jyotish men ruchi rakhne vale uchcha/ nich ke grahon se rojana mukhatib hote hain aur grahon ki is sthiti ke adhar par falakathan bhi karte hain. shabdik paribhasha ke adhar par ‘uchcha’ ka tatparya samanya star se uncha aur ‘nich’ ka tatparya samanya star se nicha hota hai. is lekh ka vishay hai ki grah uchcha/nich ke kyon aur kaise hote hain? khagoliya drishtikon aj yah tathya sarvavidit hai ki sauramandal ke sabhi sadasya grah apne gurutvakarshan bal se bandhe hain aur surya ke charon or parikrama karte hain. chunki jatak (prekshaka) prithvi par janm leta hai isliye agar ham grahon ko prithvi se dekhen to kisi grah vishesh ka ‘uchcha’ vah bindu hua jab vah prithvi se adhikatam duri (surya siddhant ke anusar mandochcha) par hota hai. isi prakar ‘nich’ vah bindu hua jab vah prithvi se nyunatam duri (surya siddhant ke anusar shighrochcha) par hota hai. bhachakra (chitra) ko 12 barabar bhagon men banta gaya hai aur pratyek bhag ek rashi ka pratinidhitva karta hai. kaun se grah kitne digri par uchch aur nich hota hai yah nimn talika men varnit hai. vaidik drishtikon falit men jatak ki kundli ke yogon, dashaon, ashtakavarg aur gochar ke atirikt grahon ki shakti evan durbalata ka akalan bhi kiya jata hai. grahon ke bal ka nirdharan shadbal ganna-paddhati ke antargat ata hai aur jise sabhi vidvanon dvara nirvivadit manyata prapt hai.
‘shadbala’ sanskrit bhasha ka shabd hai aur iska arth hai, chah prakar ke bal yani grahon ke dvara chah sroton se prapt bal ka akalan. maharshi parashar (brihat parashar horashastram khanda-1, vyakhyakar do. sureshachandra mishra, adhyay 43, shlok 13, prishth 407) ke anusar chah prakar ke bal srot hain: sthan bal, digbal, kalabal, cheshta bal, naisargik bal, drigbal. sabhi prakar ke balon ko paddhatinusar nikalne ke pashchat hi kisi grah ke bal ka akalan kiya jata hai. chunki lekh ka vishay uchcha/nich hai to ham usi par dhyan kendrit karte hain. uchcha/nich bal, sthan bal ke panch bhagon men se ek hai.
anya char hain: saptavarg bal, oj yugm bal, kendra bal aur dreshkaen bal. arthat, kul chah sroton men se ‘sthan bal’ ek hai aur ‘sthan bal’ ke panch bhagon men se uchcha/nich bal ek hai. kisi grah ke kisi rashi vishesh men sthit hone se use keval atirikt uchcha/nich sthan bal prapt hota hai. arthat, grahon ka kul shadbal hi falit ke drishtikon se upyog men lana chahiye aur kundli men keval uchcha/nich ke grahon ke hone matra se kabhi bhi tatkal koi nishkarsh nahin nikalna chahiye. uchch aur nich kyon? grah uchcha/nich ke kyon mane jate hain? yah tarkasangat rup men kahin bhi paribhashit nahin mil paya hai. fir bhi agar samjhne ka prayas karen: ham yah jante hain ki sabhi grahon aur rashiyon ke apne-apne gun/ tatva/ svabhav/ pravritti/ maitri/ varn hote hain. to kya yah kisi prakar rashi vishesh ke gun/ tatva/ svabhav/ pravritti/ maitri/ varn se to sanbandhit nahin hai? aiye, is par ek drishti dalte hain: rajkiya prashasan jyotish ki kakshaon men anek bar grahon ke svabhav ko samjhne aur samjhane ke liye sauramandal ke grahon ki ek rashtra men mantrimandal se tulna ki jati hai. surya, sauramandal rupi prashasan ke raja hain aur mangal svamitva mesh rashi men 100 par param uchch ke mane jate hain. jab raja apne senapti ke sath ho to nishchit hi svayan ko shaktishali aur sabal mahsus karega. halanki, vrishchik bhi mangal ki rashi hai par mesh men atirikt bal isilie mana jata hai kyonki mesh rashi ek kshatriya rashi bhi hai jabki vrishchik ek brahman rashi hai. raja surya, shukra svamitva-tula rashi men 100 par param nich ke hote hain. shukra asuron ke guru hain aur surya unhen shatru mante hain.
