sapurn himalay kshetra anekanek tirthon ka pramukh sthal hai, badri - nath, kedarnath, gangoÿari, yamunoÿari, kailash, mansrovar adi pavan sthalon ki chata dekhte hi banti hai.
kedarnath evan badrinath: rishikesh se joshimath tak motar, bas ki rashtriya sarak ban gai hai. joshimath tak keval ve yatri jate hain, jinhen keval badrinath jana hota hai. kedarnath jane vale yatri rudraprayag jate hain. bayin or kamleshvar mahadev ka mandir hai. yah sthan shrikshetra kahlata hai. somaprayag se gaurikund hote hue kedarnath jane ka rasta hai.
gaurikund: yahan do kund hain- ek garam pani ka aur dusra thande pani ka. shital jal ka kund amritkund kahlata hai. kahte hain ki bhagvti parvati ne isi kund men pratham snan kiya tha. gauri kund ka jal paryapt ushn hai. mata parvati ka janm yahin hua tha. yahan parvati ke atirikt shri radhakrishn mandir bhi hai. samip hi kedarnath hai, jahan ki charhai kathin hai. yahan atyadhik thand parti hai. parvatiya makkhiyon ka upadrav bahut rahta hai. shri kedarnath ji dvadash jyotirlingon men ek hai. yah kedar kshetra anadi hai. is kshetra men mahishrupdhari bhagvan shankar ke vibhinn ang panch sthanon men pratishthit hue, islie is kshetra ka panch kedar kaha jata hai.
inmen dvi tiya madmheshvar men nabhi, tritiya kedar tungnath men bahu, chaturth rudranath men is pratham kedarnath men prishth bhag pratishthit hua. kedarnath men bhagvan shankar ka nitya sannidhya bataya gaya hai. kedarnath men koi murti nahin hai, bahut bara trikon parvat khand sa hai jiski puja yatri svayan jakar karte hain. mandir prachin aur sadharan hai.
bhrigupanth ganga, kshirganga chora barital, vasuki tal evan bhairav shila yahan ke darshaniya sthal hain. yahan panchon pandvon ki murtiyan hanai. iske atirikt bhim gufa aur bhim shila hai. kahte hain ki is mandir ka jirnoddh ar adi shankracharya ne karvaya tha aur yahin unhonne dehatyag bhi kiya tha. mandir ke pas kai kund hain. parvat shikhar par kamal milte hain. shri kedarnath mandir men usha, aniruddh, panchpandav, shrikrishn tatha shiv-parvati ki murtiyan hain. mandir ke bahar parikrama ke pas amritkund, ishankund, hanskund, retkund adi tirth mukhya hain. kedarnath ji se lautne ka marg gaurikund se mandakini par karke ukhimath hai.
kalimath men mahakali, mahalakshmi aur mahasarasvati ke mandir hain. yah siddhapith mana jata hai. yahan ek kund hai, jo ek shila se dhaka rahta hai. yah keval donon navratron men khola jata hai. tungnath: yahan sthit mandir men shivling tatha kai aur murtiyan hain. yahan patal ganga namak ek atyant shital jal ki dhara bahti hai. tungna. th shikhar se purva ki or nanda-devi aur dron aagirichal shikhar dikhai dete hain. uÿar ki or gangoÿari, yamunoÿari, kedarnath, badrinath tatha rudranath dikhai parte hain. dakshin men pairi, chandra vadni parvat tatha surkhanda devi shikhar dikhai dete hain.
jangalachatti: yadi tungnath ki charhai n karni ho to chopta se sidhe jangalachatti pahunch sakte hain. yahan 12 mil par shri mahadev ji ka mandir hai, parshuram ji ka farsa tatha ashtadhatu ka trishul darshaniya hai. yahan vaitrni nadi bahti hai. yahan rishikesh se sidhe badrinath jane vali sarak milti hai, jo joshimath tak jati hai. mandalachatti se ek marg amritkund jata hai.
is marg men anusuyamath, atri- ashram, daÿaatrey- ashram tatha amritkund milte hain. mandalachatti se ek marg rudranath ko bhi jata hai. rudranath chaturth kedar mane jate hain. piplkoti se ek marg gohntal jata hai. yah sthan manoram hai. helang se alknanda ka pul par karke ek marg kalpeshvar shiv mandir ata hai.
