adarsh jivan shaili  

adarsh jivan shaili ar. pi. sinh jivan jina evan svasth rahna ek svabhavik manviya avashyakta ke sath ek kala bhi hai, jise sh.tj vth sptapchalash bhi kah sakte hai. jivan jine ki kala men vahi parangat ho sakta hai, jise svasth jivan ka arth evan mahatva malum ho. ham pratidin jivan jite hai, khate hai, sote hai, kam karte hai. yah ek prakar ka tarika ho sakta hai. sahi jivan jine evan svasth rahne ki sarthakata tabhi hogi jab ham apni dinacharya ya jivan shaili ko adhunikta ke dayre se nikal kar anushasit, niyantrint dhang se jivan jine ka sankalp len kyonki vatrtaman samay men jivan jine ke dhang evan ichcha mane manmane acharan ka prabhav dekhne ko milta hai. bhagvan shri krishn ne gita men kaha hai ki:- yah shastra vidhimutsrijyavartate kamkartah. n s siddhimvapnoti n sukhan n paran gatim.. tasmachchastran pramanan te karyakarya vyavasthitau. gyatva shastra vidhamoktan karm kartu miharhasi.. yani jo manushya shastra vidhi ko chorakar apni ichcha se manmana acharan karta hai, vah n siddhi prapt karta hai aur n hi sukh-shanti tatha parmgti ko prapt karta hai. usi prakar ayurvedshastra kahta hai dharmarthakammokshanamarogyan mulmuttamam- dharm arth, kam aur moksh prapti men shreshth mul karan sharir ka nirog hona hi hai. ishvariya niyam palan se hi sharir nirog rah sakta hai. maharshi charak ke ayurvediya jivan siddhant men ayu ke sath hit evan ahit tatha sukh aur duahkh- in do sthitiyon ko dekha gaya hai. inmen hit evan sukh ayu ka paryay svasth jivan hota hai tatha ahit evan duahkh ayu ka paryay, rog-grast jivan hota hai. is drishti se ayurved vigyan men chikitsa ke do uddeshya spasht kiye gaye hai. 1. svasthya ki urja vriddhi karke dirgh jivan . 2. rogi ke rog ka shaman karke prakriti sthapan dvara dirdh jivan. kal, arth aur karm vyadhiyon ke sarvavyapak karan mane gaye hai. inse bachne ke lie hi ayurvedagyaon ne svasthya vritt ke vidhan ka uddheshya kiya hai. svasthya evan adarsh dinacharya hetu tatha vikaron ki utpatti ka pratibandhan karne ke lie charak sanhitakar ne sutrasthan panch men nitya prayojniya vishay nimn prakar se varnit kiye hai. -ahar-vihar-sadvritt adarsh jivan shaili ke sutra svasth v nirog rahne ke lie manushya ko sarvapratham apni dinacharya ko sudharna hoga. rituon ke anusar acharan karte hue jivan vyatit karne se, nirogi, svasth evan sundar jivan ki prapti hetu brahmamuhrt se ratrishayan tak ishvariya evan prakritik niyamanusar jivan shaili ko sudhar kar evan apnakar hi ‘‘adarsh prakritik jivan shaili ’’ vyatit ki ja sakti hai. uparyukt nitya kriya sanpadan ke pashchat vyayam pratah bhraman, snan adi ko bhi anivarya rup se apni dinacharya men shamil karen tatha svachch vastra dharan karke ishvaropasna tatha yogabhyas dvara apne abhyantar vikas ke lie prayasarat rahen. bhojan (ahar):- pratyek manushya ka ahar uske desh, kal, ayu, prakriti, karya ke anusar bhinna-bhinn hota hai. ahar ke sanbandh men kya khaain, kitna khaain,, kab khaain, kyon khaain evan kaise khaain ke bare men shastra sammat sidvaton ka palan karen. ayurvedik siddhant ke anusar prakritiviruddh ahar vat, pitt, kaf, in doshon aur ras, rakt adi dhatuon tatha sved-mutradi malon evan updhatuon tatha srots-vishesh ko dushit karte hain. yah dosh-vaishamya rog samprapti ka pratham sopan mana jata hai. islie maharshi charak ne labh prapt karne ke liye ath prakar ki ahar vidhi nirdharit ki hai. us sabka adhyayan aur palan karen aur nimnalikhit samanya niyamon ko dhyan men rakhen. 