iske atirikt tula rashi shudra rashi ki shreni men ati hai. arthat, raja ke lie kisi bhi prakar se upyukt sthan nahin hai aur raja ko is ghar men nyunatam sthan bal prapt hota hai. chandrama ko rajkiya prashasan men rani ka darja prapt hai aur yah shukra-svamitva vrishabh rashi men 30 par param uchch ke mane jate hain. asur-guru shukra ki pravritti rajsik hai, arthat gyan ke atirikt sabhi prakar ke sukh-sadhan ki bhi vyavastha hai. isilie rani svayan ko vrishabh men uttam mahsus karti hain. iske viprit chandrama, mangl- svamitva vrishchik rashi men 30 par svayan ko atyant nirbal pati hain kyonki senapti mangal atyant shaktishali hai aur rani apni shakti ka senapti ke samaksh katai prayog nahin kar sakti hain. mangal ko prashasan men senapti ka pad prapt hai. mangal shani-svamitva makar rashi men 280 par param uchch ke mane jate hain.
shani rajya ki sena ka pratinidhitva karte hain aur senapti apni sena ke sath hoga to atyant bali sthiti men to hoga hi. mangal, chandra-svamitva kark rashi men 280 par param nich ke mane jate hain. kark rashi par rani chandrama ka adhipatya hai. senapti, rani ke samaksh kisi bhi prakar ki shakti ya akramkta ka prayog nahin kar sakta hai isiliye svayan ko atyant nirbal pata hai. budh ko rajya ka rajkumar kaha gaya hai. rajkumar apne mahal men hi sabse shaktishali hote hain kyonki unhen vahan raja aur rani ka sanrakshan bhi prapt rahta hai. isliye budh, kanya rashi men 150 par param uchch ke hote hain. budh, min rashi men 150 par param nich ke hote hain. budh ek rajsik pravritti ke rajkumar hain aur guru-svamitva min rashi men unhen keval satvikta aur gyan ka hi vatavaran milta hai. isiliye rajguru guru ke pratyaksh svayan ko balhin pate hain. guru ko prashasan men rajguru ka sammanit pad prapt hai. jab guru raja ke samaksh hote hanai to unhen raja ka margadarshan karna hota hai aur raja ke adeshon ka palan bhi karna hota hai. jab guru, rani chandrama ki kark rashi men hote hanai tab unhen atyadhik samman prapt hota hai isiliye guru chandra-svamitva kark rashi men 50 par svayan ko atyant shubh vatavaran men pate hain. guru, makar rashi men 50 par param nich ke hote hain. guru brahman grah hai aur unmen gyan aur satvikta ki prachurta hai.
shani ko sainik ki sangya di gayi hai. jab guru, shani-svamitva makar rashi men hote hanai to svayan ko upyukt sthan par nahin pate kyonki shani ek tamsik pravritti ke grah hain. sainik ko n to gyan ki baton men koi ruchi hoti hai n hi kisi prakar ki satvikta men. arthat, guru ko apne pad ka ahankar bhul kar atyant samanya hona parta hai jisse vah apna sthan bal kho dete hain ya nich ke ho jate hain. shukra ko asuron ke guru ka pad prapt hai. vah kafi gyani aur mritsanjivni vidya ke gyata bhi hain. parantu asuron ke guru hone ke karan unka adhikatam samay tamsik aur rajsik vatavaran men hi bitta hai. parantu jab shukra, guru-svamitva min rashi men 270 ke hote hain to svayan ko gyan evan satvikta ke shuddh vatavaran men atyant achcha mahsus karte hain. arthat, uchch ke hote hain. shukra, rajkiya prashasan men apna sanbandh kayam rakhne ke liye rajkumar budh ko mitra mante hain. budh ki ichchapurti ke lie unhen apne ahankar aur gyan ki bhi bali deni parti hai jisse unke gunon men kami ati hai aur shaktihin ho jate hain. arthat, vah budh ki kanya rashi men 270 par param nich ke hote hain. shani rajya ki sena/sainik hain aur shukra rajsik pravritti ke asur-guru hain. shukra ke pas bhog-vilas ke sabhi sadhan upalabdh hain aur jab shani shukra-svamitva tula rashi men hote hain to bhog-vilas ke sath-sath unhen shaktishali asur-guru shukra ka sanrakshan bhi prapt hota hai. isi karanavash tula men 200 par param uchch ke mane jate hain. jab sainik apne senapti ke sath hota hai to use uske adhinasth kam karna parta hai aur pratyek adesh ka vahan bhi karna hota hai.