joshimth: shitkal men 6 mahine shri badrinath ji ki chalmurti yahin rahti hai. us dauran puja yahin hoti hai. iske pas ek atyant prachin kalpavriksh aur jyotishpith shankracharya math hai yahan nabhganga, danddhara ka snan hota hai. shaligram shila men bhagvan nrisinh ki adbhut murti hai jinki ek bhuja bahut patli hai aur lagta hai ki puja karte samay vah murti se kabhi bhi alag ho sakti hai. kaha jata hai ki jis din yah hath alag hoga, usi din vishnuprayag se age nar-narayan parvat, jo bilkul pas a gae hain, mil jaenge aur badrinath marg band ho jaega. uske bad yatri bhavishyabdri jaya karenge.
joshimath se age vishn auprayag vishnu ganga aur alknanda ka sangam hai. yahan bhagvan vishn au ka mandir hai. devarshi narad ne yahan bhagvan ki aradhna ki thi. pandukeshvar yog badri (dhyan badri) ka mandir hai, jinhen padan ku she var bhi kahat e h.nai padan ku she var se ek marg lokpal, pushpaghati, hemkund tatha kakbhushundi ashram tak jata hai. badrinath se 4 mil par hanuman chatti hai, uske upar hi lokpal tirth hai. marg pandukeshvar se hi hai. raste men jhula pul se hokar ganga ko par karna parta hai. pul ke par lakshman ganga hai, jo lokpal sarovar se nikli hai. badrinath dham m ne pahchun kar alkndan a men snan karna atyant kathin hai.
alknanda ke to yahan darshan hi kie jate hain, snan to yatri taptakund men karte hain. vantulsi ki mala, chane ki kachchi dal, gari-gola, mishri adi prasad charhane ke lie yatri le jate hain. shri badrinath ji ki murti shaligram shila men bani dhyanamagn chaturbhuj murti hai. kaha jata hai ki pahli bar yah murti devtaon ne alknanda men nardkund men se nikalakar sthapit ki. uske bad jab bauddhon ka prabalya hua, tab is mandir par unka adhikar ho gaya. unhonne badrinath ki murti ko buddhamurti manakar puja karna jari rakha. jab shankracharya ji bauddhon ko parajit karne lage, tab idhar ke bauddh tibbat bhag gae. bhagte samay ve murti ko alknanda men fenk gae.
shankracharya ji ne jab mandir khali dekha, tab dhyan karke apne yog bal se murti ki sthiti jani aur alknanda se use niklvakar mandir men pratishthit karaya. age chalakar mandir ke pujari ne hi murti ko taptakund men fenk diya aur vahan se chala gaya kyonki ane-jane valon ke abhav men use sukhe chaval bhi bhojan ko nahin milte the fir ramanujacharya ne murti ko is taptakund se nikalakar pratishthit karaya. badrinath ji ke dahine men kuber ki pital ki murti hai, unke samne uddhav ji hain tatha badrinath ji ki utsav murti hai. yah utsavamurti shitlkal men joshimath rahti hai.
uddhav ji ke pas hi charan padukaen hain aur bayin or nar narayan ki murtiyan hain. inke samip hi shri devi aur bhudevi hanai. mukhya mandir se bahar mandir ke ghere men hi shankracharya ki gaddi aur mandir ka karyalay hai. vahan bina dharki ghantakarn ki murti hai aur parikrama men lakshmi ji ka mandir hai. badrinath dham ke anya tirth shri badrinath ji k e sihan dvar s e 4-5 sirhiyan utarakar shankracharya mandir hai. jo ismen lingmurti sthapit hai. usse 3-4 sirhiyan niche adi kedar ka mandir hai. pahle adi kedar ke darshan aur tab badrinath ji ke darshan karne chahie. kedarnath se niche taptakund hai jise agnitirth kaha jata hai.
taptakund ke niche nimnalikhit panch shilaen hanai:
garur shila: yah shila kedarnath mandir ko alknanda ki or se roke khari hai. isi ke niche hokar ushn jal taptakund men ata hai.
narad shila: taptakund se alknanda tak ek bari shila hai. iske niche alknanda men narad kund hai. is par narad ji ne dirghakal tak tap kiya tha.
