mantron dvara rog mukti ke upay  

mantron dvara rog mukti ke upay nur chaidhri hamari sanskriti men mantron ka bahut adhik mahatva raha hai. itna adhik ki kabhi to inki shakti par vishvas kar pana kathin ho jata hai. purane jamane men hamare rishi-muni bahut mantron ka jap karke kathin tap karte the aur apni ichcha ka fal prapt karte the aur unmen se bahut se aise mantra hanai jin mantron ke jap se vyakti apne rogon ko dur karke svasth rah sakta hai. main yahan kuch aise mantron ka ullekh kar rahi hun jinke prayog se vibhinn rogon se mukti prapt ki ja sakti hai. ye mantra bahut prabhavi hain. raktachap: raktachap namak rog men jab kisi ka rakt samanya gati ko chorakar tej athva mand gati se shira ke madhyam se mastishk men jaye to raktachap namak rog hoga. jyotish men rakt ka pratinidhi mangal ko mana gaya hai. jab kundli men mangal ashubh ya pirit avastha men ho aur chandra bhi pirit ho, to jatak ko raktachap hoga. agar kanudli men mangal papi grah ke sath akarak hoga athva agni tatva rashi men agni grah ke sath hoga to jatak ko uchch raktachap ka rog hoga. yadi mangal pirit athva nirbal hokar chandra ke sath ho ya anya kisi jal rashi men ho, to nimn raktachap hoga. iske alava mangal ke ashubh hone athva ashubh bhav men hone se rakt vikar bhi ho sakta hai. agar kisi stri ki kundli men yah sthiti ho, to use raktachap ke sath masik dharm ki samasya bhi hogi. mangal mesh v vrishchik rashi ka svami hai jo kalpurush ke guptangon ka pratinidhitva karti hai. is bimari ko dur karne ke lie apko sankalp lena hoga. rog mukti tak ap itne mantra jap avashya karenge tatha rog mukt hone par ap shri mangal dev tatha shri hanuman ji ke nam par yah karenge tatha rog mukt hone par kuch charhava charha denge. iske bad shuklapaksh ke pahle manglvar se lal chandan ki mala se mangal gayatri ‘‘un angarkay vidmahe shaktihrtay dhimhi tanno bhaumah prachodyat’’ ka jap aranbh karen. jap ke bad nitya lal gay ko chara, gur, chane ka bhog lagakar bachchon men prasad banten. shanivar ko sundar kand ka bhi path karen. mantra purn hone par dashansh havan kar kisi yuva stri ko bhojan karakar lal vastra tatha dakshina ke sath sava kilo gur v lal masur bhi dan karen. agar apka rog vikral ho, to ap mangal yantra bhi dharan kar sakte hain. is sadhnakal men ap har prakar ke sanyam ka palan avashya karen. kuch hi samay men ap chamatkarik labh mahsus karenge. sava lakh mantra hone tak ap purnatah rog mukt ho jayenge. hriday rog: yah rog bhi bahut hi ghatak hota hai. ajakal bahut se log isse pirit hain. mera svayan ka anubhav hai aur mainne svayan apne kai logon aur mitron ko mantra sadhna ke madhyam se is rog se mukti dilai thi. is rog se pirit vyakti chahe bloked ho to bhi ap mantra jap se is rog se mukti pa sakte hain. vaise bhi vigyan men iska koi sthai upchar nahin hai. jyotish men hriday rog ka mukhya karak sinh rashi, surya tatha chaturth bhav ko mana gaya hai. islie yadi kisi vyakti ki kundli men yah sab dushit tatha pirit ho, to usko hriday rog avashya hi hota hai. iske atirikt us vyakti ko kisi bhi prakar ke asthi rog ki sanbhavna bhi hoti hai. atah is rog se bachne ke lie vyakti ko surya ke mantra ka jap ‘‘un ghrini surya aditya un’’ ka jap karna chahie. avashya labh milega. iske lie vah sankalp lekar kisi ravipushya yog se surya yantra ke samne lal asan par baithakar chandan ki mala se sava lakh mantra ka jap karen aur agar is sadhnakal men nitya aditya hriday stotra ke path ke sath surya yantra bhi dharan karen tatha nitya lal gay athva lal bail ko gur ka bhog den to kuch hi samay men use prabhav dikhai dega. nitya jap aranbh karne se pahle surya dev ko jal men gur milakar aghrya avashya den. mantra jap tatha aditya hriday stotra ka path karen to fir use kabhi bhi yah rog nahin hoga, hamara vishvas hai. madhumeh: is rog men vyakti apne svad ki koi mithai bhi nahin kha sakte hain. jyotish men madhumeh (shugr) ke lie rog bhav arthat chathe bhav men shani ki upasthiti tatha shukra ke nishprabhavi hone ke sath guru bhi thori bhumika nibhate hain. ismen yadi sirf shukra balhin ho, to madhumeh hota hai aur mangal bhi papi athva akarak ho, to (blad shugr) hota hai. jyotish men shukra ko guptang tatha virya ka mukhya karak mana