‘sarve bhavantu sukhinah sarve santu niramya. sarve bhadrani pashyantu ma kashchidduahkhbhagbhavet..’’ vaidik sanskriti sarvada se hi lok kalyan tatha atmakalyan donon ko hi saman rup se mahatva deti rahi hai. vaidik richaon men jahan rishigan atmakalyan ke lie devtaon ki stuti karte hain, vahin samaj, rashtra tatha vishvakalyan ki bhavna se ot-prot sukton ki upasthiti unke sarvabhaumik kalyan ki udatt bhavna ka sahaj hi digdarshan kara deti hai. aj sampurn vishva anek prakar ki samasyaon se grast hai, jiske karan manav sabhyata ko jan-dhan ki hani to ho hi rahi hai, sath hi sath use apne astitva par bhi sankat mandrata hua dikh raha hai.
inmen se adhikansh samasyaen to manushya dvara svayan hi nirmit ki gai hain aur kuch samasyaen prakritik hain. donon hi prakar ki samasyaon ke samadhan tatha inse mukti hetu jab bhi koi sarthak prayas kiya jata hai, vidvat samaj ki ashapurn drishti svatah hi vaidik sahitya ki or uth jati hai. vaidik rishiyon ne manvmatra ke kalyan ko apna param uddeshya manakar hi jyotish vedang ki rachna ki. jyotish vedang kalvidhan shastra hai aur apne is vaishishtya ko vah samashti tatha vyashti donon hi dharatal par saman rup se upyogi banae rakhne men samarth raha hai. triskandh jyotishshastra ke sanhita skandh men rashtravishayak faladesh ko sarvadhik mahatva dene ki parampara rahi hai. prakritik apdaon ne atyant prachinkal se hi manav sabhyata ko kshati pahunchai hai. in apdaon ko sanhita jyotish men utpat ki sangya se abhihit kiya gaya hai. bhukamp ko bhaumutpat ki shreni men rakha gaya hai.
bhupurvanuman ke sandarbh men in sanhita granthon ke sandarbh men atyant vistar se charcha ki gai hai. bhukamp ke karnon par vistrit charcha ke bad in granthon men aisi grah sthitiyon ko spasht rup se chihnit kiya gaya hai, jismen bhukamp ane ki sarvadhik sanbhavna rahti hai. vaigyanik vikas ke is yug men aj bhi bhukamp ka purvanuman sanbhav nahin ho saka hai. hajaron varsh purva ki in rachnaon ke sahyog se yadi bhukamp purvanuman ki disha men kuch bhi sahayta milti hai to vah manav matra ke kalyan ki disha men advitiya kadam hoga. prastut shodh prabandh men bhukamp ke karnon ke pauranik tatha adhunik karnon ke ullekh ke uprant bhukamp purvanuman ki adhunik vidhiyon ko sanketit karne ke sath hi sanhita jyotish ke granthon men upalabdh bhukampotpatti se sanbandhit grahyogon ka prastutikaran tatha vishleshan kiya gaya hai.
prakritik apdaon men barh, bhukamp, tufan, bhu-skhalan, badlon ka fatna, sunami, ulkapat, jvalamukhi visfot adi pramukh hain. in apdaon ke karan prativarsh lakhon log akal mrityu ko prapt hote hain tatha sanbandhit rashtra ko bhishan arthik kshati bhi jhelni parti hai. aj vigyan kafi tarakki kar chuka hai aur mukhyadhara ke vaigyanik in tathya ko svikar bhi karte hain. upagrahon adi ke madhyam se ve sahaj hi mausam ka purvanuman kar lete hain aur bhishan barish, andhi-tufan, chakravat adi se hone vale vyapak jan-mal ki hani ko kafi sima tak kam bhi kar lete hain. is sandarbh men bharat men aya vinashkari tufan ‘failin’ tatha amerika ka ‘kaitrina’ chakravat dhyatavya hai. ye donon hi apdaen kafi vinashkari thin, parantu is sambandh men purvanuman hone ke karan sthaniya prashasan tatha vahan ki janta ne is vibhishika se hone vali mauton ki sankhya ko kafi kam kar diya. bhukamp bhi ek isi prakar ki apda hai.
duniya bhar men har sal lagabhag panch lakh bhukamp ate hain. parantu hamen keval kuch sau bhukampon ki hi suchna mil pati hain aur inmen se bhi kuch ek bhukamp hi atyant shaktishali hote hain aur vyapak jan-mal ki kshati karne men samarth hote hain. bhukamp ke karan (bhartiya mat)- bhukampotpatti se sanbandhit anek siddhant puranon tatha jyotishshastriya granthon men upalabdh hanai, parantu inmen se adhikanshtah lakshanik hain. isi prakar adhunik vaigyanikon ne bhi bhukampotpatti se sambandhit kai siddhanton ka pratipadan kiya hai. inhen prachin bhartiya mat tatha adhunik mat men vargikrit kiya ja sakta hai.
