chakkar ate hi sir ghumne lagta hai aur as-pas ki sabhi vastuen ghumti najar ati hain. kai bar adhik unchai par jane ya gahre pani ko dekhne se bhi chakkar sa ane lagta hai. aisi sthiti men kya chikitsakiya upchar lie jane chahie, janne ke lie parhen, yah alekh...
yun to mahine ke akhiri dinon men yadi mehman ghar men a jaen to kuch mejbanon ko chakkar a jata hoga, parantu yahan ham us chakkar ki nahin balki vastavik chakkar, vartigo (tamtjphv) ki bat kar rahe hain.
vartigo (vertigo) kya hai?
bachapan men golakar ghumte-ghumte achanak ruk jane ke bad jamin tatha aspas ka kshetra ghumta mahsus hota hai, isi ko vartigo kaha jata hai.
kuch log chakkar kha kar gir bhi jate hain, agar samay rahte ve baith n jaen ya koi unhen sahara n de.
asantulan (ataxia) se chakkar kaise bhinn hai?:
asantulan manushya men dimag ke hisse, serebelam (cerebel lum) ke rogagrast hone se hota hai.
karn: jyadatar vartigo ka karan logon ke bhitri kan ka ati sanvednshil hona hota hai. aise log jab jhula jhulen, chalte-chalte achanak ruk jaen, fir chalen, ghumavdar raston par jaen ya fir meri go raund (damatatal lav tvandk) ityadi ki savari karen tabhi vartigo hota hai.
dusra karan kailsiyam karbonet ke ravaknon ka sharir ki alg-alag ardhagolakar naliyon se nikal kar keval ek ardhagolakar nali men ekatrit hona hai. inhen ‘otokoniya’ kahte hain.
jab rogi achanak hi sir ko niche ki or jhukate hain, us samay kristal (otoconia) bahut jyada sakriya ho jate hain aur chakkar ka karan bante hain. is rog ko bipi. pi.vi. (benige paroxysmal positional vertigo) kahte hain. yah rog jyadatar bari umra ke logon men hi dekhne men ata hai.
meniyar rog (meniere’s disease) yah bhitri kan ka rog hai. iska karan bhitri kan men sujan ya shoth hota hai. yah rog vayaral sankraman, chot lagne ya elarji hone par hota hai. kabhi kabhi iske karan ka pata lagana mushkil hota hai. in rogiyon ko rogagrast kan men avajen sunai parti hain. kan men bharipan ya band rahne ki anubhuti hoti hai aur shravan shakti dhire-dhire kshin hoti jati hai. chakkar kuch se kuch ghanton tak rah sakta hai. aise rogiyon ko vartigo ke daure men ulti bhi a sakti hai.
miniyar rog se grast kai mahilaon ki shikayat rahti hai ki unhen rajodharm ke samay hi chakkar ate hain. aisa hona kya samanya si bat hai? han, kyonki miniyar ke rog se sharir men namak sanchit ho jata hai, aur rajodharm ke samay bhi kuch kuch aisa hi hota hai.
vayaral sankramn:
isse vestibular nari men sujan a jati hai. faltah kan ki santulan prakriya prabhavit hoti hai. samanyatah jab manushya kisi bhi taraf gardan ghumata hai, tab ek taraf ke kan se sandesh jyada aur dusre se kam jate hain, dimag vishleshan karke kahta hai ‘mai ghum raha hun’. parantu jab ek kan men vayaral sankraman ke bad lebirinthaitis rog ho jata hai, tab jane vale sandesh ekadam kam ho jate hain, aur is tarah kam ho jana hi karan hota hai chakkar ane ka. iske sath ulti bhi a sakti hai. yah sab amuman tin din tak rahta hai, iske bad kuch hafton tak thora sa asantulan rahta hai aur fir tin se char hafton ke bad bina dava ke sab kuch samanya ho jata hai. sarvaikal vartigo men gardan ka lachilapan kam ho jata hai aur thori se kandhe ko chune par chakkar ata hai. is rog men gardan ki haddiyon ke barh jane se, vahan se nikal rahi nariyan dab athva kshatigrast ho jati hain aur dimag ko sandesh bhali prakar se nahin pahuncha pati hain.
ti.ai.e. (transient ischemia attack): rogiyon ke dimag ki rakt naliyon men rakt bahav kam ho jata hai. ise vi.bi.ai. kahte hain. vi.bi.ai. men chakkar ke sath sath avaj tharthrana, koi chij do-do dikhai dena, ek hath ya pair men kamjori, hath pairon ke bich samanvay n rahna adi bhi ho sakte hain. kabhi kabhi adhrang ka daura (brain attack) parne se pahle bhi chakkar a sakta hai. parantu aise logon men iske sath-sath sharir ke kisi bhi anya hisse men lakva mar jane jaise lakshan kuch samay bad najar ate hain.
