: vibhinn rangon tatha das jatiyon men paya jane vala ati sakht ratn hai. ruksh aur aparadarshi hota hai. yamni, gav, gauri, hadid, sijri, panaghan, rata, pitaniya aur sulemani iski jatiyan hain. rakt, pitt, pradar, madhumeh aur mansik rogon men labhdayi hota hai.
34. chunbak ;danhdmjae svank aijavadamaddha: gahra kala aur gahra lal rang mishrit varn ka ruksh, aparadarshi aur chamkdar ratn hai. yah sakaratmak tatha nakaratmak do prakar ka hota hai. lohe ko apni or akarshit karta hai. isi bhanti ganmetal ke bhi nagine bante hain jo loha aur ranga mishrit dhatu hai.
35. bairial: yah asmani aur hara rang mishrit varn ka, jhaninyukt athva pattedar, paradarshi kintu ruksh kanti ka ratn hai. is par paelish kam ati hai. bairuj, nilam tatha panne se kuch milta-julta ratn hai.
36. sfatik mani ;tvaba aijavadamaddha: shvet, gulabi, matmaila, krim adi rangon men paya jane vala paradarshi, chamkdar ratn hai. aushadh rup men yah chale, fafole men kam ata hai.
37. kahrva, trinmni ;.uimataddha: yah pile athva lal rang ka aparadarshi ratn hai. ratn hote hue bhi yah ek vishesh prakar ke vriksh se ganed ke rup men prapt hota hai. ise ghisne se khushbu ati hai. iski mala jap-tap men bahut kam ati hai.
38. kasauti ;jvanbi aijavadamaddha: kale rang ka ruksh, aparadarshi, mulayam ratn hai.
39. paras ;chipsvevchipte aijavadamaddhah yah kale rang ka durlabh v amulya ratn hai.
40. satmasi, kachcha panna, grin garnet ;.chamajapajamaddha: hara, nila, pila v hara-nila mishrit varn ka doranga, mridu, paradarshi, ruksha-kanti ka, kuch-kuch panidar aur shighra bhangur ratn hai. dekhne men panne jaisa lagta hai. bharat (urisa, rajasthan), pakistan, afganistan v shrilanka men paya jata hai.
41. sangsitara ;lavasak aijantaddha: gerua rang ka yah gum ratn, aparadarshi, chamkdar aur svarn chiton se jagmgata hua hota hai. mansik kuntha, tras adi dur karta hai.
42. jahar mohra ;aimatachamadajapadamaddha: ise sarpila bhi kahte hain. hare-pile mishrit varn ka ratn hai. sarp dansh men jahar utarne ke kam ata hai.
43. ajuba: yah shvet tatha khaki rang ka mridul, aparadarshi, gum ratn hai. is par rang birangi dhariyan bhi pai jati hanai.
44. ahva ;chpadachamataddha: yah apne upar dhabbe lie gulabi rang ka aparadarshi mridu patthar hai.
45. abri: kale-pile rang men paya jane vala aparadarshi, chikna ratn hai. iski bhasm banti hai.
46. amliya: gulabi rang ki chata lie kale rang ka yah ratn aparadarshi tatha chamkdar hota hai. yah aushdhi men kam ata hai.
47. alemani: bhure rang ka aparadarshi tatha kale rang ki kshin rekhaon se yukt ratn hai.
48. karpish mani: yah bhure tatha badami rang ka narm ratn hai. iski bhasm ayurved men kam ati hai.
49. kansla: yah mailapan lie shvet varn ka paradarshi, chamkdar ratn hai.
50. kurandam ;bvattndknauddha: yah gulabi rang ka maila, gadyukt, aparadarshi ratn hai. yah san charhane men kam ata hai.
51. kudarat ;chanjanatamaddha: kale rang ka gum ratn hai. is par safed-pile dhabbe bhi dekhe jate hain.
52. godanti ;bvuvataladdha: yah shvet rang ka aparadarshi, shighra bhangur ratn hai. iski kanti ruksh hoti hai.
53. gudri ;fanapasajaddha: yah pile rang ka ubr-khabar, bhadda, ruksh, gum ratn hai.
54. chakamak ;thsapadajae thpatam aijavadamaddha: kale rang ka gum ratn hai. is par loha ragrne se ag niklti hai.
55. jharna ;aijtmanuddha: gili mitti ke rang jaisa gum, shighra bhangur ratn hai. yah motijhra tatha elarji men kam ata hai.
56. terhi ;chpasasant aijavadamaddha: kathor, aparadarshi, tatha majbut ratn hai. yah stanbh banane men kam ata hai.
