yajurved ke mantra dvara yah kamna ki gayi hai - bhadran karmebhiah shrrinuyam deva bhadran pashyemakshabhirya jatraah. sthirairjai tushtava sastanubhitryasheyhi devhitan yadayuah.. shadyan vedangon men jyotish shastra jise vaidik vannamay ke matanusar vedon ke netra rup men nirdeshit kiya gaya hai. arthat bina is shastra ke gyan ke hamen kal gyan nahin ho sakta. yah shastra grahon ke chalan, unke samagam ya viyog se samanya jan jivan, prithvi v manushya jati par hone vale shubhashubh prabhavon ka nirdharan tatha usse hone vale parivartanon (sukh-dukh) ka gyan karata hai. akashiya pindon, grahon ke parichalan dvara utpann hone vale yogon ki ganna evan unse hone vale dushprabhavon ko ganna dvara pratipadit karna is shastra ka pramukh uddeshya hai
jinmen dukhrupi vyadhi, anisht kritya, kisi karya men vilanb tatha sankhrupi vyadhi parihar, manglik karya ityadi ka sanpadan karta hai. jyotish shastra men anek prakar ke rogon ka varnan kiya gaya hai. ayurved ke anusar kaha hai ki ”sharir vyadhi mandir“ arthat sharir rogon ka ghar hai. jab rog honge tab rog ke prakar honge, kis avastha men kaun sa rog hoga iska varnan jyotish ke hora shastra men varnit hai. manushya svasth v dirgh jivnyapan karta hai. iske lie avashyak hai ki samay se purva uchit nidan, yah tabhi sanbhav ai jab karan ke mul ka gyan bahut se rogon ke karan gyat ho jate hain par bahuton ke karan ant tak nahin gyat hote. rogon ka sanbandh purva janm se bhi hota hai. acharya charak likhte hainah
karmaja vyadhyah kechit doshja santi chapre. trishthacharya ne bhi likha hai- janmantaram kritan papan vyadhirupen jayte. arthat kuch vyadhiyan purva janmon ke karmon ke prabhav se hoti hain tatha kuch vyadhiyan sharirasth doshon (tridosh-vat, pitt, kaf) ke prabhav se hoti hain. acharya kautilya ka kathan hai ki sabhi vastuon ka parityag karke sarvapratham sharir ki raksha karni chahie, kyonki sharir nasht hone par sabka nash ho jata hai. maharshi charak ne bhi upnishdon men varnit tin aishnaon ke atirikt ek chaithi praneprana ki bat kahi hai jiska arth hai ki pran ki raksha sarvopri hai.
jaisa ki mahabharat ke udyog parva men kaha gaya hai- mritakalpa hi roginah. rogastu dosh vaishamyan dosh samyam rogat. (ashtang hriday 1/20) sharir ko svasth rakhne ke lie in tin doshon ko santulit rakhna parta hai kyonki sab rogon ka karan tridosh vaishamya hi hai. sabhi rogon ke sakshat karan prakupit dosh hi hanai. hamare acharyon ne manushya ke pratyek angon ki sthiti gyat karne ke lie jyotish shastra men kal purush ki kalpana ki hai, kal purush ke angon men meshadi rashiyon ka samavesh kiya gaya haiah kal purush ke ang sir mesh mukh vrish banh mithun hriday kark udar sinh kati kanya vasti tula gardan vrishchik uru dhanu janu makar jangha kunbh charan min jatak skandh men manav jivan ke vibhinn pahluon ko lagnadi barah bhavon men vibhakt kar dvadash bhav tanu, dhan, sahaj, suhrit, satu, ripu, jaya, mrityu, dharm, karm, ay v vyay ke nam se jane jate hain. in barah bhavon men chatha bhav ripu bhav hai. ise rog bhav bhi kaha jata hai.
chathe bhav se rog v shatru donon ka vichar kiya jata hai. athven v barhven bhav tatha bhavesh ka bhi sanbandh rog se hota hai. faldipika ke 14 adhyay ka pratham shlok men kaha gaya hai ki rog ke lie vibhinn grahon ka vichar karna chahie-
1. jo grah chathe bhav men ho,
2. jo grah ashtam men ho,
3. jo grah barhven men ho,
4. jo grah shashthesh ho,
5. jo grah shashthesh ke sath ho is prakar in grahon ke vichar se do tin prakar se jab tak ek hi nirdisht rog malum pare tabhi vah rog hoga.
jyotish shastra men udar ka sthan kalpurush ki kundli men udar ka sthan pancham bhav hai jiski rashi sinh hai. sinh rashi jo pancham bhav ka karak haiah usse prabhavit ang udar hai jismen mandagni, gulm, pathri, pandurog, yakrit ityadi ke rog utpann hote hain. atisar sangrahni, pliha, udrshul, aruchi ya munh ka svad bigrna, ajirn ityadi. chikitsakon ka vichar hai ki virya ka deh men vishesh mahatva hai, virya ke kshin hone par vayu vikrit ho jati hai
jisse pachan tantra bigar jata hai tatha mandagni, gais ya gulm sarikhe rog paida hote hain. udar rog ke pramukh jyotishiya karan parashar acharyon ne udar rog ko nimn prakar se rekhankit kiya hai. shashth bhav faladhyay men likhte hain ki shashthesh apne ghar, lagn ya ashtam bhav men ho to sharir men vran (ghav) hota hai. shashth rashi men jo rashi ho us rashi ke ashrit angon men rog utpann hota hai. rahu ya ketu ho to pet men ghav hota hai.
