rashna: brahm sthan uncha athva nicha, kaisa hona chahie? yahan kya banaya ja sakta hai? kya yahan mandir banaya ja sakta hai? brahm sthan band hone se kya samasyaen ho sakti hain? iska dosh-nivaran kaise ho sakta hai?
uttara: brahm sthan bhumikhand men madhya ka vah sthan hota hai jo ki vastu purush ke marm sthan nabhi, fefre, pet, guptang aur jangh kahe jate hain. 81 padiya vastu yojna men 9 pad brahma (madhya men) ke hote hain tatha 6 pad prithvi (uttar disha ki tarf) ke hote hain.
donon ko milakar 15 pad chaik ya angan ke liye hona chahiye. yah madhya se uttar ki taraf lanbai liye hona chahie tatha chat bhi isi kram men hi honi chahie. brahm sthan ko angan, chaik ya laebi ka rup dena atyant shubh mana jata hai. brahm kshetra men kisi bhi prakar ka gaddha hona avnti ka pratik hai. prayatn ke pashchat bhi unnati nahin ho pati hai. parishram ka purn labh nahin milta hai.
yadi faiktri men yah sthiti hai to faiktri bhi paryapt unnati nahin kar pati hai. jis bhavan ya karkhane men kup ho to arthahani, apavyay ke sath mansik tanav jyada hota hai. brahm sthal par kisi bhi prakar ka bhar nahin hona chahiye. yah khali evan svachch hona chahie. is par bhar hone se ghar ke nivasi kasht pate hain. unhen anek samasyaon ka samna karna parta hai.
yadi yah sthiti kisi karkhane men ho to vahan majduron ki samasya bahut jyada hoti hai. yadi bhavan ya audyogik sthal ke brahmasthal par shauchalay ho to apman ki sthiti ka samna karna parta hai. bhukhand ya bhavan ke thik madhya men brahmasthal par pilar, pol ya khanbha ho to unnati men badhak hone ke sath hi arth hani karvata hai.
yadi brahm sthan men gay adi palkon ke liye brahmasthal men khunta ho to pragti v svasthya donon ko prabhavit karta hai. brahm sthan par bhari divar uske nivasiyon ko nana prakar ke kasht deta hai. is dosh ko us kshetra ki divar men niche se divar ke ar-par thora sa hissa khali rakhakar dur kar sakte hain.
vyavsayik bhavan ke thik madhya men kaelam banakar bhavan ki chat ka sanpurn bhar dalne se bhavan ke madhya men arthat brahmasthan par atyadhik bhar parta hai jisse vyapar-vyavsay prabhavit hota hai. yadi brahmasthan men charhav hai to rahne valon ko yah bhramit karta hai, unhen ashant rakhta hai, asthirta bhi deta hai. bhavan ke thik madhya men hone vala dvar, brahm dosh ka nirman karta hain, isse hone vale kasht asimit hote hain. yahan par boring hona sanpurn parivar ka vinash karta hai.
brahm sthan par shayan evan adhyayan karna varjit hai. iske alava jalashay adi jal srot v atyadhik garmi ke srot bhi nahin hone chahiye. is sthan par akash tatva ka prabhutva hota hai. is prakar tatva ke svabhav evan prakriti ke anusar yah sthan khula hona chahie. yah sthan n uncha hona chahiye n nicha hona chahie parantu iski dhalan uttara-purva ki or honi chahiye. is sthan par puja sthal, angan, tulsi ka chaira ityadi banaya ja sakta hai.
brahm sthan par koi bhi bhar, gaddha, gandgi, pani adi ka sthan nahin banana chahiye. yadi bhumikhand chota ho to is sthan par draingrum bhi banaya ja sakta hai. satya to yah hai ki is sthan par bhar nahin hona chahie arthat is sthan par koi nirman nahin hona chahiye. kuan, taran talab, taeylet, lift adi to purnataya varjit hai. is sthan ko khali rakhna chahiye aur is sthan par avagaman n ho arthat pair nahin parne chahiye.
kalpana kijie ki marm sthanon par yadi koi vyavdhan, bhar, pair parenge to hamari kya dasha hogi aur uska kya fal hoga? ham vyakul ho jayenge, pira mahsus karenge, isi prakar vastu purush bhi pirit ho jayenge aur pirit hone ke karan shubh fal kaise de payenge. manasar ke anusar brahmasthan par mandir nirman kiya ja sakta hai. parantu is bat ka dhyan rakhna chahiye ki is sthan par brahma, vishnu, lakshmi tatha shyam shivling mandir ka hi nirman kiya ja sakta hai.
yadi brahm sthan par nirman hoga ya vah kshetra band hoga to grih svami evan ghar ke sadasyon ka mansik santulan bigar jayega, ghar ke sadasyon men manmutav, kalah adi samasyayen janm lengi. yadi brahm sthan par tarntal ka nirman hoga to grihasvami divaliya ho jayega, rasoi ke nirman se tarakki men badhayen utpann hongi tatha bhari kharch evan svasthya sanbandhi samasyaen hanegi.
