shrisanandan ji kahte hain ‘‘-------- devarshe, jyotish shastra men char lakh shlokon ko bataya gaya hai. uske tin skandh hain, jinke nam ye hain-ganit (siddhant), jatak (hora) aur sanhita..’’ narad puran ke ‘triskandh jyotish ke ‘sanhita’ skandh men vastushastra ka varnan, main sukshm rup se kar raha hun.
grih bhumi-pariksha - jis bhumi par ghar banana ho, vahan kohni se kanishtha anguli tak ke barabar lanbai, chairai aur gahrai karke kund banayane. fir use usi khodi hui mitti se bharen. yadi mitti shesh bache to sanpatti ki vriddhi ka suchak hai. yadi mitti kam ho jay to sampatti ki hani hoti hai aur yadi sari mitti se vah kund (gaddha) bhar jay to madhyam fal samjhna chahiye athva us kund men mitti ke sthan par sayan kal jal se bhar den aur pratahkal dekhen- yadi jal shesh ho to vriddhi, yadi gili mitti hi bachi ho to madhyam fal hai aur yadi kund men darar par gayi ho to us bhumi par makan banane se hani hogi.
griharanbh men prashast mas: margashirsh (aghn), falgun, magh, shravan aur kartik - ye mas grih nirman men putra arogya aur dhan dene vale hote hain. ghar ke samip nindya vriksha: pakar, gular, am, nim, bahera tatha kante aur dudhvale sab vriksh, pipal, kaith, agastya, sindhuvar (nirgundi) aur imli - ye sab vriksh ghar ke samip nindit kahe gaye hain.
visheshtah ghar ke dakshin aur pashchim bhag men ye sab vriksh hon to dhan adi ka nash karne vale hote hain. vastu bhumi tatha ghar ke dhan, rin, ay, nakshatra, var aur ansh ke gyan ka sadhan vastu bhumi ya ghar ki chairai ko lanbai se guna karne par gunanafal ‘pad’ kahlata hai. (mana - lanbai 25 fit aur chairai 15 fit hai - 25ga15 = 375 yah ‘pad’ hua) is ‘pad’ ko (6 sthanon men rakhkr) kramshah 8-3-9-8-9-6 se guna karen aur gunanafal men kramshah 12-8-8-27-7-9 se bhag den.
fir jo shesh bachen, ve kramshah dhan-rin-ay-nakshatra-var tatha narad puran men vastushastra ka sukshm varnan ansh hote hain (mana- pad 375 ko 8 se guna karne par 3000 aya. ismen 12 ka bhag dene par 0 shesh arthat 12 dhan hua. fir pad 375 ko 3 se guna to 1125 hua. ismen 8 ka bhag dekar shesh 5 rin hua. punah pad 375 ko 9 se guna kiya to 3375 hua. ismen 8 se bhag dene par shesh 7 ay hua. isi tarah pad ko 8 se guna karne par 3000 hua.
ismen 27 se bhag diya to shesh 3 nakshatra hua. fir pad ko 9 se guna kiya to 3375 hua. ismen 7 se bhag dene par shesh 1 var hua. punah pad 375 ko 6 se guna kiya to 2250 hua. ismen 9 se bhag dene par shesh 0 arthat 9 ansh hua. yahan sab vastuen shubh hain, keval var 1 ravi hua. atah ghar men sab kuch shubh rahte hue bhi agni ka bhay rahega. atah aisa pad dekhakar lena chahie, jismen sarvatha shubh ho. dhan adhik ho to shubh ghar hota hai.
yadi rin adhik hota hai to ghar ashubh hota hai tatha visham ay (1-3-5-7) shubh aur sam (2-4-6-8) ay ashubh hota hai. ghar ka jo nakshatra (sanstha) ho, vahan se apne nam ke nakshatra tak ginakar jo sankhya ho, usmen 9 se bhag den. fir yadi shesh (tara) 3 bache to dhan ka nash hota hai. 5 bache to yash ki hani hoti hai aur 7 bache to grihakarta ka hi maran hota hai. ghar ki rashi aur apni rashi ginne par paraspar 2-12 ho to dhan hani hoti hai.
9-5 ho to putra ki hani hoti hai aur 6-8 ho to anisht hota hai; anya sankhya ho to shubh samjhna chahie. surya aur mangal ke var tatha ansh hane to us ghar men agni bhay hota hai. anya var ansh ho to sanpurn abhisht vastuon ki siddhi hoti hai. nutan grih men pravesh ke samay vidhi-vidhan se vastu puja ke ant men vastu purush ki is prakar prarthana karen-
‘‘vastu purush namaste'stu bhushayyanirat prabho.
madgrihan dhan dhanyadi samriddhan kuru sarvada..’’
artha: ‘‘bhumi shayya par shayan karne vale vastu purush ! apko mera namaskar hai. prabho ! ap mere ghar ko dhan-dhanya adi se samriddh kijiye’’ is prakar prarthana karke puja karane vale purohit ko yathashakti dakshina den tatha brahmanon ko bhojan karakar unhen bhi dakshina den. aise grihasvami ko arogya, putra, dhan-dhanya prapti ke sath sukh prapt hota hai, jo manushya vastu puja n karakar naye ghar men pravesh karta hai, vah nana prakar ke rog, klesh aur sankat prapt karta hai.
vishesh: jismen kivaren n lagi hon, jise upar se chat adi ke dvara chaya n gaya ho tatha jiske lie (purvokt rup se vastu pujan karke) devtaon ko bali (naivedya) aur brahman adi ko bhojan n diya gaya ho, aise nutan grih men kabhi pravesh n karen, kyonki vah vipattiyon ka khan (sthan) hota hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!