ghar men faldar vriksh evan pipal kalah evan ashanti ka karan pan. gopal sharma (bi.i.) kuch mah purva pandit ji gurganv ke ek vyapari ke yahan vastu parikshan karne gae the. unse milne par unhonne bataya ki jab se unhonne apna naya ghar banaya hai tabhi se vyapar men hani evan sabhi karyon mane rukavten v vilanb hota rahta hai. unka svasthya bhi thik nahin rahta hai. bachchon ki parhai men bhi giravat honi shuru ho gai hai. bara beta apni manmani karta hai aur usse vaicharik matbhed ki vajah se ghar men mansik tanav bana rahta hai. vastu parikshan karne par pae gae vastu dosh - unke ghar ka uttara-purva kona kata hua tha jo ki arthik hani, parivarik unnati evan sukh-samriddhi men badhak hota hai. - dakshin-pashchim men shauchalay hona ghar ke malik ke svasthya sanbandhi pareshaniyon tatha anavashyak kharchon ka karan hota hai. - purva men sidhiyan vikas men badhak hoti hain (mukhyatah bachchon ke) tatha chati sanbandhi rog hone ki ashanka rahti hai. - rasoi men uttara-purva men gais tatha dakshin-purva men pani hona ghar men vaicharik matbhed hone ka karan hota hai. - bare putra ka shayan kaksh dakshin-pashchim men hone ki vajah se vah apne pita par havi rahta hai. - ghar men faldar vriksh (am, jamun) tatha pipal hona ashubh hota hai jisse kalah v ashanti bani rahti hai. sujhav - uttara-parvu m ne kat e kane e ka e matai l ka pargale a banakar thik karne ko kaha, jisse ghar aytakar ho sake. - dakshin-pashchim men bane shauchalay ko pashchim ke kone men banane ko kaha gaya. - purva men bani sirhiyan hatvane ko kaha aur uttara-pashchim men bani sirhiyon ko hi istemal karne ko kaha gaya. - rasoi men gais ko dakshin-purva tatha sink ko uttara-purva men sthanantrit karne ko kaha. - bete ko pashchim men bane kamre men tatha unko dakshin-pashchim ke kamre men rahne ko kaha gaya. - unke ghar men lage am, jamun v pipal ke per (jo ki abhi jyada bare nahin hue the) ko hatvakar sarvajnik park men lagvane ko kaha gaya. pandit ji ne unko ashvasan diya ki sabhi sujhavon ko karyanvit karne ke pashchat unhen avashya labh milega.
Kya aapko lekh pasand aaya?
Subscribe