kes - 1 ritik roshan evan sujain ritik ka janmank: 10.01.1974 sujain ka janmank: 26.10.1975 vivah dinank: 20.12.2000 vichchedan tithi: 13.12.2013 ritik ka janmank 10.01.1974 ka mulank 1 v bhagyank 5 hai jo ki ujjval bhavishya evan apne vicharon par drirhta se kriyashil rahega. namank kiro paddhati se 2 chandrama par hai jo ki kala ke kshetra men pragti karata hai.
inke janmatithi se do yog pratham drishti men samne dikhta hai -
1. rajyog - jo vaibhvshali suvidhaon se paripurn hai.
2. rahu surya yog - parivarik asthirta evan ekantavad ka karak hai. surya rashi (jodiyak) - se 8 paejitiv hai jo ki parivarik kasht utpann karata hai. mising nambar 2, 5, 6 jo ki chandra, budh evan shukra ka abhav darshata hai. sujain ka janmank 26.10.1975 ke vishay men mulank - 8, bhagyank - 4 kashtapurn jivan yapan ki or ishara karta hai.
bhagyank 4 niradhar nit naye vicharon evan asthirta ka pratik hai jise chandrama bal de raha hai. mising nambar 3, 4, 8, 9 ke karan jivan dishahin, jivnshaili parivar se lagav rahit rahegi. surya ketu ka yog rajyog banata hai. surya ketu vivah ke uprant kasht darshata hai evan 675 shukra ketu budh dusre vivah ko sunishchit karta hai.
ritik ke yog 20.12.2000 (vivah ke din)
1. ketu mahadsha 1995 se 2000
2. budh ki antaradasha 24.04.2000 se 04.02.2001 tak chali
3. varsh ank rahu ka hai jo ki 10. 01.2000 se 10.01.2001 tak chali.
pratham drishti men budh, rahu bandhan yog bana raha hai evan ketu budh ek asafal rishte ki shuruat batata hai. sujain ke yog 20.12.2000 (vivah ke din)
1. rahu ki mahadsha 26.10.1998 se 26.10.2000
2. shani ki antaradasha 10. 10.2000 se 26.07.2001 tak chali
3. varsh ank mangal ka hai
jo 26.10.1999 se 26.10.2000 tak chali. yah ati asmantaon ki or ishara karta hai. jahan shani ki antardasha evan chandra ketu evan mangal kal sarpayog bana rahe hain to dusri taraf rahu budh bandhan yog ke karak hain.
jismen ki hui shadi asafal sabit hoti hai. ritik evan sujain ke vivah ke lie yah uchit samay nahin hai tatha ismen sukh ki jagah kasht jyada hoga parinamasvarup sambandh vichched hona tay hai. ritik ke yog vivah vichched ke samay 13.12.2013
1. mangal ki mahadsha - 10.01.2010 se 10.01.2019 tak
2. rahu ki antardasha - 10.01.2012 se 01.01.2013 tak
3. budh ki antaradasha - 28.12.2013 4. varshafal budh 10.01.2013 se 10. 01.2014 tak
mangal ki mahadsha evan rahu ki antaradasha, klesh ka karak hai evan isi samay 10.01.2013 se 28.10. 2013 ke bich sujain ghar chorakar chali gayi, sanbandh vichched ki ninv majbut ho chuki thi tatha yah budh ki antaradasha 28.10.2013 ke bad jo 13.12.2013 ko karyanvit hua. sujain ke yog vivah vichched ke samay 13.12.2013
1. shukra ki mahadsha - 26.10.2013 se 26.10.2019
2. budh ki antaradasha - 26.02.2013 se 26.10.2013
3. mangal ka varshafal - 26.10.2013 se 26.10.2014
shukra ki mahadsha evan mangal ka varshafal evan budh ki antaradasha jo ki 26.10.2013 se kriyashil hui, inmen ke yog mukhya karan rahe. pratham mangal, shukra yuti jo ki sambandh vichched ka karan bana sath hi chandra ketu mangal ka yog jo ki kalasarp yog banata hai.
1. sujain ka namank kiro paddhati se 55 (surya) jo ki ritik ke mulank se mel khata hai kintu yah nam sujain ke apne grahon ke viprit hai.
2. sujain ka mulank 8 evan ritik ka mulank 1 hai jo ki viprit dishaon ki or ishara karta hai.
3. ritik ka jodiyak 8 shani evan sujain ka jodiyak 9 mangal jo ki apsi asamanjasya ko darshata hai evan parivarik klesh ko barhava deta hai.
