janm dinank ke ankon ke adhar par mulank bata dena bahut asan hai. isi prakar vyakti ke prachlit ya prasiddh nam ke aksharon ke adhar par namank nikalna bhi saral hai. kintu yah kahna kathin hai ki vyakti ka jivan kis ank se prabhavit hoga. iska nishchay to kisi vyakti ke vyaktitva ki visheshtaon aur uske niji svabhav ko dekh-parakh kar hi kiya ja sakta hai. jajanm dinank dvara prapt ank (mulank) vyakti ke praranbhik svabhav ko pradarshit karta hai, kintu namaksharon dvara prapt namank vyakti ka svanirmit v nishchit svabhav (gun) hota hai jiska upyog pratyek vyakti apne samajik jivan men karta hai. tisri bat yah hai ki yah avashyak nahin hai ki vyakti ka mulank v namank uske bhagyank ke anukul hon. jin vyaktiyon ke ye tinon ank ek saman ya paraspar mitra hote hain un vyaktiyon ka jivan sahaj, safal hota hai.
nam ke aksharon ko parivartit karke namank ko bhagyank ke anukul banaya ja sakta hai, kintu mulanka/janmank ko parivartit karna asanbhav hai. pratyek vyakti ke jivan men do ankon ka adhik prabhav rahta hai. anna hajare ka namank 3 hai ya 6? jane-mane gandhivadi, samaj sevi shri anna hajare ka janm 15 farvri 1940 ko hua tha. janm dinank 15 ke ankon ka yog 1$5 = 6 hota hai. isliye spasht rup se unka mulank 6 hai. kiro nanbar ke adhar par anna hajare ka namank bhi 6 ata hai. unke namaksharon ke ank nimn prakar hain. uprokt udaharan se spasht hai ki anna hajare ke pure nam ke sabhi aksharon ka ank yog 6 hai. is adhar par unka namank 6 nishchit hota hai. mulank 6 ki visheshtaen: 6 ank vale vyakti apne sharirik saundarya ke prati sachet rahte hain. ye apne rup-saundarya se sabhi ko akarshit kar lete hain. is mulank ya namank ke vyaktiyon ka jhukav striyon ki or rahta hai.
inki ruchi kala, sahitya, nritya, sangit adi men hoti hai. inke jivan men patni ke atirikt anya stri ka bhi pravesh rahta hai. is ank ke stri purush, premi premika ke bina nahin rah sakte hain. ye bhogvilas ki vastuon par adhik dhan vyay karte hain. anna 3 ank se prabhavit hain: ank 6 ke vyaktigat gun ya visheshtaen anna ji men dikhai nahin deti. ve bhartiya thal sainik rahe hain. san 1970 men unhonne ajivan avivahit rahakar desh ki seva karne ka jo sankalp liya tha use ve aj tak vakhubi nibha rahe hain. ve koi chaekleti hiro nahin hain. vastav men ve adhunik bhishmapitamah hain aur gandhivad ki jiti jagti prayogshala hain. shvet dhaval vastra se dhaka unka sharir jan seva ke liye samarpit hai, stri bhog ke liye nahin hai. anna ji ke charitra ki anek visheshtaen ank 3 ke vyaktitva se milti hai. 3 ank ka pratinidhi grah guru hai aur 6 ka shukra hai. ve guru pradhan vyakti hain, shukra pradhan nahin.
3 ank ka vyakti atyant sahsi, karmath aur mahatvakankshi hota hai, inmen pratibha aur buddhi bhi khub hoti hai. ve apne vichar sundar aur vyavasthit dhang se prastut karte hain jisse samne vala unke paksh men khara ho jata hai. arthik drishti se in vyaktiyon ke jivan men badhaen rahti hai kintu ye nirash nahin hote. apni pratibha aur parishram ke bal par apne lakshya ko prapt kar lete hain. inhen jivan men purnatah yash aur kirti prapt hoti hai. inse mitha bolakar ya inki chaplusi karke inse koi bhi apna kam niklva sakta hai, kintu ye unki chalaki aur uddeshya ko man hi man samajh jate hain. ank 3 ki uprokt sabhi visheshtaen anna ji se milti hai. anna hajare ko adhikansh log sirf ‘anna’ ke nam se pukarte hain. kiro aur seferiyal ank paddhati se .chach. ka namank 3 hi ata hai. isliye anna ke jivan men 3 ank ka adhik prabhav hai. anna hajare ka bhagyank bhi 3 hai: pratyek vyakti ke jivan men ek sukh dene vala nanbar hota hai, jise bhagyank kahte hain.
