prashna: dainik, masik, varshik tatha ajivan falit karne ke liye jyotish ke vibhinn pahluon jaise- dasha, yog, gochar, ashtakavarg, ke. pi. paddhati, jaimini, varshafal, lal kitab ya anya kisi paddhati ka prayog kis prakar kiya jana chahie, udaharan sahit vistrit vidhi ka varnan karen. aj ka din jyotish shastra ke madhyam dvara kaisa rahega yah gyat karne hetu us roj ka vartaman nakshatra dekhen. us nakshatra se apne janm nakshatra ke nam ke adhar par jo nam rakha gaya hai, ab vartaman yani jis roj prashn pucha gaya hai. us din ke nakshatra se apne janm nakshatra ki sankhya ankon men 4-5-11-12-18-19-25-26 ati ho to samajh len ki aj ka din apke lie uttam hai. us din apka chitt prasann rahega. sharirik, mansik, parivarik, samajik, vyavsayik adi kshetron men shubh parinamdayi tatha yadi apke vartaman nakshatra se sankhya 2-3-7-6- 9-10-13-14-16-17-20-21-2 3-24-27 ho tab apka adha din shubh tatha adha din ashubh hoga tatha 1/8 (1-8-15-22 yani 1-8-15-22 ke ank a jayen to jan lena chahie ki aj ka pura din ashubh rahega. dainik faladesh janne ki dusri vidhi apne janm nakshatra se lekar nau nakshatra tak alag nakshatron ke bhav fal darshae gaye hain. pratham nakshatra janm nakshatra har shubh karyon men tyajya bataya gaya hai. janm tithi, janm nakshatra, janm paksh, janm mah aise sanyog shubh karyon men lena tyajya hai. fir dusre nakshatra ki shreni sanpat, tisra nakshatra vipat, chaitha nakshatra kshem, panchvan pratyari, chatha nakshatra sadhak, satvan vadh, athvan mitra, nauvan nakshatra atimitra mana gaya hai. fir dasvan nakshatra janm nakshatra jaisa fal deta hai. fir 11 van sampat 12 vipat, 13 kshem, aise nau-nau nakshatron ki tin shreni banti hai. aur is nakshatra anusar uska nam aisa fal deta hai yani ‘vatho nam tatho falam.’ ab apne janm nakshatra se prashn kal ki tithi ko jo nakshatra ho vah fal us roj ki yathavat vaisa hi rahega. jaise ki kshem nam ki shreni ka nakshatra hai to us roj ka fal kushal kshem ke sath pura din vyatit hoga tatha pratyari nam ka nakshatra hai to us din dushmani hogi ya dushman se hani pahunchegi. athva vipat shreni ka nakshatra hai, to us roj koi nai ya purani vipatti aegi. is prakar faladesh shastra men bataya gaya hai. uske alava svayan ke lie us din ka chandra kaisa hai. jo 4, 8 ya 12 chandra ho athva ghatak var ghatak tithi, ghatak nakshatra athva ghatak yog ho to bhi us prashn kal ka din sadharan mana jata hai. uske uprant jo us din koi shubh yog ata hai to vah uttam fal dega. shubh men jaise ki apna dainik nakshatra sanpat hai, siddhi yog a gaya. tab vishesh uttam yog ban jata hai. vah din apne liye jyada shubhkari mana jata hai. yadi nakshatra vadh hai aur panchang men us roj mrityu yog ata ho, athva pat ya mahapat yog, ya anya anisht us roj ke yog hon to vah din apne liye hanikarak hai. anek avarn ate hain taki us din ko koi bhi karya savdhani se karna chahiye. jo pratidin ka karya hai, vah dhyan purvak karen. parantu koi naya nirman kisi bhi kshetra ka ho vah us roj karna uchit nahin hai. jyotish shastra men vyakti ke liye athva jan samaj hetu pratiroj ghantane tak ka shubh ashubh samay ki jankari ka kal darshan bataya hua hai. jaise ki udaharan ke taur par siddhakal hora tatha ratri din ke chaighdiye, abhijit muhurt aur var vela anusar rahukal vela, samay ke upyogi gulik kal vela, yamghantak vela, vishghti adi kai nitya upyogi samay ke shubh ashubh path darshaye gaye hain. uske alava dainik shubhashubh pratifal parigyan yantra, chandrakalanak ka bhi bhav batate hain. masik dinman ka gyan tatha shubh ashubh samay ke faladesh ka nirnay lene ke liye bhi shastron men sthul paddhatiyan batlayi gayi hain. ganit falit donon margon ki jankari di gai hai. samay ka shubh-ashubh fal darshate samay pratham jis grah ki dasha chalti ho vah grah vartaman men krur grah ki dasha hai ki pap grah ya saumya grah ki dasha