1. bhojan karte samay shant evan maun rahna chahie. 2. bhojan se purva hath-pair ki safai kar leni chahie. 3. bhojan karte samay dhile vastra dharan karna chahie. 4. shighrata se evan adhik matra se bhojan nahin karna chahie. 5. jyada garam ya jyada thanda bhojan nahin karna chahie. 6. prakriti viruddh, ritu viruddh ya sharir viruddh bhojan nahin karna chahie. 7. bhojan pashchat mutra tyag karna chahie. din charya ke saman hi ritucharya tatha ratricharya bhi mahatvapurn hai. sany kal ke samay bhojan, maithun, nind, parhna evan marg gaman nahin karna chahie. ratri ke pratham pahar men hi bhojan kar lena chahie. shayan kal men vastra dhile evan vistar svachch evan aramdayak hona chahie. sone ka kamra svachch evan havadar hona chahiai. sone se purva ishvar dhyan avashya karna chahie. prakriti ke sath sambandha:- jo manushya prakriti men rahta hai, use prakriti ke ath rup arogya pradan karte hai yatha jal, agni, hota, surya, chandra, akash aur prithvi evan vayu. dinacharya ke dauran in ath rupon ke sahyog se manav jivan sada svachch evan svasth rahta hai. kalidas ne prakriti ko shiv aur prakriti ke asht rupon ko shiv ki asht murtiyan mana hai. in ashtamurtiyon ka sidha sambandh prithvi ke jiv jagat se hai. hamare purvaj prakriti ke in ashtarupon ki aradhna evan upasna karte the. svachch prakriti men hi svachch pravriti ka vikas sanbhav hai. jab prakriti ke asht rup purvavat svachch nirmal aur prasann hogen to fir hamen koi rog nahin hoga aur ham nirog rahegen. atah ham kavi kalidas ke shabdon men prakriti (shiv) ke unapratyaksh ashtarupon ki stuti karte hainai jinse sabhi ko adarsh nirogta evan svasthay pradan ho. yuktahar - vihar ka prabhav:- hamari adarsh dinacharya ya jivanacharya men dharmanurup yuktahar-vihar ka bhi prabhav parne se sadgunon evan sadvicharon men vriiddh hoti hai jo ‘adarsh jivn-shaili’’ ko sablta pradan karti hai. vidurniti men kaha gaya hai ki yatn se achar ki raksha karni chahiai. ‘vritan yatnenan sanrakshetan’ . adarsh (prakritik) jivan shaili ka vaidik strot:- vaidik gyan srot hamare acharan, sanskar satkarm, sadvichar ko parishkrit karte hai. jinse hamen jivan jine, jine ka matalab samjhne, svayan men sudhar karne tatha svayan ko adh iakadhik dharm, karm, ishvar evan indriya niyantran ke kariv lane ka avasar evan gyan dekar hamen adarsh banate hai. ‘‘adarsh (prakritik) jivan shaili ka mahatva evan prabhav ’’ ajakal samanyatah log choti moti bimariyon se pareshan rahte hai aur unke liye unhe bar-bar chikitsakon ki sharan leni parti hai. vastav men khan-pan ahar-bihar v rahn-sahan ki aniyamitta tatha asanyam ke karan hi rog aur byadh iayon ka janm hota hai tatha hamari din charya prabhavit hoti hai. sanymit evan niyamit jivan se prani svasth rahta hai.