vaidik jyotish men medikal jyotish ka atyadhik mahatvapurn sthan mana gaya hai. iske dvara vyakti ki janm kundli se uske svasthya ka akalan behatar tarike se kiya ja sakta hai. kai bar chikitsak jatak ki bimari ko dhunrh hi nahin pate hain. aise men ek kushal jyotishi janmakundli ka bhali-bhanti nirikshan karke bimari ka andaja laga sakta hai ki sharir ke kis bhag men pira najar ati hai, aj ke is lekh ke madhyam se ham madhumeh ke sanbandh men bat karenge ki janmakundli ke ve kaun se yog hain jinke adhar par yah kaha ja sakta hai ki vyakti ko madhumeh ki bimari ho sakti hai. sarvapratham yah jante hain
ki madhumeh kya hai? aj ke shram vihin samaj ka yah jana-pahchana rog hai. yah rog shram n karne vale samaj men adhikatam paya jata hai jabki shram karne valon ko yah nyunatam sankhya men hota hai. madhumeh rog akela hi nahin hota, apitu iske dushprabhav svarup ankhon, kidni, hriday tatha anya angon par bhi iska pratikul prabhav parta hai. 85 pratishat ko yah rog anuvanshikta ke karan hota hai. tanav, krodh, ishrya, pratispardha v hamesha tanav v dabav bane rahna aur antahsravi ganrathiyon men vikriti a jana is rog ke vahak hain. madhumeh ke pramukh jyotishiya yog
- surya, chandra, budh aur shukra pancham sthan men sthit hon to madhumeh rog hota hai. agar ek, do ya tin grah bhi pancham sthan men sthit hon to madhumeh ki ashanka barh jati hai. agar ye grah kharab grahon se yuti karte hain to madhumeh rog ke sanbandh men spashtata se kaha ja sakta hai. aisa bhi dekha gaya hai ki pancham sthan men shukra shani se pirit ho to vyakti ko madhumeh hota hi hai.
- lagn sthan men shani ke sath surya ya mangal ho to vyakti ko madhumeh hota hai. agar lagn sthan men tinon grah hon to parinam adhik tivrata se prakat hota hai. keval mangal aur shani bhi ho to rog ubharakar samne a jata hai.
- shani ashtam sthan men pirit ho to dirghavdhi vale rog utpann hote hain. kai bar yahi rog mrityu ka bhi karan ban jata hai.
- shani aur mangal ki yuti ho ya ek dusre ko drishti sanbandh se prabhavit kar rahen to madhumeh hota hai. karib 65 pratishat mamlon men shani aur mangal ki yuti madhumeh rog utpann karti hai.
- lagn sthan pirit ho, lagn sthan ka svami nich ka ho aur ashtam sthan men shukra ho ya shukra se prabhavit ho to madhumeh ki ashanka barh jati hai. iske bahut adhik parinam dekhne men nahin ae hain.
- budh dhanu ya min rashi men ho aur surya ki yuti ho to madhumeh hone ki ashanka barh jati hai.
- lagnasth surya, saptamasth mangal ho to madhumeh rog hota hai. ismen tathya yah hai ki agar varg jal tatviya rashiyon men ho to rog hone ki ashanka barh jati hai.
- ashtam sthan ko mangal prabhavit kare to madhumeh rog hone ki ashanka adhik hoti hai. madhumeh ke kai rogiyon men aisa dekha gaya hai.
- navmansh men chandra kark ya vrishchik rashi men ho aur chandra pirit ho to isi prakar ka rog hone ki ashanka barh jati hai.
- shukra aur chandra jaise grah saptam sthan, saptamesh ke sath hon to mutra sanbandhi rog hote hain.
- pancham sthan men surya, chandra aur shukra hon to madhumeh rog hota hai. vargon men agar jalatatviya rashiyon ki pramukhta ho to iske parinam tivrata se ate hain.
- saptamasth rahu ke karan kamar se sanbandhit rog ubhrte hain. rahu ke hone se rog guhya hota hai aise men madhumeh ki shanka ki ja sakti hai.
- pancham sthan men piradayi grah madhumeh ka karan ban sakta hai.
- saptam sthan ka svami pratikul sthan men ho aur pirit ho to madhumeh hota hai.
- lagn shani se prabhavit ho aur ashtam sthan ka svami pirit ho to apach se madhumeh ki samasya ki shuruat hoti hai. dae. charak ke anusar
- janmakundli men guru grah shashth, ashtam ya dvadash sthan men sthit ho ya apni nich rashi men sthit ho to madhumeh rog hota hai.
- shukra shashthasth aur guru dvadashasth ho tab bhi madhumeh rog hota hai.
