ek svasth manushya jo sadharan sharirik shram bhi karta hai to din men 400 gram karbohaidret, 75-100 gram ke lagabhag protin aur itna hi fait leta hai. is bhojan se lagabhag dhai-tin hajar ke lagabhag kailorij vah le leta hai. parantu yadi vahi manushya sada savari men chalne lage, paidal chale hi nahin, dusra koi sharirik shram bhi n kare jaise ki prayah dhanadhya vyakti karte hain to itna hi bhojan unke lie medovardhak ho jata hai.
udaharan ke lie yadi koi manushya 1 auns fait roj hi jarurat se jyada leta rahe to ek varsh men uska bhar 20 paund barh sakta hai. madhya ayu ke bad adhikatar log karbohaidret aur fait ko adhik matra men lete hain aur ye hi med ko adhik barhane vale hote hain. striyan purushon ki apeksha adhik arampsand aur asnshil hoti hain atah medo vriddhi ka rog unmen purushon ki apeksha adhik hota hai.
- purushon men medo vriddhi dhar men hoti hai aur striyon men medo vriddhi visheshtah tangon tatha dhar ke nichle bhag men hoti hai. is medo vriddhi ki ganna sharir bhar suchkank th d p se ki ja sakti hai. bmi = weight (kg) __________________ (height in metre)2 jab yah anupat 25 kilogram/mi2 aur 30 kilogram/mi2 ke bich ho to motapa purva sthiti men aur jab yah 30 kilogram /mi2 se adhik ho to motapa kaha jata hai. ayurved ke matanusar vyayam n karne se, din men sone se, kafavardhak ahar lene se vyakti men madhur ann ras adhik matrra men banta hai aur us ras se med dhatu ki vriddhi hoti hai aur med ke karan marg rukne par anya dhatuon ka poshan nahin ho pata, keval med hi barhta rahta hai.
adhunik matanusar adhastvachiya aur gahre uttakon men adhik matra men vasa ke sanchit hone ko obaisiti (medo vriddhi) kahte hain. bhojan dvara prapt urja (kailori) ka kharch karne ki apeksha adhik matra men grahan karne se yah rog hota hai. iske karnon ko do bhago men vibhakt kiya jata hai. bahya karn: adhik kailori yukt bhojan karna, kam sharirik karya karna tatha aramatalab jindgi vyatit karna.
2. antrik karan - ismen antahsravi granthiyon men kami a jati hai bhale hi rogi kam kailori yukt bhojan le raha ho. kuch logon men bahya v antrik donon ke karan upasthit rahte hain aur yah rog prayah vanshanugat hota hai. lakshana: sthul vyakti sabhi dainik kriyaon men asamarth ho jata hai. kshudra shvans (hanfna) se pirit rahta hai arthat jara si mehanat karne par uski sans fulne lagti hai. trisha, moh tatha atinidra se yukt vyakti durgandhit pasine se pirit rahta hai tatha alp shakti se yukt purush maithun karm men asamarth ho jata hai. is prakar ke vyaktiyon ke udar v asthiyon par med charh jata hai
jiske karan aise vyaktiyon ka pet bara ho jata hai. med ke barhne ke karan koshth men vayu ghumti hui jathragni ko barha deti hai jo ahar ka shighra pachan karakar rogi ki bhukh barha deti hai. medo vriddhi ke svasthya par prabhav
1. uchch raktachap: sthul vyaktiyon ke vasiya uttakon men rakt ka ayatan evan sanchar barh jata hai jiske karan hriday ka karya bhar barh jata hai. isse dhamniyon ki divaron par rakt ka dabav barh jata hai jisse vyakti ka rakt dab ya rakt chap barh jata hai. uchch rakt dab sodiyam ke lebal ke barhne evan dhamniyon ke mote hone se bhi barh jata hai.
2. madhumeh - medo vriddhi ek bara karan hai taip-2 madhumeh ka jo bachchon men payi jati hai. ismen sharir barhi hui rakt sharkara ko kam karne ke lie insulin ki matra ko barhata hai. parinamasvarup insulin ke prati pratirodhak kshamata utpann ho jati hai aur rakt ka sharkara leval barh jata hai. is karan ek madhyam medo vriddhi ke vyakti men bhi madhumeh rog hone ki ashanka barh jati hai. is rog ke hone ki prablta aur barh jati hai yadi uske mata-pita men se ek men bhi madhumeh ka itihas raha ho.
3. dhamni kathinya: yah rog mote vyaktiyon men adhikanshtah paya jata hai. is rog men dhamniyane men vasa ka jamav ho jata hai jiske karan dhamniyan patli ho jati hain. patli ya sankuchit dhamniyon men rakt ka sanchar kam ho jata hai jiske karan hriday shul aur dil ka daura parne jaise rog ho jate hain.
4. kharrate bharna: slip epniya ya kharrate bharna samanyatah sthul vyaktiyon men dekhi jati hai. yah thore samay ke lie shvans ko rok deta hai, jisse vyakti rat men so nahin pata hai aur isi karan vah vyakti tej kharrate bharta hai aur din bhar sota rahta hai.