4. vivah ke samay ritik evan sujain ke yog prabal nahin the evan apsi asmantaon evan asthir sambandhon ka adhar bana.
5. sujain ki janmatithi men mising nambar 3, 4, 8, 9 evan ritik ke mising nambar 2, 3, 5, 6, 8, 9 hain jo ki multah 3, 8, 9 the jo ki vivah vichched ke karan bane.
kes - 2 saras agraval ka janmank - 20.12.1972 gitajanli ka janmankah 24.09.1983 vivah ki tithi: 30.04.2002 vivah vichchedn: 06.12.2013 saras agraval janmatithi - 20. 12.1972 mulank 2 bhagyank 6 evan viprit sthitiyon ka karak hai, 1, 2, 7 surya chandra ketu parivarik archnon ko bhi saf darshata hai. mising nambar 3, 4, 5, 6, 8, 9 hain kintu rahu evan shukra ka abhav mukhya rup se parivarik kasht ka karan hai. surya rashi jodiyak se 3 paejitiv jo ki tivra buddhi evan chanchlta ka pratik hai. gitajanli janmatithi - 24. 09.1983, mulank 6 evan bhagyank 9, yahan par brihaspati, shani yog akaran vad-vivad v parivarik asamanjasya ko darshata hai.
brihaspati chandra ka yog vad-vivad ke vishyon ka, manhani evan samman ko chot pahunchane ka karak hoga. mulank 6 hone ke bavjud ank 6 ka n hona, samanjasya, prem ki kami darshata hai. saras ke yog 30.04.2004 (vivah ke din)
1. shani ki mahadsha 20.12.1999 se 20.12.2007
2. mangal ki antaradasha 22.05.2001 se 28.12.2002
3. mangal ka varshafal 20.12.2001 se 20.12.2002
1,7, 8 rajyog ke sath sannyas evan 8, 9 mangal shani ka yog, kalah adi akaran tanav ka karak hai. parantu sabse pramukh rup se 279 ka yog chandra, ketu, mangal ke kuprabhav ko darshata hai evan is dauran jora gaya rishta sampurn sukh ki anubhti nahin kar sakta. gitanjli ke yog 30.04.2004 (vivah ke din)
1. shani ki mahadsha 24.09.1996 se 24.09.2002
2. budh ki antaradasha 12.07.2001 se 02.06.2002
3. mangal ka varsh fal 24.09.2001 se 24.09.2002
shani ki mahadsha evan budh ki antaradasha evan mangal ka varshafal vivah ke liye uparyukt dasha nahin hai. rahu evan budh ki antaradasha, bandhan yog bana rahi hai, gitanjli kabhi bhi is vivah se khush nahin rah sakegi. shani, mangal ka yog mahadsha evan varshafal mangal se kashtakari banayega. saras ke yog vivah vichched ke din -
1. mangal ki mahadsha 20.12.2007 se 20.12.2016 tak hai.
2. shukra ki antaradasha 08.10.2012 se 20.12.2013
3. varsh fal - chandrama 20.12.2012 se 20.12.2013
mahadsha mangal evan antaradasha shukra ka parivarik jivan men vinashkari yog hai tatha chandrama ki chaikri shani ka yog banakar jivan men vichched ka karan bante hanai. sabse mahatvapurn 279 chandrama ketu mangal ka yog vinashkari hai. gitajanli ke yog vivah vichched ke din
1. surya ki mahadsha 24.09.2013 se 24.09.2014 tak hai.
2. rahu ki antaradasha 12.11. 2013 se 14.12. 2013
3. varsh fal - surya 24.09.2013 se 24. 09.2014
surya ki mahadsha evan rahu ki antaradasha ke karan asthir mansik sthiti ko darshata hai. surya ki mahadsha evan shani badnami ka karan bana tatha purn ank 1 ka n hona, dusron ke bahkave men ane se n rok paya evan mangal evan rahu ne klesh ko ullekhit kiya. donon hi vishyon par nishkarsh yah nikla ki viprit grah dasha men vivah evan jivan sathi ka galat chayan hi vivah vichched ka mukhya karan hai jismen samay rahte upay karne se sambandh vichched tala ja sakta tha jismen saras ka kal sarp yog evan shani ke upay evan gitanjli ka shani evan budh ke upay bandhan yog se bachate hain.
ritik roshan vivah ke samay rahu, budh evan sujain rahu evan kal sarp yog ke upay karne se nishchit hi safal parivarik jivan ka anubhav kar rahe hote.