dipavli parva hindu janmanas ke lie mahaparva hai. kintu is parva ki mahima jitni kahi jay kam hai. mana jata hai ki yah ratri mata lakshmi ko prasann karne hetu sarvoÿam hai. is parva par log nana prakar ke puja-anushthan karte hain tatha varsh paryant nirbadh rup se dhan prapti ki kamna karte hain.
kintu kam hi log jante hain ki amavasya ki yah kali rat anek siddhiyon ki prapti hetu ekmatra muhurÿa hai. di pavli ki ratri men pradosh kal se hi pujan aranbh ho jate hain. pradoshkal ke dauran v pashchat parne vale sthir lagn kisi bhi pujan ke aranbh hetu sarvoÿam hain. isi prakar madhya ratri men parne vale sthir lagn siddhi prapti hetu atyant shubh muhurÿa hain.
sadhak yadi drirh nishchay ke sath purn shraddha se uÿam vidhi-vidhan dvara kisi bhi siddhi hetu agrasar hota hai to prabhu kripa ki purn sanbhavna banti hai. aie jante hain isi prakar ki kuch siddhiyan-
yantra siddhi: mana jata hai ki mantra jab tak siddh nahin hota, apna purn fal nahin deta. dainik puja men bhi samanyatah ham anek mantron ka jap karte hain. kisi bhi dainik ya kabhi-kabhi prayog kiye jane vale mantra ko dipavli ki madhya ratri sthir lagn men siddh kiya ja sakta hai.
book laxmi puja online
tatpashchat siddh mantra ko dainik rup se matra ek mala jap karne par bhi ashcharya janak parinam prapt ho jate hain. siddh karne ke lie sanbandhit devta ki murti ya chitra ke sammukh sarvapratham avahan karen. fir akshat (chavl) bhumi par chorte hue asan den. fir charan dhone hetu jal den. iske pashchat, panchamrit snan karakar shuddhajal se ya gangajal se snan karaen. vastra v avastra pradan karen. avashyak ho to yagyaopvit charhayen. pushp adi charhakar tilak karen tatha bhog v fal adi pradan karke achaman hetu jal den. dhup-dip dikhaen tatha prabhu se prarthana karen ki main amuk rashi/ nakshatra/gotra/ nam ka vyakti aj is dipavli parva par amuk mantra siddhi hetu jap kar raha hun, ap kripa karen. tatpashchat mantra ka sava lakh jap karne ka vidhan hai. ukt sankhya n karne ki sthiti men 11 hajar ya 108 mala jap bhi kar sakte hain. jap ke pashchat dashansh havan kiya jata hai.
is prakar mantra siddhi hetu uprokt purn vidhan hai, yadi is prakar kar pane men asamarthata mahsus ho to matra 108 mala jap hi kar sakte hain. halanki yah purn siddhi to nahin hogi kintu fir bhi uÿam parinamdayi hai.
tantra siddhi: mantra siddhi ki apeksh tantra siddhi kathin v jatil hai. bina guru ki agya v upasthiti ke tantra sadhna khatrnak ho sakti hai. visheshtah is men prayukt vidhan men tamsik chijon ke upyog ke karan samanyatah grihasth log ise n karen. tantra ka prayog manav kalyan hetu karne ka sankalp lekar hi is ki siddhi hoti hai. kuch tantra siddhiyon hetu jangal, sunsan jagah, shmashan adi sthalon ka chunav kiya jata hai.
kintu dhyan rahe ki dipavli ki ratri ko ki jane vali tantra siddhi ki sadhna yadi kisi amanviya ya galat kam ke lie hai, to yah pratikriya ke rup men sadhak ko sharirik kshati bhi pahuncha sakti hai. isilie ismen yogya guru ki upasthiti anivarya hai. kyonki yogya guru kabhi bhi is prakar ki sadhnaon ki agya nahin deta. tantra siddhi hetu mata kamakhya, pitanbra, man kali, bhagvan shiv, mata pratyangira, bhairav ji adi ki sadhna ki jati hai.
