dipreshan ke karan aur nidan  

kuch varsh purva ek punji pati mahila jyotishiya salah ke lie bar-bar agrah kiya karti thi, use shanka thi ki uska pati karya ke bahane anyatra kahin jata hai. kisi bhi tarah v apne pati ko purnatah niyantran men rakhna chahti thi. iske lie vah der ratri bhi fon kar agrah karti thi ki koi upay bataen, jisse uske pati kahin n jayen. achcha santan sukh, dhan v jivan kesbhi prakar ke aisho-aram hone ke bavjud use jivan men kisi prakar ki santushti nahin thi. parivarik jivan men shak aur sandeh ne use tanav grast kar diya tha. aisi sthiti men use salah aur margadarshana ke madhyam se tanavmukt karne ki koshish ki gai lekin uske man men pati ke prati sandeh ghar kar gaya tha. vah svikar karna hi nahin chahti thi ki use matra sandeh hai. isse adhik kuch bhi nahin. kuch mantra aur upay die gae, par usne n mantra jap kiya aur n hi upay kie. kuch samay pashchat khabar ai ki usne atm hatya jaisa galt kadam uthakar apni jivnlila samapt kar li hai. yah ek udaharan hai ki tanav kisi kami ke karan nahin apitu ek mansik sthiti ke karan janm leta hai. jise yadi sudhara nahin gaya to vah kuch bhi kar sakta hai. aisa vyakti apni jindgi se lekar dusron ki jindgi se khel sakta hai. yahin nahin yadi yah sthiti kisi shaktishali raja ki ho jae to yuddh bhi kara sakta hai.

chikitsa kshetra men dipreshn

chikitsa kshetra men 4 prakar ke dipreshan bataye gaye hain

• 1. dipreshn: vyakti nirash rahta hai
• 2. bayopolar disordara: bayopolar disordar men rogi ka mud achanak badal jata hai. kabhi bhi adhik uchch star ka aur kabhi nimn star par badal jata hai. uske svabhav men jald badlav hote hain.
• 3. enakjaytik disaerdara: vyarth ki adhik chinta, bhay,nirasha karne ka svabhav
• 4. nashile padarthon ka adi ho jana: chikitsa kshetra men dipreshan ko thik karne ki tin tarah ki paddhatiyan prayog men layi jati hain.
  • saiko thairepi: is thairepi men kaunsalar apko samne baithakar bat-chit ke dvara rogi ka margadarshan karta hai.
  • davaiyan: is paddhati men davaiyon ke dvara rog nidan kiya jata hai. lekin davaiyon ke anek viprit prabhav hote hain. atah keval avashyak sthiti men hi davaiyan di jati hai.
  • nyuromoduleshn: ismen bijli ya maignetik karant dekar rogi ka ilaj kiya jata hai. chikitsa jagat men dipreshan ko thik karne ke lie is paddhati ko antim upay ke rup men prayog kiya jata hai. is paddhati ko shaek tritment ke nam se bhi jana jata hai.

jyotish men dipreshn

jyotish men dipreshan tin prakar ka ho sakta hai -

pitri dosh ke karan dipreshn: yah mana gaya hai ki purvajon ka lekha jokha santan ko uthana parta hai. jis prakar se koi vyakti apne mata-pita ya bap-dada ki punji ka anand leta hai, usi prakar unke kie hue karm ka bhugtan bhi use karna hota hai. yah pitri dosh ke rup men kundli men dikhai deta hai. chikitsa, jagat men dipreshan ko vanshanugt rog ki sangya di gai hai, jismen ki bap-dadaon ke kn chan .n ki visangti santan kobhogni parti hai.

janm kundli men pitri dosh pancham bhav se dekha jata hai. yadi panchmbhav ya panchmesh rahu ya shani se pirit ho ya surya v chandrama ya vishva svasthya sangathan ;ebhvddh ke anusar lagabhag 26 pratishat mahilaon aur 12 pratishat purushon men dipreshan rog paya jata hai. ismen ayu, shiksha star, arthik sthiti ya vaivahik star ka koi prabhav nahin paya jata. is rog se grasit vyakti dukhi, nirash, svayan ko apradhi manta hai. usmen kisi bhi samay gussa vyapt ho sakta hai, smaran shakti kam ho jati hai, nirnay kshamata kam ho jati hai, ekaki ya akelapan achcha lagne lagta hai, bhukh ki kami v vajan men kami dekhi ja sakti hai. lagnesh shani ya rahu se pirit ho to pitri dosh hota hai. is dosh ke karan parivar men kisi n kisi karan se kalah rahti hai. kanyaon ke vivah men arachan ati hai. putra santan ki kami rahti hai. gande sapne dikhai dete hai.

upay:

• pitridosh ki shanti hetu tripindi shraddh, narayan bali karm, mahamrityunjay mantra jap ek achcha upay hai.
• pitridosh ki shanti ke lie-pitron ki shanti ke lie pinddan karana achuk upay hai.
• shraddh paksh men pratidin pitron ko jal aur kale til arpan karne se pitri prasann hote hain tatha pitri dosh dur hota hai.

janm kundli men dipreshn: jyotishanusar vyakti ko unke purva janm ke karm hi fal svarup is janm men prapt hote hain. aisi sthiti men chandrama shani ya rahu dvara pirit ho ya nirbal ho ya amavasya ka nirbal chandrama ho ya nich ka chandrama ho ya grahndosh se pirit chandrama ho to vyakti dipreshan men a jata hai.

upay:

• somvar ke din jal aur dudh se bhagvan shivji ki puja karne se bhi avsad rog ka nivaran ho jata hai.
• pratidin pratah kal suryoday se purva uthakar suryadev ko namaskar karne par atm vishvas prapt hota hai.
• pashu-pakshiyon ko roti adi khilane se sabhi prakar ke doshon ka shaman ho jata hai.
• lagnesh ka ratn dharan karen.

grah gochar aur dasha: is janm ke karm fal hamen apne grah gochar aur dashanusar prapt hote hain. jab bhi shani ki sarhesati ati hai ya ashtamesh, ashtam sthiti men ho aur iski dasha atihai to man ko bhari pira rahti hai aur iska bhog hamen apne karmanusar bhogna parta hai. isilie jyotish men shubh karmon aur acharan ko pramukhta di gayi hai jisse ki hamare bure samay men fal ati kashtadayak n hon.

upay:

• shanivar ko tel chaya dan karen.
• pahnuman chalisa ya sanudrkand parhen.
• rahu v shani ke mantron ka jap karen.

adhyatm men dipreshn

adhyatm men manushya ko jivan men rangmanch men patra ki sangya di gai hai. jise keval yah dekhna chahie ki uske charon or kya ghatit ho raha hai n ki usmen lipt hona chahie, thik usi tarah se jaise kisi patktha men charitra ka abhiny karte hue patra. adhyatm men manushya n karta hai n bhokta. use vahi karna hota hai jo paristhitiyan usse karvati hain ya use vahi prapt hota hai jo vidhata ne uske lie likha hai. yah keval pratit hota hai ki hamne kuch kiya aur hamen uska fal prapt hua. karm aur fal ka gahan sanbandh adhyatm men kahin nahin hai. bhagvan jise jo chahte hain use vah bina kisi karm ke bhi de sakte hain.

dekha gaya hai ki jinko dipreshan hota hai ve apne sanbandhit vyaktiyon ke lie ati chintit rahte hain aur sarvada yah sochte rahte hain ki mere mata-pita, bhai-bahan aur anya sanbandhiyon ko merekaran kitna kasht jhelna par raha hai aur main unke lie kuch nahin kar pa raha hun. jab yah kuntha adhik ho jati hai to vah atmahatya ka rup le leti hai. ek aur bhi soch hoti hai ki mere mata-pita aur sanbandhiyon ne mere lie kuch nahin kiya jabki manaine sabke lie bahut kuch kiya ya usne mujhko dhokha diya ya tabah kar diya. aise men vyakti dusre ki jan le sakta hai. adhyatm men ye donon hi rup nirarthak hain kyonki n koi kuch hamare lie kar raha hai aur n ham kisi ke lie kuch kar rahe hain. yah ek jivn chakra hai jismen koi n koi kisi n kisi ke lie kuch avashya karta hai aur ham bhi kisi n kisi ke lie avashya karte hain, chahe vah parivar ho, samaj ho, desh ho ya vishva ho.

upay:

• ichchaon ka daman karen.
• ichcha ki purti dusri ichcha ki janni hai.
• apne ko karta n manane aur seva bhav se karya karen.
• sabhi men bhagavat rup ka darshan karen.

is prakar vaicharik sthiti banana prayah asan nahin hota lekin yadi iske lie bar-bar prayas kiya jae to yah sthiti praptaho sakti hai. adhyatm se jivan men harshollas ke sath purnata ka bhav prapt hota hai. aisa vyakti kadapi dipreshan ko prapt nahin hota.

saransh: dipreshan men chikitsiya upchar nimn shreni ke hain kyonki inke prachar ke sath-sath anek viprit prabhav hai evan ye purnatah rog ka nivaran nahin karte hain. jyotishiya upay madhyam vargiyahai kyonki in upayon se manushya men vishvas utpann hota hai evan us vishvas se mastishk ki granthiyan svayan karyashial ho jati hain. adhyatmik upay uchch shreni men ate hain. yadi sadguru prapt hojae to dipreshan to dur ho hi jata hai, man prafullit v sharir urjavan rahta hai evan mastishk ki anrtaganrathiyan bhi purn rup sekarya karne lag jati hain.