- pancham sthan ya panchmesh ka sanbandh shashth, shashthesh, ashtam ya dvadash sthan se ban raha ho to madhumeh hota hai.
- shashthesha/dvadash sthan men ho aur dvadshesh ka sanbandh guru se ban raha ho.
- shashthesh v dvadshesh ka apas men rashi parivartan ho raha ho.
- guru janm kundli men shani v rahu ke prabhav men ho.
- janmakundli men guru v shani ki yuti bahut najdiki anshon par ho rahi ho arthat donon ek hi navansh men sthit hon.
- guru shashth, ashtam ya dvadash sthan men pirit ho. dae. bi. vi. raman ke anusar
- janmakundli men bali pap grah lagn ya ashtam sthan men ho tatha shukra guru ya chandra guru pirit avastha men sthit hon to madhumeh ki sanbhavna banti hai.
- shukra ashtam sthan men papagrahon se drisht ho.
- guru shani ki rashi makar ya kunbh men sthit ho aur ashubh grahon se drisht ho.
- guru ka sanbandh agar shani se ban raha ho.
- rahu ka sanbandh ashtamesh se ban raha ho aur yah sanbandh ashtam sthan ya trikon men ban raha ho kyonki kundli men jab bhi ashtamesh ka sanbandh rahu se banta hai tab bimari ki sanbhavna barh jati hai.
- shani ka sanbandh chandra se ho ya kark rashi se ho.
- mangal, shani, rahu ya ketu jal rashi (chaturth, ashtam v dvadsh) men sthit ho visheshakar shashth, ashtam v dvadash sthan men ho tab bhi madhumeh rog hone ki sanbhavna hoti hai.
- guru rahu ke nakshatra men ho aur rahu se hi drisht ho.
- guru ashtamasth hokar shani se drisht ho.
- lagn kisi ashubh grah se pirit ho raha aur guru bhi pap grah se pirit ho.
- surya lagnasth ho aur mangal shashthasth ho to bhi madhumeh rog ho sakta hai.
jyotish shastra ke upayon ke anusar madhumeh rog se chutkara pane ke lie purn manoyog se nimnanusar upay karna chahieah
- solah shukravar tak kisi mandir ya jarurtmand vyakti ko safed chaval ka dan karna chahie.
- ‘‘un shun shukray namah’’ mantra ki ek mala ka jap pratidin karna chahie.
- guru aur chandra ki vastuon ka bhi dan karna chahie.
- sayan ya ratri ke samay mahamrityunjay mantra ka jap avashya karna chahie.
û pushya nakshatra men jamun ke falon ko ekatrit kar fir unka sevan karen.
û karele ke pavadar ko nitya pratidin pratah dugdh ke sath milakar sevan karen.
- ashvini, pushya, hast aur abhijit nakshatron men aushdhi sevan praranbh karen.
- gochriya grahon se ashubhta ho to pahle unhen aushdhiya snan se shuddh karen.
- grah dushit hai to havan kara sakte hain
- surya ki shanti ke lie ak ki samidha men havan karen, chandra ki shanti hetu palash ki samidha, mangal ki shanti ke lie khair, budh ki shanti ke lie apamarg, guru ki shanti hetu pipal, shukra ki shanti ke lie gular, shani ki shanti hetu shami, rahu ke lie durva tatha ketu ki shanti ke lie kusha ki samidha se havan karen.
saral aur snigdh dali havan ki prakriya ke lie upyog karna chahie. iske sath-sath grahon ke mantron ke sath hi yagyahuti deni chahie tabhi apko havan ka purn labh milega aur madhumeh rog se bachne men sahayak hoga.
vastu shastra aur madhumeh ka rog vastu shastra ke anusar is rog se bachav ke lie apne ghar ke madhya ko lohe ke jal, bekar faltu saman aur stor se bachana hoga. apne ghar ki uttara-purva disha men nile pushp vala paudha lagaen. galti se kabhi bhi apne shayan kaksh men khana n khayen tatha jute chappal pahanakar shayan kaksh men n jayen aur n hi kabhi bhi purane ya naye jute chappal vahan rakhen. pine ke pani ke lie mitti ke ghare ka istemal karen aur ghare men tulsi ke sat patte dalen uske bad hi pani sevan karen. guruvar ko haldi ki ganth silavatte par pis kar usmen shahad milakar pratidin khali pet len. pratyek ravivar ko surya ko jal den, uske bad bandron ko gur khilayen.
apne ghar ke ishan kon se lauh dhatu se nirmit har vastu ko hata den. madhumeh rog se bachne ke lie ap in sab upayon ka istemal kar sakte hain aur upayon ke karne se apko mahsus hoga ki apka madhumeh rog kitni jaldi thik ho raha hai aur ap rog mukt ho rahe hain.