yantra siddhi: dipavli ki shubh ratri kisi bhi prakar ke yantra ko siddh karke sthapit karne hetu sarvoÿam hai. pahle se hi sthapit yantra ko jo ki siddh n kiya ho, is din siddh kar sakte hain. siddhi hetu yantra ko shuddh safed, lal ya pile vastra par yantranusar asan den tatha madhya ratri sthir lagn men yantra ka pujan mantra siddhi men bataen puja vidhan ke anusar karen. tatpashchat yantra se sambandhit mantra ka jap bhi mantra siddhi men bataye vidhan ke anusar karen. is prakar pujit siddh yantra uttam parinamdayak mana jata hai. fir nitya puja men yantra ko jal ka chinta dekar tilak adi kar sanbandhit mantra ka 1 mala jap karen. tatpashchat arti karen tatha ichchit manokamna mange.
book shani shanti puja for diwali
dipavli ki ratri ki jane vali anya pujaen:
shri lakshmi sahastranam: dipavli ki ratri mata lakshmi ko prasann karne hetu sarvoÿam mani jati hai. atah is ratri men shri lakshmi sahastranam ka path sarvoÿam mana jata hai. shuddh asan par (yadi sanbhav ho to kusha ke asan par) baithakar sarvapratham shri ganesh-lakshmi pujan karen. fir dipak prajjavalit kar shri lakshmi sahastranam ka path 11 bar karen. is path men mata lakshmi ka avahan ek hajar namon se kiya jata hai. yadi 11 path sanbhav n hon to kam se kam 1 path avashya karen. path ke uprant shri ganesh ji evan lakshmi ji ki arti karen tatha sadaiv apne ghar adi men akhand vas ki prarthana karen.
shrisukt ka path: shri lakshmi sahastranam ka path n kar pane ki sthiti men matra shri sukt ke 16 shlokon ka path kar lena bhi uÿam hai. yah path ek, gyarah ya 108 bar karen. path se purva shri ganesh-lakshmi pujan anivarya hai. path ke uprant shri ganesh, lakshmi ji ki arti karen tatha mata se ichchit manokamna mange. is path ko karne par kisi bhi prakar ki daridrata evan dhan sankat tal jate hain.
shri vishnu sahastranam path: mana jata hai ki jahan shri hari vishnu ji ka vas hai vahan lakshmi ji svatah chali ati hain. atah dipavli ki madhya ratri shri vishnusahastranam ka path kiya jata hai. kuch sthanon par yah path akhand rup se pratah kal tak kiya jata hai. kintu kam se kam ek ya samanyatah 11 path kar lena uÿam hai prayas karen ki is path ke sath shri lakshmi sahastranam ka bhi path karen. path karne se purva shri vishnu bhagvan ka avahan pujan kar dip prajvalan karen. fir path ke uprant arti kar ichchit manokamna mange.
shri gopal sahastranam path: dipavli ki pavitra ratri ko shri vishnu sahastranam ki bhanti hi shri gopal sahastranam ka path karne ka bhi prachalan hai. bahut se sthanon evan parivaron men yah sanpurn ratri paryant akhand rup se kiya jata hai. pratah suryoday hone par iska samapan kiya jata hai. iske piche manyata yah hai ki mata lakshmi, bhagvan vishnu ka sandhiya chahti hain. tatha bhagvan krishn bhi vishnu ji ka hi rup hain. pujan v siddhi vidhan shri vishnu sahastranam ki bhanti hai.
baglamukhi siddhi sadhna: tantra men ruchi rakhne vale sadhak mata baglamukhi ki siddhi hetu dipavli ki andheri rat ka utsukta se intjar karte hain. yah sadhna atyadhik savdhani se niyam v vidhan ke sath hoti hai. atah iske lie yogya guru ka upasthit hona anivarya hai. kushal disha-nirdesh se hi yah safal ho pati hai anyatha shaktipat jaisi ghatnane sadhak ko hani pahanucha sakti hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!