‘mayank’ mangal ke kuch ashubh fal hain, lekin vah shubh fal dene vala grah bhi hai - chahe vah kundli men karak ho athva akarak. mangal kundli men kisi bhi bhav men ho lekin apni rashi mesh ya vrishchik ka ho, uchch rashi makar athva nich rashi kark men ho to vyakti kisi n kisi kshetra men nishchit rup se prasiddhi pata hai.
gal ka arth shubh evan kalyan hota hai. fir kya ham mangal grah ko ashubh ya krur kahakar mangal shabd ka uphas nahin kar rahe hain? jyotish vigyan men mangal ko parakram ka karak mana gaya hai. saur parivar men ise senapti ka darja diya gaya hai.
samanyatah log mangal ke nam se bhaybhit rahte hain -visheshakar jab kundli ko mangli kah diya jata hai. kintu mangal manglkari grah hai. kaha gaya hai-
dharni garbh sanbhutan vidyutkantisamaprabham.
kumaran shakti hastan tan manglan pranmamyaham..
arthat jo dharti ke garbh se utpann hue hain jinki prabha bijli ke saman lal hai, jo kumar hain tatha apne kar men shakti lie hue hain un mangal ko main namaskar karta hun. mangal se banne vale sunfa aur anfa yog, chandra, mangal, shani v shukra se banne vala indra yog, panchmhapurush yogon men se mangal se banne vala ruchak yog, chandra-mangal yog adi vyakti ko sanpann, sukhi, svasth, parakrami evan rajnitigya banate hain.
kai mahapurushon ki kundliyon men ye yog vidyaman hain. itne achche yog dene vala mangal kitna amangal kari ho sakta hai yah jyotirvidon ke lie shodh ka vishay hai. mangal prithvi ke samip ka grah hai. ise angreji bhasha men mars, arbi men mirikh aur farsi men behram ke nam se jana jata hai.
yah samanyatah derh mahine men ek rashi ko bhog leta hai. ise mesh aur vrishchik rashi ka svamitva prapt hai. makar iski uchch aur kark nich rashi hai. yah nakshatron men mrigshira, chitra aur dhanishtha ka svami hai. yah sinh, dhanu aur min rashiya ne s e mitravat vyavhar rakhta h.ai
yah kanya aur mithun ke sath shatruta tatha vrish, tula, makar aur kunbh ke sath sam bhav rakhta hai. mangal ko papi grah mana gaya hai. janmang ka tisra aur chatha bhav donon iske karakatva men ate hanai. mangal ko yuddh ke devta kartikey ka hi svarup mana gaya hai. yah janmang men apne sthan se bhav 4, 7 evan 8 par purn drishti rakhta hai kyonki in bhavon ki raksha ka bhar senapti par hi hota hai.
yah bhav 3, 6, 10 v 11 men shubh, 1, 2, 5, 7, 9 men arishtakarak evan bhav 4, 8, 12 men ati arishtakarak mana gaya hai. yah grah lal rang ka hai atah ise lohitang ke nam se bhi jana jata hai. jis vyakti ke janmang men mangal grah ka sarvadhik prabhav hota hai, vah ausat kad ka, patli kamar vala, chir yuva aur sthir chitt hota hai. aise vyakti men badla lene ki bhavna tivra hoti hai.
mangal jab ashubh sthiti men hota hai, to vyakti ko jhutha, chuglkhor, kathor, hinsak, jhagralu adi bana deta hai. yah vyakti ke jivan men 28 se 32 ven varsh ki umra tak vishesh prabhav deta hai. iska mulank 9 hai. mangal aur ketu milakar vyakti ko ahankari bana dete hain aur vah apne ahankar ki tushti karne ke lie dusron ki hatya karne se bhi nahin chukta hai. jab lagn men mangal v ketu baithe hon
athva lagn par unki purn drishti ho tatha panchven bhav par shani v rahu ka prabhav ho, to yah sthiti banti hai. jab lagn, lagnesh, chandra lagn, chandra lagnesh, surya lagn adi ke anusar kundli par mangal ka prabhav sarvadhik ho, to vyakti nimnalikhit karyon men se koi ek apnaega.
