pratyek vyakti men dhan prapti ki ichcha rahti hai aur islie vah apni samathryanusar ise prapt karne ke lie prayasarat rahta hai. hindu dharm men lakshmi ko dhan ki devi ke rup men puja jata hai tatha shastron men dhan prapti ke uddeshya se vibhinn prakar ke anushthanon ka bhi ullekh milta hai. is prakar ke anushthan vishesh rup se dipavli ke shubh muhurt men sampann kie jate hain. prakriti bhi manushya ke jivan men dhanagaman ki suchna deti rahti hai. prakriti ke dvara purva men prapt hone vale in shubhashubh sanketon ko hi shakun kahte hanai. dhanagaman ke kuch shubh shakun is prakar hain -
yadi koi vyakti kisi shubh divas par dhan deta hai
yadi apko amavasya ya purnima ke din dhan ya uphar milte hain to yah apke saubhagya ko darshate hain. visheshtya yadi chandi ke uphar ya sikke prapt hote hain to ye prachur dhanagaman ke suchak mane jate hanai . islie dipavli par uphar ek vishesh shubh suchna ka sanket hai. jitne adhik uphar prapt hote hain utna hi apka agami varsh samriddhishali hota hai.
marg men gay ka milna
yadi apko rah chalte vishesh rup se kali gay mil jati hai to yah ek bahut bara shubh shakun hai jo ane vale samay men dhanagaman ki purva suchna deta hai.
yadi ghar men chamgadar ghonsla banae
yadi apke ghar men chamgadar akar ghanesla bana lete hain to yah asim dhanagaman ka suchak hai. chin men panch chamgadron ke samuh ki akriti farnichar ya penting adi par ek shubh shakun ke rup men banaya jata hai.
chiriya ki bit ka sir par girna
bahut se log ise ishvariya kripa se dhan prapti ka sanket mante hain. isi prakar se jab chiriya apke ghar men akar ghanesla banae ya apke ghar ki chat par mandrae to yah ek shubh shakun hai atah unko dana dalen.
makri ke jal par hastakshar ya nam jaisi akriti
yadi apke ghar men makri ke kisi jale par apne hastakshar ya nam jaisi akriti dikhai pare to apke ane vale vyavdhan dur honge. yah akriti dikhna ashcharyajanak bat nahin, apitu bhagyashali logon ko aksar dikhai de jati hai.
sarpadarshana
yadi apko ghar, bagicha, udyan ya marg par sarp dikh jae to yah ane vale shubh samay ka sanket hai. yadi apko jahrila sanp dikhe to yah aur adhik shubh sanket hai aur king kobra dikhe to bahut bara shubh sanket hai.
hath men sihrn
yadi mahilaon ko ulte aur purushon ke sidhe hath men gudgudi ya khujli ho rahi ho to yah dhanagaman ka suchak hai.
tara girna
yadi apko tara girta dikhai de to us samay jo bhi ichcha ki jae vah shighra puri hoti hai. aisa mana jata hai ki yadi ap tutta tara dekhen, to apni ankhen band karke apne man men apni ichcha dohraen, apki ichcha tis din men puri ho jaegi. yadi ap bimar hain to jaldi svasthya labh hoga. kisi se vair hai to shighra mitrata ho jaegi. yadi apka premi/premika se jhagra ho gaya hai to shighra hi sulah ho jayegi.
kan men khujli
aisa mana jata hai ki yadi mahila ke baen aur purush ke daen kan men khujli ho rahi ho to koi apki prashansa kar raha hai aur dhanagaman ki sanbhavnaen ban rahi hain. isi prakar yadi mahila ko daen aur purush ke baen kan men khujli ho rahi ho to apki ninda ho rahi hai aisa janen. yadi ap anuman lagakar sahi vyakti ka nam uchch svar se le lete hain to khujli band ho jaegi.
titli ka ghar men urna
yadi apke ghar men urti hui titli dikhai de to samjhen ki koi agantuk ane vala hai. yadi titli ka rang chatkila hai to premi ane vale hanai. yadi titli ka rang gahra ya kala hai to vyapar ya naukri ki shubh suchna prapt hone vali hai. titli ko kabhi bhi maren ya bhagaen nahin kyonki isse apka saubhagya durbhagya men badal sakta hai.
kapre ulte pahnna
yadi ap achanak ulte kapre pahan lete hain to apko shighra hi koi bara labh ya shubh samachar prapt hone vala hai. yadi ap apne ko bhagyahin mante hain to apka bhagya avashya hi badlne vala hai.
saubhagyadayak chihna
yadi apko rah chalte ghore ki nal, sikka ya koi saubhagyadayak vastu ya chihn jaise un, svastik, shankh adi prapt hon, to use apne laen/garden adi men gar den. aisa karne se apka saubhagya kai guna barh jayega .
ghar men kutta a jae
yadi apke ghar men kisi bhi prakar se kuÿaa a jata hai aur apse dosti bana leta hai to yah saubhagya ka suchak hai. uska svagat karen. kala kuÿaa dhanagaman, bhura kuÿaa samriddhi v safed kuÿaa prem ka suchak hai.
jhande ka fahrana
yadi ghar par laga jhanda hava se fahrata hai to yah saubhagya v vijay ka pratik hai. atah ap apne ghar ki chat par nairritya kon men mata ya hanuman ji ka tikona dhvaj lagaen. yah apke bhagya ke lie shubh rahega.
dhup ke sath indra dhanush darshana
yah ek atyant shubh sanket hai. apki kisi mahatvapurn vyakti se mulakat hogi. yadi shishu janm ke samay aisa dekhen to shishu vishesh saubhagyashali hoga. yadi us din vivah ho raha ho to vaivahik jivan ka ati shubh hona tay hai .
sonpankhi tidda v mendhak ka ghar men ana
yadi tidda ghar men ghus ae to vishesh agantuk ke ane ka suchak hai. sonpankhi ke ghar men ane se vishesh samman prapt hota hai aur mendhak ke ghar men kudne se dhanagaman hota hai. is prakar prakriti ki saubhagya ki jankari dene ki apni bhasha hai jise samajhakar ane vale shubhashubh ghatnakram ko jana jata hai. jyotish shastra men ise shakun shastra ke nam se jana jata hai.