shayni ya devshyni ekadshi vrat asharh shuklapaksh ekadshi ko kiya jata hai. yah ekadshi mahan punyadayi, svarg aur moksh pradan karne vali evan sanpurn papon ka haran karne vali hai. ek samay nand nandan murli manohar bhagvan shrikrishn se dharmaraj yudhishthir ne sadar pucha, ‘bhagavan ! asharh mas ke shuklapaksh ki ekadshi ka vrat karne ki vidhi kya hai? bhagvan yashodanandan govind ne kaha, ‘he yudhishthir, jo katha brahmaji ne devarshi narad ji ko unki jigyasa shant karne hetu sunai thi, vahi katha main tumse kahta hun.’
brahmaji ne kaha putra narad ! jo manushya ekadshi vrat karna chahe vah dashmi ko shuddh chitt ho din ke athven bhag men surya ka prakash rahne par bhojan kare, ratri men bhojan n kare. dashmi ko man aur indriyon ko vash men rakhakar bhagvan se prarthana kare ki kamal ke saman netron vale bhagvan achyut ! main ekadshi ko nirahar rahakar dusre din bhojan karunga. apki puja karunga, ap hi mere rakshak hain.’
aisi prarthana kar ratri men ‘namo naraynay’ mantra ka jap karen. ekadshi ke din pratahkal suryoday se purva hi nityakarm adi se nivritt hokar snan-pujan adi karte hue bhagvan se prarthana karen, ‘he keshv! aj apki prasannata prapti ke lie kie gae is vrat ke niyam-sanyam ka mere dvara palan ho, yahi prarthana hai. he purushottama! yadi kisi agyantavash mujhse vrat palan men koi badha ho jae to ap mujhe kshama karen, fir kamal pushpon se kamllochan bhagvan vishnu ka vidhivat sankalp lekar shodshopchar pujan karane.
hari sankirtan evan hari kathaon ka anand len. ratri men jagaran karen. is prakar nishchay hi is vrat ke prabhav se samast pap rashi usi prakar bhasm ho jati hai, jaise ek agni ki devshyni ekadshi vrat chingari se rui ka vishalkay dher jalakar rakh ho jata hai. yah vrat karne se bhagvan vishnu prasann hokar manvanchit fal dete hain. is shayni ekadshi ko padma ekadshi ke nam se bhi jana jata hai.