dhan samriddhi ki lalsa ko purn karne v a rahi archnon ke samapan hetu totkon ka apna hi vishesh mahatva hota hai. totkon ko turant prabhav dene vala sadhan mana gaya hai aur isi vajah se manushya prachinkal se hi totke kar labh uthata aya hai. aise hi kuch prabhavi totke lekh men varnit kiye gae hai.- ashok ke patte ka totka: kisi bhi somvar se shuru kar yah prayog 21 somvaron tak karna hai.
ashok vriksh ke patte ko ganga jal men dhokar, ab us par haldi aur dahi mishrit dravya se, apni anamika anguli se varg banayen tatha is varg ke madhya men hrin likhen aur fir chupchap se yah patta kisi pavitra sthan, mandir adi par rakh kar chupchap vapis a jayen.
fir agle somvar punah naya patta tor yah prayog karen. 21 somvar karne matra se dhan samriddhi men vriddhi hone lagegi.
baragad ke patte ka totka: yadi achanak se dhan ki jarurat an pari hai to yah prayog teji se dhan sankat dur karta hai. gurupushya yog ke din baragad ke patte ko ghar lakar, ganga jal se dhokar, us par haldi se svastik ka chihn banayen aur fir dhup-dip dikhakar patte ko puja ghar men rakh den aur yadi dhan aur barhana hai to fir agle gurupushya yog ke din yah patta badalakar dusra rakh len.
gular ki jar ka totka: yadi ghar men dhan ka agaman ruk sa gaya hai to dhan ke agaman hetu yah prayog karen. ravipushya yog ke din gular ke per ki jar le ayen aur use dhup-dip dikhakar, lal kapre men lapetakar puja sthan ya almari men rakh den.
kali haldi ka totka: ravipushya yog ya gurupushya yog ke din kali haldi ki ek ganth lakar galle ya tijori men rakh dene se nirantar dhan agaman hota rahta hai.
nagkeshar ka totka: gurupushya yog ke din chandi ki ek dibbi men nagkesar v shahad bharakar, dibbi band karke tijori men ya galle men rakh den. yah totka ek varsh ka hai, yadi ap ise adhik karna chahte hain to har gurupushya yog ke din dibbi badalakar nagkesar v shahad bharakar rakh den. yah prayog dhan samriddhi hetu chamatkari dhang se asar dikhata hai.
laung ilaychi ka totka: grahan kal men ek laung v ek ilaychi jalakar bhasm bana len. ab is bhasm ko lakshmi ji ke chitra ya shriyantra par charhaen, aisa karne se ghar men rupye paise ki avak bani rahti hai.
dahi bhat ka totka: shukla paksh ki ashtami se purnima tak pratidin rat men chandrama ko dahi bhat ka bhog lagayen. yah dahi bhat ek kele ke patte par rakhakar ya chandi ki ek choti si katori men rakhakar, ratri nau se barah baje ke bich chat par ya khule men rakh dane aur iske pas ek ghi ka dipak bhi jala len aur bad men is dahi bhat ko prasad rup men grahan karen. aisa karne se dhan ka kabhi abhav n hoga aur yadi abhav hai to vah shighra hi dur hoga.
gehun ka totka: somvar ya shanivar ke din gehun men gyarah patte tulsi tatha do dane kesar ke dalakar pisane ya pisvayen. aisa karne se ghar ki sukh samriddhi kabhi samapt nahin hoti aur sada dhan sukh bana rahta hai .
gulal ka totka: guruvar ke din ko ghar ke mukhyadvar par gulal chirakakar usapar shuddh desi ghi ka domukhi dipak jalane se sukh samriddhi men vriddhi hoti hai. dipak bujh jane par use uthakar pani men dal diya karen. aisa 41 guruvar karne se har prakar ka dhan sankat samapt hokar, karj mukti hoti hai .
pipal ka totka: shanivar ke din pipal ke per ki chaya men khare hokar, lohe ke bartan men jal,chini, ghi v dudh milakar, pipal ke per ki jar men dalne se ghar men ho rahe tamam anisht shant hokar sukh, shanti v samriddhi men vriddhi hoti hai, dhan kamane ke marg khulte hain .
lal chandan ka totka: lal chandan, lal gulab ka ful aur roli, in sabko manglvar ke din lal kapre men bandhen aur ise galle ya tijori men rakh den. yah prayog har manglvar chah mah tak karen. yah prayog karne se dhan ki kabhi kami nahin satayegi, karj aspas bhi nahin fatkega. ay men bhari vriddhi hone lagegi.
ate ki goliyon ka totka ah somvar ke din ate ki 108 goliyan banakar machliyon ko khilayen. goliyan banate samay un hrin namah mantra ka uchcharan karte rahen. isse samriddhi barhti hai. aisa 27 somvar karen, dharmon rakshati rakshatah yani dharm hi ek aisa sadhan hai jo vyakti ke pap prabhav ko samapt kar shubh-labh pradan karta hai aur is prayog ko 27 somvar karne se apka dharm barh jayega jisse sirf shubh labh ki hi prapti hogi.
ek gilas pani ka totka: subah bistar par se uthen v ghar ke mukhya dvar ke pas ek gilas pani dal den. aisa 6 mah tak lagatar karen. aisa karne se yadi naukri nahin mil rahi to vah milegi,vyapar, vyavsay nahin chal raha hai to vah daudega.
chini sikkon ka totka: lal rang ke fite men tin sikke bandhakar ghar ki tijori ya galle ya pars men rakhen. aisa karne se dhan samriddhi barhti hai .
safed jhande ka totka: shukla paksh ke pratham budhvar ko safed kapre ke jhande ko pipal ke per par choti par bandhane. yah sukh samriddhi men vishesh vriddhi karta hai .
harsingar ka totka: shukla paksh ke pratham shukravar ko harsingar ke nau ful lekar lal kapre men rakh den. bina kisi se koi bat kiye gulab ke nau ful bhi un fulon ke sath rakh den.
ab 21 dinon tak pratidin kamalagatte ki mala se un lakshmi naraynay namah mantra ki ek mala jap karen. iske bad potli bandhakar galle ya tijori men rakh dane. isse arthik samriddhi men vriddhi hoti hai.