ji han, aisa hi hua priyanka ke sath, priyanka bachapan se bahut honhar aur hoshiyar bachchi thi. jivan men bare-bare sapne dekhti thi. mata-pita bahut hi rais the. use unchi se unchi shiksha dilana chahte the. priyanka ne dilli ke taep kaelej se grejueshan karne ke bad faishan mainejment men postagrerajueshan ki aur isi bich uske mata-pita ne ek bare bijnesmain ke bete ankur se uska vivah kar diya. ankur apni tin bahnon ka ladla bhai tha jo usse umra men kafi bari thin. ankur apne mata pita ki praurh avastha ki santan tha. islie use jarurat se jyada pyar aur dular mila tha. priyanka apni ankhon men bare-bare sapne lekar apni sasural men gai. vahan se ek nahin char-char manon ka pyar milna tha kyonki uski tinon nanden bhi bahut bari thin.
chunki priyanka apne man-bap ki iklauti santan thi, use naye mahaul men edajast karne men thora samay lag raha tha. ankur aur use har kam ke lie sabki anumti leni parti thi aur ankur bhi apni man aur bahnon ke lar pyar men itna mast rahta tha ki priyanka ko bhul hi jata tha. priyanka ko apna vajud bemani sa lagne laga. shuru ke kuch mahine to usne edajast karne ki bahut koshish ki lekin jab use ankur ki ayyashiyon ke bare men pata chala to vah lagabhag dipreshan men hi chali gai. vah bilkul gumshum si rahne lagi aur jab uske mata-pita ko pata chala to ve uske thik ilaj ke lie apne ghar le gaye. vahan kuch din haespital men rahne ke bad usne apne mata-pita ko sab kuch bataya to unhonne apni pyari beti ko vahan n bhejne men hi bhalai samjhi. udhar ankur priyanka par jor dalne laga ki use apne pati athva mata-pita kisi ek ko chunna hoga to usne apne mata-pita ko hi chuna.
jab ankur ne vivah ke chah mahine men manchaha pyar nahin diya to priyanka janm ke mata-pita ka sath kaise chor sakti thi. priyanka ko dipreshan se ubarne ke lie uske mata-pita ne use landan bhej diya. vahan par priyanka ne kuch haebi klas jvain kar li. panch-chah mahine vahan rahne ke bad uska man badlne laga aur uske jivan men fir nai ashaen, umangen panpne lagin. jindgi fir se khubsurat lagne lagi aur jab vah vapis ai to man-bap ki khushi ka thikana n raha, unhen apni priyanka vapis mil gai thi. kuch mah bad priyanka ke papa ne ab fir se uske lie dusri manjil talashni shuru ki aur shayad priyanka ki kismat bhi yahi chahti thi. is bar unhen sarthak se rishta aya. sarthak bhi apni vivah ki ek pari khel chuke the par unhen bhi saflta nahin mili thi.
puri tarah se ashvast hokar donon parivaron ki or se han hui. sarthak priyanka ko bhi kai bar milne ka mauka diya gaya taki ve sab kuch thik se parakh len aur kuch hi din men janvri 2014 men priyanka apne dusre ghar men a gai. yahan akar mano uski akankshaon ko pankh lag gaye. sare sapne pure hote dikhne lage aur kuch hi din men vah apne naye ghar men aise ram gai jaise vah usi parivar ki thi. uske mata-pita bhi uski khushi se bahut khush the aur ab to usmen ek khushi aur jur gai thi kyonki ve shighra hi nana-nani banne vale the aur idhar priyanka bhi apni dusri manjil ko pakar pahle sare gam bhul gai thi aur apne naye mehman ki khatirdari men juti thi. priyanka ki kundli ka vishleshan karen to inka saptamesh chandrama dasham bhav men krur grah mangal ke sath yuti bana raha hai. pati karak grah guru bhi rahu se grast hai islie pahla vivah adhik din tak nahin chala.
lekin parakram bhav men svagrihi guru v rahu ka sanyukt prabhav hone se inmen sangharsh karne ki himmat hai isilie viprit paristhitiyon men bhi priyanka ne himmat nahin chori aur ek naye rishte men bandhi. rahu yadi svagrihi ya uchch rashisth grah se sanyukt ho to vah is grah ke bal ko char guna barha deta hai. guru grah ke bali hone se priyanka n keval sushikshit, sabhya, sanskari, gyani v gunvan bani apitu parakramesh ko atirikt bal prapt hone ke falasvarup jivan ka adamya sahas v kathin parishram se samna karne men samarth bhi ho saki tatha inhonne apne jivan ki punah safal shuruat ki. vivah ke karak shukra ke sath do algavvadi grahon ki yuti tatha algavvadi rahu ki drishti ke karan inki kundli men divors arthat pahle pati se algav ka yog bana. shani men ashtamesh surya ki antardasha men iska dusra vivah hua. surya chunki kundli men labh sthan men baithe hain islie dusre vivah ka labh prapt hua aur ismen ab koi vighn nahin aega. priyanka ke dasham bhav men mangal hone se use digbal prapt ho raha hai aur chandra mangal ki yuti se lakshmi yog bhi ban raha hai jiske falasvarup priyanka ko paise ki koi kami nahin hui aur apne mata-pita ka purn sneh aur dhan ka labh mila.
matri karak chandrama tatha chaturthesh mangal ki chaturth bhav par drishti hone se evan dashmesh ki labh bhav men tatha labhesh ka dasham bhav men parivartan hone se bhi priyanka ko apne mata-pita ka bharpur sahyog prapt ho raha hai aur aj jivan fir se khushhal hai. vartaman men gochar men brihaspati apni uchch rashi se panchmesh shukra ko dekh rahe hain aur agle varsh priyanka ko man banne ka saubhagya bhi prapt ho jaega aur is tarah vah apni nayi manjil par adhik khushi se apna jivan vyatit karegi.