dash maha-vidya ka shastra sammat rupankan shubhesh sharman kali puran evan saptashati adi granthon men das mahavidyaon ka ullekh kiya gaya hai jo vibhinn dishaon ki adhishthatri shaktiyan hain. kaun-kaun si disha ka adhikar mahavidya ke kis svarup ko prapt hua hai aur kis svarup ki upasna se kya labh hota hai. uska vishisht vivaran is lekh men diya gaya hai. aj ham shakti upasna ke mul men jo chipa hai un vidyaon ki charcha karenge. kisi bhi jatak ko shakti ki kripa prapti ke marg par chalne se purva gayatri jap, ajpa jap tatha kundlini ka chintan tatha abhyas jarur karna chahie. pratah surya uday se purva uthakar niyampurvak nitya sandhya karna mukhya siddhant hain. das mahavidya sadhna men multah bhagvan shiv, mata parvati, bhagvti sati tatha daksh prajapti ki charcha avashyak hai. brahma ke putra daksh prajapti ne adya shakti ko bhagvan ki kripa aur apne tapabal ke vardan svarup putri rup men prapt kiya. sati ne apne das rupon ko bhagvan shiv ke palayan ko rokne ke lie prakat kiya. granthon men kali puran tatha saptashati adi men bhi yahi varnan hai. das mahavidya vibhinn dishaon ki adhishthatri shaktiyan hain. bhagvti kali aur tara devi- uttar disha ki, shri vidya (shodshi)- ishan disha ki, devi bhuvneshvari, pashchim disha ki, shri tripur bhairvi, dakshin disha ki, mata chinnamasta, purva disha ki, bhagvti dhumavti purva disha ki, mata bagla (baglamukhi), dakshin disha ki, bhagvti matangi vayavya disha ki tatha mata shri kamla rnaitya disha ki adhishthatri hai. kahin-kahin 24 vidyaon ka varnan bhi ata hai. parantu multah das mahavidya hi prachalan men hai. inke do kul hain. inki sadhna 2 kulon ke rup men ki jati hai. shri kul aur kali kul. in donon men nau- nau deviyon ka varnan hai. is prakar ye 18 ho jati hai. kuch rishiyon ne inhen tin rupon men mana hai. ugra, saumya aur saumya-ugra. ugra men kali, chinnamasta, dhumavti aur baglamukhi hai. saumya men tripursundri, bhuvneshvari, matangi aur mahalakshmi (kamla) hai. tara tatha bhairvi ko ugra tatha saumya donon mana gaya hain devi ke vaise to anant rup hai par inmen bhi tara, kali aur shodshi ke rupon ki puja, bhed rup men prasiddh hain. bhagvti ke is sansar men ane ke aur rup dharan karne ke karnon ki charcha mukhyatah jagat kalyan, sadhak ke karya, upasna ki saflta tatha danvon ka nash karne ke lie hui. sarvarupmyi devi sarvabh devimayam jagat. ato'ham vishvarupa tvam namami parmeshvari.. arthat ye sara sansar shakti rup hi hai. is bat ka vishesh dhyan rakhna chahie. bhagvti kali ko sabhi vidyaon ki adi mul kaha gaya hai. inki sadhna ka prachlit mantra hain. un kran krin kraun dakshine kalike namah. is mantra ko lom-vilom rup men bhi sanputit karke kiya ja sakta hai. inki upasna se sabhi prakar ki suraksha prapti aur shatru ka nash hota hai. bhagvti tara ki upasna bhog v moksh ki prapti, vani ki vastavik urja aur vak siddhi ke lie ki jati hai. maharshi vashishth is vidya ke rishi hain. inke anekon aur nam bhi hai.