nagrik prashasan, sainya prashasan, vaidhanik prashasan, vakalat, vidhivetta, bhavan nirman, krishi karya, khanij, khanij vigyan, bhu-garbh vigyan, bhugol, yuddh kaushal, krira, chikitsa sarjari, kainsar, raktachap, udar rog, rati rog adi pashupalan, vahan visheshagyata, shastranirman, pulis seva, abhushan nirman, ashvarohan, vastukla sthapatyakla, prachin kalakriti visheshagyata, bhu utkhanan adi. mangal aur svasthya: ashubh sthiti ka mangal snayuvikar, durbalata, alsar, taifaeid, charm rog, udrvikar, guptarog, siradard adi rog deta hai.
uski is sthiti ke karan vyakti ke jalne, girne, use chot lagne ki sanbhavna rahti hai. yadyapi mangal ke kuch ashubh fal hain, lekin vah shubh fal dene vala grah bhi hai - chahe vah kundli men karak ho athva akarak. mangal ki nimnalikhit sthitiyon par vichar karna atyant avashyak hai jinhen udaharan kundliyon dvara spasht kiya ja raha hai.
mangal kundli men kisi bhi bhav men ho lekin apni rashi mesh ya vrishchik ka ho, uchch rashi makar athva nich rashi kark men ho, athva kisi bhi rashi men hokar mesh, vrishchik, kark ya makar par purn, chaturth, saptam ya ashtam drishti dalta ho, to vyakti upar varnit kisi n kisi kshetra men nishchit rup se prasiddhi pata hai. ye kshetra sahas v parakram se sanbandhit hain aur mangal parakram ka karak hai.
kintu kundli men karak grahon ya unki rashiyon par mangal ka prabhav hona avashyak hai. yah prabhav rashiyon ke sath yuti ya un rashiyon men mangal ke sthit hone se ya un par purn drishti hone se ya un rashiyon ke svamiyon par purn drishti hone se parta hai.
kundli nan-1 ek safal abhineta evan rajnitigya shatrughn sinha ki hai. inhen saflta dilane men mangal ki pramukh bhumika ka avlokan karen. mangal apne anukul bhav tritiya men apni nich rashi men vrish lagn ke prabal karak grah shani ke sath sthit hai. tritiya bhav parakram ka bhav hai. mangal ki purn drishti lagnesh evan shashthesh shukra ki tula rashi par tatha apni uchch rashi sthit chandra arthat makar rashi par hai. vrish lagn ke lie yah bhagya bhav hai. vahin mangal ki ashtam purn drishti kunbh rashi par arthat dasham karm bhav par hai.
is prakar vrish lagn ke lie karak grahon budh, shukra, shani men se shani evan shani ki donon rashiyan mangal ke purn prabhav men hain. vahin shukra aur budh mangal ki vrishchik rashi men hain. surya bhi mangal ki rashi men hai. chandra v shani ke bich rashi parivartan yog bhi hai. is prakar karak grah, lagnesh, chandra lagn aur surya lagn kisi n kisi rup men mangal ke prabhav men hain. mangal ke is prabhav ne shatrughn sinha ko saflta ke shikhar tak pahuncha diya jabki samanyatah vrish lagn ke lie mangal dvadshesh evan saptamesh hone ke karan prabal akarak mana jata hai.
kundli nan-2 arjun sinh ki hai. vah ek safal rajnitigya hain. vartaman men 75 varsh ki umra men bhi kendra ki yu. pi. e. sarkar men manav sansadhan vikas mantralay sanbhale hue hain. arjanu sinh ki mithun lagn ki kundli men unhen is unche ohde tak pahunchane men sarvadhik bhumika mangal ne nibhai hai. mithun lagn ke lie shashthesh evan ekadshesh hone se prabal akarak bhi hai. kintu is kundli men karak grah budh, shukra v shani hain aur in tinon par mangal ka prabhav hai.
if you are facing any type of problems in your life you can consult with astrologer in delhi