sainik svayan ko senapti ke samaksh atyant balhin pate hain isilie shani, mangl-svamitva mesh rashi men 200 par param nich ke hote hain. tatvon ke adhar par grahon aur rashiyon ke tatvon (agni, prithvi, vayu aur jal) ka jyotish men bahut mahatva hai. aiye dekhen, ki kya tatvon ke apsi samanvay ka bhi grahon ke uchcha/nich se koi sanbandh hai? surya, mesh rashi men uchch ke hote hain. surya, ek agni tatva grah hain aur mesh ek agni tatva rashi. arthat, donon men hi agni tatva ki pradhanta hai aur surya ko apne gunon jaise mahatvakanksha, adhikar, satvikta, netritva, yash, nirnay kshamata ityadi ko pane men agni tatva pradhan mesh rashi ke sannidhya men atirikt bal milta hai. surya, tula rashi men nich ke hote hain. tula vayu rashi hai. vayu vatavaran men surya ko apni agni (shakti) ko sahi disha men pravahit karne men kathinai ati hai aur apni shakti ka koi sakaratmak upyog nahin kar pate hain. chandra, vrishabh rashi men uchch ke hote hain. chandra ek jal tatva grah hai aur vrishabh ek prithvi tatva rashi hai. prithvi arthat sthirta hone se jal pravah ko majbut adhar, sthirta aur disha milti hai aur is karanavash chandra ke karak tatvon men vriddhi hoti hai jaise bhavnaon ka santulan bhali-bhanti ho pata hai jisse apsi sanbandhon men bhi labh prapti hoti hai. chandra, vrishchik rashi men nich ke hote hain. vrishchik ek sthir rashi ke sath-sath jal tatva pradhan rashi bhi hai. jal tatva/pravah ki adhikta (chandra bhi jal tatva) ke falasvarup chandra ke karak tatvon men asantulan ho jata hai. jis prakar jal ki adhikta (barh) se sab kuch nasht ho jata hai usi prakar bhavnaon ke asantulan ya kamjor ichcha shakti se bhi kasht aur pareshaniyan bahut bari lagti hain aur jivan ka santulan purnatah bigar jata hai.
mangal, makar rashi men uchch ke hote hain. mangal ek agni tatva grah hai aur makar ek sthir evan prithvi tatva rashi hai. mangal ki agni/ akramkta/shakti ka ek sthir rashi men dhairya purn dhang se, santulit evan sakaratmak rup se upyog hota hai. isliye, mangal makar rashi men atirikt sthan bal prapt kar uchch ke hote hain. mangal, kark men nich ke hote hain. kark ek jal tatva rashi hai jo agni ko bujha deti hai. arthat, mangal apna sthan bal purnatah kho dete hain aur jatak men udahrntah kam sahas, darpokapan ya anavashyak krodh a sakta hai. budh, kanya rashi men uchch ke hote hain. budh, apni buddhimani, vani, vyavharikta, vishleshnatmak shakti adi ke karak hain aur ek prithvi tatva grah hain. kanya ek dvisvabhav evan prithvi tatva rashi hai. arthat, prithvi tatva grah ko prithvi tatva rashi men ek shaktishali adhar milta hai aur vyavharikta aur mansik shreshthata ko banane ya banaye rakhne men sahayta milti hai. budh, min rashi men nich ke hote hain. min ek jal tatva aur dvisvabhav rashi hai. jal rashi men buddhimani, vani, vyavharikta, vishleshnatmak shakti adi ko thos adhar nahin mil pata hai aur avyavharikta barhti hai. sthirta ki kami ke karan budh sthan shakti kho dete hain aur svayan ko min rashi men sarvadhik nirbal pate hain. guru, kark rashi men uchch ke hote hanai. kark, ek jal tatva rashi hai. guru, ek akash tatva evan gyan ka grah hai jinhen jal men prabal pravah milta hai jo gyan ke vistar men sahayak hota hai. arthat, guru apne karak tatvon men atyadhik teji se vriddhi kar pate hain. guru, makar men nich ke hote hain.
makar ek sthir rashi hai jo gyan ke vistara/pravah men thahrav ka vatavaran nirmit karta hai. gyan vyakti ko paise, yash aur shakti se bhi adhik ahankari banata hai. guru ki karak tatvon men kami se jatak ahankari, bhautikvadi aur svarthi ho jata hai. shukra, min rashi men uchch ke hote hain. shukra, ek jal tatva pradhan grah hai aur min ek dvisvabhav v jal tatva pradhan rashi hai. shukra ki rajsik pravritti ke karan unko bhog-vilas, saundarya, kala, prashansa ityadi priya hain. halanki, shukra ka jal tatva aur min ka jal tatva jal ki adhikta pradarshit karta hai parantu min par guru ka svamitva hai isilie is rashi men jal pravah santulit, sakaratmak v gyan vardhak hai. shukra, kanya men nich ke hote hain. shukra ek jal tatva pradhan grah hain aur kanya ek prithvi tatva v dvisvabhav rashi hai. shukra ke aishvarya evan bhog-vilas ki ichcha ko kanya ka prithvi tatva sthirta pradan karta hai arthat unki purti hone se rokta hai. jatak bhautikvadi ban sakta hai aur bhog-vilas prapt karne ke lie kisi bhi had tak ja sakta hai arthat, balhin ya nich ka hota hai.
