dipavli par tantra evan tantrik vastuon ka mahatva  

dipavli par tantra evan tantrik vastuon ka mahatva pan. vijay kumar sharma dipavli ki vishesh ratri ko tantrik vidhi dvara siddhi prapt karne ki vishesh paranpra rahi hai. yadi dipavli par ap bhi koi tantrik anushthan karna chahte hain to is alekh men di gai jankariyan apke lie bahumulya hain. dipavli ka parva vishesh rup se shakton ka parva hai. shakt athva tanatrik ve hote hain jo vibhinn das mahavidyaon ya mahashaktiyon men se kisi ek ki upasna karte hain. dipavli ki rat ko shakt shakti ka vishesh rup se avahan karte hain taki puja karke apni shaktiyon ko barha sakane. das mahavidyaen athva mahashaktiyan nimnalikhit hain- tra mahakali tra man tara tra man shodshi tra man bhuvneshvari tra man chinnamastika tra man tripur bhairvi tra man dhumavti tra mata shri baglamukhi tra man matangi tra man kamla mahavidyaon ki niyamanusar sadhna karne se sabhi prakar ki badhaen dur hoti hain. atma-gyan barhta hai, alaukikta ati hai. tantra vastav men ek shuddh vigyan hai. sachchai to yah hai ki yah koi ishvariya vardan, alaukik shakti ya rahasmayi vidya nahin hai, varan siddhanton, niyamon tatha sadhna par adharit ek vishisht kriyavidhi hai. tantra sadhna ek vaigyanik sadhna hai. yah bat chainka dene vali ho sakti hai, par vastavikta yahi hai. jis prakar kisi avishkar ke lie nana prakar ke upkrnon ki avashyakta parti hai, thik usi prakar tantra sadhna men bhi kuch upakaran avashyak hote hain. tantra-sadhna ki kriyaen aur usmen prayog ki jane vali vastuon ko sada gupt rakhne ki paranpra rahi hai. tantra sadhna men prayog men ane vali vibhinn vastuon ka vivaran yahan prastut hai. asnah tantrik kriyaon men charma-asan ka vidhan hai. satvik tantra sadhna ke lie mrigacharm aur aghor-sadhna ke lie sinh charm ke asan ki avashyakta parti hai. sinh charm se tejasvita aur mrigacharm se saumyata ati hai. isi karan tantra sadhna men asan ke rup men charm ka prayog anivarya mana gaya hai. û khapparah prayah sadhuon ke hath men matmaile ya kale rang ka khappar hota hai. sadhu isi men dan lete hanai, khana khate hanai, jal pite hanai. am sadhuon ke lie ye khappar sukhe kaddu ya lauki ka bana hota hai. lekin tantrik iske lie manav khopri ka prayog karte hain. khopri ke khappar men hi ve pani pite hanai, bhojan karte hanai aur usi men tantra sadhna ke kram men shmashan ki chita men chaval banakar khate hain. yah manav khopri vala khappar tantrik ke adrishya shaktiyon se sanpark karne men ek prakar se entina ka kam karta hai. tantra men bhinna-bhinn khopriyon ka mahatva alg-alag hai, par uddeshya ek hi hota hai- siddhi prapt karna. haddiyanah tantrik kuch haddiyan bhi rakhte hain. ye haddiyan unki raksha karti hain. parad shivlingah para prithvi ke garbh se vaise hi prapt hota hai, jis prakar petrol. yah pakar men n ane vala, kisi se mel n khane vala, kahin n chipkne ya n rukne vala tatva hai. ise jamane, rokne ya chipkane ke upay aj tak vigyan nahin khoj paya hai, lekin tantra dvara yah jama diya jata hai arthat isko pindakar bana diya jata hai. yahi pindakar parad shivling kahlata hai. rudrakshah rudraksh mukhyatah do rupon men milte hain- matar aur ber ke akar ke. makar ke akar vale rudraksh indoneshiya tatha maleshiya ke janglon men aur ber ke akar vale himalay ki tarai men, vishesh rup se nepal men prapt hote hain. rudraksh ki utpaÿia shiv ke asuon se mani gai hai. ismen dhariyan hoti hain, jinhen mukh kaha jata hai. ek se chaidah mukh tak ke hote hain. ek mukhi