markandey shila: nardkund ke pas alknanda ki dhara men sthit shila is par markandey ji ne bhagvan ki aradhna ki thi.
nrisinh shila: nardkund ke upar jal men ek sinhakar shila hai. hiranyakshipu vadh ke pashchat nrisinh bhagvan yahan padhare the.
varahi shila: yah uchch shila alknanda ke jal men hai. patal se prithvi ka uddhar karke hiranyaksh vadh ke pashchat varah bhagvan yahan shilarup men sthit hue. yahan ganga ji men lakshmi dhara tirth hai. taptakund se kuch dur brahmakapali tirth hai jahan shraddhalu pinddan karte hain. iske niche hi brahmakund hai jahan brahmaji ne tap kiya tha.
brahmakanud se matamurti: brahmakund se gangaji ke kinare kinare upar jane par jahan alknanda murti hai, vahan atri anusuya tirth hai. us sthan se mana ki sarak se age chalne par indradhara namak shvet jharna milta hai yahan indra ne tap kiya tha islie ise indrapad tirth bhi kahte hain. yahan se thori dur age bharat ka antim sima vala mana ganv hai.
yah ganv alknanda ke us par hai, kintu isi par nar narayan ki mata murti devi ka chota-sa mandir hai. bhadrashukla dvadshi ko yahan mela lagta hai. kahte hain, bhagvan nar narayan us din mata ke darshan karne ate hain. yah sthan badrinath se lagabhag 3 mil hai.
satpath tirtha: alknanda ke isi kinare age chalakar anek tirth hain jinmen satpath pramukh hai.
satpath se svargarohn: satpath ke age marg durgam hi hai age barhne par charhai par karne ke bad paryapt niche ek gol kund dikhai deta hai. yah somtirth hai, jismen prayah jal nahin rahta. yahan chandrama ne dirgh kal tak tapasya ki thi. age marg nahin hai. margadarshak barf par anuman se le jata hai.
kuch dur age suryakund namak chota sa kund hai jahan nar narayan parvat mil gae hain. yahin vishnukund bhi hai aur uske age lingakar trikon parvat hai. bhagirthi aur alknanda ke sroton ka yah sangam hai. iske age alkapuri namak shikhar hai, jo kuber ji ki nagri hai. satpath ke age vishnukund se hokar alknanda ki muldhara ati hai. iska udgam bhi narayan parvat ke niche hi hai.
satpathatirth se svargarohan shikhar dikhai deta hai. vahan him par sat sirhiyon ka akar spasht dikhai deta hai. yahin se yudhishthar sidha svarg gae the. parantu yah barf ka kathin marg hai. satpath se badrinath: alkapuri shikhar ke pas se alknanda ke dusre kinare hokar lautne par vasudhara milti hai. badrinath se bahut yatri yahan tak ate hain. vasudhara tak achcha marg hai.
yahan bahut unchai se jaldhara girti hai aur vayu ke jhonke se bikhar jati hai. iska ek bund jal bhi param durlabh kaha gaya hai. yahan vasudhara se dhai mil niche ane par mana ke pas alknanda men sarasvati ki dhara milti hai jise keshav prayag kahte hain. keshav prayag men jahan sarasvati ka sangam hai, vahi sarasvati ke tat par shamyapras tirth hai. yahin bhagvan vyas ka ashram tha. mana gram men vyas gufa hai.
kahte hain, isi men baithakar vyas ji ne atharah puran likhe the. pas men hi ganesh aur vyas gufaen hain. samip hi parvat ki choti par muchukund gufa hai. kaha jata hai ki bhagvan shrikrishn ke adesh se muchukund raja ne yahan akar tap kiya tha. mana gram is or bhartiya sima ka antim gram hai yahan se alknanda ko pul se par karke badrinath tak sidha marg jata hai.
yamunoÿari: yah sthan samudra star se das hajar fut unchai par hai. yahan yatriyon ke thahrne ke lie kalikmli vale kshetra ki dharmashala hai. yahan garam pani ke kai kund hain. yatri kapre men bandhakar chaval, alu adi in kundon men duba dete hain aur ve padarth pak jate hain. is prakar yahan bhojan banane ke lie chulha nahin jalana parta.