.. strin hrin hanu fat .. jinhen bhog aur moksh ki prapti karni ho ve inki upasna kar sakte hain. das mahavidya ke agle kram men bhagvti shodshi, shri vidya ka sthan hanain. multah yahi bhagvti lalitamba hain. sansar ke vistar ka samast karya inhin men samahit hain. yahi para kahi gai hain. yahi bhagvti bhakt par kripa karte hue jab pratyaksh arshirvad deti hain to shri vidya tripurmhasundri ka darshan hota hai. inki upasna guru-shishya paranpra ke bina sanbhav nahin hain. jis shri yantra ko siddh shubhesh sharman kali puran evan saptashati adi granthon men das mahavidyaon ka ullekh kiya gaya hai jo vibhinn dishaon ki adhishthatri shaktiyan hain. kaun-kaun si disha ka adhikar mahavidya ke kis svarup ko prapt hua hai aur kis svarup ki upasna se kya labh hota hai. uska vishisht vivaran is lekh men diya gaya hai. karke log vyapar men kam lete hain usi se unka kalyan ho raha hai. jab jiv inke rahasyon ko samajh leta hai to vah sabhi prakar ki siddhiyon aur sadhna ko prapt kar leta hain. isse age mata bhuvneshvari ki upasna ka varnan hain. yah bhagvan shiv ki samast lilaon ki mul devi hain. yahi sabka poshan karti hain. pranimatra ko abhay pradan karti hain. samast siddhiyon ki mul devi hain. bhuvneshvari ki aradhna se santan, dhan, vidya, sadgti ki prapti hoti hai. agle kram men bhagvti tripursundri ki upasna hai. inki upasna vam tatha dakshin donon marg se hoti hain. lalitopakhyan granth men mahishasur namak rakshas ke sath tripur devi dvara kiye gaye yuddh ka varnan hai. chinnamasta sabse alag hain. apni sahchri jaya tatha vijya ki bhukh ko shant karne ke liye apna sir katakar usmen se jo rakt dhara nikli usse apni tatha donon ki kshudha ko shant kiya. isi ka nam chinnamasta hai. ye shatruvijay, rajya tatha moksh dene vali hai. visheshtah vishal samuh ka stanbhan karne vali hain. bhagvti dhumavti bahut hi ugra hain. bhagvan shiv se bhojan mangne par deri hone par inhonne shivji ko hi nigal liya tatha usi samay unke sharir se dhuna nikla aur mahadev maya se bahar a gaye aur kaha, tumne apne pati ko kha liya hai tum vidhva ho gai ho. ab tum bina shrringar ke raho tatha tumhara nam dhumavti prasiddh hoga. isi rup men vishva ka kalyan karogi. durga shaptashati men varnan hain ki inhonne pratigya ki thi jo mujhe yuddh men jit lega vahi mera pati hoga. aisa kabhi nahin hua atah vah kumari hai, dhan ya pati rahit hain. athva mahadev ko nigal jane ke karan vidhva hai. unki bhukh ka rahasya saptashati ke athven adhyay men hain. mata baglamukhi ki sadhna-upasna shatru ka ati shighra nash karne vali hai. ek prasang ke anusar satyug men sansar ko nasht karne vala tufan aya. us vatavaran ko dekh shri vishnuji ko chinta hui. unhonne saurashtra desh men haridra sarovar ke samip tapasya kar shri maha triupar sundri ko prasann kar liyan usi sarovar se bagla ke rup men prakat hokar us tufan ko shant kiya. yahi vaishnavi bhi hain. chaturdashi somvar ki madhyaratri men prakat hui hain. inki upasna shatru shaman, vigrah shanti tatha anya karya ke liye ki jati hai. bhagvti matangi matang muni ki kanya ke rup men avtrit hui hain. ye parivar ki prasannata tatha vani, vak-siddhi dene vali hain. charon purusharth pradan karne vali hain. bhagvan vishnu ne bhi bhagvti matangi ki upasna se hi sukh, kanti tatha bhagya-vriddhi prapt ki hai. aisa varnan hai ki rati, prapti, manobhva, kriya anang kusma, anang madna, madnalsa, tatha shuddha inki asht urjaon ke nam hain. mata kamla ko lakshmi bhi kahte hain. samudra manthan ke samay kamlatmika lakshmi ki utpatti hui. inhonne shri mahatripur sundri ki aradhna ki. shri kamla ke anek bhed hain. ye sansar ki sabhi sanpda, shri, dhan-sanpatti, vaibhav ko pradan karne vali hai. shri lakshmi ko sarvalok maheshvari kaha hai. devi bhagavat men inhen bhuvneshvari, indra ne yagya vidya, mahavidya tatha guhyavidya kaha hai. mundmala tantra men shri vishnu ke dashavtar ki das mahavidyaye hain. arthat jab-jab shri vishnu avtar lete hain tab-tab mata lakshmi bhi unhin ke anurup apna sharir bana leti hain. to siddhant men krishn ke sath kali, ram ke sath tara, varah ke sath bhuvneshvari, nrisinh ke sath bhairvi, vaman ke sath dhumavti, parshuram ke sath chinnamasta aur matsya ke sath kamla, kurm ke sath bagla, buddh ke sath matangi, kalki ke sath shodshi lakshmi ke hi vividh rup hain. devi bhagavat men svayan narayan ne mul prakriti ko durga kaha hai. arthat durga men unki samast deviyon ki puja hoti hai. praniyon ko buddhi dene vali adhishthatri devi hain. shiv puran men ek anya katha ke anusar brahmaji ne kaha hai ki mahadevji ke sharir se hi devi ki utpatti hui hai. yahi rup arddhanarishvar kahlata hai. inhin tripura ke netron ke madhya se ek shakti ka pradurbhav hua hai. inhe hi daksh prajapti ne putri ke rup men angikar kiya tha. yahi dakshayni sati hain. unhin sati ne apne das rupon ko prakat kiya atah shaktiman aur shakti abhinn hain. inmen koi antar nahin hain. puranon men inmen koi bhed nahin mante. in rahasyon ko samjhne ke lie matspuran, ling puran, devi puran, kurmapuran, vishnu puran adi dharm granthon ka adhyayan karna chahie. antkal tak upasna ke bad bhi unki kripa unki marji se hi hoti hai. janma-janmantar tak mansik panchopchar v shodshopchar puja karte rahne par bhi inke rahasya ko janna saral nahin hai.
Kya aapko lekh pasand aaya?
Subscribe