jis prakar nabhi se sanpurn manav sharir ko urja milti hai, thik usi prakar vastu ke brahmasthan se sanpurn vastu ko urja milti hai. atah is sthan ko sabse adhik santulit rakhna chahiye. akash tatva (brahm sthan) ka prabhav mul rup se vyakti ki pravrittiyon, chintan svasthya adi par parta hai. iske prabhav se hi vyakti ke jivan men prem, moh, bhay, dushmani, sahyog, samanjasya, lajja adi ke gun utpann hote hain.
yadi vastu men yah akash tatva santulit rahta hai to vyakti ka svasthya uttam rahta hai tatha usmen netritva kshamata ka bhi vikas hota hai vah bhautik sukhon ko prapt karne ke sath hi adhyatmik kshetra (kark-guru hone se) men bhi unnati karta hai. jis prakar anant akash ka chintan karne se akash ki anantata ka abhas hota hai, thik usi prakar akash tatva ke prabhav se hi vyakti ki soch vistrit ya sankuchit hoti hai. kisi karanavash yadi kisi vyakti ke akash tatva men badha utpann ho jaye to vah samagra chintan ki apeksha svayan par arthik chintan karne lagta hai.
udaharan ke rup men, jab se flaiton (sosayti) ka nirman praranbh hua hai sanyukt parivar tutakar ekaki parivar men parivartit ho rahe hain jiske karan vriddh mata-pita ke samne anek samasyaen khari ho gayi hain. kisi samay mata-pita ko devtaon ki tarah puja jata tha, seva ki jati thi parantu badlte parivesh men unhen do vakt ke khane ke liye bhi apne bachchon ke samne tarsna parta hai.
iske alava, santan v anya rishte nate tatha anya ashriton ke prati bhi logon ke najriye men kafi badlav aya hai. yadi purane nirmanon par drishti dalane to yah pata chalta hai ki bhavan men madhya brahmasthal ko khula chora jata tha (jise angan bhi kaha jata tha), aisa isliye kiya jata tha kyonki brahm sthan ko dhank dene se akash tatva badhit hokar asantulit ho jata tha jisse vahan nivas karne vale vyaktiyon ke jivan men anek sharirik, mansik (svasthya sanbandhi) arthik, samajik, dharmik, parivarik adi samasya utpann ho jati thi. vastu shastra ke niyamon ke anusar brahmasthal men bhulakar bhi kisi prakar ka nirman nahin karvana chahie aur n hi ise dhankna chahiye.
yah sthan khula, saf-suthra, halka adi rakhna chahiye. isliye pahle jamin men vahan tulsi ka paudha rakha jata tha, taki puja ke karan hi sahi, ghar ka angana/brahmasthal saf suthra, khula halka adi rahta tha. vaise bhi brahmasthal ki tulsi, ghar ke kendra men hone se ghar men shuddhata ka vatavaran banta hai jo ghar ki striyon ko unki strigat pareshaniyon ko samapt karne men bhi sahayak hota hai. atah ghar ki striyon ko is bat ka vishesh khyal rakhna chahie ki urja yukt ghar banane ke liye jahan chaik hona chahiye, vahan par urja ki vyavastha thik prakar ki honi chahiye, anyatha anek samasyaon ka samna karna parta hai.
udahrn- kendra men urja ka hras hone se ghar ke anya sthanon par bhi urja ki kami ho jati hai, jisse ghar parivar ki striyon men chirchirapan a jata hai. kuch n kuch mansik pareshani, tanav, nind nahin ana, har samay sir bhari rahna, pairon men bay jaisi samasyaen adi hone lagti hain chunki striyan ghar men jyada samay bitati hain. atah in par evan bachchon par iska prabhav bhi sabse adhik ata hai.
brahm sthal ka bhutal bhi bhavan ke anya hisso se nicha nahin hona chahie. is sthan par sirhiyon evan saiptik taink ka nirman bhi nahin karvana chahie kyonki inke hone se vansh, dhan evan svasthya tinon ki hi hani hoti hai. angan ki lanbai aur chairai ko guna karke 9 ka bhag dene par jo rashi shesh banti hai, uske adhar par angan ke nam hote hain tatha ankanusar fal nimn hote hain.
1. bache to data,
2. pandit -
3 bhiru,
4. kalah,
5- nrip,
6. danav,
7. napunsak (kliv),
8 bhor va
9 bache to dhani.
brahm sthan par doshpurn nirman ho jane par sarva pratham to is prakar ke nirman ko hi hata dena chahiye. yadi yah sanbhav n ho to nimn upayon se is dosh ka nivaran karna chahiye:
dosh nivaran arthat upay/ sujhav:
- brahmasthala/angn/laebi ke rakhne se hi akash tatva ki upasthiti se panch tatvon ka santulan bana rahta hai.