hai tatha vartaman samay ke grah ki avastha kaisi hai. vah grah yadi saumya grah ki dasha hai lekin vah ast ya vakri ya gati men shighra gami, ya mand gati ka grah hai athva gochar men kis rashi men baitha hai. vyakti ki rashi shatru bhav ka ya kendra trikon ka hai ya trik bhav ka hai. athva koi yuti,ya drishti hai to kaisi hai. uska yathavat prabhav kaisa rahega. sthul fal men masafal ke liye masdsha ke dvara bhi fal diya jata hai. jatak ki rashi se. 20-20 din tak suryadsha, fir tritiyesh 10-10 chandrama.. chaturthe chashtame 8 bhaumeah shashte vedo. 4 budh staya.. saptame 10-10 mandasya navmesh 8 brihaspatoah. dashme vinshti 20 rahoah shesh bhrigudsha smrita.. is sutra ke adhar par tithi v tarikh bhi di jati hai. iska shubhashubh fal vartaman varsh ke pratimasik evan isht din-panchang gochar rashi grah ganna niyamanusar samjhen. kramshah pravas - sukh - dukh-pida-dhanhani-shok ityadi 8 fal tatha gochar grah chalan kalan anusar fal karna chahie. surya-mangl-shani-rahu-ketu adi ka fal ashubh hota hai tatha shubh grah chandra-budh-guru-shukra ki dasha shubhdayak hoti hai. uske alava apni janm rashi lagn ki tarah 12 bhavon ko manakar shubh bhav ke svami ki dasha men shubh pratifal tatha ashubh bhav men ashubh grahon ka fal deta hai. uske uprant sukshm bhav se masik fal dekhna ho to jo janmapatrika ke dvara apni ajivan ganit bani hui ho to usmen se vartaman varsh ke bhav fal men masshubh karne hetu jaimini mat dvara tajik vidhi se varshafal karvana masafal ke liye shreshth path hai. umsen 12 mas shuddh ganit tajik, nilkanthi dvara karva kar masik fal ki sahi sanad jankari avagat hoti hai. masafal hetu tatha sthul hetu jyotish mat ki kafi vidhiyan ati hanai. sahi (sach) bhavishya akhbar patrika men kahan milti hai? mul karan ek rashi men nau akshar hote hain. jabki nakshatra adhar par rashi nirdharit hoti hai. prayah bahut kam log kundli adhar par nam akshar rakhte hain. dainik bhavishya chandrama se ki jati hai. jabki lagn kundli ki rashiyan 12 hoti hai. nakshatra adhar evan 12 subah. sham alg-alag lagn badlte hain. surya din ka karak hai. vahi chandrama ratri bali hota hai. achcha jyotish lagn. dainik chandrama ke adhar bhavishya karta hai. vah satya bat karne men saflta prapt karta hai. jo jyotish - 5 angon adhar par bhavishyakathan safal hota hai. jo prashn katrta tatha kundli adhar dekhta hai. parantu achcha jyotish janakar prashn, samay ank/var samajhakar satik uttar dega. nahin asafal kahlata hai. kai bar nadi, ful, devta ka nam puchakar bhavishya kathan kahte hain. ank adhar par bhi jyotishi bhavishya kathan karne lage hain. ramal vidya, kahin tash ke patte se bhavishya batane lage. masik bhavishya surya ke adhar par karte hain jo ki alg-alag lagn kahte hain jaimini, lal kitab, ke. pi. mat adhar samachar patrika men chapte hain jo patrika masik bhavishya chapti hai. jismen kai maton ka prayog karte hain. jyadatar chitrapaksh surya ko lete hai. jo surya-chandra lekar chalte hain uski bhavishya vani satya milti hai. varshik fal men hamen ved vedang parakshar rishi jyada sahara lete hain. kai lal kitab, ank jyotish chitrapaksh ke. pi. mat, lahri paksh. kai bhrigu sanhita se fal kahte batate hain. ved jyotish ke netra kahe gae hanai. ‘‘yatha shikha mayurana, nagana manyon yatha. tadvad vedang shastranan, jyotish mudhti sthit.. mayur ki sundrta sir hai. nagar sir mani hai. usi prakar ved-jyotish se man samman milta hai. varsh kundli aur janmakundli ke bich sanbandh jaruri hai. donon sanbandh jaruri haiai. varsh kundli surya par adharit taiyar karna padta hai usmen janmank kundli rakhakar sare bhav rakhe jate hain. pataki shubh/ashubh donon prakar ke grahon aur lagn ke sath chandrama ke vedh ko darshata hai. mudda dasha- vinshottari dasha ganna janm kundli chandrama nakshatra rashi ke adhar par ki jati hai.
Kya aapko lekh pasand aaya?
Subscribe