manikya surya ratn manikya surya ke shubh fal prapti hetu dharan kiya jata hai. manikya ka adhik mulyavan rang vah hota hai, jo kabutar ke rakt ke saman ho. barma ka manikya apna vishisht sthan rakhta hai. vibhinn sthanon se prapt manikya ke rangon men bhi antar hota hai. barma se prapt manikya ka rang syam ke manikya se kam gahra hota hai. shri lanka se prapt manikya ke rangon men kuch pilapan hota hai. sabse uttam jati ke manikya uttari barma ke mogol namak sthan se prapt hote hai. syam men manikya bainkaek ke nikat chantaban namak sthan men paye jate hain. yahan ye retili mitti men prapt hote hain. barma ke manikya ki khadanen sabse purani mani jati hain. sansar ke sabse uttam aur bare manikya yahin se prapt hote hain. barma men manikya aur nilam donon paye jate hain. barma ke manikya ki kimat adhik hoti hai. pashchatya deshon men bhi prachin kal se manikya bahut upyogi ratn mana jata hai. aisa vishvas tha ki manikya vish ko dur kar deta hai, pleg se raksha karta hai; dukh se mukti pradan karta hai, man men bure vicharon ko ane se rokta hai tatha dharan karne vale par vipatti ane vali ho, to uska rang badal jata hai. manikya pahan kar surya upasna karne se surya ki puja ka fal dugna ho jata hai. surya prabhavit rogon men sir pira, jvar, netra vikar, pitt vikar, muchrcha, chakkar ana, dah (jaln) hriday rog, atisar, agni shastra evan vish janya vikar, pashu evan shatrubhay, dasyu pira, raja, dharm, devta, brahman, sarp, shiv adi ki apratishtha se chitt vikar evan inse bhay adi hote hain; manhani, pita aur putra men vichar nahin milte. rog aur ratna: ratnon ka prabhav is karan adhik hota hai ki unmen se niklne vala rang ghanibhut, avastha men hota hai. islie ratnon athva maniyon ka svasthya par gahra prabhav parta hai. rang chikitsa ka adhar bhi yahi siddhant hai. hriday aur ratna: surya vyay ka pratinidhi hai. ratnon men vah manikya ka pratinidhi hai. islie vyakti ko surya ko bal dene ke lie manikya dharan karna batate hain. hriday ke sabhi prakar ke kashton, athva rogon men sone ki anguthi men manikya pahnna labhdayak mana gaya hai. manikya ki pishti aur bhasm donon aushdhi ke rup men upyog men ate hain. manikya raktavardhak, vayunashak aur udar rogon men labhkari hai. manikya ke bhasm ke sevan se ayu men vriddhi hoti hai. ismen vat, pitt, kaf ko shant karne ki shakti hai. yah kshay rog, dard, udar shul, chakshu rog, koshthabaddhata adi dur karta hai. iska bhasm sharir men utpann ushnata aur jalan ko dur karta hai. bhav prakash evan ras ratn samuchchay ke anusar manikya kashay aur madhur ras pradhan dravya hai. yah shitltadayak hai aur netra jyoti ko barhane vala hai tatha agni, dipak, kaf, vayu tatha pitt ka shaman karta hai.
Kya aapko lekh pasand aaya?
Subscribe