jivan ke utthan v saflta ka sanbandh vyakti ke bhagyank se hota hai. isliye vyakti ko apna bhagyank pahchan kar bhagyank ke varsh ya uske anukul mitradi varshank men shubh v mahatvapurn karya karna chahie. isse saflta sunishchit ho jati hai. bhagyank gyat karne ke liye vyakti ka janm dinank, janm ke mahine ka ank aur janm ke isvi varsh ke anko ka yog karna chahie. isse prapt ank sanyuktank ya bhagyank kahlata hai. anna hajare ka janm 15 janvri 1940 ko hua tha. atah unki janm tithi 15-1-1940 ke sabhi ank arthat- 1 $ 5 $ 1 $ 1 $ 9 $ 4 $0 = ka kul yog hua 21, atah unka bhagyank hai = (21) = 2$1 = 3 is prakar anna hajare ka bhagyank 3 hai. shubh varsh kaise jane: shubh varsh janne ke liye do vidhiyan hain. isvi varsh aur jatak ki ayu. isvi san/varsh ke ankon ka yog jatak ke bhagyank ke saman ho to vah ayu/varsh jatak ke liye shubh rahega. bhagyank 3 ke jatak ke liye uski ayu ka 3, 12, 21, 30, 39, 48, 57, 66, 75 van varsh shubh hota hai.
anna ke shubh isvi varsha: anna hajare ki sena men bharti- 1962 1$9$6$2 = 18 ( 1$8) = 9 sainik ke rup men pakistan se yuddh men vijay - 1965 1$9$6$5 = 21 ( 2$1) = 3 pakistan ke viruddh dusre yuddh men vijay - 1986 1$9$8$6 = 24 ( 2$4) = 6 krishi bhushan avard 1989 1$9$8$9 = 27 ( 2$7) = 9 padm bhushan avard se sammanit 1992 1$9$9$2 = 21 (2$1) 3 uprokt varshon ke ankon ke adhar kaha ja sakta hai ki gandhivadi samajsevak shri anna hajare ko dirghakalik v utkrisht ya bharat ratn samman diya ja sakta hai kyonki varsh 2013 ke ankon ka yog 6 hai. ank 6 aur 9 anna ke bhagyank 3 ke mitra ank hain. bhagyank ke mitra ank ka varsh bhi bhagyank ke saman shubh fal deta hai. nishchit kalantar men ghatnaon ki punravritti hoti hai: manav jivan ki sabhi mahatvapurn ghatnaen ek vishesh kram men nishchit gati se ghumti hai. ankon ki gati ke is kram ko pakra ja sakta hai.
ank jyotish men kisi mahatvapurn ghatna ke varsh ke ankon ko jor lete hain. is sanyukt yogank ko kalantar ya avdhi kaha jata hai. is avdhi ko mahatvapurn ghatna varsh men jor dene se agami isvi varsh prapt hota hai. yah agami varsh pichli ghatna ki punravritti ya usse sanbandhit baton ka ghatna pradarshit karta hai. udaharan ke taur par ham dekh sakte hain ki anna hajare ne san 1991 men bhrashtachar virodhi jan andolan chalaya tha. is andolan ke varsh ke ankon ka yog 1$9$9$1 = 20 hota hai. is 20 varsh ki avdhi ko hamne 1991 men jora 1991 $ 20 = 2011 to hame, varsh 2011 prapt hua. atah 20 varsh ke kalantar men anna hajare ne punah bhrashtachar ke khilaf amaran anashan praranbh kiya jiske falasvarup jan lokpal samiti ka gathan hua. is samiti ne lokpal vidhyek ka prarup (masauda) taiyar kiya hai. san 2011 men lokpal ki anishchitta: 2011 isvi varsh ka ank yog 4 hai jo anna ke bhagyank 3 ka sam ank hai.
kintu unke anukul nahin hai kyonki 4 ank rahu ka pratinidhi hai jo is varsh badhaon ki suchna de raha hai. janlokpal vidheyak ko pas karane men nai-nai badhaen paida hongi. varshank 4 anishchittaon ka suchak hai. atah is varsh anna hajare ke uddeshya v karya ki siddhi sandigdh dikhai de rahi hai. isse unhen chinta v tanav utpann hoga. bahut se ankon ka manthan karne ke bad ek nishkarsh yah bhi niklta hai ki sarkar ke pratinidhi kutnitik chalaki ka upyog karke ek lachila (luj) lokpal vidheyak banva den tatha sansad use is varsh hi pas kar de. iska natija yah hoga ki lokpal bhi baitha rahega aur bhrashtachar bhi chalta rahega. bari machliyan lokpal ke jal men nahin fansegi. yadi fans bhi gai to unhen kathor dand nahin milega. baba ramdev ko lokpal draefting kameti se bahar rakhna sarkar ki kutnitik chalaki hai.
lokpal vidheyak ki manjuri 2012 men sanbhv: suchna ka adhikar kanun banakar 2005 se prabhavi (lagu) kiya gaya tha. san 2005 men kalantara-avdhi 7 jor dene se san 2012 prapt hota hai. iska sanket yah hai ki 2012 men jan lokpal bil kanun ka rup lekar lagu ho jaega. varsh ank 5 bhi anna ke bhagyank ka mitra v matantar se sam hai. sansad ki manjuri ke bad sitanbar ya disanbar 2012 men kendra men lokpal ki niyukti sanbhav dikhai de rahi hai. iske bad hi pure tantra ka gathan hoga. san 2013 men bhrashtachar par ankush: marcha-aprail 2013 tak bharat mane lokpal ka gathan ho jaega tatha yah nyaypalika ki bhanti bhartiya loktantra ki svatantra ikai ke rup men karya karna praranbh kar dega jisse bhrashtachar par ankush lagega. san 2013 bhrashtachar niyantran ka varsh kahlayega.