5. mansik samajik prabhav: medo vriddhi vyaktiyon par aksar unki sthiti ke lie arop lagaye jate hain ki ve sust evan kamjor ichchashakti vale hote hain. samajik taur par unka uphas uraya jata hai jisse unmen avsad (dipreshn) paida ho jata hai.
chikitsa: is rog ki pratirodhak chikitsa hi asan hai. is rog ke barh jane par iski chikitsa karna kathin hota hai. jab bhi sharir bhari hone lage tabhi uska upay karna chahiye. sharir men li jane vali kailorij ko kam kar dena chahiye tatha nitya pratidin kuch n kuch vyayam ya sharirik shram karna aranbh kar dena chahie.
aise vyakti ko protin tatha sag sabjiyon aur falon ko mukhyatah ahar ke rup men grahan karna chahie. adhik kailori vale bhojnon ka jaise khand, mithai, ghi, kek, chaeklet, pestri, alu, chaval adi ka parhej rakhna chahie. rakt men kolestrael ki matra 200 mi.li./pra.s. se niche rakhna chahie kyonki 250 mili./pras. se upar ho jane se hart ataik ki ashanka rahti hai. ahar chikitsa: medo vriddhi rog ke barh jane par svalpahar chikitsa hi iski pradhan chikitsa hai arthat apne adarsh bhar ke lie jitni kailori chahie ho usse kuch kam kailori li jae to sharir halka ho jata hai.
isse kitna bhar kam hota hai iska faermula yah hai ki avashyak kailori men se jitni kailori li ja rahi ho use ghatakar use 4000 se bhag de den, jo bhagafal ae utne paund dainik bhar ki kami ho jati hai. udaharan ke lie adarsh bhar ke anusar 2500 kailori avashyak hai aur rogi keval 1500 kailori roj lene lage to pratidin uska bhar kam ho jata hai arthat saptah men lagabhag 1-1) paund bhar kam hone lagta hai.
sadharntah prati kilo bhar ke piche 35 kailori ka bhojan diya jata hai. yadi uske sthan par 20 kailori ka ahar hi diya jane lage to rogi ki sthulta kam hone lagti hai. is prakar yadi adarsh bhar 60 kilogram rogi ka ho to use 2500-3000 kailori ke sthan par pratidin 1500 kailori ke lagabhag ka ahar hi milna chahie jismen protin ahar use adhik bhi diya ja sakta hai arthat pratikilo ke piche 1 se 1) gram diya ja sakta hai.
is prakar use 70-100 gram ke lagabhag protin ahar roj diya ja sakta hai. karbohaidret bhojan use isse kuch jyada arthat 125-150 gram tak roj diya ja sakta hai. fait use prati kilo bhar ke badle adhe gram ke lagabhag arthat 30-35 gram dainik diya ja sakta hai. is prakar dene se use dainik 12-15 sau kailori ka ahar roj diya ja sakta hai. isse saptah men uska 1-1) paund bhar kam kiya ja sakta hai.
15 sau kailori bhojan ke lie pratidin rogi ko din bhar men 1 paeint sapreta dudh, 4-5 gehun ke sadharan khushk fulke, 10 pra.shkarbohaidret vali koi sabji, adha ser tak, koi mausmi-santra adi fal 1 pav tak, tel ya ghrit ) auns tak diye ja sakte hain. chay, kaefi adi bhi diye ja sakte hain. namak ki matra kam arthat 2-3 gram tak honi chahie. khand ke sthan par saikrin ka prayog karna chahie.
din men 2 bar bhojan ke sthan par use chahie ki din bhar men 5-6 bar svalpahar le. upvas chikitsa: jo rogi upvas rakh sakta ho use 4-14 din ka purn langhan kara liya jae to rogi ka 1) se 2 paund bhar pratidin ghat jata hai. rogi ko pahle din kuch kasht hota hai. bad men rogi ki bhukh svayan mar jati hai. upvas ke samay keval jal ya ninbu mishrit jal diya ja sakta hai.
upvas ke bad bhi rogi ko uparyukt svalpahar par rahna chahie ya saptah men ek din ka purn langhan karna chahie vyayam chikitsa vyayam ya bhraman se adhik kailori kharch hoti hai. udaharan ke lie 1 ghante bhraman se 120-140 kailori kharch hoti hai. parantu ) auns fait ya ek choti roti se ye kailori purn ho jati hai. atah keval vyayam se labh nahin ho sakta. svalpahar chikitsa ke sath isse labh ho sakta hai. par sthul rogi ek to vishesh kisi kisi vyayam ko kar nahin sakta. yadi vah vyayam kuch karta bhi hai to bhukh ke barh jane se uske ahar ke barh jane ka bhay rahta hai. aushdhi chikitsa: ayurved ke anusar medo vriddhi rog kaf dosh ke karan hota hai.
atah kaf rodhak aushdhiyon ka prayog kar is rog ki chikitsa nimn yogon men se kisi ka prayog karke ki ja sakti hai:
1. pratidin ek gilas garm pani men ninbu athva shuddh madhu dalakar pratah kal pine se ek varsh men samanya sthul rog ka nash ho jata hai.
2. trifla kvath men madhu dalakar lanbe samay tak lene se motapa dur hota hai.
3. bahut adhik sthul kintu durbal rogiyon ko trimurti ras, nirgundi patra svaras v madhu se dene se rog men labh hota hai.
4. tryushnadi lauh ya medohar vidangadi lauh- 125 se 250 uh madhu ya garm pani se sevan karen. iske sath bhojnottar takrarisht yavakshar ya jamvaridrav 15 se 20 us ki matra men barabar pani milakar prayog karen. bahya parimarjan men haritki churn ka udvartan (malish) karen v mahasugandhit tel ka abhyang karen.
5. tryushnadi lauh 250-500 uh subah rat bhojan se purva den. shatavri mandur ya arogya vardhini 2 goli bhojnoprant tatha sabhi medovardhak padarth v lavan ka parityag karen. sapreta dudh (bina fait vala) ka prayog bhi labhaprad hai.
6. medohar vidangadi lauh 250 se 500 mi.gra0 gaumutra ke sath dena labhakar hai.
7. obenyl (charak pharma) ki 2-2 goli din men tin bar garm pani se lene se labh hota hai. 8. medohar gugul (vaidyanath) ki 2-2 goli subh-sham garm pani se lene se labh hota hai.