in kundon men snan karna sanbhav nahin aur yamuna ka jal itna shital hai ki usmen snan karna bhi asanbhav hai. islie garam tatha shital jal milakar snan karne ke kund bane hue hain. bahut unchai par kalindgiri se him pighalakar kai dharaon men girta hai. kalind parvat se niklne ke karan yamuna kalindi kahi jati hain. vahan shit itna hai ki bar-bar jharnon ka pani jamta- pighlta hai yamunoÿari ka sthan sankirn hai. choti-si dharmashala hai, chota ya yamuna ka mandir hai. kaha jata hai ki maharshi asit ka yahan ashram tha.
ve nitya snan karne ganga ji ate aur nivas yahan karte. yahan yamunoÿari men vriddhavastha men durgam parvatiya marg nitya par karna unke lie kathin ho gaya, tab gangaji ne apna ek chota jharna yamuna kinare rishi ke ashram par prakat kar diya. vah ujjval pani ka jharna aj bhi vahan hai. himalay men ganga aur yamuna ki dharaen ek ho gai hotin yadi donon ke madhya dand parvat n hota.
dehradun ke samip bhi donon dharaen bahut pas a jati hain. suryaputri yamraj sahodar krishnapriya kalindi ka yah udgam sthan atyant bhavya hai. yahan se ek marg melangghati se kailash mansrovar jata hai. marg kathin hai. shrikanth se ai dudh ganga yahan bhagirthi men milti hai. is sangam par shiv mandir hai aur samne shrikanth parvat hai. yah maharaj bhagirath ka tap sthan hai. yahan gangapar mukhba math hai, jaron men gangoÿari ke pande mukhba men rahte hain. yahan se kuch dur markandey sthan hai shitkal men gangaji ki (gangoÿari ki murti ki) puja yahin hoti hai.
jandganga sangm: bhairvghati pahunchne ke thora pahle yah sthan ata hai. yahan jandganga ya jahnavi ki dhara veg purvak akar bhagirthi men milti hai. kaha jata hai ki is sangam par hi jahu rishi ka ashram tha.
bhairvghati: yahan gandhak ka parvat hone ke karan bhumi garam rahti hai. bhairav ka mandir hai.
gangoÿari: vaise to ganga ji ka udgam gomukh se hua hai aur vahan ki yatra bahut kathin hone ke karan bahut kam yatri vahan jate hain. gangoÿari men snan aur gangaji ka pujan karke, yatri gangajal lekar yahin se niche lautte hain. yah sthan samudra tal se 20,000 fut ki unchai par gangaji ke dakshin tat par hai.
ganga yahan keval 44 fut chairi hai aur gahrai lagabhag tin fut hai. as pas devdaru tatha chir ke van hain. yahan ka mukhya darshaniya sthal shri ganga ji ka mandir hai jismen adi shankracharya dvara pratishthit ganga ji ki murti ke atirikt raja bhagirath, yamuna, sarasvati evan shankracharya ki murtiyan bhi hain. ganga ji ke mandir ke pas ek bhairvnath mandir hai. gangoÿari men suryakund, vishnu kund, brahmakund adi tirth hain. yahin vishal bhagirath shila hai, jis par raja bhagirath ne tap kiya tha.
is shila par pinddan kiya jata hai. yahan ganga ko vishnu tulsi charhai jati hai. shitkal men yah sthan barf ho jata hai, islie pande chalmurtiyon ko mukhba gram ke pas markandey kshetra men le ate hain. kaha jata hai ki yah markandey rishi ki tap sthali hai. gangoÿari se niche kedar v ganga ka sangam hai. gomukh: gangoÿari se age ka marg atyant kathin hai. marg men vanya jiv rich aur chite jaise vanya jiv bhi mil sakte hain.
tivra vegi parvatiya nalon ko par karna tatha kachche parvaton par charhna-utrna bahut sahas tatha savdhani ki apeksha rakhta hai. age n koi bana marg hai, n parav aur n koi dukan. gomukh men hi himdhara (glesiyar) ke niche se ganga ji ki dhara prakat hoti hai. is sthan ki shobha atulniya hai. ganga ke is udgam men snan kar pana manushya ka ahobhagya hai. gomukh men itna shit hai ki jal men hath dalte hi vah suna ho jata hai.
