vigat samay men paranpragat purohiton evan panditon dvara hath se kundli ka nirman kiya jata tha. hath se banne vali kundli ki ganna karne men bahut lanba samay lagta tha, aur usmen ganna sanbandhit galtiyan hone ki sanbhavna bhi rahti thi. parantu us samay hast nirmit kundli ko vishvas ki najron se dekha jata tha kyonki amajan apni aur apni santan ki > kundli banvane ke lie purohit ke pas hi jate the. chunki purohit ko shraddha ki najron se dekha jata tha islie unki batai gai har bat par vishvas kar lena svabhavik tha.
kal ka jyotish
1981 men kanpyutar sains men pi.echdi karte hue jab mainne pratham jyotishiya saeftaveyr ka nirman kiya to us samay yah panditon ko yah avishvasniya to laga hi sath hi iski shuddhata par vishvas karne men bhi amajan ko varshon ka samay lag gaya. aj sthiti iske viprit hai, aj hastanirmit kundli ki ganna par sandeh kiya jata hai parantu kanpyutar nirmit kundli ki ganna par nahin . hastanirmit kundli ka chalan vartaman samay men islie bhi kam ho gaya hai kyonki ek to yah samay adhik leti hai dusre shuddh ganna karne vale vidvanon ki bhi kami hai.
kai bar jyotishi svayan faladesh karte samay satik faladesh karne men asamarth hota hai, jiska karan jyotish ke gyan men kami, ekagrata men kami aur isht ki kripa men kami hoti hai. sanbhav hai ki faladesh karte samay jyotishi ko kam samay men adhik baten us samay yad n rahi hon. hastalikhit kundli ki khas bat yah hoti hai ki nirmanakarta jatak ko dhyan men rakhakar satik faladesh kar sakta hai. kanpyutar nirmit faladesh vistrit to avashya hota hai, parantu fir bhi mashin nirmit hone ke karan iske faladesh men vyakti vishesh aur vivek ki kami samne ati hai.
aj ka jyotish
aj jyotish ka rup kafi brihad ho gaya hai. tivi chainal, nyuj pepar athva maigjin har jagah jyotish vidyaman rahta hai. hajaron vebsait par jyotish ki shiksha, paramarsh, jyotishiya samagri, ratn adi asani se upalabdh hain. sabhi tarah ke mantra bhi intaranet par dhundh kar sun sakte hain. hajaron muft aips bhi mobail fon par upalabdh hain jo pratidin ke panchang se lekar pratidin ka faladesh dene men saksham hai.
iske viprit kanpyutraij faladesh men jatak ke jivan se sanbandh nahin hota hai. koi bhi vyakti gyan prapt karna chahta hai to yutyub par har vishay par vistrit vidiyo bhi upalabdh hai. emajon v gugal ke naye upakaran eleksa v gugal hom par ap apna satik bhavishyafal v roj ke mantrajap adi bahut kuch sun sakte hain.
ab jyotish men sabhi varg ke parhe likhe logon ki jigyasa barhti ja rahi hai jo janna chahte hain ki kaise jyotish se ham apna jivan aur sukhi bana sakte hain aur badhaon se mukt ho sakte hain. parantu aj bhi ek kami sada rahti hai ki satik ganit hone ke bad bhi bhavishyakathan men purn satikta nahin ati. iska kya karan hai. kya jyotish men hi yah kami hai ya hamare bhavishyakathan ke gyan men.
jyotish men kie gae anekon shodh patron se yah gyat hota hai ki jo siddhant hamare prachin jyotish granthon men likhe gaye hain unhen ham aj ki jivnshaili men purn rup se nahin laga sakte. in sabhi yogon ko aj ke samajik parivesh men parivartit karne ki avashyakta hai.
sath hi ham kisi ek ya kuch grahon ya bhavon ko adhar man kar satik bhavishyakathan nahin kar sakte. iske lie hamen sabhi grahon v sabhi bhavon ka upyog karna hoga aur vibhinn prakar ke kaembineshan bhi sammilit karne honge. yah kam atyant hi vistrit v klisht hai. iske lie hamen apne gyan ke sath mashini dimag ka bhi sahara lena hoga. iske uprant hi ham ismen satikta la paenge.