jatkalankar men likhte hain ki shashtheshe papyukte tanu nidhan gate tanu nidhngte nu sharire vranasyuah jatak ke janmang chakra men rog ka vichar mukhyatah shashth bhav, shashthesh, shashth bhavasth grah, ashtam bhav, ashtamesh, ashtam bhavasth grah, dvadash bhav, dvadshesh, dvadashasth grah, shashthesh se yukt evan drisht grahon dvara evan mangal grah dvara kiya jata hai. ismen hamen grah rashiyon ka bhi dhyan rakhna chahie kyonki ye nirbal, dosh yukt ya pusht doshyukt hokar rogkarak, marak ya rog nivarak ban jate hain. udrrog ke jyotishiya karan jo pramukh rup se udar rog ko nirdeshit karne men sahayak hote hainah
- surya, mangal, shani, rahu-ketu men se tin grahon ka ek sthan par yuti karna pet men vikar deta hai.
- nich rashi ka chandrama lagnasth hokar mangal, shani ya rahu se drisht ho to udar rog deta hai.
- guru shatrukshetri hokar shashthasth ho tatha papi mangal ashtam bhav men ho to mandagni, atisar ya pet ka kainsar rog deta hai.
- mangal yadi shani kshetri athva mangal ki rashi men shani shashth bhav men sthit ho tatha chandrama se kendra men ho to rakt vikar sahit udar pira hoti hai.
- chandrama ka sinh rashi ya shashthasth hona udar rog deta hai.
- lagn rahu-ketu ke aksh men ho.
- visham rashi ke lagn men shashthesh tatha lagnesh bhi visham rashi men ho tatha donon par shani ki drishti ho.
- ashtam bhav men shani tatha lagn men chandrama sthit ho to inmen se koi bhi yog ho to udar rog deta hai.
- saptam bhav ya satvin rashi tula tatha chandrama aur guru gurde ke rogon ke karak mane gaye hain.
- lagn men rahu tatha dasham bhav men surya chandra ki yuti hone se 19ven varsh men jalodar rog hota hai.
- chandra shani ki yuti pancham men ho to bhi udar rog deta hai.
- pancham bhav, panchmesh ya sinh rashi par pap grahon ki drishti, yuti tatha lagn ka hin bal hona bhi udar rog ka sanket deta hai.
hamare man men ye shanka bahudha utpann hoti hai ki pancham bhav par pachan tantra ka itna adhik mahatva kyon hai. dae. jagnath bhasin ne kaha ki- pancham bhav madhumakkhi ka chatta hai. yah ati sanvednshil bhav hai. manushya ki abhiruchiyan, mitra, manoranjan, bahu santan, pet, kokh (garbhashy) sabhi kuch to pancham bhav men hai. pancham bhav men sabhi bhavon ki sajhedari hai. pet men pahuncha hua bhojan choti ant, tatpashchat bari ant men jata hai.
pachan kriya men ras, rakt v sabhi dhatuon ki pushti hetu tatvon ko samet kar use malmutra ke rup men deh se bahar nikalne ke lie kramshah mutrashay v malashay ki or bhejti hai. anupyogi v nirarthak bhag, malmutra dvar (ashtam bhav) se bahar nikal jata hai. is prakar pratham lagn se ashtam bhav tak sabhi ka udar rog men pramukh yogdan hai. udaharan kundli 1: udar rog pirit (gal bledar men ston) bharni nakshatra - 2 prastut kundli men rahu/guru ki dasha men jatak ka gal blaidar nikala gaya jismen ston the. udaharan kundli men chandrama rahu, ketu, mangal se pirit hanai v guru, rahu v mangal ki purn drishti chandrama par hai. guru pittashay ka karak hai jisne apni dasha mahadsha men jatak ka aepreshan karvaya. kalpurush ki kundli men pancham bhav udar ko darshata hai jismen rahu upasthit hai jisne udar men taklif di. panchmesh shukra, shashthesh mangal se yukt hai, par shani jo ashtamesh bhi hai, ki drishti hai. shukra dvadshesh bhi hai jisne jatak ko rog diya.
udaharan kundli 2: udrrog pirit (kidni men ston) nakshatra: rohini-2 guru/guru ki dasha ke dauran jatak ko kidni ki bimari se jujhna para. saransh: samast jyotishiya karnon se yah spasht hota hai ki kisi bhi bat par jyotish men vichar karte samay sabandhit bhav v uske svami tatha uske karak dvara vichar kiya jana chahie. rahu v ketu ki drishti ka gyan jyotish men param avashyak hai. ye apne sthan par sthit rashi, bhav tatha grah par bhi purn drishti dalte hain. pancham bhav ka sanbandh pachan tantra, pachan kriya se hai. surya ko pachan tantra ka niyantrak mana jata hai.
hamare prachin vidvanon ka mat hai ki pachan kriya men rashmiyon ka mahatvapurn yogdan hai. jab bhi surya abhahin hota hai udar men garbri deta hai. jyotish ka niyam hai- aushdhi, mani, mantranan, grah nakshatra tarika. bhagya kale bhavetsihi abhagyan nishfalan bhavet.. satya hi kaha gaya hai ki jahan bhautik vigyan ki simaen samapt hoti hain vahin se adhyatm vigyan ki simaen praranbh hoti hain.