madhumeh jise ham shugar aur daybitij ke nam se jante hain, yah rog teji ke sath fail raha hai aur aj ek mahamari ka rup le chuka hai. is rog ka mukhya karan galat khan-pan ki adten aur jivnshaili ka santulit n hona hai. apni jivnshaili aur khan-pan ko niyantrit rakh ham madhumeh rog par niyantran rakhne men safal ho sakte hain. madhumeh aur tanav ka gahra sanbandh hai. tanav ke karan madhumeh pirit kai anya bimariyon ka bhi shikar ho sakta hai. pahle yah rog samanyatah garbhavati mahilaon aur bari umra ke vyaktiyon ko hua karta tha, lekin aj ke samay men yah bachchon men bhi panpta dikhai de raha hai.
tanav barhne ke sath hi sharir men sharkara ki matra barh jati hai. rog ko aniyantrit hone se rokne ke lie madhumeh rogiyon ko apne khan-pan ka bahut khyal rakhna chahiye, unhen bilkul bhi mithi chijen aur kailori yukt ahar nahin khana chahiye, aise men madhumeh ke rogi kya khaen, kya n khaen aur kya karen- iski jankari ham apko aj is alekh ke madhyam se dene ja rahe hain. madhumeh men ahar vyavastha ahar vyavastha aisi honi chahie ki rogi ke bhojan men karbohaidret ki matra samanya se kam ho tatha protin aur vasa ki matra samanya se adhik ho.
rogi ke sharir ki sabhi kamiyan bhi puri hon aur use nuksan bhi n ho. kuch isi prakar ki baton ka khyal rakhte hue madhumeh se grast vyakti ki ahar vyavastha karni chahie. aiye janen ki kaun se padarth madhumeh ke rogi ko die ja sakte hain- madhumeh men lie jane vale khadya padarth madhumeh men vibhinn prakar ke anajon men gehun, chane ki roti, jau v chane ki roti, jvar ya bajre ki roti deni chahie. chilke vali dalen, sabjiyon men hari pattedar sabjiyan, karela, bandgobhi, ghiya, baingan, fulgobhi, khira, gvarfli, bhindi, tori, tinda, gajar, muli, hari mirch, frenchbin adi khane men prayog karna chahie. pyaj, lahsun tatha reshedar padarthon ko dainik ahar men avashya lena chahie. sabhi fal jinmen karbohaidret ki matra kam ho aise fal bhi prayog men lae ja sakte hain.
jaise- tarbuj, kharbuj, tamatar, amrud, mausmi, anannas, jamun, santra, nashpati dudh, dahi adi ka prayog kiya ja sakta hai. varjit khadya padarth madhumeh men sabjiyon men alu, kachalu, shakrkand, jimikand, arbi adi, falon men chiku, kela, falon ke jus nahin lene chahie. soda mishrit mithe pey padarth skvaish, sharbat, sharab, munakka, kishmish, khajur, sukhi khurmani adi ke sevan se bachna chahie. anya khadya padarthon men chini, gur, shahad, mithe pakvan, jaim jaili, marmeld, kek, pestri, chaeklet, aisakrim adi varjit hain. madhumeh rog se pirit vyakti men kolestrael ki matra barh jati hai, islie mans, andon ka prayog adhik nahin karna chahie. anya savdhaniyan
- yadi rogi kam kriyashil hai to use kisi n kisi prakar ka vyayam avashya karna chahie.
- chinta v mansik tanav rog ko barha dete hain, islie inse bachna chahie.
- bhojan men vibhinnata lani chahie. vyakti ek jaisa bhojan khate-khate ub n jae.
- sharirik bhar par niyantran avashyak hai.
- yadi vyavasthit bhojan men rakt glukoj ka star niyantran men n rahe to chikitsak ke paramarsh se insulin ya kisi anya aushdhi ka sevan karna chahie.
- pyaj, lahsun aur reshedar padarthon ko dainik ahar men sammilit karna chahie, kyonki ye rakt men glukoj aur kolestrael ke star ko kam karne men sahayak hote hain.
vajan par niyantran rakhen motapa madhumeh hone ke sabse aham karnon men se ek hai. ek am vyakti ki tulna men mote vyakti ko madhumeh hone ka khatra 40ah adhik barh jata hai. jo vyakti svayan se madhumeh rog ko dur rakhna chahte hanai ve sabse pahle svayan ke motape par niyantran rakhen. fit aur santulit sharir ke vyakti men madhumeh to kya anya bhi koi rog pravesh karne se pahle hajar bar sochega. sakriya rahen sakriya rahne se ek to sharir akar men rahta hai dusre dekhne men akarshak lagta hai.
aj ke adhunik upkrnon ne hamari sakriyata ko kam kar diya hai aur uske falasvarup logon men motapa barh gaya hai. sakriyata se hamara sharir gatishil rahta hai aur insulin thik se karya karta hai. ghar-parivar aur aefis ke chote-chote karyon ko svayan karne ki adat ka vikas kar, ham svasth jivn-yapan ka sukh prapt kar sakte hain. madhumeh ko dur rakhne ke lie sirf vyayam hi nahin balki sirhiyan charhna, paidal chalne jaise am upay kar sakte hain. dhumrapan se bachen madhumeh rogiyon ko dhumrapan karne se bilkul bachna chahie. dhumrapan karne vale vyaktiyon ko madhumeh hone ki ashanka doguni rahti hai. paryapt nind lena sharir ko sucharu rup se chalane aur rogmukt rahne ke lie paryapt matra men nind lena avashyak hai.
aparyapt nind aur jyada sone se n keval madhumeh barhne ka khatra jyada ho jata hai balki isse kai ganbhir bimariyan, hai blad preshar, motapa, tanav, dil ki bimariyan, tanav aur yaddasht kam hone jaisi kai samasyaen shuru ho jati hain. rakt men sharkara ki niyamit janch shugar rog ka ek karan vanshanugat hona bhi hai. jin vyaktiyon ke mata-pita ya purvajon ko madhumeh rog raha ho, un vyaktiyon ko madhumeh hone ki sanbhavnaen atyadhik rahti hain. isse bachne ke lie aise vyaktiyon ko samy-samay par rakt men sharkara ki niyamit janch karate rahna chahie.
yah janch ehtiyat ka karya karegi. pratyek varsh khali pet aur khana khane ke do ghante ke bad yah janch karani chahie. rog uchch raktachap, thairaeyad rog, pittashay rog, yakrit men sujan adi rog hone par madhumeh rog hone ki sanbhavnaen barh jati hanai. in rogon se grast vyaktiyon ko vishesh rup se madhumeh rog ke prati savdhan rahna chahie. kai bar anya rogon ke dushparinam ke karan madhumeh ho sakta hai. vyayam niyamit rup se vyayam karna n keval apko madhumeh rog se dur rakhega apitu iske prabhav se apka sharir bhi svasth aur sundar rahega.
vyayam ke rup men tahlna, daurna, saikil chalana, tairaki ya koi khel khelna chahie. isse sharir ki koshikaen sakriya rahengi, sharkara ki matra rakt men niyantrit rahegi. yog sharir ko nirogi rakhne aur lambi ayu pane ke lie yog jarur karna chahie. madhumeh ek ganbhir rog hai, uprokt upayon aur savdhaniyon ka palan karne se ap sadaiv ke lie madhumeh rog se mukt rahenge.