agni jalakar yatri snan karte hain. gomukh se lautne men shighrata karni chahie kyonki dhup niklte hi himshikhron se bhari himachattanen tut-tutakar girne lagti hain. shri badrinath se age nar narayan parvat hai. narayan parvat ke nichle charan se hi alknanda niklti hai aur satpath hokar badrinath dham ati hai. yahin narayan parvat ke charnon se bhagirthi gangottari ka himapravah bhi praranbh hota hai. yah pravah sumeru (svarn parvat) se shivling shikhar par ata hai. yah shikhar gomukh se dakshin men hai. usse niche utar kar himapravah se gomukh ganga ki dhara prithvi par utrti hai.
mansrovar kailash yatra: himalay ki parvatiya yatraon men mansrovar kailash ki yatra sabse kathin hai. yatra men yatriyon ko lagabhag tin saptah tibbat men hi rahna parta hai. keval yahi ek yatra hai jismen yatri himalay ko pura par karte hain. mansrovar kailash, amrnath, satpathatirth, gomukh, svargarohan jamsse kshetron ki yatra men yatri aeksijan mask sath le jaen to hava men aeksijan ki kami se hone vale shvas kasht se bach jaenge. is sthal par pahunchne ke anek marg hain. inmen tin marg apekshakrit adhik sugam hain.
(1) purvoÿar relve ke tankpur steshan se motr-bas dvara pithauragarh (almora) jakar fir vahan se paidal ‘lipu’ namak darra par karke jane vala marg.
(2) usi relve ke kathgodam steshan se motr-bas dvara kapkot (almora) jakar fir paidal yatra karte hue ‘kungri’ ‘bingri’ ghatiyon ko par karke jane vala marg.
(3) uÿar relve ke rishikesh steshan se motr-bas dvara joshimath jakar vahan se paidal yatra karte hue tapovan niti ghati ko par karke paidal jane ka sidha marg.
mansrovr: pure himalay par karke, tibbati pathar men lagabhag 30 mil jane par parvaton se ghire do mahan sarovar milte hain. manushya ke donon netron ke saman ve sthit hain aur unke madhya men nasika ke saman upar uthi parvatiya bhumi hai, jo donon ko prithak karti hai. inmen ek hai rakshasatal aur dusra mansrovar.
rakshasatal vistar men bahut bara hai, vah gol ya chaikor nahin hai. uski kai bhujaen milon dur tak terhi-merhi hokar parvaton men chali gai hain. kaha jata hai ki kisi samay rakshasaraj ravan ne yahin khare hokar devadhidev bhagvan shnakar ki aradhna ki thi. mansrovar ka jal atyant svachch aur nila hai. iska akar lagabhag ande jaisa hai. mansrovar 51 shakti pithon men se ek hai. sati ki dahini hatheli isi men giri thi.
mansrovar men hans bahut hain, rajhans bhi hain. samanya hanson ki do jatiyan hain, matmaile safed aur badami. mansrovar men sip ke moti mil jate hain kamal usmen sarvatha nahin hai. pratyaksh men mansrovar se koi nadi ya chota jharna bhi nahin niklta hai. kintu kuch anveshak angrej vidvanon ka mat hai ki saryu aur brahmaputra nadiyon men mansrovar ka jal bhumi ke bhitar ke margon se akar milta hai. mansrovar ke as-pas kailash par kahin koi vriksh nahin, koi pushp nahin hai. sarovar jal samanya shital hai.
kailash: mansrovar se kailash lagabhag 20 mil dur hai. vaise uske darshan mansrovar pahunchne se bahut pahle se hi hone lagte hain. jauhar marg men kungri bingri ki choti par pahunchte hi, yadi akash men badal n hon, to yatri ko kailash ke darshan ho jate hain. tibbat ke logon men kailash ke prati apar shraddha hai.
anek tibbati shraddhalu pure kailash ki 32 mil ki parikrama dandavat pranam karte hue puri karte hain. vah kailash to divyadham hai, aparthiv lok hai, jaise golok. kailash ka yah kshetra shivling ke akar ka hai- shodashadal kamal ke madhya sthit as pas k e sabhi shikhran e se uncha hai. yah kasauti ke thos kale patthar ka hai aur upar se niche tak sada dugdhojjval barf se dhaka rahta hai. kintu usse lage hue parvat, jinke shikhar kamlakar hain, kachche lal matmaile patthar ke hain.
if you are facing any type of problems in your life you can consult with astrologer in delhi