tantra ki shiksha-bhumiah tara pith dae. ashok sharma tantra shastron ke mahatvapurn granthon men ek granth ‘‘mund mala tantram’’ ke pratham patal ke chathe evan satven shlok men bhagvan shiv ne das mahavidya ke vishay men kaha hai ki kali, tara, shodshi, bhuvneshvari, bhairvi, chinnamasta, baglamukhi, dhumavti, matangi aur kamla, ye dash mahavidya siddh vidya kahi gai hai. in mahavidyaon ke mul sthanon ka sanbandh shakti-pithon se bhi hai evan sabhi puja, upasna, havan adi karyon men dashon mahavidyaon ka saman mahatva hai. tantra sadhna ke lie sarvadhik siddhi-dayak sthan kamrup kshetra ke nil parvat par sthit man kamakhya ka pavitra dham hai jahan tantra-sadhna men mahavidya shodshi kamakhya ka prakritik yogdan manav mastishk ki soch tatha samajh se pare hai. tantra-sadhna ka pratham sopan kumari pujan vidhan isi sthan par kiya jata hai. jo sadhak tantra sadhna men pravesh karte hain unhen sarvapratham is sthan par kumari pujan anivarya rup se karna hota hai. anya sadhnaon men ambuvachi yog men yahan sarvadhik siddhidayi sadhna vishva prasiddh hai. tantra sadhna men shighra siddhi-prapti hetu shmashan men sadhna ki jati hai. iske lie mahashmashan hi prastar hain. jagrat shmashan men sadhna bhi shighra faldayi kahi gai hai. chakratirth shmashan, ujjain tatha manikarnika ghat jagrat shmashan hain jabki bangal ke virbhumi jile men rampurahat ke samip tarapith ka shmashan mahashmashan kahalata hai. tantra sadhna ki parakashtha isi shmashan ki sadhna men nihit hai. man tara ko vipduddharini tara- vipduddharini man tara, tarini man tara kaha jata hai. sabhi apdaon se, vipdaon se tarne vali man tara mrityu ke pashchat bhi tarne vali shakti matangi ke charan kamal is sthan par maha shmashan men pratishthit hanai jahan sadhna, pujan, havan adi karya kiya jata hai. mahapurushon v avtaron ki sadhna sthali: bhagvan ram, buddh, mahavir, rishi vashishth, vishvamitra, devguru brihaspati, maharshi dadhichi jaise maharishiyon ne is sthan par sadhnaen kar siddhiyan prapt ki thin. vamakshepa namak mahan tantrik jinhen man tara ne svayan stan pan karaya tha vah is sthan ke pratham pujya mahamanav hanai. tantra ke shatakarmon ka adhyayan isi shmashan bhumi men sadhna karke hi kiya ja sakta hai. pratyek amavasya ko yahan mela jaisa lagta hai. sabse bara mela aur siddhi-prapti ka varshik mahotsav pratyek bhadrapad mah ki amavasya par hota hai. is mahaparva par, grahan ki amavasya parva par tatha dipavli ki amavasya par anubhvi aur vishisht tantrikagan apne shishyon ko yahan gupt tantra siddhiyan-prapti hetu guhyatam sadhnaen sampann karate hain. is sthan men anek tantra sadhikaen jinhen bhairviyan kaha jata hai, nivas karti hain tatha anek tantra sadhkon ki sadhnaon men sahayta karti hanai. is sthan par alg-alag kamnaon ki purti ke lie alg-alag sadhnon se havan samagriyon se vibhinn vishesh muhurton men havan kiya jata hai. sarvamnokamnaon ki purti, bhumi, bhavan, vahan, sukh, smriti, rinnash, klesh nash, dampatya, santan, parivar, kutumb adi ke sukh ke lie shatru nash, vad-vivad, chunav, pratiyogitaon men, pariksha men vijay v saflta ke lie arogya-prapti, grah shanti, rog nash tatha shanti adi ki prapti sahit anek karyon hetu tantra vidhi se shighra faldayi havan kiya jata hai. kaliyug men tantra sadhna shighra faldayi hoti hai vedon ke ye shabd isi sthan par satya avashya siddh hote hain. aisa is sthan ke sadhkon ka manna hai. man tara tvarit fal dene vali ashusiddhidayi dayamyi mata hai.
Kya aapko lekh pasand aaya?
Subscribe