aiye jante hain ki ’’badhk’’ kya hai ? kisi karya men badha ya rukavat utpann karne vala grah ’’badhk’’ kahlata hai. janm kundli ke adhyayan ke samay yadi koi grah dekhne men to yogkari, aur labhkari pratit hota hai, parantu vastav men jatak ke jivan men vah grah anisht kar raha hota hai, tab aise grah ki avastha ’’badhk’’ kahlati hai aur yah dosh ’’badhak dosh’’ kahlata hai. janmalagn men yadi char svabhav ki rashi (mesh, kark, tula, ya makr) ho to ekadash bhav ko badhak bhav kahte hain aur ekadshesh v ekadash bhav men sthit grahon ko badhak grah kahte hain.
isi prakar se janmalagn men sthir svabhav ki rashi (vrish, sinh, vrishchik ya kanubh) ho to navam sthan, uska svami aur usmen sthit grah aur janmalagn men dvisvabhav rashi (mithun, kanya, dhanu ya min) ho to saptam sthan, uske svami grah aur usmen sthit grah badhakari hote hain. badhak grah apni dasha-antardasha men rog, shok, hani, apayash aur duahkh dete hain.
inki dasha men videsh bhi jana parta hai yani parivar se viyog hota hai. kuch jyotish vidva anon ka ek vichar yah bhi hai ki badhak grah ka dosh tab prakat hota hai, jab vah shashthesh se yukt ho. aisi avastha men jatak shatruon ke dvara arthik, daihik, samajik rup se kasht bhogta hai. kya ap badhak dosh se grast hain ? dae. sanjay buddhiraja, faridabad badhak dosh janm kundli men keval janmalagn ke lie hi nahin hota hai, balki yah pratyek bhav ke lie hota hai.
jaise, mesh lagn ki kundli men lagn men char svabhav ki meshrashi ke lie badhak sthan ekadash bhav hota hai. usi prakar se isi mesh lagn ki kundli men dvi tiya bhav (yahan sthir svabhav ki vrish rashi hai) ke lie badhak sthan dvitiya se navam sthan hoga yani dasham bhav hoga aur tritiya bhav (yahan dvisvabhav ki mithun rashi hai) ke badhak sthan tritiya se saptam sthan hota hai yani navam bhav hota hai. bhartiya jyotish granthon men badhak dosh ka vistrit varnan nahin hai, islie yah ek shodh ka vishay hai.
ab prashn uthta hai ki badhak sthan ke svami ke lie kundli men kaun sa sthan upyukt hota hai ? jaisa ki ham jante hain ki kundli men kendra aur trikon bhav shubh sthan hain, magar 3-6-8-12 bhav ashubh sthan hain. is karan kendra aur trikon ke svami ki balvan avastha aur 3-6-8-12 bhav ke svami ki nirbal avastha achchi kahi jati hai. atah badhak sthan ke svami ki apne bhav se kendra ya trikon sthan men sthiti use balvan karegi aur aisi avastha men uska badhak dosh barh jaega, kintu apne bhav se 3-6-8-12 bhav men sthiti men vah kamjor hokar badhak dosh se mukt hoga aur jatak apne sukarmon se badhaon par vijay prapt kar sakta hai.
aiye kuch udahrnon se badhak dosh v badhak grah ke bare men aur jante hain - udaharan 1: ek ti vi kalakar (13 navanbar 1967, 02ah00, ludhiyana) ki janmakundli ke sinh lagn men guru hain. sthir sinh rashi ke lie navam bhav, navmesh mangal aur usmen sthit grah rahu badhak honge. atah mangal v rahu ki dasha-anrtadasha men jatak ko badhak dosh ke karan dukh, rog v tanav milega. 1998 men rahu ki anrtadasha men jatak ko pita ki mrityu ka dukh bheagna pada aur vyavsay ke silsile men lanbi yatraon ke karan sharirik kasht bhi sahna para.
isi prakar tritiya bhavagat char tula rashi ke lie tritiya se ekadash sthan arthat lagn bhav, lagnesh surya aur ismen sthit guru grah badhak honge jiski dasha ya antardasha men tritiya bhav ke fal prapti men badha utpann hogi. farvri 2006 men surya ki anrtadasha men jatak ko apni choti bahan ki bimari ke karan kafi daur dhup karni padi aur lakhon rupye bhi kharch huye. udaharan 2: dakshin ke ek kalakar ki janmakundli (05 jun 1921, rat 8 baje, karimngr) ke lagn men dvi svabhav rashi dhanu hai. atah saptam bhav aur saptamesh budh badhak hain.
