ayurved ne karn rogon ke lie mukhyatah
manushya ko doshi thahraya hai. anuchit evan ahitkarak dhvani ko sunne ki adat se manav ki karnendriyan buri tarah prabhavit hain. dhire-dhire uski sunne ki shakti kam hoti jati hai.
karn rogon men mukhyatah
1. karn srav
2. bahrapn
3. karnashul hanai.
karnasrav karnasrav ka arth hai kan ka bahna. vastav men yah kafi purana rog hai. ayurved granthon men is rog ke vishay men paryapt jankari di gayi hai. ayurved men karn srav ke mukhya tin prakar hote hain.
pahle prakar men vat-vikar ke karan patla evan safed srav hota hai. dusre prakar men pitt vikar ke karan hota hai.ismen lal-pile rang ka drav sravit hota hai. tisre prakar men kaf-vikar hai. ismen srav garha, safed tatha khujli yukt hota hai.
iske atirikt karnasrav ke anya kai karan hote hain. jaise sir par chot lagna, kan men pani chala jana, kan men fore-funsiyan hona, kan ke parde men chidra ya sujan ho jana, kan men kainsar hona adi. khasra, kali khansi adi sankramak rogon se bhi yah rog hota hai.
vaise to yah rog kisi bhi umra men ho sakta hai, magar balyavastha men yah rog adhik dekhne ko milta hai. bahrapan bahrapan arthat shravan shakti kho dena ya kam ho jana.
yah dosh mukhyatah tin prakar ka hota hai:
janmajat, bachapan men utpann hona evan burhape men utpann hona. janmajat karnon men bachchon ka samay purva paida hona, prasav ke samay chot ya koi anuvanshik karan hai. janmajat badhiron ko jivan men har star par kathinaiyon ka samna karna parta hai.
aise marijon ke samanya gyan evan mansik star bhi samanya ki apeksha kam hote hain. bachapan men hone vale bahrapan ke karnon men sankraman hai, jaise vayaral, sifilis, tapedik, dimag men tyumar adi. aise men rogi hin bhavna se grast ho jata hai jisse uske mansik evan sharirik vikas ruk jate hain. burhape ke bahrapan men umra barhne ke sath-sath vyakti ke shravan tantu sukh jate hain aur bahrapan a jata hai.
aise men marij ko apni bat kahne evan samjhane men koi kathinai nahin hoti par dusron ki bat ko samjhna inke lie dushkar hota hai. achanak aye bahrepan se vyakti ko mansik pareshani evan nirasha adhik hoti hai. anya karnon men bar-bar sardi-jukam hona, kan se mavad bahna, kuch davaon ke adhik istemal jaise kloroksin, dard nashak esprin, entibaeytik, jaise -
kloromaisin jetamaisin adi. kan ka darda: ayurved ke anusar kan dard vayu-vikar se utpann hota hai. kanon ki shiraon men dushit vayu apna sthan bana leti hai jisse kanon men vibhinn prakar ki dhvani utpann hoti hai aur dard bhi hota hai. kan ke dard ke anya karan tansil ki sujan, sardi-jukam, shruti-surang nali ki sujan ya avrodh, kanon men mail jam jana ya pani chala jana, jor se aghat lagna, maleriya, taifaid jaise rogon men tej bukhar bhi hai. gharelu upchar karnasrav ke upay: - kan ko saf kar do-do bund medikal spirit tin char din kan men dalne se kan ka bahna thik ho jata hai.
-sarsane ka tel evan ratan jot 10ah1 anupat men milakar pakaen. pake tel ko thanda kar do-do bund kan men dalte rahne se bahna v dard men aram milta hai.
- stri ke dudh men rasaunt evan shahad milakar kan men dalne se karnasrav men labh milta hai.
-do-do bund chune ke pani ko kan men dalne se bachchon ke karnasrav men aram milta hai.
bahrepan ke upay
- ek chutki asli hing, stri ke dudh men ghisakar kan men dalne se bahrapan dur hota hai.
- ak ke pile patte jinmen ched n ho, ag par garam karke, unhen masalakar ras nikalen aur is ras ko kan men do-do bund dalne se bahrepan aur karnasrav men labh hota hai.