- is brahm sthal ya angan se hi 64 yoginiyan hi gharon men pravesh kar samast asht lakshmi evan sukh samriddhi tatha bhagya men unnati karti hain. atah yah sthal avashya rakhna chahie.
- rat ko sote samay ise dhokar svachch v pavitra karen.
- is sthal par juthe bartan, juthan, gandgi, tuta shisha, ganda kapra adi bilkul n rahne dane. safai ka barabar dhyan rakhen.
- is sthal par lal ya pila balb (roshni karen) jarur jala den.
- is sthal par urja ka avagaman barabar karne ke liye iske upar roshndan aise banvayane ki hava v dhup (vayu, prakash) ka prabhav barabar bana rahe. iske lie uttar ya purva men khirkiyan bhi bana sakte hain.
- yadi yah sthan band yani kavarda/dhanka ho to is sthal par chat ke upar dem banvana chahie taki avashyaktanusar ise kholakar kendriya bhag ka vatavaran shuddh banaya ja sake.
- yadi brahmasthal ke upar dem nahin hai aur band hai to bhi upay kar sakte hain. upay ke rup men ratri men shayan se ek ghanta purva brahmasthan par halki sugandh vali ek sent batti (agarabatti) jalani chahie. isse iska dosh kam ho jata hai.
- yadi brahm sthan men jina banvana ho to yah dakshini divar par honi chahiye tatha sath hi isi divar par ek ghari bhi lagani chahie jo bina ruke niyamit chalni chahie. madhya men bana jina dosh utpann karta hai jisse santan ki unnati men badha hoti hai tatha tanav ke sath alasya men bhi vriddhi hoti hai.
- yadi is sthan par farnichar bana ya rakha ho to ise bhi dakshin ki taraf hi rakhen tatha ilektrikal saman, ti. vi. kanpyutar adi purva ki taraf rakhen.
- brahm sthan men sarvapratham to talaghar, rasoighar, saiptik taink, shayan kaksh, shauchalay, snangrih, sviming pul, stor rum, kuan, boring adi nahin banana chahiye.
yadi ban hi gaya hai aur usko hatana sanbhav n ho to vastu mahayantra ki sthapna ki jani chahiye. ismen 81 vargon men un 45 devon ke nam darshaye jate hain jinhonne vastu purush ko bhumi par giraya tha aur uske vibhinn bhagon par baithakar use bandhak banaya tha. yantra ke madhya bhag vale nau vargon men brahma ka nam hone ke karan ise brahm sthan dosh nivarak yantra bhi kaha jata hai.
81 vargon ke bahri koshthak men andar ki or purva disha men un gan ganptye namah, pashchim men un yan yoginibhyon namah. uttar men un kshan kshetrapalay namah, dakshin men un ban batukay namah, likha jata hai. isi ke sath-sath bhu shayya par lete vastudevta ko pranam karte huye unse grih ko dhan, dhanyadi se paripurn karne ki prarthana bhi ankit hoti hai. is yantra ko pujaghar men sthapit karna chahiye, pran pratishtha karke is yantra ki pratidin dhup, dip, itra naivadya se pujit karte rahne se brahm sthan ke doshon ka shaman hota hai.
- brahm sthan par safed rang karna chahiye tatha yahan par halka pila prakash karen.
- brahm sthan par vind chaim ya pavan ghanti lagani chahiye. isse svasthya sanbandhi samasya ka shaman hota hai.
- yadi brahm sthan par tarntal, snangrih, kuan boring, saiptik taink adi ban gaya ho to is dosh ko dur karne ke liye varun yantra sthapit karen.
- brahm sthan ke dosh ko dur karne ke liye sfatik shri yantra ki sthapna karen.
- doshpurn brahmasthan ke karan yadi mansik tanav hai to kamre men shuddh ghi ka dipak jalayen evan gulab ki agarabatti roj jalayen.
- brahmasthan men dosh hone par piramid lagane ki salah bhi di jati hai.
- yadi divar, sirhi ya shauchalay brahm sthan men nirmit ho
- divar hone par- divar par 3 maltiyar piramid yantra lagayen tatha bich men enarji plet tatha konon par char payra kon lagaye jayane.
- khanbha hone par- khanbhe ke charane or ya jamin ya chat par piramid lagayen.
- sirhi hone par
- sirhi ke niche jamin men payra patti laga di jaye, yadi sirhi ke donon or sthan ho to 8 piramid laga diye jayen.
- shauchalay hone par
- bahri divar par 3 piramid is prakar lagayen ki jis or shauchalay ko hatana hai uske dusri taraf yah rahe.
jivan men jarurat hai jyotishiya margadarshan ki? abhi bat karen fyuchar point jyotishiyon se!