bhartiya jyotish men tritiya bhav ko parakram ka bhav kaha gaya hai. yah bhav ashtam se ashtam hai jis karan ise shubh bhav nahin mana jata hai. tritiyesh ki dasha ashtamesh ki dasha tulya kahi jati hai lekin aisa nahin hai, anya vishay jo tritiya bhav se dekhe ja sakte hain, ve hain - chote bhai bahan, naukar, mitra, choti yatrayen, kanth, kan, khel, mrityu ka karan (ashtam se ashtama), pita ki mrityu (navam se saptama), parosi, lekhan adi. prastut shodh men yah batane ki cheshta ki gai hai ki tritiya bhav ashubh bhav hone ke bavjud bhi tritiyasth grahon ki v tritiyesh ki dasha jatak ke jivan men adhikatar mishrit fal dene vali hoti hai. atah tritiya bhav se sanbandhit dasha se darne ki avashyakta nahin rahti hai ki ab keval ashubh fal hi milegen.
ye to ‘‘kabhi khushi kabhi gam’’ jaisa mishrit fal deti hai. is vishay par anek janm kundliyon ka adhyayan kiya gaya jinmen se kuch udaharan svarup yahan prastut hain jinke madhyam se yah samjhane ka prayas kiya gaya hai ki tritiyasth grah ya tritiyesh grah ki dasha ka fal khatta mitha hota hai - udaharan 1: (7 mai 1958, 13ah10, dilli) sinh lagn ki kundli men tritiya bhav men rahu v guru sthit hain. shukra tritiyesh hokar ashtamasth hai aur uchch ka hai sath men dhanesh budh bhi hai. jatak ki tritiyesh shukra ki dasha bachapan men hi janm se lekar sitanbar 1977 tak chali. is dauran jatak ko jivan men kafi kasht uthane pade. ashtamasth shukra ke karan jatak ka svasthya bhi kharab raha, choten bhi bahut lagin aur galat sangat bhi mili.
lekin dhanesh v ayesh budh ke karan dhan labh bhi hua. surya ki mahadsha men tritiyasth guru (jo panchmesh bhi hai) ki antardasha (aprail 1980) men jatak ko pyar huachandrama ki mahadsha aur tritiyasth rahu ki antardasha (jun 1986) men jatak ka prem vivah hua. isi samay jatak ko chaturthesh mangal par tritiyasth rahu ki drishti hone ke karan mansik pareshaniyon se bhi gujrna para kyoki vyapar men hani uthani padi thi. navanbar 1987 men chandrama ki mahadsha men tritiyasth guru ki antardasha men jatak ko santan labh hua. lekin bahan ki bhi bimari ke karan mrityu hui. yahan chandrama ekadash bhav se marak sthan saptam bhav men ekadash se ashtamesh shani ke sath hai aur guru ekadash se markesh hokar rahu se pirit hai.
san 2000 se 2018 tak tritiyasth rahu ki mahadsha chal rahi hai. 2001 men rahu/rahu men pita ka aepreshan hua jo ki safal raha. rahu pita ke bhav navam se aur karak surya se marak bhav saptam men hai jis karan pita ko pareshani uthani padi. lekin isi dauran putra ka pariksha men parinam kafi achcha raha. yahan rahu putra ke pancham bhav se ekadash bhav men vidya karak guru ke sath hai, atah parinam mishrit raha, sukh v dukh donon ka hi jatak ko samna karna para. udaharan 2: (22 janvri 1952, 21ah10, faridabad) sinh lagn ki kundli men mangal tritiya bhav men sthit hai. jatak ko tritiyesh shukra ki dasha mai 1987 se mai 2007 tak mili. yahan shukra dhanesh v ayesh budh ke sath panchamasth hokar ay bhav par drishti dal raha hai
jis karan jatak ki yah dasha dhan dhanya se bharpur rahi lekin sath hi kafi dukh v apsi sanbandhon men karvahat ko bhi jhelna para kyonki ketu ki drishti se shukra pirit hai aur budh bhi markesh hokar shukra yut hai. iske atirikt tritiya bhav ka karak mangal tritiya bhav men hi ho to tritiya bhav ki hani karta hai jiskaran jatak ke chote bhai ko tyumar ki bimari hai. tritiyesh shukra men guru ki dasha men choti bahan ko pet ki kisi bimari ke karan aepreshan bhi karvana para kyonki tritiya bhav se guru tritiyesh v shashthesh hai. 2004-05 men jab shukra men budh chal raha tha to choti bahan ne hi vyapar men bahut unnati ki kyonki budh tritiya bhav se navmesh/bhagyesh hokar bhagya bhav par drishti dal raha hai, atah yahan bhi parin aam mila-jula raha. jatinka ko kabhi khushi mili v kabhi gam mila.