atyant durlabh hai. jiske pas yah hota hai, uske pas sab kuch hota hai. is rudraksh se anek mantra svatah hi siddh ho jate hain. ek mukhi rudraksh kharidan men savdhani bartni chahie. panch mukhi rudraksh sarva sulabh hai. tantra-mantra sadhna men panch mukhi rudraksh mala ka prayog hota hai. tantra mane rudraksh ki mala se mantra sadhnaen ki jati hain. jahan ek or uchch raktachap, udar vikar adi rogon ka nidan rudraksh se hota hai, vahin dusri or yah bhut-pret badha ke nivaran men bhi kam ata hai. hatthajoriah tantra men hattha jori ka prayog karne se lakshya ki prapti shighra hoti hai. yah ati durlabh hai. yah sankton, badhaon adi se sadhak ki raksha karti hai. ramnami kele ka paÿaaah kele aur kele ke patte ka pujan men apna ek vishisht sthan hai. kele ka tham bhi puja men prayukt hota hai. kele ke sukhe paÿo ko dhyan se dekhne par us par yada-kada ‘ramnam’ likha sa dekha ja sakta hai. tantra-mantra sadhna men to iska prayog hota hi hai, agar ise ram mandir men charha diya jae to manvanchit fal ki prapti bhi hoti hai. chitavar ki lakriah chitavar ki lakri pani men pahut tej gati se lahrati hai. tantra men is lakri ke madhyam se bhut-preton, mritatmaon se sanpark kiya jata hai. chitavar ki lakri pas rakhne vale vyakti ko sanp, bichchu v anya janavar pareshan nahin karte. tairte pattharah ramktha ka yah prasang sarvatra vidit hai ki lanka tak jane ka pul nal-nil bandron ne banaya tha. nal-nil is prakar ke patthar lae jo pani men tairte the, dubte nahin the. yah sab unki yantriki ka hi prabhav tha. yantriki do prakar ki hoti hai- drishya aur adrishya. donon hi yantriki ka apna-apna alg-alag mahatva hai. tantra vidya isi prakar ki adrishya yantriki hai. tairne vale pattharon par isht devta ko sthapit kar tantra sadhna karne par lakshmi ki prapti shighra hoti hai. ki siyar ko koi sing nahin hota hai. siyar (gidr) rat ke samay jab jor-jor se ‘huna-huna’ karte hue apni gardan age barhakar jamin ki or jhukta hai to uski gardan ki ek vishesh haddi ubhar ati hai. isi samay shikari uske shor karne par use mar deta hai tatha tatkal is haddi vishesh ko kat leta hai. ise hi siyar singi kaha jata hai. is haddi men sadaiv jan bani rahti hai. yah jiske pas rahti hai use chalak banati hai. lekin, yah keval sindur men hi jivit rahti hai. ulluah tantra shastra men ullu ka bara mahatva hai. ullu ka sanpurn sharir tantra men kam ata hai. ullu ko lakshmi ka vahan aur tantra men vashikaran ka pratik mana gaya hai. ullu ko marakar ganv ya shahar ke bahar kisi unche per par latka diya jata hai. jab yah purnatah sukh jata hai to uska har ang nikal liya jata hai. fir in angon ko tantra-mantra dvara abhimantrit karke inse nana prakar ke kam liye jate hain. tantrik ullu ko vardan mante hain aur use siddh karte hain. kali haldiah haldi alu ki tarah jamin ke andar paida ki jati hai. fir ise khodakar nikal kar dhup men sukhaya jata hai. sukhne ke pashchat iska rang pila par jata hai. haldi hamare bhojan men upyog men lai jati hai. iska rang am taur par pila rahta hai par kabhi-kabhi yah kale rang ki bhi pai jati hai. aisi haldi prayah amar kantak (mandla, madhya pradesh) men milti hai. kali haldi ka prayog tantra sadhna men kiya jata hai. yah arpan ke kam ati hai. iska prayog jyadatar mashanik kriyaon men hota hai. ukt vastuon ke alava kai anya prakar ki vastuen bhi tantra men prayog men lai jati hain, jaise narmund, dakshinavarti shankh, shvetark ganesh, upasni ke chaval, min, mukta gujjakalp, vaiduryamni, nagraj adi.