niahsantan yog- jyotishiya vishleshn

Sanjay Budhiraja

Views : 8434 | January 2014

bharatavarsh men vivah ke pashchat santan utpatti visheshakar putra ka janm vansh ko chalane ke liye anivarya sa mana jata hai. kisi bhi karan se yadi santan ki utpatti ho to vaivahik jivan niras sa ho jata hai. ishvar ki kripa v grahon ke ashirvad ke bina santan ka hona sanbhav nahin hota. jyotish ke vidvan ‘‘maharshi parashr’’ ne kaha hai ki niahsantan hone ke mukhyatah nimn tin yog hote hain -

1. lagnesh ka nirbal hona

2. panchmesh ka nirbal hona

3. santan karak guru ka nirbal hona baki sabhi niyam inhin tin niyamon ke hi vibhinn yog hain.

udaharan ke liye -

1. yadi rahu panchamasth ho aur mangal dvara drisht ho to santan ki kshati hoti hai.

2. yadi panchmesh rahu ho v shani ke sath panchamasth ho aur un par chandrama ki drishti ho to santan hinta ka yog banta hai.

3. yadi panchmesh nirbal ho v guru grah rahu ke sath ho to sarp shap ke karan santan ka nash hota hai. ‘‘faldipika’’ men nimn yogon ko niahsantan yog kaha gaya hai -

1 . yadi lagn ya chandrama ya guru se panchmesh 6ah8ah12ven sthan men ho.

2. yadi lagn ya chandrama ya guru se pancham bhav men pap grah sthit ho ya drisht ho aur us par koi shubh prabhav n ho.

3. yadi lagn ya chandrama ya guru se pancham bhav papakartari yog men ho.

4. yadi chandrama pancham bhav men visham rashi men ho aur us par surya ki drishti ho.

5. yadi lagn men pap grah ho, lagnesh panchamasth ho, panchmesh tritiyasth ho aur chandrama chaturth bhav men ho.

apni kundli men sabhi dosh ki jankari paen kampalit dosh riport men

‘‘saravli’’ men kaha gaya hai ki yadi chandrama kisi bhav se chathe bhav men ho to us bhav ke karakatva ka nash karta hai jisse vah chatha hai athva us bhav se jis sanbandh ka sanket hota hai, uski ayu ko kshin karta hai. arthat chandrama yadi pancham bhav se chathe bhav yani dasham bhav men ho to pancham bhav ke karakatva yani santan ka nash karta hai ya uski ayu ko kshin karta hai. ‘‘sarvarth chintamni’’ men bhi kaha gaya hai ki yadi chandrama dasham bhav (pancham se chatha bhav) men ho, shukra yadi saptam bhav men ho aur chaturth bhav men pap grah ho tatha lagnesh budh ke sath ho to parivar ki vriddhi nahin hoti. ‘‘pap grah’’ -

1. yadi 12ven (pancham se athvan bhav) men ho to santan ki ayu kam hoti hai ya santan hi nahin hoti.

2. yadi 8ven bhav men ho to dvitiya bhav yani kutunb bhav par pap drishti ke karan santan ka nash hota hai.

3. yadi chaturth bhav (pancham se dvadsh) men ho to pancham ke karakatva yani santan ka nash karta hai. udaharan kundliyan - prastut shodh men kuch mahilaon ki kundliyon men upar varnit yogon ko parkha jayega jo ye batayenge ki jatkon ko santan nash ka samna kyon karna pada. udaharan 1ah 9 mai 1965, 11ah00 kanpur vishleshan -

1. lagn par ketu ki drishti hai.

2. pancham bhav men ketu sthit hai.

3. shani ashtam bhav men hai aur panchmesh mangal v lagnesh chandrama par drishti dal raha hai.

4. chandrama se panchmesh v santan karak guru, rahu ketu aksh par hai.

5. guru se panchmesh budh nich ka ho gaya hai. udaharan 2ah 11 aktubar 1963, 19ah00, shimla vishleshan -

1. lagnesh mangal par shani v rahu ki drishti hai.

2. panchmesh surya ashubh budh ke sath chate sthan men hai aur us par dvadshesh guru ki drishti bhi hai.

3. karak guru dvadasth hai aur us par tritiyesh v shashtesh budh tatha shani ki drishti hai.

4. dasham bhav men shani sthit hai.

5. chandrama se panchmesh mangal par rahu v shani ki drishti hai.

6. guru se panchmesh chandrama par shani ki drishti hai. udaharan 3ah 3 farvri 1971, 02ah00, patna vishleshan -

1. lagnesh mangal shashthesh bhi hai.

2. lagn v guru se panchmesh v santan karak guru hi hai jo shashthesh mangal se yuti kar raha hai.

3. chaturth bhav men rahu sthit hain.

4. dvitiya kutunb bhav par ketu ki drishti hai.

5. chandrama se panchmesh surya par shani ki drishti hai. udaharan 4ah 2 janvri 1964, 05ah35, gudganv vishleshan -

1. lagnesh mangal ashtamesh budh ke sath v rahu-ketu ke prabhav men hai.

2. panchmesh v santan karak guru par shashthesh mangal ki pap drishti hai.

3. ashtam bhav men rahu sthit hain.

4. pancham bhav par tritiyesh shani v shashthesh mangal ki drishti hai. 5. chandrama se panchmesh mangal ashtamesh budh ke sath v rahu-ketu ke prabhav men hai. 6. guru se panchmesh chandrama par shani ki drishti hai. udaharan 5ah 22 mai 1969, 15ah20, puna vishleshan -

1. lagnesh budh dvadshesh surya ke sath hai v ashtamesh mangal se drisht hai.

2. lagn v guru se panchmesh shani ashtam bhav men nich ka hai.

3. ashtam bhav men shani sthit hain.

4. santan karak guru, rahu ketu ki pakar men hai.

5. chandrama se panchmesh mangal par rahu ki drishti hai. nishkarsha: uprokt kundliyon ke vishleshan se spasht ho jata hai ki prastut shodh men jin yogon ko parkha gaya hai, unmen se adhikatar yog in kundliyon men vidyaman hain jo spasht sanket deete hain ki santan nash ke liye ye yog ullekhniya bhumika ada karte hain. in yogon men se do ya adhik karnon se jatak niahsantan rah jata hai ya uske santan nash ka bhay rahta hai.

atah kisi jatak ki janm kundli men yadi uprokt yog dikhai dete hain to niahsankoch jatak ko santan nash ke prati savdhan ho jana chahiye taki uchit upay karke apne jivan ko santan ki khushi se vanchit hone se bacha sake. santan gopal mantra ka vidhivat path karna hi aise jatkon ke liye sarvottam upay hai.