- yadi apko adhik kasht ho to ap dudh, shahad, dahi, shakkar, sarson ka tel harek ko sava litar ki matra men len, tatha ek nil ki botal, safed surma, kala namak, kali mirch, 11 laung, sava mitar kala kapra, sava kilo kale til, sava kilo urad ke sath kuch chaval is shani jayanti par ya kisi shanivar ko shani dev ka smaran kar pipal par dhup v sarson ke tel ke dipak ke sath arpit karen. dudh adi gili samagri pipal ki jar men arpit kar den v baki samagri dakaut ko dan kar den. yah upay ap lagatar ath shanivar karen aur svayan chamatkar dekhen.
- shani krit kasht se mukti pane hetu is shani jayanti par ya shanivar ko andhkar hone ke bad pipal par mitha jal arpit karen. sarson ke tel ka dipak arpit karen aur vahin baithakar shani chalisa ya hanuman chalisa ka path karen. is upay se tunrat labh hota hai.
- is shani jayanti par ya shanivar ke din kali gay ki seva karen, tilak, bindi kar uske sing par kalava bandhakar bundi ke ath laddu khilayen aur charan chuen. - shani jayanti se ya shanivar se shuru kar kale kutte ko niyamit rup se mithi roti khilayen aur aisa tab tak karte rahen jab tak ki apka manorath siddh n ho jae.
- is shani jayanti par ya shanivar ki ratri mane apne palang ke charon payon ke niche ek kil rakhen. sava mitar reshmi kale kapre men ath sau gram urad ke sath ath lohe ke gol sikke jaise stil ke pattar sath, sava sau gram laung aur kajal men chandan ka itra milakar sote samay sirhane ke niche rakhen. agle din subah nahane ke bad kilon ko nikal kar kale kapre ke konon men bandh kar baki samagri bhi kapre men rakhakar potli jaisa rup de den. apne sir se sat bar usar kar kisi bahte jal men pravahit kar den.
- shani kripa hetu is shani jayanti se ya shanivar se bhojan men kali mirch v kale namak ka avashya prayog shuru kar den.
- is shani jayanti ko ya shanivar ko kale ghore ke pair ki mitti kale kapre men bandhakar tabij ke rup men gale men dharan karen, shani ka vishesh anukul fal prapt hoga.
- is shani jayanti par ya shanivar ke din ap ek hi map ki ath botlen len (ap kisi bhi map ki botal le sakte hain) aur har botal men ek hi map ka sarson ka tel bharen. har ek men ath-ath sabut urad ke dane v ek-ek kil dalane, fir athon botlon ko apne upar se ath bar usar kar bahte jal men pravahit kar den. is tarah yah kriya lagatar ath shanivar karen. man ki murad shani dev avashya purn karenge.
- yah upay shani jayanti se ek din pahle shukravar se shuru karen, shukravar ko lohe ke bartan men ath kilo kale chane bhigo den fir agle din shanivar ko kale kapre men sare chane rakhen aur sath men ath sau gram kali urad aur itne hi kale til v jau rakhen aur ek lohe ki patti rakhen. ab iski potli banakar aise sthan par dalane jahan machliyan hon, yah kriya ap lagatar ath mahine tak karen apke sabhi karya siddh ho jayenge.
- is shani jayanti par ap ek kale ghore ki nal lekar aen aur kisi bartan men sarson ka tel dalakar usmen vah nal dal den, kale til v sava rupya bhi sath men rakh den. ab agle shanivar tak aise hi rahne den fir agle shanivar ko nal ko bartan se nikal kar jal, shuddh ghi, shahad v shakkar, dahi, dudh se shuddh karke ghar ke mukhya dvar par andar ki or yu ke rup men kilane ke dvara laga den fir roli se tilak bindi kar dhup dip se arti utarane tatha tel v anya samagri pipal par arpit kar den. lagatar 27 din tak lagi nal ko dhup dip dikhate rahen. apke sabhi bigde kam ban jayenge. kam dhandhe men khub barakat hogi.
- is shani jayanti se ya shanivar se shuru karke lagatar ath shanivar ko kisi pandit ko urad ki dal ki khichri khilayen. dan men kale vastra men urad ki dal bandh kar ath sikke dakshina men den.
- shani jayanti par ya shanivar ke din apne se 19 guna adhik lanba kala dhaga lekar use ek mala ka rup den jo gale men pahni ja sake. fir shani dev ka smaran kar us mala ko gale men dharan kar len.
- shami vriksh ki jar ko shani jayanti par kale kapre men bandh kar apni dayin bhuja par bandh len, turant labh hoga.
- shani kripa hetu is shani jayanti par ya shanivar se mansahar, madirapan ke tyagne ka pran lane.
- is shani jayanti par ya shanivar ke din ghar ke mukhya dvar par chandi ka pattar dabayen.
- is shani jayanti par ya shanivar ke din kale ghore ki punch ke ath bal lekar unhen kisi lakri ki dibbi men rakhakar 43 din tak apne sone vale kamre men rakhen fir 43ven din balon ko jalakar uski rakh ko sarson ke tel men milakar bahte jal men baha den, sabhi sankat dur honge.
- shukravar ko 800 gram kale til pani men bhigo den. agle din shanivar ko, shani jayanti ko unhen gur men kut kar laddu banayen aur kale ghore ko khila den. yah upay lagatar ath shanivar karen. shani pira se nijat milegi.