kabj (sabhi rogon ki jar) acharya avinash sinh sharir ka metabolijm sahi n hone par jahan sharir men raspripak aur yathavashyak dhatuon ki paripushti nahin hoti, vahin antim parinti hoti hai sharir ke mal-utsarjan sansthan ki avyavastha ke rup men aur kabj uska pratyaksh svarup hota hai. kyon aur kaise kya hai upay dekhen is lekh men... ayurved aur anya chikitsa pranaliyon ka manna hai ki kabj anton men basne vala vah shaitan hai jo anek prakar ke rogon ko janm deta hai aur kabj ke rahte kisi bhi rog ka upchar sunishchit nahin ho sakta. kabj nimn antra sansthan se sanbandhit rog hai jo vrihad ant ki nishkriyata, kam matra men mal ka nirman ya ahar men taral padarthon ke abhav adi ke karan utpann hota hai. yadi nishchit samay par mal ka tyag n ho, shauch kriya men deri ho, mal ki matra samanya se kam ho, v atyant shushk aur kathor ho, iske sath pet men bharipan mahsus ho tatha mal kathinai ke sath nikle tatha mal-tyag ke lie jor lagana pare, to use kabj, malbandh (koshthabaddhata) mana jata hai. kabjagrast rogiyon ka malashay mal se thasathas bhara rahta hai. mal-sanchay se malashay men sujan a jati hai. ayurved shastra men is rog ko vrihdantra pradah kahte hain. is rog men mal-visarjan to hota hai, par vah sanchit mal ke niche ek patli rah banakar bahar ata hai. sanchit mal vaise ka vaisa hi rahta hai. sanchit mal rakt shuddhi men badha banta hai aur kire paida karta hai. charak sanhita men ullekh hai ki malavrodh se kshudha nash aur kuruvad hota hain, mithi aur bhari chijen der se pachti hain. bhojan ke bad chati v pet men jalan, bhojan ke pachne ka anubhav n hona, pairo men sujan nirantar sharirik shithilta paida hoti h,ai parishram men sans ful jata hai. pet men mal ka sanchay hota rahta hai. pet ka barhna, pet ke aspas ke hisson men dard utpann hona, halka aur alpamatra men bhojan karne ke bad bhi pet ka tan jana, nason men ubhar adi anek vyadhiyan janm leti hain. arthat sabhi rogon ka karan kupit mal (kabja) hi hai.
Kya aapko lekh pasand aaya?
Subscribe