57. dur ;kvavataddha: katthai rang ka aparadarshi ruksh aur sakht ratn murtiyan banane men kam ata hai.
58. tiliya: kale til jaise rang ka chintedar, gum, aparadarshi evan ruksh ratn hai.
59. tursava: yah nile rang ki abhayukt, shvet, hara lal adi rangon men paya jane vala naram, halka aur chamkdar ratn hai.
60. dantla ;jmamajimataddha: yah shvet tatha hare rang men paya jane vala naram, halka aur chamkdar ratn hai.
61. darchna: dhul-kan jaise chote-chote binduon se yukt katthai v pile rang ka ratn hai.
62. dur-e-najf: bhune hue jau ke saman rang ka gum, ruksh ratn hai.
63. fath-e-jahar ;.dajap chvapevadaddh ah barf ki bhanti shvet rang ka ardhaparadarshi, chamkdar ratn hai. jahrile dansh, vran, ghav, vish prakop men kam ata hai.
64. bansi ;aiman latamamadaddha: jaliya kai ke saman rang ka ruksh, mridu, aparadarshi ratn hai.
65. makri ;aichapakamataddha: yah hare, kale rang ka ratn hai. iske bhitar makri ke jale ki bhanti jale dikhai dete hain.
66. mariyam ;thatvjimat v idantaisamaddhah ekhne men sangamaramar jaisa kintu sangamaramar nahin hota. yah ratn keval safed rang men milta hai.
67. masar mani ;mumadaladdha: shvet, lal, kala, pila adi rangon men paya jane vala yah ek mahatvapurn ratn hai. yah ag men nahin jalta tatha dudh-pani ko alg-alag kar deta hai. yah agni, jal, chor, shatru, bhut-pret adi se bachav men kam ata hai.
68. muv-e-najf: yah safed rang ka kali dhariyon vala ruksh ratn hai.
69. raktashmi ;thasavavakal.tnleddha: gum, kathor, malin hote hue pila, nila aur hare rangon men milta hai. is par lal rang ke lanbe-lanbe chinte hote hain.
70. ratrtua ;.dajap thmaamataddha: yah lal tatha gerue rang ka ratn hai. yah jvar men kam ata hai.
71. luniya ;ainsajamataddha: hare rang ka gum ratn hai. iske bartan bante hain.
72. shubhramni ;snabal aijvdmeddha: vibhinn rangon men paya jane vala svachch, paradarshi, chamkila ratn hai. ise karya siddhi ke lie dharan karte hain.
73. sangiya, ghinya ;aivanch aijavadamaddha: chak ke patthar se milta-julta safed rang ka mulayam ratn hai.
74. sange simak: gum, malin, sakht aur lal rang ka ratn hai. is par safed chinte hote hain. yah san charhane ke kam ata hai.
75. sifri: asmani tatha hari sabji ke rang men milne vala yah patthar narm, aparadarshi aur ruksh hota hai.
76. sinduri ;tamtaupasasapavadaddha: yah gulabi rang ka mridu, aparadarshi ratn hai. darpan, devarchana tatha aushdhi men prayukt hota hai.
77. suryamni ;.chachavasav aijavadamaddha: purn shevat rang ka, kanch ki bhanti chamkila aur paradarshak ratn hai. banavti saj-samanon men kam ata hai.
78. surma ;.dajpauvadaladdha: kale rang ka shighra bhangur ratn hai. yah surma banane men kam ata hai.
79. son makkhi ;lavasakamad thsaladdha: yah ratn sone ke tukron ke saman makkhi ki shakla men paya jata hai. iska rang sone jaisa (pit varna) hota hai. yah saundarya prasadhan, banavti saj-saman tatha aushdhi men prayukt hota hai.
80. hajrte bair: matmaile rang ka bair ki akriti vala ubr-khabar satah ka gum, ruksh ratn hai. yakrit aur vrikk se sanbandhit rogon men labhdayak hai.
81. hajrte ud: yah gulabi rang ka lochdar, khurdra, aparadarshi aur ruksh ratn hai.
82. haritopal ;aichptans tnailaddha: hare rang ka yah ratn, paradarshak, chamkdar tatha dekhne men hare manikya jaisa hota hai.
83. bhishmakamani: yah pila, kala, shvet, madhu adi rangon men milne vala snigdh, paradarshi ratn hai. hriday rog tatha shatru par vijay men labhkari hota hai.
84. uluk mani: yah ek durlabh mani hai. matmaile rang ka yah ratn ek vishesh prajati ke ullu ke mastak se prapt hota hai. ise kisi andhe ki ankhon se sparsh karane se uski khoi netrajyoti vapas a jati hai.