davaon ke karan vartigo: mirgi ke daure ki eptain klorapromajin (chlorpromajine) jaisi kuch davaen hain, jo bhitri kan ko kshati pahunchati hain. aminoglaikosaid jaise streptomaisin, emikasin, jentamaisin, aispirin, kainsar nirodhi dava sispletin (cisplatin) aur vaisi dava jisse peshab jyada ata hai, fyurosemaid adi bhi inhin davaon ki shreni men ati hain. sir men chot lagna, mirgi ke daure parna, dimag men rasauli banna ya fir dimag men raktasrav hona adi vartigo ke kuch anya karan hain.
chinta se chakkara:
chinta se bhi chakkar ata hai. halanki yah avashyak nahin ki keval chinta se hi chakkar ae. keval ve rogi jo chinta se atyadhik ghabra jate hain, chakkar mahsus kar sakte hain.
lakshana: ismen rogi ko jamin, vatavaran adi golakar (lattu ki tarh) ghumte hue najar ate hain ya fir vah khud bhi chakran mahsus karta hai. isse rogi ka chalna, kar chalana adi mushkil ho jate hanai. chakkar ke daure men akshidolan bhi ho sakta hai, jise angreji men nistegamas kahte hain. akshidolan men putli ek taraf teji se jati hai, fir dhire-dhire purva sthan par ati hai. kuch logon ko ulti ka abhas (nausea) hota hai ya ulti ati bhi hai.
chakkar ae to kya karen?ah
chakkar ata ho, to kan, nak ya gale ke rog ke kisi yogya visheshagya ya fir mastishk rog visheshagya se milen. yadi ek hi chikitsak se rog ki puri jankari n mile to dusre chikitsak se paramarsh len.
nidan: chikitsak pure lakshanon ka vishleshan karte hain. sath hi yah bhi dekhte hain ki kaise aur kahan chakkar ata hai? rogi ke santulan (balance), uski shravan shakti ki bhi janch ki jati hai. putli ki janch akshidolan ki janch ke lie ki jati hai. kabhi kabhi nidan hetu, rogi ko chikitsak kaksh men hi akshidolan karne ka prayatn karne ko kaha jata hai. ise kelori test kahte hain. ismen barf sa thanda pani kan men dala jata hai. rogi ko mote maignifaing shishe ka chashma pahna kar uski gardan ko 20 sekend tak teji se dayen-bayen ghumaya jata hai. sarvaikal vartigo (bmataapbans tamatajapahav ) ke nidan ke lie rogi ko ghumne vali kursi par bithakar aur uske sir ko sthir rakh kar dayen-bayen ghumaya jata hai.
bachav evan ilaj: moshan siknes (motion sickness) jaise rog men cinnarizine, prochlorperajine, promethajine, domperidone jaisi davaon ka upyog uchit rahta hai. bi.pi.pi.vi. ke ilaj ke lie ek bahut hi samanya prakriya ki jati hai. ise eple (epley) prakriya kaha jata hai. is prakriya men otokoniya ke kanon (crystals) ko alag alag arddhagolakar naliyon men punah sthapit kiya jata hai. rogi ko palang ke kinare par baithakar teji se litate hain, sir ko 45 oe ke kon par rogagrast kan ki disha men, 20 se 30 sekend tak, fir viprit disha men utne hi kon par, aur fir 45 oe kon se teji se ghumate hain. uske bad ek bar fir teji se 45 oe tak ghumate hain. ant men purva sthan par bitha dete hain aur fir ek din adhleti avastha men rakhte hain. agar sarvaikal vartigo hai, to gardan ka ek narm patta pure din pahnna, fijiyothairipi karna tatha masan peshiyon ko shithil karne vali dava lena labhaprad rahta hai.
niyamit vyayam: kan ke is rog ke upchar ke bavjud jab chakkar ana band nahin hota, to niyamit vyayam se use kam kiya ja sakta hai. iska mukhya uddeshya dimag ko teªning dena hai kyonki ismen kan kam nahin kar raha hota hai. kuch khas prakar ke vyayamon se pahle to chakkar band ho jata hai. parantu in vyayamon ko niyamanusar karte rahne se dimag ka santulan banae rakhne vala bhag dhire-dhire kushlta se karya karna sikh leta hai. vyayam men sadharntya ankhon ki putliyon, gardan aur sir ko dayane-bayen ghumaya jata hai.
davaen: vestibular nirodhak dava vartin (vertin) dimag ke us bhag ka kam karna kam kar deti hai, jo andruni kan ke kharab hone se jyada kam karne lagta hai. is dava ke falasvarup rog, jo keval kuch dinane ya ek-adh hafte tak hi simit rahta hai, mahinon ya varshon tak khatm nahin hota. atah yah karagar nahin hai. parantu ve log, jo aisi davaon par pahle se hi nirbhar hain, inka sevan dhire-dhire kam karte hue upar batae gae vyayam shuru kar sthayi aram pa sakte hain. chinta agar hai, to chinta nirodhi dava diajepam, alprajomlam ya fir lorajepam istemal ki ja sakti hai.
if you are facing any type of problems in your life you can consult with astrologer in delhi