û jal men rahne vale vishal sharirdhari jivon ke bhumi par aghat ke karan.
û ashtadiggajon ki thakavat tatha shaithilya ke karan.
û vayu ke paraspar takrahat ke karan uska prabhav bhumi par bhi parta hai.
û akash men urne vale parvaton ke karan.
û bhumi ke bhar se thak kar jab bhagvan sheshnag niahshvas karte hain to bhukamp hota hai.
û manushyon men papon ke adhikya aur avinya se hi ye upadrav ya utpat hote hain. manushyon ke in papakarm tatha avinay se devagan aprasann hote hain tatha in utpaton ko utpann karte hain. adhunik matah- navin vaigyanik shodhon ke adhar par siddh ho gaya hai ki bhukamp ke karan kuch anya hi hain.
inke anusar bhukamp nimnalikhit karnon se hota hai- (1) jvalamukhi kriya ;tavsbandapab .bajpapajaladdh (2) vivatrtanik karan ;jmabajavadapab tmanevdeddh (3) samasthitik samayojan ;pevejanjapab .karnejaumadajaddh (4) sthaniya karan ;svabans bnnemeddh (5) bhupatal sikuran ;btanejans aiitpdapadahaddh (6) plet vivartaniki ;chsanjam.jmabajavadapabeddh (7) manvjnit karak ;.dajitavachavahamadapab thnbjvteddh ye bhukamp apni tivrata ke anusar hi vinashkari prabhav utpann karte hain. bhukampon ki tivrata riktar skel par mapi jati hai, jiska avishkar 1935 i. men chalrs riktar mahoday ne kiya tha. adhunik vaigyanik bhukamp purvanuman ke lie bhugarbhiya sarvekshan ka ashray lete hain. parantu yah vidhi santoshajanak fal dene men saksham nahin hai. bhukamp purvanuman ke kshetra men jyotishshastriya sanbhavnaen- jahan tak jyotish ke granthon ka prashn hai in granthon men bhukamp ke karnon ki apeksha bhukamp ke purvanuman ke sambandh men adhik charcha ki gai hai. sanhita jyatish ke adhar par bhukamp ka dirghakalik,madhya kalik tatha alpakalik purvanuman sanbhav hai
grahchar adhyayon men yatha bhaumchar, shanichar, rahuchar, grahnadhyay adi men vibhinn grah sthitiyon ki atyant vistrit charcha ki gai hai jo sanbhavit bhukamp ke dyotak mane gae hain. shakun shastra ke vibhinn granthon yatha vasantaraj shakun men bhi is sandarbh men charcha ki gai hai. bhukamp se purva pashu-pakshiyon ke vyavhar men ane vale parivartanon ko bhi bhukamp purvanuman ki sahayak samagri ke rup men prayog kiya ja sakta hai. jyotishshastra ke granthon men bhukamp ki ganna utpaton men ki gai hai. ye utpat hain- divya utpat, antariksh utpat evan bhumi utpat. bhukamp bhaumutpat hai- utpadyate kshitau yachch sthavar vath jangamam. tadekdeshikan bhaummutpatan parikirtitam.. bhukamp sthan ko kampit kar apne sthan se hata deta hai. bhumi kampit ho to bhukamp kaha jata hai
tatha iske karan desh bhang arthat rajya parivartan athva yuddhadi ke karan desh ka nash adi duryog bante hain. iska karn-adharm, asatya, nastikta, abhilobh manushyon ke anachar ko mana gaya hai. bhukamp ki ganna doshon men ki gai hai. mandal nakshatra vayavya mandal ashvini, mrigshirsh, punarvasu, uttara falguni, hast, chitra, svati agni mandal pushya, vishakha, bharni, magha, purva falguni, kritika, purva bhadrapad indra mandal abhijit, rohini, uttarasharha, jyeshtha, dhanishtha, shravan, anuradha varun mandal mul, uttara bhadrapad, shatbhisha, revti, adrra, ashlesha, purvasharha bhukamp purvanuman ki drishti se nakshatra chakra ka vibhajn- bhukamp vigyan ke drishtikon se sampurn nakshatra chakra ko char vibhagon vayavya mandal, agni mandal, indra mandal aur varun mandal men vibhajit kiya gaya hai.
adholikhit talika is sambandh men drashtavya hai- bhukamp ke jyotishshastriya yog- bhukamp purvanuman ke sandarbh men sanhita granthon men atyant vistar se charcha ki gai hai. in granthon men aisi grah sthitiyon ko spasht rup se chihnit kiya gaya hai, jismen bhukamp ane ki sarvadhik sanbhavna rahti hai-
û rahu se mangal satven ho, mangal se budh panchve ho, chandrama budh se chaithe ho athva kendra men kahin bhi ho to bhukamp yog banta hai.
û yadi mangal purva-falguni nakshatra men uday karta hai athva uttarasharha nakshatra men vakri hota hai tatha rohini nakshatra men ast hota hai to sampurn prithvi mandal ka bhraman athva bhukamp hota hai.
