adhunik samay men jyotish ki manyataon ke anusar jab sare grah rahu aur ketu ke bich men a jayen to kal sarpayog banta hai. yadi sabhi grah rahu-ketu ke madhya hone par bhi rahu ke munh ki or nahin ho to ise anudit kal sarp yog kahte hain aur sabhi grah rahu ke munh ki or rahte huye rahu-ketu ke madhya a jayen to udit kalasarp yog kahlata hai. aisa kal sarp yog ho to shanti avashya karvaen. jyotish ke prachin granthon men kalasarp yog ke nam se koi ullekh nahin milta. parantu ‘‘mansagri’’ namak jyotish granth ke adhyay 4 ke shlok 8 men ullekh hai ki saptam bhav men yadi shani rahu se yukt hai to sarpadansh se pidit rahne ki sanbhavna rahti hai. vah shlok is prakar hai: lagnachch saptamasthane shani-rahu sanyuttau sarpen badha tasyokta adya y shayyayan svaptopich.
rakundli men rahu-ketu ki vibhinn bhavon men sthiti ke anusar 12 prakar ke kalasarp yog bante hain, unke nam is prakar hain:
1 anant,
2. kulik,
3. vasuki
4. shankhpal
5. padma
6. mahapadma
7. takshaka
8. karkotk
9. shankhchud
10. ghatk
11. vishdhr
12. sheshnag yani barhven bhav men rahu aur chathe men ketu hone par sheshnag namak kalasarp yog banta hai.
ham sabhi jante hain ki rahu-ketu ki utpatti kaise hui. samudra manthan men amrit devtaon ko banta ja raha tha. us samay rahu nam ke rakshas ne devta ka svarup rakhakar amrit pi liya. yah bat surya-chandra ne bhagvan shri vishnu ko batai tab unhonne rahu nam ke rakshas ki gardan sudarshan chakra se kat di to sir rahu aur dhad ketu ke nam se prasiddh hue. rakshas hone ke karan ye ulta chalte hain. ulte chalna yani 7 nanbar ki tula rashi se age badhne par vah 6 nanbar ki rashi kanya men aega. rahu ko sarp ka munh aur ketu ko uski punch kahte hain. 12 udit kalasarp yog aur 12 anudit kal sarp yog. is prakar 24 prakar ke kalasarp yog hote hain. kalasarp yog se darne ki avashyakta nahin hai kyonki iska samadhan karke bahut adhik had tak ise shubh faldayak banaya ja sakta hai. aise bhi yah dekha gaya hai ki bahut sare ganmanya vyaktiyon ne kalasarp hone ke bavjud nam evan shoharat hasil kiya. bharat ke pratham pradhanmantri pan. javahrlal nehru ko bhi kalasarp yog tha aur ve pradhanmantri bane.
nimnalikhit vyaktiyon ko kalasarp yog tha aur inhonne gagnchunbi unchaiyan hasil kin:-
1. abdurrahman antule: bairistar aur maharashtra ke mukhyamantri aur bharat sarkar men helth ministar rahe. inka sinh lagn aur makar rashi thi. chaturth men ketu aur dasham men rahu tha. is kalasarp yog ka nam-ghatak kalasarp yog hai. inka janm dinank 09-02-1929 hai.
2. ajit sinh: vartaman bharat sarkar men mantri shri ajit sinh ko kalasarp yog hai. ekadash sthan men rahu aur pancham men ketu hone se vishadhar namak kalasarp yog hai. janm dinank 12.02.1939 hai tatha dhanu lagn aur vrishchik rashi hai. inko anudit kalasarp yog hai. purva pradhanmantri shri charan sinh ke bete hain. kanpyutar injiniyaring ki digri yu. es. e. se prapt ki hai. inka bhavishya ujjval hai.
3. jarj farnandis: ye bharat sarkar men raksha mantri the. janm dinank 3-6-1930 aur mesh lagn tatha sinh rashi hai. rahu lagn men aur ketu saptam men hone se anant namak kalasarp yog hai.
4. shri narayan datt tivari: bhutpurva mukhyamantri uttar pradesh, janm dinank 18/10/19/25, kunbh lagn aur tula rashi hai. inke chathe ghar men rahu aur barhven ghar men ketu hone se mahapadm namak kalasarp yog hai.
5. shri. pi. chidanbrm: vitt mantri bharat sarkar janm dinank 16.09. 1945, mithun lagn, dhanu rashi hai. rahu lagn men aur ketu saptam men hone se anant namak kalasarp yog hai. inka bhavishya ujjval hai.
6. shri ram jethmlani: prasiddh suprim kort vakil ka janm dinank 14.09.23 hai. makar lagn aur tula rashi hai. rahu ashtam men aur ketu dvitiya men hone se karkotak namak kalasarp yog hai fir bhi itna nam kamaya.
7. shri ram vilas pasvan: bihari rajneta ka janm dinank 05-07-1946 hai. kanya lagn aur kanya rashi hai. rahu navam men aur ketu tritiya men hone se shankhchud namak kalasarp yog hai. ye bharat sarkar men sanchar mantri rahe hain.
8. maharani gvaliyar (m.pra.) shrimti vijya raje sindhiya: shri jyotiraditya sindhiya mantri bharat sarkar ki dadi sahab ka janm dinank 12.10.1919 hai. mithun lagn aur vrish rashi hai. rahu chathe ghar men aur ketu barhven ghar men hone se mahapadm namak kalasarp yog hai. shri atal bihari bajpeyi ji ke sarkar men mantri rah chuki hain.
9. shri dhiru bhai anbani: inka janm dinank 28-12-32 aur dhanu lagn evan dhanu rashi hai. rahu tisre ghar men tatha ketu navam sthan men hone se vasuki namak kalasarp yog hai. inhonne shunya se shikhar tak pahunchne men bahut kathin parishram kiya. bijnes ko unchai par le gae. inke bete mukesh/anil anbani inka nam roshan kar rahe hain.
10. prasiddh dakshin bhartiya film supar star rajnikant: inka janm dinank 12-12-1950 hai. sinh lagn aur makar rashi hai. rahu ashtam men aur ketu dvitiya men hone se karkotak kalasarp yog hai.
11. prasiddh kriket supar star sachin tendulkr: inki janm tarikh 21.04.1973 hai. kanya lagn evan dhanu rashi hai. rahu chaturth men aur ketu dasham men hone se shankhpal namak kalasarp yog hai. fir bhi itni unnati ki aur desh duniya men nam kamaya.