adhunik jivnshaili, khan-pan ki adten, motapa, tanav ye vo vajah hain jinki vajah se madhumeh ke mamle barhte ja rahe hain. madhumeh ke rogiyon ki sankhya ke lihaj se ham duniya men tisre nanbar par hanai. rog kisi ko bhi ho sakta hai, chahe am admi ho ya koi femas selibriti fir vah chahe koi kriket star ho, koi futbal khilari ya fir koi film star. bharat hi nahin duniya men aisi kai bari hastiyan hain jinhonne apne sharirik shram aur khan-pan ki adton men sudhar ke sath apne madhumeh ko puri tarah se niyantran men rakha hua hai. aiye ham apka parichay karate hain kuch aisi hi hastiyon se, jinhonne daybitij ko hara diya hai. kamal hasan mashhur film kalakar, nirmata aur nirdeshak kamal hasan daybitij rog se grast hain. kamal hasan dakshin bhartiya sinema ke alava bolivud men bhi kai charchit aur safal film bana chuke hain.
inki kai filmen safal hui hain. kamal hasan ko kai neshanal avard bhi mil chuke hain. film abhineta kamal hasan daybitij se pirit avashya hanai lekin unhonne is rog ko kabhi khud par havi nahin hone diya. aj kamal hasan dakshin bharat men daybitij ke prati logon ko jagruk karne ke lie isse jure karyakramon men barh-charhakar hissa lete hain. unhonne daybitij ko lekar ek vebsait bhi shuru ki hai jo is rog ke prati sabhi ko sachet karne ka karya kar rahi hai. sonam kapur bolivud ka ek aur jana pahchana nam sonam kapur hain. sonam kapur apni shararton, apne faishan trend ke lie khas jani jati hain. apni kuch filmon men apne abhinay ki chap chorakar sonam kapur ne bolivud men apni jagah sunishchit kar li hai. ye jab bolivud men ai thin to barha hua vajan aur madhumeh jaisa khatrnak rog inke samne ek chailenj ke rup men samne aya.
is rog se darne ke sthan par inhonne iska datakar mukabla kiya. inhonne yathasanbhav khan-pan, jivnshaili men badlav kiya aur sahi samay par insulin li jisse ye madhumeh jaisi bimari ko kantrol kar sakin. propar parhej se aj sonam apne shugar rog ko niyantran men rakhne men safal ho chuki hanai. n keval inhonne apne motape ko kam kiya, balki daybitij rog ko bhi beasar kar diya. apne isi sahas aur uchch manobal ke karan aj sonam kapur ka nam bahut bari abhinetriyon men liya ja raha hai. sudha chandran film abhinetri sudha chandran jo ki kar eksident men apna pair jane ke bavjud shandar nritya karti hain evan jinhonne ‘nache mayuri’ men jabardast abhinay karke hindi sinema ke darshakon par kabhi n mitne vali chap chori thi, pichle kai varshon se madhumeh rog se larai lar rahi hain.
parantu jis prakar inhonne apna pair jane ki ghatna ko ek chunauti mana aur ek pair se nritya jagat men saflta hasil kar, nae kirtiman sthapit kiye usi prakar madhumeh ko bhi apne niyamit vyayam aur sankalp shakti se apne kantrol men rakha hua hai. aj sudha bahut chust durust hain. vasim akaram vasim akaram pakistan ke prasiddh gendbajon men ek rahe hain. inhen bahut achche sving bolar ke rup men jana jata hai. kriket kariyar ki shuruat men hi inko daybitij ho gaya tha. ve jab 30 varsh ke the tab unhen madhumeh ki bimari ka pata chala. yah unke lie kisi sadme se kam nahin tha ki jo sving ke badshah kahe jate hai unhen madhumeh jaisi bimari ho gai hai. bahrhal, is bat se unhen koi fark nahin para aur unhonne is bimari se larne ka soch liya. unhonne apne ahar par niyantran rakha aur roj vyayam kiya aur sath hi insulin bhi lagvai.
aj vasim akaram antarrashtriya kriket men kai kirtiman sthapit kar chuke hanai aur vartaman men kriket kamentetar hain aur daybitij ke prati logon ko jagruk karne vale mishan men bhi barh charhakar hissa lete hain. gaurav kapur gaurav kapur ek prasiddh chainal ke vi.je. aur ai. pi. el. ekstra innings ke host bhi hain. inhen 22 sal ki umra men pata chala ki ye madhumeh jaisi bimari se grasit hain. jab inhen is bimari ka pata chala to inhonne isse mukabla karne ka man bana liya. inhonne yog aur sadhna ka sahara liya jisse ye fit rahen aur apne khan-pan par niyantran rakha. favad khan film khubsurat men sonam kapur ke sath najar ane vale pakistani film abhineta favad khan bhi daybitij se pirit hain. favad ko yah rog 17 sal ki umra men hi lag gaya tha.
pakistan ke bad bharat men bhi dhum machane vale favad ne insulin, apni dinacharya aur khan-pan ko vyavasthit karke is rog ko puri tarah se kabu men rakha hai. aj bhi favad niyamit do ghante jim men bitate hain. aiye janen ki in selibritij ko madhumeh rog akhir kyon hua? jyotish ke aise kaun se yog hain aur karan hain jinke karan itni adhik vyast jindgi jine ke bavjud ye selibritij madhumeh rog se pirit hain kyonki is bat se ham sabhi sahamat hanai ki jyotish ka upyog karke, ham sabhi apni jindgi ke bare men bahut si chijon ko nirdharit kar sakte hain. jo sabhi ke lie sabse adhik sanvednshil hain, unmen se ek svasthya hai. janm kundli ke madhyam se ap apni jindgi men behatar sudhar karne ka prayas kar sakte hain. vaidik jyotish men chikitsa jyotish ko bahut mahatvapurn mana jata hai.
medikal jyotish hamen ek vyakti ke svasthya ke bare men bahut kuch batata hai. kai bar doktar kisi vyakti ki chikitsa samasya ka thik se nidan karne men asamarth rahte hain. aisi sthitiyon men ek kushal jyotishi apki bimari ya bimari ka vishleshan karne men apki sahayta kar sakta hai. ek kushal jyotishi apko vishisht bimari aur apke sharir ka hissa prabhavit hone ke bare men bata sakta hai. brihaspati yakrit ke lie karak grah hai. kundli men madhumeh dekhne ke lie shukra aur chandrama ki sthiti ka vichar kiya jata hai. sharir ke antrik angon men shukra gurde ka pratinidhitva karta hai aur chandrama agnyashay. madhumeh apke pet men hone vali sabhi chijon se sanbandhit hai. madhumeh ke bare men jankari ekatra karne ke lie panchven aur chathe ghar ka bhi vishleshan avashyak hai.
satik hone ke lie, ham brihaspati, shukra, panchven ghar aur kundli men chathe ghar ka vishleshan karte hain. madhumeh rog se grast ho jane ke bad isse chutkara milna mushkil ho jata hai, han ise niyantrit kiya ja sakta hai aur vyadhi ke mamle men iska niyantran hi iska ilaj hota hai aur ayurved men iska ilaj sanbhav hai. darasal rakt men sharkara ka star barhne ke karan hi vibhinn rog tatha sharirik nuksan hota hai. atah yadi ise niyantrit rakha jae to vyakti madhumeh ka rogi hote hue bhi apni puri ayu bina kisi samasya ke ji sakta hai. iska sabse achcha udaharan uprokt selibriti hain jo ham sabhi ke lie ek prerna srot ban sakte hain.