û yadi mangal magha evan rohini nakshatra ke yogtara ka bhedan karta hai to bhukamp hota hai.
û vijay sanvatsar men bhukamp ke yog bante hain.
û dhanu rashi men brihaspati ke jane par bhukamp ata hai.
û sabhi grahon ki yuti ek hi rashiyon men ho.
û shani, mangal tatha rahu kendra, 2/12 ya 6/8 men ho.
û shani jab min rashi men ho to bhi bhukamp hote hain.
û vrish tatha vrishchik rashi ka bhukamp se vishesh sambandh drishtigat hota hai. guru, shani, harshal tatha nepachyun sthir rashi men ho, visheshakar vrish tatha vrishchik rashiyon men.
û grahnkalin rashi se chaturth rashi yadi sthir rashi ho aur usmen koi krur grah avasthit ho.
û guru, vrish ya vrishchik rashi men hon, tatha budh ke sath yuti kar raha ho athva samasaptam men ho.
û rahu mangal se saptam men, budh mangal se pancham men, tatha chandrama budh se kendra men ho.
û mandagati grah yadi ek dusre se kendra, shadashtak, athva trikon bhavon men ho, athva yuti sambandh bana raha ho.
û chandrama tatha budh ki yuti ho evan dusre ki rashi ya kshetra men ho athva ek hi grah ke nakshatra men hon.
û surya ke satah par ane vale jvar-bhatiya avegon ka adhikya bhi bhukamp ki sanbhavna utpann karta hai. surya ki satah par dikhne vale dhabbon men hone vale vishisht parivartan bhi bhukamp ka sanket dete hain.
û koi mandagati grah vakri se margi ho raha ho athva margi se vakri, yah kalavdhi bhukamp ki drishti se atyadhik sanvednshil mani gai hai.
û bhukamp prayah grahan ke as-pas, suryoday athva suryast, arddh divas ya arddharatri, purnima athva amavasya ke samipasth tithiyon ko ata hai. shakunshastra dvara bhukamp ka purvanuman- jyotishshastra ki shakun shakha ke dvara bhi bhukamp ka purvanuman kiya ja sakta hai. prayah dekha gaya hai ki bhukamp se thik purva pakshiyon ke vyavhar men kafi parivartan a jata hai. apekshakrit adhik sanvednshil pakshi yatha-kak, kabutar, chil adi ka vyavhar badal jata hai.
ye samuh men shor karte hue urne lagte hain. kutte tatha gay adi bhi uchch svar men bolne lagte hain. shvanon ka rudan tatha gauvansh ke vyavhar par sukshm drishtipat dvara utpaton ka purvanuman kar sakte hain. adhunik mukhya dhara ke vaigyanikon ne bhi svikar kiya hai ki japan ke samudri tat par ae sunami se thik pahle vahan pae jane vale dalfin tatha shark machliyon ke vyavhar men kafi parivartan a gaya tha. bhukamp ke prabhav ka vistar- prachin matanusar shubhashubh fal ke nimitt hi vayu, agni, indra tatha varun din tatha rat ke kram se pratham, dvitiya, tritiya tatha chaturth bhag men bhumi ko kampit karte hain.
vayavya mandal ka bhukamp do sau yojan, agnimandal ka bhukamp dash yojan, varun mandal ka bhukamp ek sau assi yojan tatha aindra mandal ka bhukamp ath yojan se adhik bhumi ko kampayman karta hai. in charon mandalon men se kisi bhi nakshatra men bhukamp ane ki sanbhavna ho to sat din purva hi kai lakshan utpann hote hain, jinhen dekhakar bhukamp ka purvanuman kiya ja sakta hai. adholikhit talika is sambandh men drashtavya hai- nakshatra mandal prabhavit rashtra bhukamp purva lakshan vayavya mandal saurashtra, kuru, magadh, dasharn, matsya desh akash men charon or dhum vyapt hota hai, prithvi se dhuli urti hai, vrikshon ko torti hui hava chalti hai aur surya ki kirnen mand ho jati hain. agni mandal ang, bahlik, tangan, kaling, bang, dravir, shabar digdah ke sath tara tatha ulka ke girne se akash agniyukt ho jata hai
tatha vayu ki sahayta se agni vicharan karti hai. varun mandal gonard, chedi, kukur, kirat, videh samudra aur nadi ke tat par rahne valon ka nash, ativrishti ka bhay. aindra mandal kashi, yugandhar, paurav, kirat, kir, abhisar, hal, madra, arbud, saurashtra, malav parvat ke saman sharir vale, gambhir shabd yukt, vidyut yukt, mahishshring, bhramrkul tatha sarpon ke saman kantivale megh varsha karte hain in bhukampon ka purvanuman adhunik vaigyanik vidhiyon dvara sambhav nahin hai. atah avashyak hai ki prachin bhartiya bhukamp vigyan ka ashray lekar iske purvanuman ki disha men pravritt hona chahie.