-muli ka ras, shahad, sarson ka tel barabar matra men milakar do tin bund kan men subh-sham dalne se bahrepan men labh hota hai. karn pira ke upay (kan darda) -tulsi ke patton ka ras gunguna kar do-do bund pratah
-sayan dalne se kan ke dard mane rahat milti hai aur bahrapan bhi thik hota hai.
-adarak ke ras men namak evan shahad milakar gunguna kar kanon men dalne se kan dard men aram ata hai.
- pyaj ka gunguna ras kan men dalne se kan ke dard men aram milta hai.
isse bahrepan evan karnasrav men labh milta hai. jyotishiya karan jyotish ke anusar tritiya evan ekadash bhav kundli men kramshah dayen evan bayen kan ka netritva karte hain. grahon men budh grah shravan shakti aur vak shakti ka pratik hai. kisi bhi janmakundli men jab budh, tritiya evan ekadash bhav shubh grahon se prabhavit rahte hain, to vyakti ki shravan shakti ko barhate hain or iske viprit jab ye pap e van ashubh grahon se prabhavit hokar pirit ho jate hain to shravan shakti ko kam karte hain. agar ye buri tarah se prabhavit hon, to jatak janmajat arthat janm se hi bahra hota hai.
janmajat bahra vyakti bolne men bhi asamarth rahta hai kyonki jab jatak ne shabdon ko suna hi n ho, to vah bolega kaise? isilie budh vak shakti ka pratik mana gaya hai. sunne aur bolne se jatak ek dusre se sanpark banaye rakhte hain aur samaj men ise vishesh sthan prapt hota hai. vibhinn lagnon men jyotishiya yog
mesh lagna: budh kisi bhi bhav men mangal se yukt ya drisht ho aur shani ki drishti mangal aur budh donon par ho to jatak ke kanon men rog utpann kar bahra tak bana deta hai.
vrish lagna: chandra shashth bhav men budh se yukt ho, mangal tritiya bhav aur shani navam bhav men ho to jatak ko karn srav se bahra bana deta hai.
mithun lagna: guru tritiya bhav men ho, budh-shukra shashth bhav men ho, mangal dvadash bhav men ho, shani navam ho to jatak kan rog se pirit rahta hai.
kark lagna: budh ekadash bhav men, surya dvadash bhav men, shani lagn, pancham, navam kisi bhi bhav men ho, mangal ashtam, pancham, dvadash kisi bhi bhav men ho aur chandra saptam bhav men rahu ketu se yukt ya drisht ho to jatak ko karn rog se pirit karta hai.
sinh lagna: shashthesh shani tritiya ya ekadash bhav men budh se yukt hokar mangal se drisht ho, surya, shukra, chandra dasham bhav ya dvadash bhav ya dvitiya bhav men rahu-ketu se drisht ho to jatak karn rog se pirit hota hai.
kanya lagna: mangal ashtam ya dvadash bhav men ho, lagnesh budh surya se ast hokar shashth bhav/ashtam bhav men ho, guru tritiya ya ekadash bhav men rahu-ketu se drisht ya yukt ho to jatak ko karn rog hota hai.
tula lagna: guru tritiya ya ekadash bhav men rahu-ketu se yukt ho, lagnesh shukra surya se ast ho, budh tritiya bhav men mangal se yukt ya drisht ho to jatak ko karna-pira deta hai.
vrishchik lagna: budh tritiya ya ekadash bhav men shani se yukt ya drisht ho, mangal surya se ast ho aur rahu-ketu se drisht ho to jatak ko karn srav rog hota hai.
dhanu lagna: shukra aur budh tritiya bhav men rahu-ketu se yukt hon aur shani se drisht hane, guru ashtam bhav men ya dvadash bhav men ho aur mangal se drisht ho to jatak ko karn rog hota hai.
makar lagna: chandra-guru tritiya bhav ya shashth bhav men ho, budh tritiya bhav men mangal se yukt, shani se drisht ho to jatak ko karn pira se pareshani rahti hai.
kunbh lagna: mangal tritiya, shani shashth, budh ekadash bhav men rahu-ketu se yukt ya drisht ho, guru saptam bhav men chandra se yukt ho to jatak karn rog se pirit rahta hai.
min lagna: shukra lagn men, budh tritiya bhav men shani se yukt ya drisht ho, guru shashth ya ashtam bhav men ho to jatak karn rog se pirit hota hai.