svagrihi aur bhadrayog hone ke karan is budh ko ham shubh mante hain, kintu vastav men aisa nahin tha. dhanu aur min lagn valon ke lie svagrihi budh ki dasha ya antardasha men shubh fal nahin milte. jyotishi aur jatak donon chintit hote hain ki aise balvan grah ke fal kyon nahin milte ? karan - badhak dosh. budh ki a nrtadasha men 1945 men hone vala vivah keval ek hi sal men agast 1946 men vivahettar sanbandhon ke karan tut gaya. udaharan 3: prasiddh rajneta sushri jayllita (24 farvri 1948, 15ah00 baje, maisur) ki janmakudli ke lagn men dvisvabhav mithun rashi hai. atah saptam bhav aur saptamesh brihaspati badhak hain.
saptam bhavagat brihaspati apni rashi men hone ke karan hans yog bana raha hai, atah kahna chahiye ki vaivahik sukh milega parantu is yog ke banne par bhi iska sarvadhik asar vaivahik sukh par para hai. jis karan badhak brihaspati ne unka vivah nahin hone diya. arthat shubh yogon ko fal dene men bhi badhak grah badha dalte hain. udaharan 4: dhirubhai anbani ki kundli (28 disanbar 1932, subah 06ah37, chodvad, gujrat) men dvisvabhav dhanu rashi hai. atah badhak grah saptamesh hoga. yah budh apne badh ak sthan saptam bhav se chathe bhav men maujud hone ke karan balhin hai. dhirubhai ka janm shukra ki mahadsha men hua aur taumra unhen badhak budh ki mahadsha ka samna nahin karna para.
jis karan vyapar bhav ke svami saptamesh v dashmesh budh ne unhen pareshan to nahin kiya lekin apni antardashaon men vyaparik kshetra men badhaon ka bhi lata raha parantu aisi badhaon ki umra kshanik hi rahi. apni mehanat v kabiliyat ke bal badhak budh dvara prastut badhaon par vijay prapt kar dhirubhai ne vyapar jagat men apni pahchan banai. badhak grah videsh bhi bhejta hai aur dvadashasth budh ne bhi unhen videsh yatrayen karvai jo unke liye vyaparik drishti se shubh rahin.
atah badhak grah ka samuchit upchar kar apne sukarmon se jatak badhaon par vijay prapt kar sakta hai. udaharan 5: lata mangeshakar (28 sitanbar 1929, 23ah00 baje, munbai) ki vrish lagn ki kundli hai. yahan vrish rashi sthir rashi hain. atah badhak bhav navam bhav hoga. badhak grah navmesh shani navam se dvadash sthan par dhanu rashisth hai jis karan badhak grah shani balhin ho jata hai. ayu bhav men balhin badhak grah ayu kam nahin kar sakta. aj lata ji ki ayu 84 varsh se adhik hai aur unhonne apne jivan men bahut yash, dhan evan sanpÿia ekatra ki hai.
unke jivan men anek bar shani ki antardasha ane par bhi unhen koi hani nahin hui. 2 gu. 28.10.1929, 23.00, munbai ra. 1 12 11 10 9 sh. 8 7 man.ke. 6 su.bu. 5 shu. 4 chan. 3 4 sh. 3 2 ke. 1 shu. 12 shu. 11 bu.su. 10 man. 9 chan. 8 ra. 7 6 5 udaharan 6: ramvir ki janmakundli men kark lagn hai. char rashi ka lagn hone ke karan ekadash sthan aur iska svami shukra badhak dosh se yukt hai. is prakar ekadash bhav sthit ketu bhi badhak hai. is kundli ke lie shukra badhak hokar duahkhdayak hai.
jatak ke jivan men shukra ki mahadsha farvri 1980 men ai. shukra-rahu ki dasha men is vyakti ko dhan hani hone lagi kyonki shukra ay bhav ka svami hai. badhak ketu ki pratyantar dasha to aur bhi kashtadayak rahi. jatak ko santan ke ilaj ke liye lakhon rupye kharch karne pade. shukra santan bhav se markesh hai aur ketu santan bhav ke liye marak bhav men sthit hai. nishkarsha: kisi jatak ke jivan kal men ghatit heane vali sukhad ya dukhad ghatnaon ke satik vishleshan ke liye badhak bhav v badhak grahon ki jankari ati avashyak hai.
jatak ke shubh pratit hone vale grahon ki dasha kal men bhi jatak ko shubh fal n mile to uska ekmatra karan badhak grah bhi ho sakte hain. in badhak grahon ka uchit adhyayan kar uchit upay karke jatak ke jivan men ane vali pareshaniyon v dukhon se chutkara paya ja sakta hai.