jata hai. madhumeh ke rogi ko bhavishya men gupt rog ki sanbhavna bhi hoti hai. atah is rog se nivriÿia ke lie mukhyatah shukra ka prabhav adhik hai islie shukra mantra jap karna labhaprad rahta hai. yadi bladshugar ho, to mangal ki shanti avashyak hai. iske lie ap kisi shukla paksh ke pahle shukravar se sankalp lekar sandhyakal men man lakshmi ki tasvir ke samne safed asan par baithakar sfatik ki mala se shukra gayatri ‘‘un bhrigu jatayvidmahe dityadevay dhimhi tanno shukrah prachodyat’’ ka jap karen. jap ke bad nitya nau varsh se kam ayu ki kanyaon ko mishri ke sath anya koi bhi safed prasad den. pipal men dudh gur mishrit mitha jal v sarson ke tel ka dipak tatha kele ke vriksh men sada jal v shuddh ghi ka dipak jalaen. gay ko ate ki do loi, gur v chane ki gili dal ka bhog den. shukra ka ratn hira athva uparatn jarkin chandi men anguthi men jarva kar dharan karen. mantra sadhna ke antim din kisi vriddh brahman ko khir v mishri ka bhojan karaen. apka yah niyam purn mantra sadhna men chalega. sadhna samapt hone ke bad shukra ka mantra jap, sirf shukravar ko pipal men jal arpan, shanivar ko kele ke vriksh men jal arpan v guruvar ko gay ko bhog dena hai. yadi apko bladshugar bhi hai, to shukra mantra ke jap ke sath mangal ka mantra jap bhi karna hai. yah ap raktachap rog ke sandarbh men batai gai vidhi se bhi kar sakte hain, avashya fal milta hai. snayurog: jo vyakti is rog se pirit ho usse janen, ki rog kitna kashtakari hoga. yadi yah kam rup men bhi ho, to bhi atyant pirakarak hota hai. vyakti hath-pairon men hone vali pira se chatptata rahta hai. jyotish men snayurog ke lie mukhyatah shanidev ko jimmedar mana gaya hai. kyonki shani kalpurush men duahkh ke sath snayurog ka bhi karak hai. kisi vyakti ki kundli men shani yadi akarak athva pirit hai to vyakti ke kamar se niche ke hisse men avashya hi dard hoga islie yadi kisi ko yah rog ho athva kamar dard rahta ho, to vah shanidev ki mantra sadhna se is rog se purnatah mukti pa sakte hain. yadi kisi prakar se vyakti yah sadhna kisi pipal ke vriksh ke niche baithakar sandhyakal men kare, to use bahut hi shighra labh prapt hoga. iske lie sarvapratham kisi pipal ke vriksh ko dekhen. vaise apko pipal ka vriksh apke pas vale mandir men hi mil jayega. fir jis din apko mantra-sadhna aranbh karni hai us din andhera hone par kisi patra men gur, dudh v shahad mishrit mitha jal, ate ke dipak men sarson ke tel ke sath ek koi bhi kil, tilak ke lie roli, chaval, bhog ke lie koi bhi prasad, kali dhup, agrbÿai, kala asan, kale hakik ki mala tatha sada sut ka dhaga jo kale rang se ranga ho, lekar jayen. sarvapratham pipal par kale rang ke sut ko nimn mantra, jo apko japna hai mansik rup se japte hue sat bar lapente. fir pipal ko roli se tilak bindi kar dhup, agrbÿai, dipak v shanidev se apne rog ki mukti ki prarthana kar sankalp lekar kale hakik ki mala se nimn mantron men se koi ek mantra ka jap aranbh kar den. shani gayatri - ‘‘un bhagbhvay vidmahe mrityurupay dhimhi tanno shaniah prachodyat’’ athva shani vaidik mahamantra - ‘‘un shanno devirbhishta'yapo bhavantupitye. shanshyoribhastravantunah’’.. ab jis prakar se apne nitya jitne mantra japne ka sankalp liya hai utne mantra jap ke bad mitha jal pipal ki jar men arpit kar bayen hath se ath bar pipal ki jar ko sparsh kar apne mathe se lagayen. agle din punah mantra jap karne ke lie ane ka nivedan karane, uske bad apne ghar vapas a jayen. ghar men pravesh se pahle ap hath-pair avashya dhoyen. ap prayas kar sankalp is prakar len, ki jis pushya nakshatra se apne sadhna aranbh ki thi, uske bad ek nakshatra niklne ke bad agle ane vale pushya nakshatra par apki sadhna samapt ho jaye arthat jis pushya nakshatra ko sadhna samapt ho, ap kisi viklang bhikhari ko bhojan avashya karaen. sadhna ke pahle din hi ap kisi bhi pipal ki thori sukhi lakri tatha pipal ki jar ko kale kapre men lapetakar apne sirhane lagane vale takiye men rakhen. sadhna ke kuch hi din bad ap chamatkar mahsus karenge. yah sadhna ap yadi kisi bhi karan se kisi pipal ke niche nahin kar payen, to apne ghar men bhi kar sakte hain. snayuvikar ke atirikt ap shanikrit kashton se bhi mukti ke lie bhi yah sadhna kar sakte hain. isse apko bahut labh hoga.