shani, tula men uchch ke hote hain. shani vayu tatva pradhan grah hai aur tula vayu tatva pradhan rashi hai. vayu tatva ko vayu rashi ka sath milne se atirikt sthan bal prapt hota hai aur atyadhik anukul vatavaran banta hai. sabal shani, jatak ko bhay se mukti, tap-tapasya, nyay, sahishnuta, dayaluta ityadi pradan karta hai. shani, mesh men nich ke hote hai. shani vayu tatva grah hain aur mesh agni tatva rashi hai. vayu ke pravah men agni ka sammilit hona keval nuksan ka hi dyotak ho sakta hai. nirbal shani, jatak ko mansik aur sharirik hani jaise daridrata, bimari adi deta hai.
nakshatron ke adhar par nakshatra to jyotish ka adhar hai. bhachakra ki pratyek rashi men sava do nakshatra hote hain. aiye dekhen ki grahon ki kisi rashi vishesh sthiti par kya nakshatron ka bhi prabhav parta hai jisse ve uchch ke hote hain? surya, mesh rashi men 10 degree par ashvini nakshatra men param uchch ke hote hain. ashvini, surya ke putra evan devtaon ke chikitsak mane jate hain. surya d1 men mesh par 10 degree ke hokar k9 men budh-svamitva mithun rashi ke navansh men jayenge aur budh bhi surya ke putra hi hain. surya ki apne putron ke sath sthiti atyant labhkari aur sukhad vatavaran nirmit karti hai. chandra, vrishabh rashi men 3 degree par krittika nakshatra men param uchch ke hote hain. krittika nakshatra ka svamitva surya ke pas hai. chandra ka surya ka sath milne se svabhavik hi chandra ko sabse adhik shakti milegi kyonki chandra rani hai to surya raja.
mangal, makar rashi men 28 degree par dhanishtha nakshatra men param uchch ke hote hain. dhanishtha nakshatra ke dasha svami bhi mangal hi hain. arthat, unhen atirikt sthan bal prapt hota hai aur unki yah sthiti mangal ke sabhi karak tatvon men vriddhi karti hai kyonki yah vatavaran unke liye sarvadhik anukul hai. budh, kanya rashi men 15degree par purva falguni nakshatra men param uchch ke hote hain. purva falguni ke dasha svami shukra hain aur shukra-budh paraspar mitra hain. iske atirikt budh k1 men kanya rashi men 15degree ke hokar d9 men bhi kanya men jakar vargottam ho jate hain aur apne karak tatvon men sakaratmak rup se vriddhi karte hain. guru, kark rashi men 5 degree par param uchch ke hote hain aur pushya nakshatra ke adhishthata guru svayan hain (dasha svami shani hain). svayan ke nakshatra men guru atyant bali rahte hain aur apne sabhi karak tatvon men vriddhi karte hain.
pushya nakshatra ki atyadhik shubhta ke karan ise mahanakshatra bhi kaha jata hai. iske atirikt, guru d1 men kark rashi men 5 degree ke hokar d9 men surya-svamitva sinh rashi ke navansh men jayenge aur surya evan guru paraspar mitra hain. arthat, yah sthiti guru ke liye atyant anukul sthiti hai. shukra, min men 27 degree par revti nakshatra men uchch ke hote hain. revti nakshatra ke dasha svami budh hain aur shukra-budh paraspar mitra hain. iske atirikt shukrad1 men min men 27 degree ke hokar k9 men bhi min men hi jakar vargottam ho jate hain aur apne karak tatvon men sakaratmak rup se vriddhi karte hain jaise jatak ko sabhi sansarik sukh prapt hote hain, jatak ko atmik bodh ki or agrasar karte hain, samadhi ke karak bhi shukra hi hain. shani, tula rashi men 20 degree par svati nakshatra men param uchch ke hote hain. svati nakshatra ke adhishthata vayu dev hain aur shani bhi vayu tatva pradhan grah hai. shani apne adhishthata ke vatavaran men atyant shaktishali ho jate hain. svati nakshatra ke dasha svami rahu hain. ‘shanivat rahu’ ke anusar shani ko apni hi pravritti ke ek aur grah ka sannidhya mil jata hai jo ki keval sahacharya se hi karya karte hain. arthat, shani ki bhanti hi karya karenge. iske atirikt, shani d1 men tula men 20 degree ke hokar d9 men budh-svamitva kanya rashi ke navansh men jayenge aur budh evan shani