‘surya’ jise ham grah kahte hain - ek tara hai jo pure brahmand men sabse adhik tejvan, prakashvan tatha prabhavshali hai. anya sabhi grah (prithvi, chandra, mangal, buddh, guru, shukra shani adi) isi ke prakash se prakashit hote hain. is brahmand men surya sthir hai tatha anya sabhi grah-upagrah surya ke charon or apni-apni kaksha men bhraman karte rahte hain. prithvi bhi ek grah hai jo apne upagrah ‘chandrama’ ke sath-sath surya ki parikrama karti hai tatha yah apni kili (dhuri) par pashchim se purva disha ki or 1186 kilomitar prati ghante ki gati se ghumte hue apna ek chakra lagabhag 24 ghante men pura kar leti hai.
chunki abhi tak prithvi par hi jivan viksit hai atah ham prithvi ko sthir man lete hain jiske falasvarup surya sahit anya sabhi grah purva se pashchim ki or kya grahrahrah prabhbhva dalte hain ? prithvi ki parikrama karte hue parilakshit hote hain. samast mukhya grah apna ek vishisht rang dharan kiye hue hain yatha safed, lal, hara, pila, sunhra, dhundhla, kala adi tatha ye sabhi grah surya se prapt prakash ko apne-apne rangon men paravartit kar nirantar prithvi par bhejakar samast prani jagat par apna prabhav dalte hain, thik usi prakar jaise ham jis bhi rang ke lens ki ainak pahnte hain hamen usi rang ka dikhai deta hai. kisi bhi grah ki ek saman akriti v gati nahin hoti hai. atah vibhinn grahon ka apni-apni akriti, duri, gati, kon adi ke adhar par samy-samay par alg-alag prabhav padta hai.
samast grah surya ki kirnon ko apne-apne rangon men paravartit kar thik usi prakar se prani jagat par prabhav dalte hain jaise jal chikitsa visheshagya ek hi prakar ke jal ko vibhinn rangon ki botlon men bharakar surya ki dhup men rakh dete hain tatha surya ki kirnen vibhinn rangon ki botlon men se ar-par jakar jal par alg-alag prabhav dalti hain tatha ve jal chikitsadhkari us jal se vibhinn rogon ki chikitsa karte hain. jal-chikitsa tatha rang-chikitsa ek hi shreni men ati hai. surya ki kirnen sabhi mukhya grahon se paravartit hokar vibhinn rangon men anavarat rup se prithvi par ati rahti hai.
jab bachcha janm ke samay man ke sanpark se prakriti ke sanpark men ata hai to samast grah apni-apni tivrata ke adhar par bachche ke sharir ko vibhinn bhagon men vibhajit kar apna-apna adhipatya jama lete hain. jab-jab bhi kisi grah ki dasha/antardasha adi ati hai to manav ke sharir men us grah se sambandhit bhag kriyashil ho jata hai tatha jatak us grah ke karakatva se sambandhit vyavhar karne lagta hai. kisi bhi jatak ke vyavhar ko ham tin prakar se jan sakte hai-
1. janma-kundli men grahon ki sthiti,
2. sambandhit grah ki dasha-antardasha adi, tatha
3. grah ki gocharasth sthiti. chandrama chunki anya grahon ki apeksha prithvi ke sabse adhik nikat hai atah prithvi tatha us par rah rahe prani jagat par chandrama ka prabhav din-pratidin dekha ja sakta hai jaise:
1. sagar men jvar-bhata prayah purnima ke as-pas hi ata hai.
2. samast prakritik apdaen yatha- bhukanp, tufan, sunami adi prayah purnima ke as-pas hi ati hain.
3. paglkhane men pagal vyakti purnima ke as-pas hi adhik upadrav karte hain isiliye unki suraksha ki vishesh vyavastha ki jati hai. amavasya ke as-pas ve lagabhag shant rahte hain.
4. yah bhi pramanik tathya hai ki jatkon men atma-htya ki pravritti prayah purnima ke as-pas hi payi jati hai.
5. kisan shukla paksh men hi kheton men buvai karna adhik pasand karte hain kyonki krishn paksh ki tulna men shukla paksh men boe gae paudhe/fasal adi adh iak viksit hote hain.
6. purushon ki dadhi ke bal krishn paksh ki tulna men shukla paksh men dedh guna adhik gati se badhte hain.
7. machliyan prayah shukla paksh men hi ande deti hain.
8. yadi manav krishn paksh ki tulna men shukla paksh men kisi karya ka praranbh kare to use us karya men adhik saflta milti hai.
9. mirgi ke daure prayah purnima ke as-pas hi ate hain.
10. mansik rup se aviksit vyakti prayah amavasya/purnima ke as-pas adhik kasht pate hain. isi prakar se hamare anubhav men aya hai ki yadi mangal kisi jatak ki kundli men ashtam bhav men hai athva mangal ki pratyantar dasha chal rahi hai to jab-jab bhi mangal jatak ki kundli men lagna/chandra lagn se chaturth, ashtam athva dvadash bhav men gochar karega to jatak ko kisi n kisi prakar ki durghatana ka shikar hona pad sakta hai tatha uske sharir se thoda bahut rakt niklne ki sanbhavna ho sakti hai.
is tarah se ham mangal ke sath-sath anya grahon ke prabhav ko bhi vibhinn bhavon par dekh sakte hain. yatha jab-jab bhi chandrama chandra lagn se chaturth, ashtam athva dvadash hota hai to jatak anayas hi mansik asvasthata ki avastha men chala jata hai. shani ki pratyantar dasha men jatak ke andar aksar alasya athva karya ko talne ki pravritti dekhi gayi hai. budh ki pratyantar dasha athva budh ke chandra lagn se chaturth, ashtam athva dvadash hone par jatak ke andar ati vachalta, vani dosh, gale men infekshan athva charm rog adi prayah dekhe ja sakte hain. guru yadyapi shubh grah hai tathapi yadi vah chandra lagn se chaturth, ashtam athva dvadash ho to jatak ke lagabhag pratyek karya men rukavat, adchnen athva karya ki saflta men kisi n kisi prakar ki badha utpann karta hai.
isi prakar surya ke bhi in sthitiyon men hone se jatak ke andar algav athva hukm chalane ki pravritti prayah payi jati hai. isse yah siddh hota hai ki chandra ki bhanti anya grah bhi is jiv jagat par apna purn prabhav dalte hain tatha grahon ki sthiti ka gyan prapt karke kisi bhi jatak ke bhut, vartaman tatha bhavishya se sambandhit ghatnaon ki samuchit jankari prapt ki ja sakti hai.