shri mahalakshmi sansar ke sabhi bhautik sukhon ki svamini, dhan, sanpda v saubhagya ki pradayini devi hain. har varsh kartik mas, krishn paksh ki amavasya ko dipavli parva par ratri ke samay, sthir lagn men, sthayi sukh-samriddhi pane ke lie devi mahalakshmi aur shri ganesh ka shodshopchar dvara pujan kiya jata hai. vyapari varg is din se apne naye varsh ke bahi khate aranbh karte hain. varsh 2017 men dipavli ka shubh parva 19 aktubar ko hai. devi mahalakshmi ki satat kripa prapti ke lie ‘shri sukta’ stotra sadhna amogh mani gai hai. is vishesh anushthan ko dipavli se aranbh kiya jata hai. shri ganesh lakshmi pujan ke uprant vidhipurvak ‘shri sukta’ ka 11 bar path karne ke pashchat mahalakshmi mantra: ‘‘un shrin hrin shrin kamle kamlalye prasid prasid, un shrin hrin shrin mahalakshmayai namah.’’ ka (kamalagatte ki mala par) ek mala jap karna chahie. uske bad pratidin subah nishchit samay par svachch hokar pujit murti ke samaksh deshi ghi ka dipak v sugandhi jalakar prasad v jal rakhakar shanti bhav se ‘shri sukta’ stotra ka ek path tatha ek mala ‘mahalakshmi mantra’ ka jap puri shraddha aur vishvas ke sath karna chahie. is sadhna men bahut adhik samay nahin lagta parantu ashatit shubh fal prapt hote hain. kuch hi mahinon men devi mahalakshmi ki kripa ki anubhuti hone lagti hai. sadhak ki dhan sanbandhi kathinaiyan kam hoti hain aur vah sukh shanti ka anubhav karta hai. sadhna vidhan: dipavli ki ratri ko shri lakshmi ganesh ka yathavat sthapna v pujan karne ke uprant dahine hath men achmni bhar kar jal len aur nimn mantra ke uchcharan dvara ‘shri sukta’ ka viniyog karen:
1. ‘‘ un hiranyavarnamiti panchadashachsthi suktasya, shri anand kardamachiklit, indirasuta mahakrishyah. shriragnidevta. adyastisto' nushtabhah chaturthi brihti. panchmishashthyo. trishtubho, tato ashtavnushtubhah antayaah prastar panktiah. hiranyavarnamiti bijan taman avah jatved iti shakti, kirti kriddhin dadatu men iti kilakam. shri mahalakshmi prasad siddhayarthe jape viniyogah..’’
2. uske bad hath jorakar mahalakshmi ka nimn mantra ke path dvara dhyan karen. ‘‘arun kamal sansthan tadjah punjavarna kar kamal dhriteshtabhiti yugmambu ch.. manimukut vichilalankriti padm mala bhavtu bhavun mata shri: shriyai nah. kamlan kalshan dhenun gyanmanjli mev ch panchmudraah pradashyarth shri suktan prajped budhah..’’
fir ‘shri sukta’ ka path aranbh karen. ‘‘shri sukta’’(arth sahit) un hiranyavarnan harinin suvarnarajatasrajam. chandran hiranmayin lakshmin jatvedo m a vah.. (he agni svarup hari ! mere ghar un lakshmi ko lao jo svarn si kantimyi hain, jo man ki daridrata harti hain, jo svarn v rajat pushp malaon se sadaiv susajjit rahti hain, jo ainadini aur hiranyamyi hain aur sada chandrama si divya chata bikherti hain.) tan m a vah jatvedo lakshmimnpgaminim. yasyan hiranyan vindeyan gamashvan purushanaham.. (he sarvayagyasvarupe hari, ap mere ghar men susthir lakshmi ko layen jo mujhe kabhi chorakar n jayen. unki kripa se main vanchit svarn, ratn, dhan, gau, ashva v achche mitra prapt kar sakun.) ashvapurvan rathamadhyan hastinadapramodinim. shriyan devimup hnaye shrirmadevijurshatam.. (he ashvon se jure rath par virajit devi ! ap hathiyon ke chingharne se prasann hoti hain. he dayamyi devi ! main apko pukar raha hun. ap apni sneh ki kripa sadaiv mujh par barsati rahen.) kan sosmitan hiranyaprakashmadrran jvalanti taptan tarpayantim. paùesthitan paùvarnan tamihop hnaye shriyam.. (he man ! apka mukharvind sada mand-mand muskurata hai. ap svarnamayi, dipti tatha dayadi hain, aur sada triptidayak hain. he kamlasan ! apka rup anurup hai. main apko sadar pukar raha hun. ap mere pas padharen.)