apni kundli men rajyogon ki jankari paen brihat kundli riport men
ane vale kal ka jyotish
bhavishya men satik bhavishyakathan hi pramukh upalabdhi hogi. is jyotish men mashin hamari bhasha samjhegi aur hamari bhasha men hi javab de sakegi. isi ko purn prathmikta di jaegi. mashin jyotish ke dvara mausam ke lanbe samay ka purvanuman, sheyar bajar v kamoditi market ka purvanuman, kal ke jyotish ke mukhya akarshan honge.
sheyar market ke bare men aksar kaha jata hai ki is par jyotish ke faladesh par purn vishvas nahin kiya ja sakta. par bhavishya men aisa nahin hoga. ane vala jyotish purn rup se sheyar market v mausam ke lie bhi lambe samay ke lie falakathan karne men saksham hoga. aisa bhavishyakathan anya kisi bhi vigyan dvara nahin kiya ja sakta. kal ka jyotish nishchit rup se manav kalyan ke hit ke lie satik karya karne men samarth hoga.
bhavishya men kampyutar par artifishiyal intelijens ( e. ai) ka bolbala rahega. jis prakar se kal ke yug men kampyutar jyotish ne ek naya adhyay jora, fir intaranet v mobail ne naya rup diya ab kal ke yug men e.ai ka ek naya adhyay jurne ja raha hai.
is e.ai paddhati men kampyutar men hajaron v lakhon udaharan ke dvara data fid kiya jata hai aur sabhi chote-chote binduon ko jor kar kampyutar apni intelijens se naya sutra taiyar kar leta hai aur age bhavishyakathan karne ke lie taiyar ho jata hai. arthat is men ham lakhon kundliyan kampyutar men fid kar dete hain aur un lakhon jatkon ki jivan ki choti-bari sabhi ghatnaon ko bhi kampyutar men fid kar dete hain.
kampyutar ki e.ai svatah hi janmakalin grahon, gochar ke grahon v jivan men ghati ghatnaon ka apas men sanbandh sthapit kar leti hai, jinhen yog kaha jata hai. is prakar ke hajaron yogon ko lagu kar ke e.ai satik bhavishyakathan karne men saksham hoti hai.
apki kundli men chipe raj yog janne ke lie klik karen
bhavishya men jyotish ki satikta ko dekhte hue sarkar bhi is vishay men dilachaspi legi tatha ise vishvavidyalyon men ek vishay ka darja prapt hoga jiske falasvarup ismen shodhkarya aur teji se tatha vaigyanik rup men ho paenge jisse faladesh men aur satikta aegi.
jyotish men bhavishyakathan itna asan nahin hai ki manushya sukshm se sukshm ganit ke dvara shatapratishat sahi bhavishyakathan kar sake. iske lie bhi mashin ki avashyakta hai. parantu mashin men manushya ki tarah dil nahin dharkta islie vah yah nahin samjhti ki kis ko kis prakar se kaise kahna hai. kai bar kuch ghatnaon ke bare men jante hue bhi kuch baton ko jatak se chipane ki avashyakta hoti hai.
jisse ki jo jatak jyotishi ke pas ae vah usse nai sfurti v jine ki asha lekar jae. shayad dirgh bhavishya men mashin aisa karne men bhi saksham ho jae. lekin aisa nahin hai ki manushya mashin ka das ho jaega ya jyotishi bina kam ke ho jaenge.
jab kampyutar ka prarambh hua tha tab bhi anekon sansthanon men kampyutrikaran ke khilaf bahut se pradarshan hue the lekin aj har vyakti kampyutar ko apna sahyogi hi manta hai n ki apna pratidvandvi. isi prakar se bhavishya men yadi kampyutar satik bhavishyavani karne men safal hue to jahan ek taraf yah jyotish ki satikta ka praman hoga vahin dusri taraf jyotishiyon ke lie sukhad vardan sabit hoga.
bhavishya men ham aise jyotishiya program ki parikalpana kar sakte hain jismen jatak jab kampyutar ke pas aega to kampyutar uski shakla kaimre men dekh kar pahchan jaega aur apne deta baink se dhanurh kar uska janm vivaran prapt kar lega.
uski janmakundali v prashn kundali bana kar yah batane men saksham hoga ki jatak kya janna chahta hai aur use kya samasya hai. vah uska uttar bhrigu sanhita v nari shastra ke anurup bata kar unhen ashcharyachkit kar sakta hai. sath hi vah sahi upay batakar samasya ka sahi samadhan bhi de paega.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.