udaharan 3: (5 disanbar 1976, 00ah28, sonipt) sinh lagn ki kundli men rahu tritiyasth v mitra rashi men hai jiski dasha jun 1999 se jun 2017 tak chalegi. rahu men rahu ki dasha men jatika ka vivah hua kyonki rahu ki mitra drishti saptam bhav par hai aur chandra lagn se bhi rahu saptam bhav men sthit hai. isi dasha men jatika ka videsh gaman bhi hua. yahan rahu yatra bhav navam bhav par v videsh bhav ekadash bhav (bahrven se bahrvan) par bhi drishti dal raha hai. rahu men guru (dashamastha) ki dasha men jatika ko achchi naukri videsh men mili aur ek ghar bhi videsh men kharid liya. yahan ghar ka svami chaturthesh mangal bhi guru se drisht hai. rahu men guru (panchmesh) ki dasha men jatika ko santan labh bhi hua. lekin 2006 men rahu men shani (shashthesh hokar dvadastha) ki dasha men jatika ko ankhon ka aepreshan karvana para aur bachcha bhi kafi bimar raha kyonki shani pancham bhav se ashtamasth hai.
abhi kuch samay pahle hi rahu men shukra ki dasha men jatika ko bare bhai ke dehant hua kyonki yahan rahu ki ekadash bhav par drishti hai aur shukra ekadash bhav se ashtamasth hai. atah tritiyasth rahu ki yah dasha khushiyon ke sath-sath gam bhi la rahi hai.
udaharan 4: (10 aprail 1963, 19ah20, dilli) tula lagn ki kanudli men tritiyesh guru ayesh surya ke sath chathe bhav men sthit hai. guru ki dasha march 1972 se march 1988 tak chali jiske mishrit parinam jatak ne dekhe. guru men guru ate hi jatak ko dilli se dur jana para. yahan guru chaturth bhav se dva adshesh hokar chaturth bhav se hi ashtamesh surya ke sath hai jiskaran jatak ko apni naukri ke silsile men dhan kamane ke liye banglaur jana para. agast 1976 men guru men shani ki dasha men bari bahan ki mrityu hui. yahan guru bari bahan ke bhav ekadash se ashtam bhav men hai aur shani ekadash bhav se markesh hai. lekin isi dasha men ek dusri bahan ki shadi bhi hui. yahan shani ekadash bhav se saptamesh bhi hai.
1978 men guru men budh ki dasha men jatak ki choti bahan ko vidya ke kshetra men inam bhi mile. yahan budh tritiya bhav se pancham vidya ke bhav men sthit hai. lekin janvri 1980 men guru men ketu ki dasha men jatak ki mata ka dehant ho gaya. yahan ketu mata ke bhav chaturth men hai jo ki chandrama se bhi chaturth hai aur guru chaturth bhav se dvadshesh hokar chaturth se ashtamesh surya ke sath hai. 1981 men guru men shukra ki dasha men dusri badi bahan ki mrityu hui. yahan guru ekadash bhav se ashtamasth hai aur shukra ekadash bhav se tritiyesh hokar ekadash se marak saptam bhav men hai. guru men surya ki dasha men pita ko hriday rog hua. yahan pita ka karak surya hai jo tritiyesh v rogesh guru ke sath chathe bhav men sthit hai. lekin isi dasha men jatak ko bhatija bhi hua yani bade bhai ka bachcha. yahan guru ekadash bhav se panchmesh hai
aur surya ekadshesh hai. guru men chandrama ki dasha men v guru men m ngal ki dasha men jatak ke keriyar men utthan raha. yahan chandrama dashmesh hokar lagn men hai aur mangal dhanesh hokar dasham bhav men hai. guru men rahu ki dasha men jatak ko bharat desh hi chod kar videsh gaman karna para. yahan guru videsh bhav dvadash ko drishti de raha hai aur rahu videsh ka karak hokar janm sthan chaturth bhav ko pirit kar raha hai. is prakar tritiyesh ki dasha jatak ke jivan men kabhi khushi kabhi gam ki tarah rahi. ant men nishkarsh yah niklta hai
ki jis tarah se kisi bhi grah ki dasha sanpurn rup se n to shubh faldayak hoti hai aur n hi ashubh faldayak. usi tarah tritiya bhav sthit grahon ki dasha ya tritiyesh grah ki dasha bhi sara samay ashubh fal nahin deti hai balki usmen shubh fal bhi milte hain. tabhi to kaha gaya hai ki - ‘‘ye jivan hai, is jivan ka...yhi hai yahi hai rang rup thode gam hain thori khushiyan yahin hai yahin hai chanv dhup’’