chandran prabhasan yashsa jvalantin shriyan loke devjushtamudaram. tan paùinin sharnanmhan prapadye lakshmirme nashyatan tvan vrine.. ( he devi ! ap chandrama se bhi sundar v shital prakashvan hain. dev aur asur nitya apki seva men tatpar hain. he padma! main bhi apki sharan men aya hun. meri sari daridrata dur kijie.) adityavarne tapso'dhi jato vanaspatistav vriksho'th bilvah. tasya falani tapsa nudantu ya antarayashch bahya alakshmiah.. (he surya ke saman kantimyi devi ! apke tej se van-padap ka pradurbhav hua hai. he kamle ! apke hathon se prakat bilva vriksh bina fule hi fal deta hai. mata lakshmi ! ap mere yahan vas kar us darun daridrata ka samul nash karen jo hamesha khatapat machaye rahti hai.) upaitu man devsrvah kirtishch manina sah. pradurbhuto'smi rashtre'smin kirtimriddhin dadatu me.. (he dhan ki devi ! mere yahan padharen. kanchan, ratn, mani, adi bhi sath layen tatha kirti -samriddhi pradan kar mujhe is rashtra men gaurvanvit karen.) kshutpipasamlan jyeshthamalakshmin nashyamyaham. abhutimsmriddhin ch sarvan nirnud me grihat.. (he padmanivasini ! ap bhukh, pyas, upvas, dinta, vaibhvhinta, riddhivihinta rupi mahadukhon ko apni kripa se shighra dur karen.)
gandhadvaran duradharshan nityapushtan karishinim. ishvarin sarvabhutanan tamihop hnaye shriyam.. (main gandh, pushp, har, uphar dvara apka svagat karta hun. ap hi shri hain, charachar ki svamini bhi aur sakal gunadhika bhi hain. yah sevak apki seva ke lie utsuk hai.) mansah kammakutin vachahsatyamshimhi. pashunan rupamannasya mayi shriah shraytan yashah.. ( he man ! apke divya prabhav se meri manokamnayen purn hon. chitt ki sari kalpanayen bhi purn hon aur main satya ka anubhav karun. mujhe dudh, dahi, navnit adi nana prakar ke khadyon ka anand mile aur main sanpda aur sukirti kamaun.) kardamen prajabhuta mayi sambhav kardam. shriyan vasay me kule matran paùmalinim.. (he kamla ke suputra, kardam ! ap mere sannidhi ho. nitya mere ghar men vas karo aur mata lakshmi ko bhi yahan bulao. pankaj malika se susajjit sindhuja ka darshan karao. he dev ! ap sada mere vansh men vas karo tatha apni janni ko bhi basao.) apah srijantu snigdhani chiklit vas me grihe. ni ch devin matran shriyan vasay me kule.. (he jal ke shubh devta. kripya snigdh padarth yahan upjao. he rama sut chinklit ! ap mere niketan men sada ke lie vas karo. dayamyi mata lakshmi ko bhi bulao aur sada unka mere vansh men shubh vas karao.)
adrran pushkarinin pushtin pinglan paùmalinim. chandran hiranmayin lakshmin jatvedo m a vah.. (he jatved agnidev ! ap tinon kal ke gyata hain. meri vinay prarthana sunen. kripa kar gaj shund men avasthit kalash ke dvara nahati, ardra angvali padmamala se alankrit aur kalyankari, un devi lakshmi ko mere yahan vas hetu bulao.) adrran yah karinin yashtin suvarnan hem malinim. suryan hiranmayin lakshmin jatvedo m a vah.. (he agnidev ! jo sajjanon ki raksha ke lie sada dayard rahti hain aur dushton ko dand deti hain, jo apne sevkon ko sada dhan samriddhi pradan karti hain, jo sadaiv suvarn pushp mala dharan kiye rahti hain, un hiranmayi mata lakshmi ko mere yahan layen.) tan m a vah jatvedo lakshmimnpgaminim. yasyan hiranyan prabhutan gavo dasyo'shvan vindeyan purushanaham.. (he jatved agni ! mere ghar sthir lakshmi ko lao, jiske shubhagaman se main svarn, gayen, ghore, das-dasi, mitra adi sab pa sakun.) yah shuchiah prayto bhutva juhuyadajyamanvaham. suktan panchadasharchan ch shrikamah sattan japet.. (jo vyakti purn astha, shraddha aur svachchatapurvak shuddh ghi ka dipak jalakar (v havan dvara) is sukt ki pandrah richaon ka nityaprati path karta hai, us par devi mahalakshmi prasann hokar dhan samriddhi pradan karti hain.) .. iti rigvederivlsukteshu shri suktam.. ‘‘shri sukta’ ke path ke bad ek mala shri mahalakshmi mantra ka jap avashya karen. ant men arti karke charnamrit v prasad grahan karen.